11:14 09.12.2017
Երևանի «Ալաշկերտի» գլխավոր մարզիչ Աբրահամ Խաշմանյանը կարող է գլխավորել Կարագանդայի «Շախտյորը»,- հաղորդում է «СИА SPORTINFORM»-ը:
Ղազախական ակումբի ղեկավարությունը դիտարկում է մի քանի մասնագետներին հրավիրելու տարբերակ: Թեկնածուների թվում է Հայաստանի չեմպիոնի գլխավոր մարզիչը:
Խաշմանյանը կարիերայի ընթացքում աշխատել է «Միկայում», «Արարատում», «Գանձասարում», «Կիլիկիայում» և «Բանանցում», ինչպես նաև գլխավորել է Հայաստանի երիտասարդական հավաքականը:
«Շախտյորի» գլխավոր մարզիչ Սաուլյուս Շիրմյալիսի պայմանագիրն ավարտվել է և նա հեռացել է թիմից:
