«Շիրակ» օդանավակայանը ռուս և վրացի ուղևորների համար դարձել է տարանցիկ – ShantNews – Շանթ Հեռուստաընկերություն – Լուրեր – Shant TV Online
TIME
Ամսաթիվ
29 03 2024
  • $
    394.46
  • RUBLE
    4.27
  • 425.62
WEATHER
+14.09 oC

«Շիրակ» օդանավակայանը ռուս և վրացի ուղևորների համար դարձել է տարանցիկ

14:46 16.07.2019

«Շիրակ» օդանավակայանը տարանցիկ է դարձել Մոսկվայից հայրենիք վերադարձող վրացիների և Վրաստան մեկնող ռուս զբոսաշրջիկների համար: Հիշեցնենք, որ հուլիսի 8-ից Ռուսաստանից Վրաստան բոլոր չվերթներն արգելված են, իսկ Հայաստանն ամենահարմար և կարճ ճանապարհն է վրացի և ռուս ուղևորների համար: Ռուսական չվերթների արգելումը Վրաստան ավելացրել է «Շիրակ» օդանավակայանի ծանրաբեռնվածությունը: Գյումրիում աշխատող առայժմ միակ ավիաընկերությունը՝ «Պոբեդան», ավելացրել է չվերթները: Ուղևորների հոսքի ավելացումը հանգեցրել է չվերթների ավելացման: Շաբաթական նախկին 7-ի փոխարեն այժմ Մոսկվայից Գյումրի իրականացվում է 10 չվերթ:

«Օդանավակայանն աշխատում էր օրական մեկ չվերթով՝ երեկոյան, ամեն օր՝ երկուշաբթիից կիրակի: Հիմա ամռան վերջին 2 ամիսներին՝ հուլիսին և օգոստոսին «Պոբեդան» ավելացրել է չվերթները՝ երկուշաբթի, չորեքշաբթի և ուրբաթ օրերին: Այսինքն՝ շաբաթական 3 չվերթ ավելացել է: Այս պահի դրությամբ՝ ստացվում է մոտավորապես 27 չվերթ ավելի, որ պիտի ամառվա ընթացքում անենք»,- Shantnews-ին ասել է «Շիրակ» օդանավակայանի ադմինիստրատոր Արմինե Աբրահամյանը:

Ամռանն ուղևորահոսքն ավելի շատ է: Զբոսաշրջիկներից ու արտագնա աշխատանքի մեկնող, վերադարձողներից բացի, Գյումրի գալիս են ավելացված չվերթներով Վրաստան ուղևորվող վրացիներն ու ռուսները: Ռուսաստանից Վրաստան չվերթներն արգելված են: Հայաստանի օդանավակայաններն էլ դիմավորում ու ճանապարհում են, այսպես ասենք, տարանցիկ ուղևորների: Վրաստանի սարերում հանգստանալու մեկնող աղջիկների խումբը Սանկտ Պետերբուրգից է հասել Գյումրի: Տարանցիկ չվերթը փոխել է նրանց ճամփորդության ուղղությունն ու հետաքրքրությունները:

Զբոսաշրջային հետաքրքրությունը չէ, որ Տոդո Սարջոլաձեին բերել էր Գյումրի: «Շիրակ» օդանավակայանում որդուն էր դիմավորում: Նա, ինչպես նաև Մոսկվայից Վրաստան ուղևորվող շատ վրացիներ ընտրում են հայաստանյան չվերթները:

«Ռուսաստանից Վրաստան ավիաչվերթներ չկան: Այդ արգելքը դժվարություններ է ստեղծել: Ռուսաստանից պետք է գանք Հայաստան կամ Թուրքիա, հետո նոր հասնենք Վրաստան: Ինձ ավելի հարմար էր Գյումրիի օդանավակայանը, քանի որ Բոլնիսում եմ ապրում: Այն Գյումրիին ավելի մոտ է»,- Shantnews-ին ասել է Բոլնիսի բնակիչ Տոդո Սարջոլաձեն:

Գյումրիի «Շիրակ» օդանավակայանով ուղևորվողները նաև Ջավախքի բնակիչներն են: Նոր չվերթների, ուղևորահոսքի ավելացումը նաև վերազինում է պահանջում: «Շիրակ» օդանավակայանը վերանորոգվել է, ընթացքի մեջ է վերազինման ծրագիրը, նոր տերմինալ է կառուցվում, որից հետո չվերթների սպասարկման օդանավակայանի հնարավորությունները կընդլայնվեն: Բացի «Պոբեդայից», այլ ավիաընկերությունների անուններ են նշվում, որոնք հնարավոր է «Շիրակ» օդանավակայանից այլ ուղղություններով չվերթներ իրականացնեն: Շրջանառվող ընկերությունների անվանացանկն առայժմ պաշտոնական ուժ չի ստացել:

Բոլոր լուրերը

Կապակցված լուրեր

Կքննարկվի «Հայաստանի եվրաինտեգրման նոր հեռանկարները եւ մարտահրավերները» թեման

13:37 29.03.2024

Կքննարկվի «Հայաստանի եվրաինտեգրման նոր հեռանկարները եւ մարտահրավերները» թեման

Եվրոպական ինտեգրման հարցերի մշտական հանձնաժողովը մարտի 29-ի արտահերթ նիստում որոշել է ապրիլի 4-ին` ժամը 11:00-ին, ԱԺ նիստերի դահլիճում հրավիրել խորհրդարանական լսումներ: Կքննարկվի «Հայաստանի եվրաինտեգրման նոր հեռանկարները եւ մարտահրավերները» թեման: ...

Իրավիճակը՝ ՀՀ ավտոճանապարհներին

12:51 29.03.2024

Իրավիճակը՝ ՀՀ ավտոճանապարհներին

Մարտի 29-ին՝ ժամը 12։30-ի դրությամբ, միջպետական և հանրապետական նշանակության բոլոր ավտոճանապարհները բաց են: Այս մասին հայտնում է «Ճանապարհային դեպարտամենտը»։ ...

Հայաստանն առաջին անգամ կմասնակցի ԵՄ երկրների խորհրդարանների նախագահների հավաքին

11:34 29.03.2024

Հայաստանն առաջին անգամ կմասնակցի ԵՄ երկրների խորհրդարանների նախագահների հավաքին

Հայաստանն ապրիլին առաջին անգամ կմասնակցի Եվրամիության երկրների խորհրդարանների նախագահների՝ Իսպանիայում կայանալիք հավաքին: «Արմենպրես»-ի փոխանցմամբ՝ այս մասին ասել է Ազգային ժողովի նախագահ Ալեն Սիմոնյանը Հանրային հեռուստաընկերությանը տված հարցազրույցում: «Առաջին անգամ Հայաստանը մասնակցելու է ԵՄ երկրների ԱԺ նախագահների հավաքին, որը տեղի է ունենալու Իսպանիայում գալիք ամսվա կեսերին: Հայաստանն առաջին անգամ է հրավիրված»,–ասել է Սիմոնյանը: ԱԺ նախագահի տեղեկությամբ՝ […] ...

Օդային ճանապարհով փորձ է արվել ՀՀ ներմուծել առանց հայտարարագրման բջջային հեռախոսներ

11:13 29.03.2024

Օդային ճանապարհով փորձ է արվել ՀՀ ներմուծել առանց հայտարարագրման բջջային հեռախոսներ

ՀՀ ՊԵԿ էլեկտրոնային առևտրի և օդային տրանսպորտով իրականացվող փոխադրումների վարչությունում օրերս հայտնաբերվել է մաքսային կանոնների խախտման նոր դեպք։ Աբու-Դաբի-Երևան չվերթով ՀՀ ժամանած քաղաքացին ՊԵԿ Էլեկտրոնային առևտրի և օդային տրանսպորտով իրականացվող փոխադրումների վարչության ուղևորների մաքսային հսկողության բաժնում հատել է «Կանաչ ուղի» մուտքի գիծը, որը համարվում է մաքսային հայտարարագրման ենթակա ապրանքների բացակայության մասին ֆիզիկական անձի կողմից արված […] ...

Հայաստանի և Ադրբեջանի խորհրդարանների ղեկավարներն առաջիկայում կրկին կհանդիպեն

10:51 29.03.2024

Հայաստանի և Ադրբեջանի խորհրդարանների ղեկավարներն առաջիկայում կրկին կհանդիպեն

Հայաստանի Ազգային ժողովի նախագահ Ալեն Սիմոնյանը մանրամասներ է ներկայացրել Ադրբեջանի Միլի Մեջլիսի նախագահ Սահիբա Գաֆարովայի հետ Ժնևում կայացած հանդիպումից։ «Արմենպրես»-ի փոխանցմամբ՝ Հանրային հեռուստաընկերության տված հարցազրույցում Ալեն Սիմոնյանը նշել է, որ դա առաջին հանդիպումն էր Հայաստանի և Ադրբեջանի խորհրդարանների ղեկավարների միջև։ «Աննախադեպ բան տեղի ունեցավ։ Առաջարկը Միջխորհրդանական միության կողմից էր, որի շրջանակներում էլ այդ հանդիպումը տեղի […] ...

Քննարկվել են Հայաստանի և Կորեայի միջև համագործակցության հնարավորությունները շրջակա միջավայրի պահպանության և վերականգնվող էներգետիկայի ոլորտներում

10:41 29.03.2024

Քննարկվել են Հայաստանի և Կորեայի միջև համագործակցության հնարավորությունները շրջակա միջավայրի պահպանության և վերականգնվող էներգետիկայի ոլորտներում

Էկոնոմիկայի նախարար Գևորգ Պապոյանը մարտի 28-ին ընդունել է Կորեայի Հանրապետության ԱԳ նախարարի քաղաքական հարցերով տեղակալ Չուն Բյունվոնի գլխավորած պատվիրակությանը՝ հայ-կորեական տնտեսական համագործակցության հեռանկարները քննարկելու նպատակով: Հանդիպմանը ներկա է եղել նաև նախարարի տեղակալ Ռաֆայել Գևորգյանը։ Քննարկվել են համագործակցության հնարավորությունները շրջակա միջավայրի պահպանության և վերականգնվող էներգետիկայի, մասնավորապես՝ թափոնների կառավարման, պլաստիկի վերամշակման, քամու, արևային էներգիայի արտադրության և կանաչ […] ...

BACK_TO_TOP