Սեքսը՝ Սպիտակ Տանը

  ՖՐԱՆԿԼԻՆ ԴԵԼԱՆՈ ՌՈՒԶՎԵԼՏ.ԱՄՆ 32-ՐԴ ՆԱԽԱԳԱՀ. 1933—1945

Այս նախագահի բավական հայտնի ազգանունը ամենևին էլ անգլիական չէ, ինչպես թվում է: Դա, այսպես ասենք, «անգլիականացված» տարբերակն է նիդեռլանդական  «Վան Ռոզեվելտ» կամ  «Վան Ռոզենվելտ» ազգանվան: Թարգմանաբար նշանակում  է  վարդերի դաշտից:

ԱՄՆ այս նախագահը  Հարվարդում ուսանելու տարիներին լրագրող  է եղել: Աշխատել է որպես «Harvard Crimson» թերթի խմբագիր, հայտնի է դարձել նախագահ Թեոդոր Ռուզվելտի հետ  հարցազրույց անցկացնելուց  հետո: Թեև հանուն արդարության  պիտի նշենք, որ դա  ամենևին դժվար չէ նրա  համար, քանի որ բարեկամներ  էին:

Իր նախագահության առաջին 11 օրում  նա այնքան հրամանագրեր է ստորագրել, որքան Կոնգրեսը իր պատմության 70 տարվա ընթացքում: Իսկ նախագահության առաջին 100 օրում ընդունեց  բարեփոխումների մի ամբողջ փաթեթ, որն անվանեց «Նոր ուղղություն»: Ամերիկացիներին դա ապահովության զգացում տվեց, իսկ Ռուզվելտին՝ սոցիալական պետություն կառուցելու վաղեմի երազանքն իրականացնելու հնարավորություն:

 Կանայք նրան սիրում էին

 Ասենք՝ ինքն էլ պակաս  չէր սիրում կանանց: Ժամանակիցները պատմում էին, որ Ռուզվելտը գերադասում էր  բարձրահասակ, կանոնավոր դիմագծերով կանանց: Ասում էին՝ սիրային կապ  ուներ քարտուղարուհու՝ Լյուսի Մերսերի  հետ: Լյուսին հարուստ, բայց սնանկացած ընտանիքից էր, էլեգանտ էր  ու թավշե ձայնով: Ուղեկցում էր  նախագահին բոլոր այն ճամփորդութունների ժամանակ, որտեղ չկար կինը: Իսկ  Վիջինիայում, օրինակ ,նախագահն ու սիրուհին գիշերել էին նույն համարում՝ ամուսինների կարգավիճակով: Լյուսին շատ էր  խնդրել-պահանջել, որ նախագահն ամուսնալուծվի կնոջից և իր հետ ամուսնանա, բայց  Ռուզվելտն անդրդվելի էր:

Միսսին

Նախագահ Ռուզվելտի սիրային կյանքում կար ևս մի կին՝ քարտուղարուհի Մարգարիտա  Լեհանդը: Նախագահը նրան քնքշորեն անվանում էր «Միսսի»: Երբ նախագահի կինը՝ էլեոնորան, ինչ-որ տեղ  էր մեկնում, Լիսսին անմիջապես հայտնվում էր Ռուզվելտի կողքին: Ասում էին՝ շատ ուշադիր և ջերմ ունկնդիր էր: 

Սիրային կապեր էին վերագրում  նախագահին նաև  Գրեյս Տալլիի հետ, ով  աշխատանքի նախարար Մարգարեթ Սակլիի հեռավոր բարեկամն էր: Ասում էին, նախագահը  կապված էր նաև  դեմոկրատ  Մոլլի Դյուսսոնի և անգամ նորվեգացի արքայադուստր Մարտայի հետ:

    ՋՈՆ ՔԵՆԵԴԻ.ԱՄՆ 35-ՐԴ ՆԱԽԱԳԱՀ 1961—1963

Ջոն Քենեդին Ամերիկայի «ամենասիրառատ» նախագահներից մեկն էր՝առաջին  կաթոլիկը, ով ղեկավարեց ԱՄՆ-ը: Ասում էին՝ նա ընտրվեց նախագահի պաշտոնում, քանի որ շատ շահեկան էր երևում կադրում, «ֆոտոգհենիկ» էր պարզ ասած: Քենեդուն են վերագրում այս հայտնի արտահայտությունը՝ «Մի մտածեք, թե ինչ  է արել երկիրը ձեզ համար, մտածեք, թե դուք ինչ կարող եք անել այս երկրի համար»:

Թեև Նահանգների համար Քենեդին  ընդունել է  մի շարք  կարևոր  օրենքներ, սակայն  ամերիկացիների հիշողության մեջ դաջվել է  առեղծվածային սպանությունն ու, իհարկե, սիրային անհամար կապերը  հայտնի գեղեցկուհիների  հետ՝ Մերիլին Մոնրո,  Օդրի Հեփբերն, Էնջի Դիքինսոն, Ջեյն Մենսֆիլդ, Մառլեն Դիտրիխ: Էլ չենք  խոսում  Սպիտակ տան անթիվ  պրակտիկանոտւհիների և սպասուհիների մասին: Այդ  ամենի մասին, իհարկե,  գիտեր  Ժակլին  Քենեդին, բայց ինչ-որ  զարմանալի իմաստությամբ կարողանում էր  դեմքի նորմալ արտահայտությամբ շփվել բոլորի  հետ:

Դժվար է  ասել՝ երջանի՞կ էին արդյոք Ժակլինն ու Քենեդին, բայց հենց ամուսնությունից առաջ  Քենեդին կապված էր շվեդուհի Գունիլլա Ֆոն Պոստի հետ: Դրանից  առաջ ռոմանտիկ հարաբերություններ ուներ նկարչուհի Պինչոտ Մեյերի, Ջին Թիրնիի, Էնջի Դիքինսոնի և  ոչ այնքան հայտնի  Ջուդիթ Քեմբերլիի հետ:

Ամուսնությունից հետո  էլ «աստղային» սիրուհիների պակաս  չկար՝ Մերիլին Մոնրո, Մառլեն Դիտրիխ: Դիտրիխն, ի դեպ, ոչ միայն  տարիքով շատ մեծ էր նրանից, այլև որպես սիրուհի «անցել էր  ժառանգաբար»՝ հորից որդուն:

Մերլինի Մոնրոյի և Նախագահ Քենեդու կապի մասին լեգենդներ  էին պտտվում: Մերիլինին հիշող տարեց ամերիկացիները վստահ էին, որ 36-ամյա Մոնրոյի մահն այսպես թե այնպես կապված է ԱՄՆ նախկին նախագահ Ջոն Քենեդիի և նրա եղբոր՝ արդարադատության նախարար Ռոբերտ Քենեդիի հետ: Ջոն Քենեդիի հետ հնարավոր կապի մասին խոսակցությունների առիթ տվել էր ինքը՝ Մոնրոն, ով հանելուկային մահվանից մի քանի ամիս առաջ՝ նախագահի ծննդյան օրը, կատարել էր Happy Birthday, mister President հայտնի երգը:    

Շարունակելի….