19 04 2024

$

394.07
4.19
€

420.75

+23.09 ^oC

Ամենաթանկը, ամենազարմանալին ու անհասկանալին (մաս 3-րդ)

ՄՇԱԿՈՒՅԹ ԵՎ ԱՐՎԵՍՏ

18:00 16.02.2018

Շարունակենք ծանոթանալ ամենաթանկ լուսանկարների լավագույն տասնյակին: Shantnews-ն արդեն ներկայացրել է դրանցից վեցը այս հոդվածի 1-ին և 2-րդ մասերում:

Ահա՝ ևս չորս լուսանկար, որոնք ձեռք բերելու համար գնորդները գումար չեն խնայել:

«ԱՆԱՆՈՒՆ ԹԻՎ 153» (1985) — 2,7 մլն դոլար

Լուսանկարիչ` Սինդի Շերման (Cindy Sherman)

Մի առիթով Սինդի Շերմանը խոստովանել է, որ ինքն ամենաշատը վախենում է սարսափելի մահով մեռնելուց: Նրա մեկնաբանությամբ Թիվ 153 լուսանկարը մահվան գաղափարի հետ հաշտվելու փորձ է: «Պետք չէ վախենալ ու փախցնել հայացքը, սա ընդամենը բեմադրություն է, հեքիաթ», — ասել է Շերմանն իր այս լուսանկարի մասին:

2010 թվականին մոտ երկու մետրանոց լուսանկարը վաճառվել է 2 մլն 700 հազար դոլարով:

«ԲԻԼԼԻ ՔԻԴ» (1879-1880) — 2,3 մլն դոլար

Անհայտ հեղինակ

19-րդ դարի վերջին հանրահայտ հանցագործ Բիլլի Քիդի՝ ֆեռոտիպի մեթոդով արված լուսանկարը 2011 թ. 2 մլն 300 հազար դոլարով գնեց ամերիկացի մի հավաքորդ: Լուսանկարի աստղաբաշխական գինը պայմանավորված էր ոչ թե դրա գեղարվեստական արժեքով, այլ եզակիությամբ: Այն Բիլլի Քիդի միակ պաշտոնապես հաստատված լուսանկարն էր:

«ՏՈԲՈԼՍԿԻ ԿՐԵՄԼԸ» (2009) — 1,7 մլն դոլար

Լուսանկարիչ` Դմիտրի Մեդվեդև

Դմիտրի Մեդվեդևի (այո, խոսքը Ռուսաստանի վարչապետի մասին է, բայց այն ժամանակ նա ՌԴ նախագահն էր) «Տոբոլսկի Կրեմլը» լուսանկարը վաճառվել է «Սուրբ Ծննդյան այբուբեն» բարեգործական աճուրդում: Սովորաբար այդ աճուրդում վաճառքի են հանվում նշանավոր քաղաքական գործիչների հեղինակած նկարները: Այսպես` 2009 թվականին Վլադիմիր Պուտինի մի գծանկարը բարեգործական այդ հիմնադրամին 37 մլն ռուբլի էր բերել:

«ՄԵՐԿ ՄԱՐՄԻՆ» (1925) – 1 մլն 600 հազար դոլար

Լուսանկարիչ` Էդուարդ Ուեսթոն (Edward Weston)

Ամերիկացի լուսանկարիչ Էդուարդ Ուեսթոնի լուսանկարներին հատուկ են հստակ, խիստ ընդգծված պատկերները: Նա պատկերում է անսպասելի օբյեկտներ, որոնց յուրաքանչյուր մարդ կարող է իր սեփական մեկնաբանությունը տալ կամ հասկանալ յուրովի: «Մերկ մարմին»-ն էլ բացառություն չէ: Նայելով լուսանկարին, միանգամից չես հասկանում, թե ինչ է պատկերված: Գուցե մա՞րդ է, կամ քանդա՞կ, կամ էլ` բնապատկերի մի հատվա՞ծ

2008 թվականին Սոթբիսի աճուրդում այս լուսանկարը վաճառվել է 1 մլն 600 հազար դոլարով:

Հոդվածում օգտագործված են Իգոր Սկրիննիկովի գրառումները:

Բաժանորդագրվեք SHANTNEWS.am-ին Telegram-ում

Բոլոր լուրերը

11:34 19.04.2024
G7 երկրները կքննարկեն ապրիլի 19-ին Իրանի վրա Իսրայելի հարձակման շուրջ ստեղծված իրավիճակը

Կապակցված լուրեր

10:59 19.04.2024

Քննարկվել են ՀՀ ոչ նյութական մշակութային ժառանգության՝ անհապաղ պաշտպանության կարիք ունեցող և կենսունակ արժեքների առաջարկները

ՀՀ ԿԳՄՍ նախարարությունում տեղի է ունեցել նախարարին կից ոչ նյութական մշակութային ժառանգության հարցերի մասնագիտական խորհրդի հերթական նիստը: Նիստը վարել է խորհրդի նախագահ, երաժշտագետ Հռիփսիմե Պիկիչյանը: Հանդիպմանը քննարկվել են Հայաստանի Հանրապետության ոչ նյութական մշակութային ժառանգության՝ անհապաղ պաշտպանության կարիք ունեցող և կենսունակ արժեքների ցանկերում Հայաստանի տարբեր համայնքների, գիտական և մշակութային կազմակերպությունների ներկայացրած առաջարկները: Խորհրդի անդամները հանդես են […] ...

09:29 19.04.2024

Կոմպոզիտոր Անդրանիկ Բերբերյանը մրցանակի է արժանացել «Ամերիկացի» ֆիլմի երաժշտության համար

Կոմպոզիտոր, երաժշտական պրոդյուսեր Անդրանիկ Բերբերյանը «Անահիտ» 4-րդ մրցանակաբաշխության շրջանակում արժանացել է մրցանակի «Ֆիլմի լավագույն երաժշտություն» անվանակարգում։ Նա մրցանակը ստացել է Օսկարի առաջադրված «Ամերիկացի» (2022, ռեժիսոր՝ Մայքլ Գյուրջյան) ֆիլմի երաժշտության համար։ Նույն անվանակարգում առաջադրված էր նաև կոմպոզիտորի «Յաշան և Լեոնիդ Բրեժնևը» (2023, ռեժիսոր Էդգար Բաղդասարյան) ֆիլմի երաժշտությունը։ Վերջին ֆիլմն արժանացել է Լավագույն հնչյունային ձևավորում մրցանակին, հնչյունային […] ...

18:55 18.04.2024

Հուշարձանների հանդեպ վերաբերմունքը և ճանաչողությունը պետք է դառնան կրթության բաղադրիչ. Ժաննա Անդրեասյան

Այսօր Հուշարձանների և տեսարժան վայրերի միջազգային օրն է։ Ի նշանավորումն օրվա՝ Գեղարքունիքի մարզի «Բերդկունք» («Սպիտակ բերդ») ամրոցում ՀՀ ԿԳՄՍ նախարար Ժաննա Անդրեասյանը և Եվրոպական միության պատվիրակության ղեկավար Վասիլիս Մարագոսը պատվոգրեր են հանձնել «Եվրոպական ժառանգության օրեր» ծրագրի «Եվրոպական ժառանգության երիտասարդ կերտողներ» մրցույթի մասնակիցներին: Այցին ներկա է եղել նաև ԿԳՄՍ նախարարի տեղակալ Ալֆրեդ Քոչարյանը: Նախարար Ժաննա Անդրեասյանը […] ...

11:35 18.04.2024

Վենետիկի արվեստի միջազգային 60-րդ բիենալեին Հայաստանը կներկայանա պաշտոնական տաղավարով

Վենետիկի արվեստի միջազգային 60-րդ բիենալեի Հայաստանի պաշտոնական տաղավարը, որը գտնվում է «Մագազինո դել սալե» հարթակում, պատրաստվում է ընդունել այցելուներին։ Տաղավարի բացման արարողությանը մասնակցելու նպատակով Վենետիկում են գտնվում ՀՀ ԿԳՄՍ նախարարի տեղակալ Դանիել Դանիելյանը և Ժամանակակից արվեստի վարչության պետ Սվետլանա Սահակյանը, որը նաև Հայաստանի պաշտոնական տաղավարի համակարգողն է: Ապրիլի 17-ին նախարարի տեղակալ Դանիել Դանիելյանը շրջել է […] ...

10:47 18.04.2024

Ինչպես տարբերել պատմության և մշակույթի հուշարձանները. այսօր հուշարձանների և տեսարժան վայրերի միջազգային օրն է

Ապրիլի 18-ը ՅՈՒՆԵՍԿՕ-ի կողմից հռչակվել է Հուշարձանների և տեսարժան վայրերի միջազգային օր: Այս տարի այն նշվելու է «Աղետներ և հակամարտություններ Վենետիկի խարտիայի պրիզմայի միջոցով» խորագրի ներքո։ Հայաստանն ունի պատմական, գիտական, գեղարվեստական, մշակութային արժեք ներկայացնող շուրջ 25.000 հուշարձան, հիշեցնում է ՀՀ ԿԳՄՍ նախարարույթունը: Ինչպե՞ս տարբերել՝ այս կամ այն քանդակը, խաչքարը, վանական համալիրը, ամրոցը պատմության և մշակույթի […] ...

17:48 17.04.2024

Հայաստանում 25 հազար հուշարձան կա. ապրիլի 18-ը հուշարձանների պահպանության օրն է

Հուշարձանների և տեսարժան վայրերի միջազգային օրվան ընդառաջ՝ Մամուլի ազգային ակումբում տեղի է ունեցել ասուլիս՝ «Հայաստանի և Արցախի պատմության և մշակույթի հուշարձանների պահպանության խոչընդոտները և հնարավորությունները» թեմայով: Ասուլիսի բանախոսներն էին՝ ԿԳՄՍ նախարարության պատմության և մշակույթի հուշարձանների պահպանության վարչության պետ Հարություն Վանյանը, «Պատմամշակութային արգելոց-թանգարանների և պատմական միջավայրի պահպանության ծառայություն» ՊՈԱԿ-ի տնօրեն Արմեն Հովհաննիսյանը և «Պատմամշակութային ժառանգության գիտահետազոտական […] ...

Մենք սոց. ցանցերում

Հետևեք մեզ սոց․ ցանցերում

Հորիզոն լրատվական

Մեր կայքում տեղ գտած հրապարակումների հեղինակային իրավունքը պատկանում է բացառապես shantnews.am-ի խմբագրությանը։ Այլ ԶԼՄ-ներում սույն կայքի հրապարակումներից որևէ մեկը ամբողջական վերահրապարակելու համար անհրաժեշտ է խմբագրության համաձայնությունը: Լրատվամիջոցները կարող են shantnews.am-ից մեջբերումներ վերահրապարակել միմիայն հատվածաբար` պարտադիր օգտագործելով հիպերհղում:

Բոլոր իրավունքները պաշտպանված են
Կայքէջի նյութերի վերարտադրումը, բեռնումը, տարածումը ցանկացած միջոցներով արգելվում է առանց "ՇԱՆԹ ՀԸ" պաշտոնական համաձայնության։.