Հետախուզվողներ են հայտնաբերվել

Ոստիկանության Էրեբունու բաժնի ծառայողների ձեռնարկած միջոցառումների շնորհիվ, Գյումրիի օդանավակայանի սպասասրահից բերման է ենթարկել Գեղամ Խ․-ն, որը 2020թ. հուլիսի 6-ից հետախուզվում էր ՀՀ քրեական օրենսգրքի 34-266-րդ (Թմրամիջոցների, հոգեմետ (հոգեներգործուն) նյութերի և դրանց պրեկուրսորների ապօրինի շրջանառությունն իրացնելու կամ պատրաստելու նպատակով կամ դրանց ապօրինի իրացնելու փորձը) հոդվածի 2-րդ մասի 3-րդ կետի մեղադրանքով:
Խափանման միջոցը՝ ստորագրություն:

Դեկտեմբերի 31-ին, ժամը 18.20-ին, ոստիկանության «Զվարթնոց» օդանավակայանի գծային բաժնի ծառայողները, Ռոստով-Երևան չվերթի ինքնաթիռի ժամանումից հետո, ժամանման սրահից բաժին բերման են ենթարկվել Ռոբերտ Խ․-ին, որը 1998թ. հունիսի 9-ից հետախուզվում էր Թուրքմենստանի Հանրապետության իրավապահների կողմից՝ այդ երկրի քրեական օրենսգրքի 213-րդ հոդվածի 1-ի մասի (կալանավայրում, կամ ժամանակավոր պահման վայրում ձերբակալվածի նկատմամբ բռնություն կիրառելը) մեղադրանքով:
Խափանման միջոցը՝ կալանք:
Ռոբերտ Խ․-ի հայտնաբերման մասին հայտնվել է հետախուզումը նախաձեռնողին և դատախազություն:

Դեկտեմբերի 31-ին, ժամը 03.00-ին, ոստիկանության Քանաքեռ-Զեյթունի բաժնի ծառայողների և պարեկների ձեռնարկած համատեղ միջոցառման արդյունքում, Ուլնեցու և Սևակի փողոցների խաչմերուկում հայտնաբերվել և բաժին բերման է ենթարկվել Օլեսյա Զ․-ն, որը հետախուզվում էր ՀՀ քրեական օրենսգրքի 130.1 (Բուժաշխատողների մասնագիտական, ինչպես նաև ոչ մասնագիտական օժանդակող գործունեությանը խոչընդոտելը) հոդվածի 1-ին մասի մեղադրանքով:

Ոստիկանության Երևան քաղաքի վարչության և Էրեբունու բաժնի քրեական հետախույզների ձեռնարկած միջոոցառումների արդյունքում, դեկտեմբերի 30-ին, ժամը 10.25-ին, Բեռնակիրների փողոցում հայտնաբերվել և բաժին բերման է ենթարկվել Անահիտ Բ․-ն, որը հետախուզվում էր ՀՀ քրեական օրենսգրքի 118-րդ (Ծեծը) հոդվածի մեղադրանքով:
Խափանման միջոցը ստորագրություն:

Ոստիկանության Նուբարաշենի բաժանմունքի ծառայողների ձեռնարկած միջոցառումների շնորհիվ, դեկտեմբերի 30-ին, ժամը 10.15-ին, Արցախի փողոցում հայտնաբերվել և բերման է ենթարկվել Վարդուշ Բ․-ն, որը հետախուզվում էր ՀՀ քրեական օրենսգրքի 177-րդ (Գողությունը) հոդվածի 3-րդ մասի 1.1 կետի մեղադրանքով:
Առանց խափանման միջոցի:

Դեկտեմբերի 31-ին, ժամը 03.05-ին, ոստիկանության Էրեբունու բաժնի ծառայողներն իրացնելով օպերատիվ տվյալները, Բուռնազյան փողոցում հայտնաբերել և բաժին բերման են ենթարկել Ռուստամ Մ․-ին, որը հետախուզվում էր ՀՀ քրեական օրենսգրքի 177-րդ (Գողությունը) հոդվածի 1-ին մասի մեղադրանքով:

Ոստիկանության պարեկային ծառայության Երևանի գնդի ծառայողները, դեկտեմբերի 30-ին, ժամը 18.40-ին, Արշակունյաց պողոտայում հայտնաբերել և ոստիկանության Շենգավիթի բաժին բերման են ենթարկել Արգիշտի Հ․-ին, որը հետախուզվում էր ՀՀ քրեական օրենսգրքի 243.1 (Տրանսպորտային միջոցներ վարելու իրավունքից զրկված կամ տրանսպորտային միջոցներ վարելու իրավունքը կասեցված կամ տրանսպորտային միջոցներ վարելու իրավունք չունեցող անձի կողմից տրանսպորտային միջոց վարելը կամ այդ անձի կողմից ոչ սթափ վիճակում տրանսպորտային միջոց վարելը կամ սթափության վիճակի զննություն անցնելուց հրաժարվելը կամ խուսափելը) հոդվածի 1-ին մասի մեղադրանքով:
Խափանման միջոցը՝ ստորագրություն: