Արձակուրդ ու արդարություն՝ նախկին զինծառայողների պահանջմունքներն ըստ «Դիտակետ» ծրագրի – ShantNews – Շանթ Հեռուստաընկերություն – Լուրեր – Shant TV Online
TIME
Ամսաթիվ
29 03 2024
  • $
    394.46
  • RUBLE
    4.27
  • 425.62
WEATHER
+11.09 oC

Արձակուրդ ու արդարություն՝ նախկին զինծառայողների պահանջմունքներն ըստ «Դիտակետ» ծրագրի

20:16 03.02.2018

Ծառայությունից վերադառնալուց հետո զորացրված զինծառայողներին այցելած մասնագետները հարցրել են՝ բանակում ո՞ր կերակուրներն էին նախընտրում, որքանո՞վ էր որակով հագուստն ու ճիշտ կազմակերպված կենցաղը, ինչի՞ց են դժգոհ և այլն։ Պաշտպանության նախարարության «Դիտակետ» ծրագրով այս հարցումներին մասնակցել է զորացրվածների 73 տոկոսը։ Այսօր այդ հետազոտության բացահայտումները հրապարակվեցին նրանց մի մասի ներկայությամբ։

«Սրանք մեզ օգնում են պլանավորել քաղաքականություն, հասկանալ, թե որ խնդիրներն են ավելի արդիական։ Նաև քանի որ հարցումը, լինելով անանուն, միևնույն ժամանակ կապված է կոնկրետ զորամասերի հետ, մեզ թույլ է տալիս ըստ զորամասերի հասկանալ, թե որ զորամասում այս կամ այն խնդիրը ավելի լավ է կազմակերպված, որտեղ այս կամ այն խնդիրը ավելի խորն է, որտեղ կա հրամանատարության խնդիր», — նշեց նախարար Վիգեն Սարգսյանը։

Հետազոտության համակարգողը մանրամասնում է՝ այս հետազոտությունը թույլ է տալիս բացահայտել ամբողջ բանակում և յուրաքանչյուր առանձին զորամասում առկա խնդիրները։ Բայց նաև վերլուծում է ինչպես զինծառայությանը նորակոչիկների, այնպես էլ հետագայում՝ հասարակությունում զորացրվածների հարմարվելու հարցերը։ Հանրայինն պատկերացումները, ըստ այս հետազոտության, երբեմն ավելի հոռետեսական են, քան զորացրվածների գնահատականները։

«Հասարակությունում առկա է կարծրատիպ, որ բանակում ծառայում և մարտական հերթապահություն են իրականացնում հիմնականում սոցիալապես ավելի ցածր խմբի ներկայացուցիչները։ Սակայն թվերը ցույց են տալիս, որ տարբեր սոցիալական բարեկեցության աստիճանի խմբերի զինծառայողների ցուցանիշները շատ մոտ են», — ներկայացրեց «Դիտակետի» համակարգող Արմեն Խաչիկյանը։

Ծառայության մեկնել չցանկացողների թվով բնակավայրերից «առաջատարը» Երևանն է, ապա Լոռին, սոցիալական խմբերից՝ ավելի քիչ եկամուտ ունեցողները և ուսանողները։ Ընդ որում՝ որքան ավելի բարձր է կրթական ցենզը, այնքան ավելի քիչ է ծառայելու ցանկությունը։ Բայց զորակոչվելուց առաջ և զորացրվելուց հետո զինծառայության նկատմամբ վերաբերվունքի տոկոսները քիչ են փոխվում։

«Ամենալուրջ խնդիրը, դուք նշել եք, լրացուցիչ արձակուրդներն են։ Մոտավորապես 25 տոկոս նշել եք, որ լրացուցիչ արձակուրդները հիմնականում կամ ընդհանրապես արդար չի եղել։ Զորացրվածները միջինում ամառային համազգեստ ստացել են 3,2 անգամ, իսկ շուրջ 50 տոկոսը գնել է 1-4 անգամ։ Միջինում կիսաճթքավոր կոշիկներ ստացել են 3,4 անգամ, իսկ մոտ 55 տոկոսը գնել է 1-4 անգամ», — նշեց Արմեն Խաչիկյանը։

Հանդիպմանը մասնակցող զորացրված զինծառայողների խոսքով՝ հարցումները հնարավորություն են տվել բարձրաձայնելու այն, ինչի զորամասում չէր ստացվել լուծել։ Որոշակի շեղումներով՝ հետազոտության միջինացված արդյունքները համադրելի են նրանց պատկերացումների հետ, նշում են զորացրվածները։

«Հարցման արդյունքները հիմնականում սպասելի էին, քանի որ այն խնդիրները որ կան իմ զորամասում, կան նաև մյուս զորամասերում»։

«Կային հարցեր, որոնց ես ինքս առաջարկել եմ պատասխաններ, որովհետև ձևաչափը թույլ չէր տալիս այդ պատասխանների։ Ես ինքս հավելյալ պատասխաններ ասել եմ»։

«Հագուստեղենի, արձակուրդների, թեկուզ հեռախոսակապի հետ կապված խնդիրների վերաբերյալ հարցերը, իմ կարծիքով, ամենառաջնայիններն են»։

Հետազոտական ծրագրի համակարգողի խոսքով՝ զորացրվողներին տրվել է առանձին հարց, թե ինչ կհարցնեին կամ կառաջարկեին պաշտպանության նախարարին, եթե հանդիպեին նրա հետ։

«Զորացրվածներից շատերը նշել են հենց արձակուրդի հարցը, որ արձակուրդի կարիք շատ ունեն, ու լրացուցիչ արձակուրդի անհրաժեշտությունը շատ ավելի շատ է», — նշեց Արմեն Խաչիկյանը։

Հետազոտություն իրականացրած ընկերությունը չի մասնակցում վերհանված խնդիրների լուծմանը, սակայն տրամադրում է դրանց մանրամասն վերլուծություն, նշում է ծրագրի համակարգողը։ Իսկ նախարարությունում հիմնավոր փաստային բազան օգտագործում են լուծումներ փնտրելիս ու որոշումներ կայացնելիս։

«Այս կոլեգիայի ժամանակ «Դիտակետի» արդյունքները առաջին անգամ ներկայացրել ենք հրամանատարներին։ Ամեն օր շփվում եմ մեր հրամանատարների հետ՝ և լավագույն զորամասերի, և թերություններ ունեցող զորամասերի, բոլորը ընդունում են, որ այս գնահատականները արտացոլում են զորամասում եղած խնդիրները, հարցերը և այլն։ Իսկ դա շատ կարևոր է․ ուրեմն նաև զգոն են լինելու, այդ խնդիրների նկատմամբ՝ ավելի ուշադիր», — նշեց նախարար Վիգեն Սարգսյանը։

Նախարար Վիգեն Սարգսյանին հարցեր ուղղելու ու առաջարկներ անելու հնարավորություն նույնպես այսօր ունեցան հարցումներին մասնակցած նախկին զինծառայողներին։ Սակայն արձակուրդներից, հագուստից ու կոշիկներից, կենցաղից բացի, հարցերը վերաբերում էին նաև ընդհանուր բանակային թեմաներին՝ ինչպես օրինակ՝ սպառազինության թարմացմանն ու դիրքերի կահավորմանը։

Բոլոր լուրերը

Կապակցված լուրեր

Հայաստանն առաջին անգամ կմասնակցի ԵՄ երկրների խորհրդարանների նախագահների հավաքին

11:34 29.03.2024

Հայաստանն առաջին անգամ կմասնակցի ԵՄ երկրների խորհրդարանների նախագահների հավաքին

Հայաստանն ապրիլին առաջին անգամ կմասնակցի Եվրամիության երկրների խորհրդարանների նախագահների՝ Իսպանիայում կայանալիք հավաքին: «Արմենպրես»-ի փոխանցմամբ՝ այս մասին ասել է Ազգային ժողովի նախագահ Ալեն Սիմոնյանը Հանրային հեռուստաընկերությանը տված հարցազրույցում: «Առաջին անգամ Հայաստանը մասնակցելու է ԵՄ երկրների ԱԺ նախագահների հավաքին, որը տեղի է ունենալու Իսպանիայում գալիք ամսվա կեսերին: Հայաստանն առաջին անգամ է հրավիրված»,–ասել է Սիմոնյանը: ԱԺ նախագահի տեղեկությամբ՝ […] ...

Օդային ճանապարհով փորձ է արվել ՀՀ ներմուծել առանց հայտարարագրման բջջային հեռախոսներ

11:13 29.03.2024

Օդային ճանապարհով փորձ է արվել ՀՀ ներմուծել առանց հայտարարագրման բջջային հեռախոսներ

ՀՀ ՊԵԿ էլեկտրոնային առևտրի և օդային տրանսպորտով իրականացվող փոխադրումների վարչությունում օրերս հայտնաբերվել է մաքսային կանոնների խախտման նոր դեպք։ Աբու-Դաբի-Երևան չվերթով ՀՀ ժամանած քաղաքացին ՊԵԿ Էլեկտրոնային առևտրի և օդային տրանսպորտով իրականացվող փոխադրումների վարչության ուղևորների մաքսային հսկողության բաժնում հատել է «Կանաչ ուղի» մուտքի գիծը, որը համարվում է մաքսային հայտարարագրման ենթակա ապրանքների բացակայության մասին ֆիզիկական անձի կողմից արված […] ...

Հայաստանի և Ադրբեջանի խորհրդարանների ղեկավարներն առաջիկայում կրկին կհանդիպեն

10:51 29.03.2024

Հայաստանի և Ադրբեջանի խորհրդարանների ղեկավարներն առաջիկայում կրկին կհանդիպեն

Հայաստանի Ազգային ժողովի նախագահ Ալեն Սիմոնյանը մանրամասներ է ներկայացրել Ադրբեջանի Միլի Մեջլիսի նախագահ Սահիբա Գաֆարովայի հետ Ժնևում կայացած հանդիպումից։ «Արմենպրես»-ի փոխանցմամբ՝ Հանրային հեռուստաընկերության տված հարցազրույցում Ալեն Սիմոնյանը նշել է, որ դա առաջին հանդիպումն էր Հայաստանի և Ադրբեջանի խորհրդարանների ղեկավարների միջև։ «Աննախադեպ բան տեղի ունեցավ։ Առաջարկը Միջխորհրդանական միության կողմից էր, որի շրջանակներում էլ այդ հանդիպումը տեղի […] ...

Քննարկվել են Հայաստանի և Կորեայի միջև համագործակցության հնարավորությունները շրջակա միջավայրի պահպանության և վերականգնվող էներգետիկայի ոլորտներում

10:41 29.03.2024

Քննարկվել են Հայաստանի և Կորեայի միջև համագործակցության հնարավորությունները շրջակա միջավայրի պահպանության և վերականգնվող էներգետիկայի ոլորտներում

Էկոնոմիկայի նախարար Գևորգ Պապոյանը մարտի 28-ին ընդունել է Կորեայի Հանրապետության ԱԳ նախարարի քաղաքական հարցերով տեղակալ Չուն Բյունվոնի գլխավորած պատվիրակությանը՝ հայ-կորեական տնտեսական համագործակցության հեռանկարները քննարկելու նպատակով: Հանդիպմանը ներկա է եղել նաև նախարարի տեղակալ Ռաֆայել Գևորգյանը։ Քննարկվել են համագործակցության հնարավորությունները շրջակա միջավայրի պահպանության և վերականգնվող էներգետիկայի, մասնավորապես՝ թափոնների կառավարման, պլաստիկի վերամշակման, քամու, արևային էներգիայի արտադրության և կանաչ […] ...

Երիտասարդական մայրաքաղաք Գավառում տրվել է միջոցառումների պաշտոնական մեկնարկը

10:33 29.03.2024

Երիտասարդական մայրաքաղաք Գավառում տրվել է միջոցառումների պաշտոնական մեկնարկը

ՀՀ 2024 թ. երիտասարդական մայրաքաղաք Գավառում տրվել է միջոցառումների պաշտոնական մեկնարկը։ Միջոցառմանը ներկա են եղել ՀՀ ԿԳՄՍ նախարար Ժաննա Անդրեասյանը, ՀՀ-ում ԵՄ պատվիրակության ղեկավար Վասիլիս Մարագոսը, նախարարի տեղակալ Արթուր Մարտիրոսյանը, Գեղարքունիքի մարզպետ Կարեն Սարգսյանը, Գավառ համայնքի ղեկավար Գուրգեն Մարտիրոսյանը, պաշտոնատար այլ անձինք։ Ծրագրի մեկնարկը տրվել է Գավառի Լևոն Քալանթարի անվան պետական դրամատիկական թատրոնում։ Մինչ միջոցառումը՝ […] ...

Ռուսաստանը պատրաստ է նպաստել Երևանի և Բաքվի հարաբերությունների կարգավորմանը. Լավրով

10:05 29.03.2024

Ռուսաստանը պատրաստ է նպաստել Երևանի և Բաքվի հարաբերությունների կարգավորմանը. Լավրով

Հայաստանի ղեկավարությունը, ծանոթ լինելով Մոսկվայի տեսակետին, գիտի Ռուսաստանի Դաշնության պատրաստակամության մասին՝ նպաստելու Ադրբեջանի հետ հարաբերությունների կարգավորմանը, ինչպես նաև գիտի Արևմուտքի քայլերի մասին, որոնք խոչընդոտում են այդ նորմալացմանը, հայտարարել է Ռուսաստանի արտաքին գործերի նախարար Սերգեյ Լավրովը: «Մենք ազնվորեն ներկայացրել ենք մեր բոլոր գնահատականները Հայաստանի ղեկավարությանը, նրանք լավ գիտեն, որ մենք հավատարիմ ենք մնում մեր ստանձնած պարտավորություններին, […] ...

BACK_TO_TOP