17:25 25.05.2021
ՀՀ տնտեսական մրցակցության պաշտպանության պետական հանձնաժողովի նախաձեռնությամբ այսօր հերթական քննարկումն էր կազմակերպվել տնտեսավարող սուբյեկտների համար՝ տնտեսական մրցակցության օրենսդրության հնարավոր խախտումների կանխարգելմանն ուղղված միջոցառումների շրջանակում:
Այս անգամ քննարկման թեման գովազդի միջոցով անբարեխիղճ մրցակցության դրսևորումները և դրանց կանխարգելումն էր, որին մասնակցում էին գովազդ արտադրող ընկերությունների ներկայացուցիչներ, գովազդատուներ, ինչպես նաև այլ շահագրգիռ անձինք:
ՏՄՊՊՀ նախագահ Գեղամ Գևորգյանը, ողջունելով միջոցառման մասնակիցներին, նշել է, որ հանձնաժողովը վերջին երկու տարիների ընթացքում գովազդի միջոցով անբարեխիղճ մրցակցության դրսևորումների, մասնավորապես հասարակության մոլորեցման, շփոթության, վարկարժեքի վարկաբեկման, անտեղի համեմատությունների մի շարք դեպքեր է արձանագրել:
ՏՄՊՊՀ նախագահի խոսքերով՝ այս միջոցառումն առավելապես նմանատիպ իրավախախտումները կանխարգելելու, ինչպես նաև տնտեսական մրցակցության պաշտպանության մասին օրենսդրության մեջ այս ոլորտում կատարված փոփոխությունների մասին տնտեսավարողներին իրազեկելու նպատակ ունի:
«Մենք փորձում ենք տնտեսավարողների համար կազմակերպվող նման միջոցառումները դարձնել մշտական, քանի որ հենց ձեր միջոցով է կայանալու բիզնես միջավայրը, և ձեր միջոցով է մեր խոսքը հասանելի դառնալու հանրության առավել լայն շերտերին»,- դիմելով մասնակիցներին՝ նշել է Գեղամ Գևորգյանը:
ՏՄՊՊՀ անդամ Տիգրան Մարկոսյանը հավելել է, որ նոր օրենքով հստակեցվել է իրավախախտումների կանխարգելման գործիքակազմը, որի շրջանակում տնտեսավարողը նախապես կարող է դիմել հանձնաժողով և անվճար եզրակացություն ստանալ առանձին վիճահարույց դեպքերի առնչությամբ:
Միջոցառման շրջանակում հանձնաժողովի պատասխանատուները ներկայացրել են ոլորտին առնչվող օրենսդրական կարգավորումները, փոփոխությունները, հանձնաժողովի պրակտիկայում գովազդի միջոցով անբարեխիղճ մրցակցության դրսևորումների կոնկրետ դեպքերը և դրանց մեկնաբանությունները, պատասխանել ներկաների կողմից բարձրացված տարբեր հարցադրումների:
00:30 14.05.2025
Լիլիթ Մակունցը հայ գործարարների հետ քննարկել է ՀՀ-ԱՄՆ տնտեսական և առևտրային համագործակցությանը վերաբերող հարցերՄայիսի 12-ին ԱՄՆ-ում ՀՀ դեսպան Լիլիթ Մակունցը դեսպանությունում հյուրընկալեց «SelectUSA» ներդրումային գագաթաժողովի շրջանակներում Վաշինգտոն ժամանած հայ գործարար համայնքի ներկայացուցիչներին։ Այս մասին հայտնել են ԱՄՆ-ում ՀՀ դեսպանությունից։ Հանդիպմանը քննարկվեցին ՀՀ-ԱՄՆ տնտեսական և առևտրային համագործակցությանը վերաբերող հարցեր, ինչպես նաև ԱՄՆ-ում ՀՀ դեսպանության և հայ գործարար շրջանակների համագործակցության հնարավորությունները։ ...
00:19 14.05.2025
ՀՀ ՏԿԵ նախարարի տեղակալն ընդունել է Արաբական Միացյալ Էմիրությունների Royal Investment Bureau ներդրումային ընկերության պատվիրակությանըՀՀ տարածքային կառավարման և ենթակառուցվածքների նախարարի տեղակալ Քրիստինե Ղալեչյանն ընդունել է Արաբական Միացյալ Էմիրությունների Royal Investment Bureau ներդրումային ընկերության պատվիրակությանը՝ գործադիր տնօրեն Սուլթան Իսա Ալ Մատրուշիի գլխավորությամբ։ Այս մասին հայտնել են ՏԿԵ նախարարությունից: Հանդիպման ընթացքում Սուլթան Իսա Ալ Մատրուշին ներկայացրել է ընկերության գործունեության հիմնական ուղղությունները և հարուստ փորձը։ Միաժամանակ հայտնել է, որ Royal Investment Bureau-ն […] ...
00:09 14.05.2025
«Երիտասարդ արքա»․ Ռեշֆորդը՝ Յամալի մասին«Մանչեսթեր Յունայթեդի» հարձակվող Մարկուս Ռեշֆորդը, որը վարձավճարով խաղում է «Ասթոն Վիլայում», գովել է «Բարսելոնայի» և Իսպանիայի հավաքականի երիտասարդ հարձակվող Լամին Յամալին։ «Երիտասարդ արքա» — գրել է Ռեշֆորդը X սոցիալական ցանցում։ 17-ամյա Յամալը «Բարսելոնայի» առաջին թիմում խաղում է 2023 թվականից։ Այս մրցաշրջանում նա բոլոր մրցաշարերում անցկացրել է 52 խաղ և կատարել 40 արդյունավետ գործողություն (16 գոլ […] ...
23:59 13.05.2025
«Եռաբլուր» զինվորական պանթեոնին հարող լանջերի շուրջ նոր քաղաքային անտառ է հիմնվելՏասնամյակներ շարունակ անխնամ մնացած ու շինաղբով պատված «Եռաբլուր» զինվորական պանթեոնին հարող լանջերի շուրջ 15 հա տարածքում ևս նոր քաղաքային անտառ ենք հիմնել. անցկացվել է 7 կմ ոռոգման նոր ցանց: Այս մասին Ֆեյսբուքի իր էջում գրել է Երևանի քաղաքապետ Տիգրան Ավինյանը: «Վերջին 3 տարում Երևանում ընդհանուր առմամբ ավելացրել ենք շուրջ 55 հա նոր կանաչ տարածք, որից […] ...
23:53 13.05.2025
Թբիլիսյան խճուղում բախվել են «Chevrolet»-ն ու «Kia»-ն. կա վիրավորՄայիսի 13-ին, ավտովթար է տեղի ունեցել Երևանում։ Ժամը 20:10-ի սահմաններում Թբիլիսյան խճուղում բախվել են Արարատի մարզի բնակիչ 39-ամյա Նելսոն Ս.-ի վարած «Kia» մակնիշի և Կոտայքի մարզի բնակիչ 25-ամյա Բագրատ Ս.-ի վարած «Chevrolet» մակնիշի ավտոմեքենաները։ Ինչպես հայտնում է shamshyan.com-ը, վթարի հետևանքով «Chevrolet»-ի վարորդը տեղափոխվել է հիվանդանոց։ Վթարի մասին ՊԾ Երևան քաղաքի գնդից տեղեկությունը փոխանցել են ՀՀ […] ...
23:47 13.05.2025
Պեսկով. Ռուսաստանի պատվիրակությունը մայիսի 15-ին Ստամբուլում կսպասի ուկրաինացի ներկայացուցիչներինՌուսական պատվիրակությունը հինգշաբթի օրը կլինի Ստամբուլում և այնտեղ կսպասի ուկրաինական կողմին։ Այս մասին հայտարարել է Ռուսաստանի նախագահի մամուլի քարտուղար Դմիտրի Պեսկովը՝ պատասխանելով ВГТРК -ի լրագրող Պավել Զարուբինի հարցին։ «Մենք գնահատում ենք միայն (խմբ.Ռուսաստանի) նախագահ Վլադիմիր Պուտինի հայտարարությունները, որն առաջարկել էր հինգշաբթի օրը Ստամբուլում պատվիրակությունների միջև բանակցություններ անցկացնել։ Մեր պատվիրակությունը կլինի այնտեղ և կսպասի ուկրաինական կողմին», – […] ...
