17:11 23.07.2021
ՀՀ տարածքային կառավարման և ենթակառուցվածքների նախարարի տեղակալ Լիլիա Շուշանյանն այսօր մասնակցել է Հայաստանի Արդյունահանող ճյուղերի թափանցիկության նախաձեռնության (ԱՃԹՆ) 2019 թ. ազգային զեկույցի և իրական սեփականատերերի հայտարարագրման էլեկտրոնային համակարգի ներկայացման համաժողովին։
Հանդես գալով բացման խոսքով՝ Լ․ Շուշանյանը ողջունել է համաժողովի մասնակիցներին և շնորհակալություն հայտնել ներդրած ջանքերի համար՝ նշելով, որ շահագրգիռ կառույցների, պետության, քաղաքացիական հասարակության համատեղ աշխատանքի արդյունքում Հայաստանը բնական պաշարների կառավարման ոլորտում վերջին տարիներին լուրջ առաջընթաց է գրանցել։ Նրա խոսքով, այն նպատակները, որոնք դրվել են երկու տարի առաջ՝ առաջին զեկույցի ներկայացման ժամանակ, այսօր կարելի է իրականացված համարել։
«Հանքարդյունաբերության ոլորտում բարեփոխումները, որոնք մենք սկսել էինք, այսօր կառավարության լայն օրակարգի հարցերից են և դարձել են յուրաքանչյուր գերատեսչության գործունեության բաղադրիչներից մեկը»,- նշել է Լ․ Շուշանյանը։
Ընդերքի ոլորտը համակարգող ՏԿԵ փոխնախարարն ընդգծել է, որ Հայաստանի ջանքերը բարձր են գնահատվել նաև միջազգային գործընկերների կողմից․ Open ownership նախաձեռնության կողմից իրականացված ուսումնասիրության արդյունքներով, ԱՃԹՆ/EITI միջազգային խորհրդի՝ ԱՃԹՆ-ի ստանդարտի 2.5-րդ՝ իրական սեփականատերերի բացահայտման պահանջի մասով, ինչպես նաև ԱՃԹՆ ազգային զեկույցի վավերացման գործընթացի արդյունքներով՝ Հայաստանն ավելի քան 50 երկրների թվում 2020 թ․ արժանացել է «բարձրագույն» գնահատականի։
Համաժողովին, որն անցկացվել է առկա և առցանց ձևաչափով, մասնակցել են նաև արդարադատության փոխնախարար Սուրեն Գրիգորյանը, ՊԵԿ նախագահի տեղակալ Արթուր Մանուկյանը, կառավարության, հանքարդյունահանող ընկերությունների, քաղաքացիական հասարակության, ԶԼՄ-ների, ԱՃԹՆ-ի միջազգային քարտուղարության, միջազգային գործընկեր կազմակերպությունների ներկայացուցիչներ։
Մասնագետների կողմից ներկաներին է ներկայացվել Հայաստանի ԱՃԹՆ/EITI 3-րդ՝ 2019 թ. ազգային զեկույցը՝ Հայաստանում ընդերքօգտագործման թույլտվություն ունեցող ընկերությունների, արտադրված և արտահանված արտադրանքի, պետական բյուջե ուղղվող եկամուտների, դրանց տեղաբաշխման և այլ գործընթացների մասին։
Տեղեկատվություն է տրամադրվել Հայաստանում իրական սեփականատերերի (շահառուների) բացահայտման գործընթացի, ինչպես նաև իրական սեփականատերերի հայտարարագրման էլեկտրոնային համակարգի մասին, թե ովքեր են դրանից օգտվողները, ինչ տեղեկատվություն է հրապարակվում Ռեգիստրում, ինչպես է իրական սեփականատերերի բացահայտումը մեծացնում ոլորտի թափանցիկությունը և վերահսկողությունը:
Համաժողովի շրջանակում ՏԿԵ նախարարի տեղակալ Լ․ Շուշանյանը մասնակցել է նաև «Հանքարդյունաբերության ոլորտի թափանցիկությունը՝ որպես լավ կառավարման նախապայման» պանելային քննարկմանը։
00:30 14.05.2025
Լիլիթ Մակունցը հայ գործարարների հետ քննարկել է ՀՀ-ԱՄՆ տնտեսական և առևտրային համագործակցությանը վերաբերող հարցերՄայիսի 12-ին ԱՄՆ-ում ՀՀ դեսպան Լիլիթ Մակունցը դեսպանությունում հյուրընկալեց «SelectUSA» ներդրումային գագաթաժողովի շրջանակներում Վաշինգտոն ժամանած հայ գործարար համայնքի ներկայացուցիչներին։ Այս մասին հայտնել են ԱՄՆ-ում ՀՀ դեսպանությունից։ Հանդիպմանը քննարկվեցին ՀՀ-ԱՄՆ տնտեսական և առևտրային համագործակցությանը վերաբերող հարցեր, ինչպես նաև ԱՄՆ-ում ՀՀ դեսպանության և հայ գործարար շրջանակների համագործակցության հնարավորությունները։ ...
00:19 14.05.2025
ՀՀ ՏԿԵ նախարարի տեղակալն ընդունել է Արաբական Միացյալ Էմիրությունների Royal Investment Bureau ներդրումային ընկերության պատվիրակությանըՀՀ տարածքային կառավարման և ենթակառուցվածքների նախարարի տեղակալ Քրիստինե Ղալեչյանն ընդունել է Արաբական Միացյալ Էմիրությունների Royal Investment Bureau ներդրումային ընկերության պատվիրակությանը՝ գործադիր տնօրեն Սուլթան Իսա Ալ Մատրուշիի գլխավորությամբ։ Այս մասին հայտնել են ՏԿԵ նախարարությունից: Հանդիպման ընթացքում Սուլթան Իսա Ալ Մատրուշին ներկայացրել է ընկերության գործունեության հիմնական ուղղությունները և հարուստ փորձը։ Միաժամանակ հայտնել է, որ Royal Investment Bureau-ն […] ...
00:09 14.05.2025
«Երիտասարդ արքա»․ Ռեշֆորդը՝ Յամալի մասին«Մանչեսթեր Յունայթեդի» հարձակվող Մարկուս Ռեշֆորդը, որը վարձավճարով խաղում է «Ասթոն Վիլայում», գովել է «Բարսելոնայի» և Իսպանիայի հավաքականի երիտասարդ հարձակվող Լամին Յամալին։ «Երիտասարդ արքա» — գրել է Ռեշֆորդը X սոցիալական ցանցում։ 17-ամյա Յամալը «Բարսելոնայի» առաջին թիմում խաղում է 2023 թվականից։ Այս մրցաշրջանում նա բոլոր մրցաշարերում անցկացրել է 52 խաղ և կատարել 40 արդյունավետ գործողություն (16 գոլ […] ...
23:59 13.05.2025
«Եռաբլուր» զինվորական պանթեոնին հարող լանջերի շուրջ նոր քաղաքային անտառ է հիմնվելՏասնամյակներ շարունակ անխնամ մնացած ու շինաղբով պատված «Եռաբլուր» զինվորական պանթեոնին հարող լանջերի շուրջ 15 հա տարածքում ևս նոր քաղաքային անտառ ենք հիմնել. անցկացվել է 7 կմ ոռոգման նոր ցանց: Այս մասին Ֆեյսբուքի իր էջում գրել է Երևանի քաղաքապետ Տիգրան Ավինյանը: «Վերջին 3 տարում Երևանում ընդհանուր առմամբ ավելացրել ենք շուրջ 55 հա նոր կանաչ տարածք, որից […] ...
23:53 13.05.2025
Թբիլիսյան խճուղում բախվել են «Chevrolet»-ն ու «Kia»-ն. կա վիրավորՄայիսի 13-ին, ավտովթար է տեղի ունեցել Երևանում։ Ժամը 20:10-ի սահմաններում Թբիլիսյան խճուղում բախվել են Արարատի մարզի բնակիչ 39-ամյա Նելսոն Ս.-ի վարած «Kia» մակնիշի և Կոտայքի մարզի բնակիչ 25-ամյա Բագրատ Ս.-ի վարած «Chevrolet» մակնիշի ավտոմեքենաները։ Ինչպես հայտնում է shamshyan.com-ը, վթարի հետևանքով «Chevrolet»-ի վարորդը տեղափոխվել է հիվանդանոց։ Վթարի մասին ՊԾ Երևան քաղաքի գնդից տեղեկությունը փոխանցել են ՀՀ […] ...
23:47 13.05.2025
Պեսկով. Ռուսաստանի պատվիրակությունը մայիսի 15-ին Ստամբուլում կսպասի ուկրաինացի ներկայացուցիչներինՌուսական պատվիրակությունը հինգշաբթի օրը կլինի Ստամբուլում և այնտեղ կսպասի ուկրաինական կողմին։ Այս մասին հայտարարել է Ռուսաստանի նախագահի մամուլի քարտուղար Դմիտրի Պեսկովը՝ պատասխանելով ВГТРК -ի լրագրող Պավել Զարուբինի հարցին։ «Մենք գնահատում ենք միայն (խմբ.Ռուսաստանի) նախագահ Վլադիմիր Պուտինի հայտարարությունները, որն առաջարկել էր հինգշաբթի օրը Ստամբուլում պատվիրակությունների միջև բանակցություններ անցկացնել։ Մեր պատվիրակությունը կլինի այնտեղ և կսպասի ուկրաինական կողմին», – […] ...
