Ինչո՞ւ է 30 տարեկանից հետո նիհարելը բարդ գործ

НашПотребНадзор ծրագրի մասնագետները պարզել են, որ որքան ավելի բարձր է տարիքը, այնքան ավելի շատ է ներքին ճարպը, և ինչպես կարող են եղանակը և էժանագին մաստակն օգնել կիլոգրամներ կորցնել:

Սխալ քաշը վտանգավոր է: Բայց ինչպե՞ս հասկանալ՝ արդյո՞ք քաշը նորմալ է, թե՞ անհրաժեշտ է նիհարել:

Դրա համար կան հատուկ բանաձևեր: Առավել հայտնի է մարմնի զանգվածի ցուցանիշը, որն ամբողջ աշխարհում օգտագործվում է տասնամյակներ շարունակ: Այնուամենայնիվ, այս բանաձևը չի արտացոլում անհատական ​​բնութագրերը:

Էնդոկրինոլոգ Օլգա Իգնատովան նշել է. «Մարմնի զանգվածի ինդեքսը չի գործում 18 տարեկանից ցածր դեռահասների և երեխաների,  65 տարեկանից բարձր տարեց մարդկանց համար, քանի որ նրանք բավարար քանակությամբ մկանային հյուսվածքներ չունեն: Այն սխալ է նաև աթլետիկ կառուցվածք ունեցող անձանց համար, քանի որ նրանց մոտ առկա է մկանային մեծ զանգված. հայտնի է, որ մկաններն ավելի ծանր են, քան ճարպը»:

ԱՀԿ-ի տվյալներով՝ գրեթե երեքուկես միլիոն մարդ տարեկան մահանում է ավելորդ քաշից: Եվ հիմնական ռիսկի խումբը հենց նրանք են, որոնց մոտ ճարպերը հավաքվում են որովայնի շրջանում:

Սննդաբան Նատալյա Նեֆյոդովան նշել է. «Նույն քաշով մարդկանց մոտ ճարպերը կարող են տարբեր կերպ տեղաբաշխվել: Դրանք կարող են լինել ենթամաշկային, բայց նաև՝ ներքին. շրջապատելով կենսական օրգանները՝ դրանք կարող են ազդել օրգանների աշխատանքի վրա՝ առաջացնելով հիվանդություններ»:

Էդինբուրգի գենետիկները հաշվարկել են, որ ստամոքսի վրա յուրաքանչյուր լրացուցիչ կիլոգրամը երկու ամսով կրճատում է կյանքը: Սա հատկապես վտանգավոր է կանանց համար. վերջին փորձարկումները ցույց են տվել, որ միջին և ավելի բարձր տարիքի գեր կանայք մահանում են երեք անգամ ավելի հաճախ, քան նիհարները: Բացի այդ, ավելորդ քաշը ճնշում է գործադրում հոդերի վրա՝ առաջացնելով արթրիտ և արթրոզ:

Ինչո՞ւ են մարդիկ ավելորդ քաշ հավաքում, եթե նույնիսկ շատ չեն ուտում

Սրանք տարիքային առանձնահատկություններ են: Մինչև 30 տարեկան դառնալն ավելորդ քաշը հեշտությամբ գալիս և գնում է, իսկ հետո՝ նույնքան հեշտությամբ, մկանային հյուսվածքը սեղմվում է և փոխարինվում ճարպով:

Փենսիլվանիայից սննդաբանների երկարաժամկետ դիտարկումները ցույց են տվել, որ 30-ից հետո մարդու մարմինը, որը բաղկացած է մկանային հյուսվածքից, ոսկորներից, ջրից և ճարպից, սկսում է արագորեն կորցնել մկանային զանգվածը և ճարպ ձեռք բերել:

Ի՞նչ անել և ինչպե՞ս փոխել այս բոլոր վատ ցուցանիշները

Նախ, հարկավոր է շատ շարժվել: Մկանաճարպային փոփոխությունների պատճառով հարկավոր է ավելի ակտիվ լինել, քան երիտասարդ տարիքում:

Նատալյա Նեֆյոդովան ասել է. «Մենք պետք է մկանային զանգված կառուցենք, այնպես որ, նույնիսկ եթե ավելի շատ կալորիա եք այրում, քան ստանում եք, միևնույն է, ֆիզիկական ակտիվությունն արժե մեծացնել, ավելի շատ շարժվեք, շատ մի նստեք, սպորտով զբաղվեք և առողջ եղեք»:

ԱՄՆ-ում անցկացված երկարատև ուսումնասիրությունները ցույց են տվել, որ հաճախակի ծիծաղը և մաստակ ծամելն օգնում են կարգավորել մեծահասակների քաշը: Թեպետ, իհարկե, ամենակարևոր կանոնն այն է, որ Դուք այն եք, ինչ ուտում եք: Անհրաժեշտ է ուտել մրգեր, բանջարեղեն, ձկնեղեն, թռչնամիս, ընդեղեն, հատիկավորներ և ավելի քիչ շաքար, աղ, վերամշակված սնունդ և ավելի շատ սպիտակուցներ, բջջանյութ և օգտակար ճարպեր: