«Նախագահ Էրդողանն ասել է, որ Իսրայելը ՝ (վարչապետ Բենիամին Նեթանյահուի) գլխավորությամբ, տարածաշրջանի կայունության և անվտանգության համար ամենամեծ սպառնալիքն է, որ նա դա ևս մեկ անգամ ցույց տվեց Իրանի վրա հարձակումով, և որ Իսրայելին պետք է կանգնեցնել լարվածությունը նվազեցնելու համար», – հաղորդել է Թուրքիայի նախագահի գրասենյակը։

«Իսրայելական կործանիչի օդաչուն մի քանի րոպե առաջ գերի է վերցվել Իրանի ցամաքային ուժերի կողմից», – ասվում է հայտարարության մեջ։

Ավելի վաղ իրանական Ֆարս լրատվական գործակալությունը հայտարարել էր, որ Իրանի հակաօդային պաշտպանության համակարգերը խոցել են մի քանի իսրայելական ռազմական ինքնաթիռ: Խոցված իսրայելական կործանիչներից մեկի օդաչուն գերի էր վերցվել։

Իրանի արտաքին գործերի նախարարության հայտարարության համաձայն՝ «Արաղչին քննադատել է ԱԷՄԳ-ի կառավարիչների խորհրդի՝ վերջերս ընդունած բանաձևը Իրանի խաղաղ միջուկային ծրագրի վերաբերյալ, որը առաջարկվել էր ԵՄ եռյակի և ԱՄՆ-ի կողմից, փաստաթուղթը անվանելով Իրանի միջուկային օբյեկտների դեմ սիոնիստական ​​ռեժիմի թշնամական գործողությունների արդարացում և հիմք»։

«Հորմուզի նեղուցի փակման հարցը ներկայումս քննարկվում է, և Իրանը չի տատանվի համապատասխան որոշում կայացնել»,-ըստ իրանական Rokna լրատվական գործակալության՝ ասել է Կոուսարին:

«Թուրքիայի արտաքին գործերի նախարար Հաքան Ֆիդանը հունիսի 14-ին հեռախոսազրույցներ է ունեցել Ադրբեջանի արտաքին գործերի նախարար Ջեյհուն Բայրամովի և Եգիպտոսի արտաքին գործերի նախարար Բադր Աբդել Աթիի հետ։ Բանակցությունների ընթացքում քննարկվել է Իսրայելի հարձակումը Իրանի վրա և այլ տարածաշրջանային հարցեր», – նշել է աղբյուրը։

Սևծովյան հանգստավայրեր ուղևորված առաջին գնացքով մեկնել է շուրջ 150 ուղևոր։ Գնացքն առաջիկա ամիսներին կշարունակի գործել մինչև ընթացիկ տարվա հոկտեմբերի 1-ը։ Երևանից մեկնումը նախատեսվում է օրումեջ։ Ամառային սեզոնի ընթացքում դադարեցվել է Երևան-Թբիլիսի-Երևան երթուղով երթևեկությունը, իսկ Թբիլիսի կարելի է հասնել Բաթումիի գնացքով։ Նախորդ տարվա համեմատ՝ գների մեջ էական փոփոխություններ չեն կատարվել։

Լրացուցիչ տեղեկություններ և տոմսերի գները հասանելի են ընկերության պաշտոնական կայքում՝ www.railway.am։

Հունիսի 13-ից գործարկվել է նաև սեզոնային մերձքաղաքային էլեկտրագնացք՝ Երևան-Սևան-Շորժա-Երևան երթուղով, որը գործում է ուրբաթ, շաբաթ և կիրակի օրերին։

«Իսրայելի ռազմաօդային ուժերը ոչնչացրել են ինը առաջատար գիտնականների և փորձագետների, որոնք խթանում էին իրանական ռեժիմի միջուկային զենքի ծրագիրը։ Հարվածը հնարավոր է դարձել հետախուզական գործակալության կողմից հավաքված ճշգրիտ տեղեկատվության շնորհիվ», – ասվում է բանակի մամուլի ծառայության հայտարարության մեջ։

Նշվում է, որ բոլոր սպանված գիտնականներն ու փորձագետները «Իրանի միջուկային նախագծում կարևոր գիտելիքների կենտրոններ էին և ունեին միջուկային զենքի մշակման բազմամյա փորձ»։

Իրանը հունիսի 13-ի գիշերը մի քանի փուլով հրթիռային հարվածներ է հասցրել Իսրայելի տարածքին՝ ի պատասխան Իսրայելի կողմից Իրանի տարածքում ռազմական և միջուկային օբյեկտներին հասցրած հարվածների։ Իսրայելն այս պահի դրությամբ հայտնել է իրանական հարվածների հետևանքով 3 զոհի և տասնյակ վիրավորների մասին։ Իրանը և Իսրայելն այս պահին էլ շարունակում են փոխադարձ հարվածներ հասցնել միմյանց տարածքին։

«Քննարկեցինք վերջին զարգացումները և մտքեր փոխանակեցինք առկա իրավիճակի շուրջ։ Հայաստանի արտահայտած դիրքորոշմանը համապատասխան՝ ընդգծեցի տարածաշրջանում ռիսկերը կառավարելու և էսկալացիայից խուսափելու կարևորությունը: Շարունակում ենք սերտ կապի մեջ լինել, այդ թվում՝ ԱԷՄԳ-ի քննարկումների շուրջ»,- X-ի իր միկրոբլոգում գրել է Միրզոյանը:

In 📞conversation w/my🇮🇷 counterpart @araghchi discussed the recent developments & exchanged views on the current situation. In line with the position expressed by 🇦🇲, emphasized the importance of managing the risks & avoiding escalation in the region.

We remain in close… pic.twitter.com/QGEwQ5REZV

— Ararat Mirzoyan (@AraratMirzoyan) June 14, 2025

«Սպահանի միջուկային օբյեկտները հունիսի 13-ին մի քանի անգամ հրթիռակոծվել են: Այս պահին օբյեկտից դուրս ճառագայթման մակարդակի բարձրացման մասին հաղորդագրություններ չեն եղել: Ատոմային էներգիայի միջազգային գործակալությունը (ԱԷՄԳ) շարունակում է սերտ կապ պահպանել Իրանի հետ», – ասվում է ԱԷՄԳ-ի հայտարարության մեջ: