05 05 2024

$

387.32
4.23
€

416.10

+16.09 ^oC

Հայոց ցեղասպանության 109-րդ տարելիցի կապակցությամբ Ֆրանսիայի Անտոնի քաղաքում տեղի է ունեցել ոգեկոչման հանդիսավոր արարողություն

ԱՇԽԱՐՀ

23:05 25.04.2024

Հայոց ցեղասպանության 109-րդ տարելիցի կապակցությամբ, հայազգի քանդակործ Թորոս Ռաստ-Կլանի հեղինակած և Ֆրանսիայի Անտոնի քաղաքում տեղադրված «Հայաստանի Արծիվ» հուշակոթողի մոտ ապրիլի 24-ին տեղի ունեցավ ոգեկոչման հանդիսավոր արարողություն, որին ներկա էին Օ-դը-Սեն դեպարտամենտի ղեկավարությունը, քաղաքապետեր, քաղաքային խորհուրդների անդամներ, հայ համայնքի ներկայացուցիչներ։

Իր խոսքում Ֆրանսիայում ՀՀ դեսպանության երրորդ քարտուղար Շիրազ Հովակիմյանն ընդգծեց 20-րդ դարում տեղի ունեցած Հայոց ցեղասպանության միջազգային ճանաչման և դատապարտման կարևորությունը, շեշտելով, որ այդ ոճրագործությունն իրագործողների անպատժելիության հետևանքն է մեկ դար անց հայ ժողովրդի նկատմամբ Լեռնային Ղարաբաղում իրականացված էթնիկ զտումը։ Նշվեց Ֆրանսիայի կարևոր դերակատարումը Հայոց ցեղասպանության միջազգային ճանաչման գործում։ Այս համատեքստում առանձնահատուկ ընդգծվեց ֆրանսահայ հայտնի քաղաքական գործիչ, փաստաբան և նախկին նախարար Պատրիկ Դևեջյանի անգնահատելի ներդրումը Հայոց ցեղասպանության միջազգային ճանաչման օրակարգի առաջմղման, Ֆրանսիայում Հայոց ցեղասպանության ճանաչման գործում, ինչպես նաև ժխտողականության դեմ պայքարում։

Միջոցառման ընթացքում ելույթներով հանդես եկան նաև Օ-դը-Սեն դեպարտամենտի նախագահ Ժորժ Սիֆրեդին, Անտոնիի քաղաքապետ Ժան-Իվ Սենան, Անտոնիի փոխքաղաքապետ, Անտոնիի «ֆրանս-հայկական ակումբի» նախագահ Վիսսամ Նեհմեն և Պատրիկ Դևեջյանի այրին՝ Սոֆի Դևեջյանը։

Արարողությանը ներկա էին և Հայոց ցեղասպանության զոհերի հիշատակը հավերժացնող ու հայ ժողովրդի վերածնունդը խորհրդանշող «Հայաստանի Արծիվ» հուշակոթողի առջև ծաղկեպսակներ զետեղեցին նաև Անտոնիի և Բուլոյն-Բիլանկուրի պրեֆեի տեղակալ Բենուա Տրեվիսանին, Շատենե-Մալաբրիի քաղաքապետ Կարլ Սեգոն, Բուրգ-լա-Ռենի քաղաքապետ Պատրիկ Դոնաթը, Վերիեր-լը-Բուիսոնի քաղաքապետ Ֆրանսուա Գի Տրեբուլեն և այլք։

Նույն օրը Անտոնի քաղաքում Օ-դը-Սեն դեպարտամենտի նախագահ Ժորժ Սիֆրեդիի, Ֆրանսիայի Սենատում «Կենտրոնամետների միության» խմբակցության նախագահ Էրվե Մարսեյի, Անտոնիի քաղաքապետ Ժան-Իվ Սենանի, Անտոնիի փոխքաղաքապետ, Անտոնիի «ֆրանս-հայկական ակումբի» նախագահ Վիսսամ Նեհմեի և Ֆրանսիայում ՀՀ դեսպանության ներկայացուցչի կողմից հանդիսավոր կերպով բացվեց Միսակ Մանուշյանի անունը կրող հրապարակը և Մանուշյանի խմբի անդամներին նվիրված հուշատախտակը։

Բաժանորդագրվեք SHANTNEWS.am-ին Telegram-ում

Բոլոր լուրերը

19:00 05.05.2024
Մոլդովայի նախագահը և պաշտպանության նախարարը կայցելեն Նորվեգիա

Կապակցված լուրեր

19:00 05.05.2024

Մոլդովայի նախագահը և պաշտպանության նախարարը կայցելեն Նորվեգիա

Մոլդովայի նախագահ Մայա Սանդուն և Հանրապետության պաշտպանության նախարար Անատոլի Նոսաթին մայիսի 6-7-ը առաջին պաշտոնական այցով կմեկնեն Նորվեգիա, հայտնում է պետության ղեկավարի մամուլի ծառայությունը։ Սա Մոլդովայի նախագահի առաջին պաշտոնական այցն է Նորվեգիա։ Ավելի վաղ՝ ապրիլի 17-ին, Մոլդովա էր այցելել Նորվեգիայի արտգործնախարար Էսպեն Բարտ Էյդեն։ Նա հայտնել էր, որ Նորվեգիան նախատեսում է մոտ ապագայում դեսպանատուն բացել Մոլդովայում։ ...

18:40 05.05.2024

Տյումենի մարզում գետերի վարարումների պատճառով հարյուրավոր տներ են հեղեղվել

Տյումենի մարզում Իշիմ և Տոբոլ գետերի վարարման պատճառով 47 բնակավայրերի ավելի քան 380 բնակելի շենք է հեղեղվել։ Այս մասին հայտնում է ՌԴ ԱԻՆ-ը։ Գերատեսչության տվյալներով՝ Իշիմ գետի ջրի մակարդակը Իլյինկա և Աբացկոե գյուղերի տարածքներում շարունակում է նվազել։ Վիկուլովսկի շրջանում ջրի մակարդակը շարունակում է բարձրանալ։ «47 բնակավայրերում ջրածածկ են մնացել 385 բնակելի շենք, 345 ամառանոց, 3232 […] ...

18:20 05.05.2024

Իսրայելը որոշել է արգելափակել Al Jazeera հեռուստաալիքը

Իսրայելի կառավարությունը որոշել է փակել «Ալ Ջազիրա» հեռուստաալիքը երկրում։ Այս մասին ասվում է վարչապետ Բենիամին Նեթանյահուի X սոցիալական ցանցում հրապարակված հայտարարության մեջ: «Իմ ղեկավարած կառավարությունը միաձայն որոշում է կայացրել՝ Իսրայելում կփակվի սադրիչ «Ալ Ջազիրա» հեռուստաալիքը»,- ասվում է հաղորդագրության մեջ։ Մինչ այս` Իսրայելի Քնեսեթը (խորհրդարանը) երկրորդ և երրորդ՝ վերջնական ընթերցմամբ հաստատել է օրենքը, որը թույլ է […] ...

17:44 05.05.2024

ԱՄԷ-ն ծրագրում է միլիարդավոր դոլարներ ներդնել Բրազիլիայի կենսավառելիքի նախագծերում

Աբու Դաբիի սուվերեն հիմնադրամի Mubadala Capital-ի ներդրումային թեւը մտադիր է մոտ 13,5 միլիարդ դոլար ներդնել հաջորդ տասնամյակում բրազիլական կենսավառելիքի հավակնոտ նախագծում: Այս մասին գրում է Financial Times-ը։ «Մուբադալա» հիմնադրամի հիմնական ներդրումը վերականգնվող էներգիայի մեջ ներառում է հինգ «մոդուլների»՝ բիովերամշակման գործարանների կառուցումը, որոնցից յուրաքանչյուրը կարժենա 2,7 միլիարդ դոլար։ «Ամեն ինչ կախված է հումքից, հիմնականում՝ գյուղատնտեսությունից: Իսկ […] ...

16:45 05.05.2024

Իսրայելը փակել է անցակետը, որով մարդասիրական օգնություն է ուղարկվել Գազա

Իսրայելը փակել է Գազայի հատվածի հարավ-արևելյան սահմանին գտնվող «Քերեմ Շալոմ» անցակետը, որով անցնում էին հումանիտար պաշարները, այն բանից հետո, երբ տարածքը պաղեստինյան անկլավում ռադիկալների կրակոցների տակ էր հայտնվել, հայտնել է Իսրայելի պաշտպանության բանակի մամուլի ծառայությունը։ Կիրակի ավելի վաղ Իսրայելի պաշտպանության բանակի մամուլի ծառայությունը հայտնել էր, որ «Քերեմ Շալոմ» անցակետի տարածքում օդային հարվածների ձայներ են հնչել։ […] ...

16:25 05.05.2024

Սի Ծինփինը մեկնել է եվրոպական շրջագայության

Չինաստանի նախագահ Սի Ծինփինը հինգ տարվա ընթացքում առաջին անգամ շրջագայության է մեկնել Եվրոպա։ Այս մասին գրում է ՏԱՍՍ-ը։ Հայտնի է, որ Չինաստանի Ժողովրդական Հանրապետության նախագահը ծրագրում է այս պետությունների ղեկավարների հրավերով այցելել Ֆրանսիա, Սերբիա եւ Հունգարիա։ Չինաստանի ԱԳՆ-ի տվյալներով՝ եվրոպական շրջագայությունը կտեւի մայիսի 5-10-ը։ Գերատեսչությունը նաև հայտնել է, որ Ծինփինի այցերը եվրոպական մայրաքաղաքներ կնպաստեն Չինաստանի […] ...

Մենք սոց. ցանցերում

Հետևեք մեզ սոց․ ցանցերում

Հորիզոն լրատվական

Մեր կայքում տեղ գտած հրապարակումների հեղինակային իրավունքը պատկանում է բացառապես shantnews.am-ի խմբագրությանը։ Այլ ԶԼՄ-ներում սույն կայքի հրապարակումներից որևէ մեկը ամբողջական վերահրապարակելու համար անհրաժեշտ է խմբագրության համաձայնությունը: Լրատվամիջոցները կարող են shantnews.am-ից մեջբերումներ վերահրապարակել միմիայն հատվածաբար` պարտադիր օգտագործելով հիպերհղում:

Բոլոր իրավունքները պաշտպանված են
Կայքէջի նյութերի վերարտադրումը, բեռնումը, տարածումը ցանկացած միջոցներով արգելվում է առանց "ՇԱՆԹ ՀԸ" պաշտոնական համաձայնության։.