08:53 09.01.2018
Ֆրանսիայի նախկին նախագահ Սարկոզիի նախընտրական քարոզարշավն ապօրինի ֆինանսավորելու գործով Լոնդոնում ձերբակալվել է ֆրանսիացի գործարար Ալեքսանդր Ջուհրին: Ձերբակալությունը կատարվել է, այսպես ասած, լիբիական դոսիեի շրջանակներում: Ըստ դրա`Լիբիայի արդեն հանգուցյալ նախագահ Մուամար Քադդաֆիի վարչակազմը ֆինանսավորել է Սարկոզիի նախընտրական քարոզարշավը: Ենթադրվում է, որ գործարարը ֆինանսական մեքենայություններ է արել, ձևակերպել Կաննում գտնվող առանձնատան վաճառքը Մուամար Քադդաֆիի խորհրդականին, իսկ այդ գումարները ուղարկել Սարկոզիի քարոզարշավի ֆինանսավորմանը: Այս մասին հայտնի է դարձել 2011 թ-ի մարտին: Առաջինը այդ մասին խոսել են Լիբիայի իշխանությունները: Սարկոզին, սակայն, հերքում է բոլոր մեղադրանքները:
