14:52 30.07.2018
Այսօր՝ ժամը 12.00-ի սահմաններում, ԱԻՆ «911» ծառայությանն ահազանգ է ստացվել, որ Արտաշիսյան փողոցում գտնվող ապակիների արտադրամասի նկուղում գազի արտահոսք կա: Դեպքի վայր են ժամանել փրկարար ծառայության, գազի ծառայության աշխատակիցները: Իրականացվում են ուսումնասիրություններ գազի արտահոսքի առկայությունը պարզելու համար: Հիշեցնենք, որ արտադրամասում հուլիսի 25-ին նաև պայթյուն էր գրանցվել: 3 հոգի տուժել էր:
