«Վլադիկավկազում ընթացող բռնցքամարտի Եվրոպայի 18-22 տարեկանների առաջնությունում հաղթանակով են մեկնարկել Հայաստանի ներկայացուցիչներ 69 կգ քաշային Գառնիկ Պապիկյանն ու 75 կգ քաշային Վախթանգ Հարությունյանը: Պապիկյանը 2-րդ ռաունդում նոկաուտի է ենթարկել մրցակցին, իսկ Հարությունյանին հաղթանակը շնորհվել է մրցավարների միաձայն որոշմամբ: Մեր 2 բռնցքամարտիկներն էլ դուրս են եկել 1/8 եզրափակիչ»,- գրված է հայտարարությունում:

Հայաստանի բռնցքամարտի ֆեդերացիայի տարածած հայտարարության մեջ նաև նշվում է, որ վաղը ռինգ դուրս կգա Հայաստանի 3 ներկայացուցիչ:

«Անընդունելի եմ համարում նման անտարբերությունը կամ կողմնակալ վերաբերմունքը մարզիչների նկատմամբ։ Սկզբում, երբ ֆեդերացիայի անդամ չհանդիսացող երկու մարզիչ բողոքում էին, որոնցից մեկը հեռացվել է ֆեդերացիայից ոչ պատշաճ վարքագիծ դրսևորելու համար  (նա հարվածել է աղջիկ բռնցքամարտիկի), մյուսին ազատել է ֆեդերացիան՝ խառնակչություններ հրահրելու և մյուս մարզիչների համար անբարենպաստ պայմաններ ստեղծելու համար, նրանց ընդունում են սպորտի նախարարի, ՀԱՕԿ-ի նախագահի և քարտուղարի գլխավորությամբ և մեծ ներկայացում են սարքում այդ ամենից։ Իսկ երբ բռնցքամարտի աշխարհի 40-ից ավելի ներկայացուցիչ ուղղակի ցանկություն է հայտնում նախարարի հետ հանդիպել և արտահայտել իրենց տեսակետը և ներկայացնել իրենց դժգոհությունը տեղի ունեցող շոուի վերաբերյալ, նրանց չէին ընդունում։ Այս ամենը փաստում է, որ տեղի ունեցող արհեստածին գործողություններն անձնավորված են Օլիմպիական կոմիտեի, սպորտի և երիտասարդության հարցերի նախարարության կողմից։ Հիմա ես գտնվում եմ Բուդապեշտում, որտեղ անցկացվում է երիտասարդների աշխարհի առաջնությունը: Միևնույն ժամանակ, այսօր Եվրոպական կոնֆեդերացիայի գործադիր կոմիտեի նիստն է։ Ի պատասխան սպորտի և երիտասարդության հարցերի նախարարության կողմից ԱԲԲԱ գրած բողոքին՝ վստահեցնում եմ Ձեզ, որ ոչ ԱԻԲԱ-ի, ոչ Եվրոպական կոնֆեդերացիայի կողմից չկա ոչ մի առարկություն, դիտողություն ՀՀ բռնցքամարտի ֆեդերացիայի նախագահի ընտրությունների հետ կապված, ինչի մասին գրավոր կփաստի միջազգային կառույցը»: