19:58 14.11.2019
Նոյեմբերի 14-ը շաքարային դիաբետի դեմ պայքարի միջազգային օրն է։ Այն սահմանվել է ի պատիվ կանադացի գիտնական Ֆրեդերիկ Բանտինգի: Նրան է պատկանում ինսուլինի դեղորայքի գյուտը, ինչի ներարկման շնորհիվ փրկվել է շաքարային դիաբետով հիվանդ երեխաների կյանքը:
Մինչև հիմա էլ շաքարային դիաբետով հիվանդների բուժման միակ դեղամիջոցը մնում է ինսուլինը: Դեղորայքայինից բացի, կարևորը սննդակարգի պահպանումն է: Վերջին տասնամյակում հիվանդության աճ է գրանցվել երեխաների շրջանում։ «Հաղթենք դիաբետը միասին» հիմնադրամի ներկայացուցիչներն այսօր այցելել են «Գյումրու մոր և մանկան ավստրիական հիվանդանոց», և օրը նշել երեխաների հետ:
Շիրակի մարզում շաքարային դիաբետ ունեցող մինչև 18 տարեկան 42 երեխա է հաշվառված։ Նրանք գտնվում են «Հաղթենք դիաբետը միասին» հիմնադրամի ուշադրության կենտրոնում։ Դիաբետի դեմ պայքարի խորհրդանիշ ամբողջ աշխարհում համարվում է կապույտ օղակը: Միջոցառման ընթացքում կապույտ օղակներ հայտնվեցին երեխաների ձեռքերին:
«Հաղթենք դիաբետը միասին» հիմնադրամի ղեկավար Խանդութ Հովհաննիսյանի խոսքերով՝ կապույտ օղակը խորհրդանշում է օրը, այսինքն՝ միավորում է ամբողջ աշխարհի մարդկանց, որպեսզի կարողանան պայքարել դիաբետի դեմ։ Իսկ դիաբետի դեմ պայքար՝ նշանակում է ժամանակին հայտնաբերել դիաբետը, որպեսզի չունենանք հետագա բարդություններ։
Հիմնադրամն աջակցում է շաքարային դիաբետ ունեցող երեխաներին ու նրանց ծնողներին։ Հոգեբանական, բուժական, դեղորայքային, նաև տեղեկատվական աջակցությունը մինչև 27 տարեկանների համար է։ Գործում է հնգամյա ծրագիր, «Վերահսկիր դիաբետը, ապրիր լիարժեք կյանքով» խորագրով, որի շրջանակներում շահառուներին տրամադրվում է ինսուլինի անալոգներ, կրիչ-ներարկիչներ, կազմակերպվում է պարբերաբար դիաբետի դպրոց շահառուների և նրանց ծնողների համար։
Հիվանդանոցի տնօրեն Աշոտ Կուրղինյանի խոսքերով՝ իրենք փորձում են հնարավորությունների սահմաններում այնպես անել, որ հիվանդ երեխաներն իրենց հասարակության հիվանդ մաս չզգան, լրիվ ինտեգրված լինեն հասարակությանը, առողջ և լիարժեք կյանքով ապրեն։ 8 տարեկան Լյովան շաքարային դիաբետը 8 ամսականից է հաղթահարում: Նա և ծնողներն այն հիվանդություն չեն համարում, լիովին պահպանում են ներարկման չափաբաժինները, սննդակարգը: Սա դարձել է 8 տարեկան երեխայի կենսակերպը:
30 տարվա ընթացքում Հայաստանում շաքարային դիաբետով հիվանդների թիվն աճել է մոտ 2 անգամ: Մասնագետները նշում են՝ դիաբետի զարգացման ռիսկի գործոններից են արյան մեջ գլյուկոզայի բարձր մակարդակը, քաշի ավելցուկն ու ճարպակալումը, ֆիզիկական թերակտիվությունը, անառողջ սննդակարգը:
Հիվանդանոցի էնդոկրինոլոգ Գայանե Պետրոսյանի խոսքերով՝ եթե առաջներում ասում էինք, որ 2-րդ տիպի դիաբետը բնորոշ է 40 տարեկանից բարձր մարդկանց, ապա հիմա արդեն այն շատ երիտասարդացել է, ունենք 16, 17 տարեկան շատ երիտասարդ աղջիկներ ու տղաներ, որոնք ճարպակալման, նաև ժառանգական նախատրամադրվածության արդյունքում ձեռք են բերում դիաբետ։
Բժիշկները միշտ հիշեցնում են, որ շաքարային դիաբետը կառավարելի հիվանդություն է, ճիշտ ու ժամանակին հսկելու դեպքում հնարավոր է ապրել լիարժեք կյանքով, ինչպես նաև կանխել հիվանդության հետագա բարդությունները։
00:06 21.07.2025
Երկրաշարժ՝ Սևան քաղաքից 10 կմ հյուսիս
00:06 21.07.2025
Երկրաշարժ՝ Սևան քաղաքից 10 կմ հյուսիսՀուլիսի 20-ին` տեղական ժամանակով ժամը 23:27-ին (Գրինվիչի ժամանակով` ժամը 19։27-ին) ՀՀ ՆԳՆ Սեյսմիկ պաշտպանության տարածքային ծառայության սեյսմոլոգիական ցանցի կողմից գրանցվել է հյուսիսային լայնության 40.64⁰ և արևելյան երկայնության 44.98⁰ աշխարհագրական կոորդինատներով Հայաստան՝ Սևան քաղաքից 10 կմ հյուսիս, օջախի 10 կմ խորությամբ 2․4 մագնիտուդով երկրաշարժ։ Էպիկենտրոնային գոտում ստորգետնյա ցնցման ուժգնությունը կազմել է 3 բալ: Երկրաշարժը զգացվել է […] ...
23:59 20.07.2025
Քաբուլում տասնյակ կանայք ձերբակալվել են դրես կոդը խախտելու համարԱֆղանստանի առաքինության խթանման և արատների կանխարգելման նախարարության աշխատակիցները Քաբուլում ձերբակալել են տասնյակ երիտասարդ կանանց՝ հագուստի կանոնակարգը խախտելու մեղադրանքով, կիրակի օրը հաղորդել է Afghanistan International լրատվական պորտալը։ «Թալիբանի բարոյականության ոստիկանությունը տասնյակ երիտասարդ կանանց է ձերբակալել Քաբուլում՝ հագուստի կանոնակարգի ենթադրյալ խախտման համար շարունակվող հետապնդման շրջանակներում», – հաղորդում է թերթը։ Ըստ տեղեկությունների՝ ձերբակալությունները տեղի են ունեցել ուրբաթ և […] ...
23:48 20.07.2025
Հրդեհ է բռնկվել «Scania» մակնիշի բեռնատարումՀուլիսի 20-ին՝ ժամը 16։20-ին, Սյունիքի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Լիճքվազ գյուղի խաչմերուկում այրվում է բեռնատար ավտոմեքենա: Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։ Պարզվել է, որ հրդեհը բռնկվել է Մեղրի-Քաջարան ավտոճանապարհի 30-րդ կմ-ին՝ «Scania» մակնիշի բեռնատարում։ Հրդեհը մեկուսացվել է ժամը 17:36-ին, մարվել՝ […] ...
23:27 20.07.2025
Ճապոնիայի իշխող կոալիցիան կորցրել է մեծամասնությունը խորհրդարանի վերին պալատումՃապոնիայի Լիբերալ-դեմոկրատական կուսակցության (ԼԴԿ) և «Կոմեյտո» կուսակցության իշխող կոալիցիան կորցրել է իր մեծամասնությունը խորհրդարանի վերին պալատում ընտրություններից հետո` ըստ տարածաշրջանային և շրջանային ընտրական հանձնաժողովների տվյալների, փոխանցում է ՏԱՍՍ-ը: Այս տվյալների համաձայն՝ ԼԴԿ-ն և «Կոմեյտոն» չեն կարողանա ստանալ անհրաժեշտ քանակությամբ մանդատներ՝ վերին պալատում կոլեկտիվ մեծամասնությունը պահպանելու համար։ Կոալիցիոն մեծամասնությունը պահպանելու համար նրանք պետք է ստանային 124 […] ...
23:00 20.07.2025
Անհամբեր սպասում ենք բոլոր մասնակիցներին և շահագրգիռ կողմերին Հայաստանում՝ կենսաբազմազանության պահպանման ջանքերն առաջ մղելու համար. վարչապետՎարչապետ Նիկոլ Փաշինյանը X-ի իր միկրոբլոգում գրառում է կատարել, որում ասվում է. «Ուրախ ենք հայտարարել, որ Կենսաբազմազանության COP17 համաժողովի ամսաթվերը հաստատված են։ Այն տեղի կունենա Երևանում՝ 2026 թվականի հոկտեմբերի 18-30-ը։ Անհամբեր սպասում ենք բոլոր մասնակիցներին և շահագրգիռ կողմերին Հայաստանում՝ կենսաբազմազանության պահպանման ջանքերն առաջ մղելու համար»: ...
22:35 20.07.2025
Հայաստանը՝ Կենսաբազմազանության համաշխարհային օրակարգի կենտրոնում. հայտնի են COP17-ի անցկացման օրերըՇրջակա միջավայրի նախարարությունից տեղեկացնում են, որ հայտնի են COP17-ի անցկացման օրերը: «Հպարտությամբ հայտնում ենք, որ 2026 թվականի հոկտեմբերի 18-ից 30-ը Հայաստանը կընդունի ՄԱԿ-ի Կենսաբազմազանության մասին կոնվենցիայի Կողմերի 17-րդ համաժողովը՝ COP17-ը։ Այս տասնմեկ օրերի ընթացքում մեր երկիրը կընդունի համաշխարհային բնապահպանական համայնքի ուշադրությունը՝ հյուրընկալելով պետական, գիտական և քաղաքացիական ոլորտի հարյուրավոր ներկայացուցիչների աշխարհի բոլոր անկյուններից։ Երևանը կվերածվի գլոբալ […] ...
