19:02 16.10.2021
Գյումրիի գիշերօթիկ և խնամքի հաստատությունների վերջնական լուծարումից և դրանց փոխարեն աջակցության մեկ կենտրոնի վերակազմավորումից հետո խնամվող երեխաների թիվն այս պահին 39-ն է։ Նրանց մի մասը Տավուշի և Լոռու մարզերից են։ 16-ի վերադարձը ընտանիք խիստ ռիսկային է։
«Ճգնաժամային կենտրոնները Հանրապետությունում երեքն են՝ 1-ը Երևանում, 1-ը՝ Սյունիքում, մյուսը՝ Գյումրիում։ Գյումրիի այս կենտրոնում Լոռու և Տավուշի մարզերի կյանքի դժվարին իրավիճակում հայտնված երեխաները ևս ծառայություններ են ստանալու, այն նպատակ է հետապնդում, որպեսզի ծառայությունները հասանելի դարձնենք նաև հարևան մարզի երեխաների համար»,- SHANTNEWS.am-ի հետ զրույցում ասել է ՀՀ աշխատանքի և սոցիալական հարցերի նախարարության հավասար հնարավորությունների ապահովման վարչության, երեխաների հիմնահարցերի բաժնի գլխավոր մասնագետ Անահիտ Հովհաննիսյանը։
Ի տարբերություն գիշերօթիկների, աջակցության կենտրոններում երեխաների ընդունելությունն այլ կարգով ու չափորոշիչներով է։ Ովքեր ու որ դեպքում կարող են այդպիսի կենտրոնների շահառու դառնալ: Նախարարությունը ընտանիքների կարիքների գնահատման արդյունքում են մշակել ու հաստատել համապատասխան չափորոշիչները: Առաջինը դա վերաբերում աջակցության կենտրոններում երեխաների ապրելու ժամկետներին։
«6 ամիս ժամկետով մնում են այն երեխաները, ովքեր ընտանիքից բաժանման ռիսկ ունեն։ Ելնելով երեխայի լավագույն շահերից երեխային չի տեղափոխում մանկատուն, և որպես միջանկյալ լուծում երեխայի խնամքը կազմակերպվում է այստեղ, ինչպես նաև ծառայություն է մատուցվում մինչև 1 տարի ժամկետով՝ շուրջօրյա»,- ասել է Անահիտ Հովհաննիսյանը։
Այս պահին ընտանիքում չապրող և ռիսկային համարվող ընտանիքների երեխաներից մի մասը Շիրակի մարզից չեն, իսկ նրանց մասին տվյալների ու ընտանեկան իրավիճակներին տիրապետելը տեղի մասնագետների համար խիստ անհրաժեշտ է։ Այդ երեխաների հետ աշխատանքը բավական ծանր է։ Այս պարագայում սահմանված 6 ամիս ժամկետը դառնում է խիստ հարաբերական երեխաների ընտանիք վերադարձն ապահովելու համար։
«Կարիքների խորքային գնահատումից հետո առանձնացվեց 3 խումբ՝ ցածր, միջին և բարձր։ Ցածր և միջին ռիսկայնության դեպքում անելիքները պարզ են, բարձրն այն խումբն է, որին ոչ մի ձևով դու չես կարողանում ապահովել․․․ Այսինքն, եթե անգամ ծնողին էդ ամեն ինչը դու տալիս ես, ինքը՝ միևնույն է, ոչ մի օր սթափ վիճակում չի , որ զբաղվի իր երեխայի դաստաիարակությամբ։ Եվ բազմամասնագիտական թիմը որոշեց, որ այս երեխաները չեն կարող գնալ ընտանիք, վտանգվում է նրանց կյանքն ու առողջությունը։ Դրա համար որոշվեց , որ երեխաները մնալու են պետության հոգածության տակ, այդպիսի 16 երեխա ունենք»,-նշել է Շիրակի մարզպետարանի ընտանիքի, կանանց և երեխաների իրավունքների պաշտպանության բաժնի պետ Լիլիթ Գորգինյանը։
Այս կենտրոնը վերակազմավորվել է մինչև 160 երեխա ընդունելու հնարավորությամբ, թեև մասնագետների համար կարևոր սկզբունք ու խնդիր է չավելացնել խնամվողների թիվը, այլ հակառակը։ Գիշերօթիկ հաստատությունների փակվելուց հետո 130 սաներից 110-ին հաջողվեց ընտանիքներ վերադարձնել, նրանցից որևէ մեկի հետդարձ կենտրոն չի եղել։ Այս ընտանիքների հանդեպ կառույցներն իրականացնում են հսկողություն և պարբերաբար այցելություններ։ Իսկ աջակցության կենտրոնը մեկ ամսից ավելի է աշխատում է փակ ռեժիմով, ծնողների ելքը և մուտքը ևս սահմափանափակված է՝ համավարակի պատճառով։ Այս ընթացքում շենքում վերանորոգման աշխատանքներ են սկսվել, պայմաններն են բարելավվում, հարմարեցվում են՝ շուրջօրյա և ցերեկային խնամքի ծառայությունների իրականացման համար:
«Շանթ Գյումրի» հեռուստաալիքն այս պահին հասանելի է Rostelecom, Delta telecom, TeleMAX, ARPINET, Opticom,SHIRAK telecom , HAY-NET ցանցային օպերատորների կապուղիներով, ինչպես նաև Shant Digital Tv հավելվածով՝ ամբողջ աշխարհում։
18:27 30.04.2025
Ընտրական մարմինների ասոցիացիայի 2026-ի գործադիր խորհրդի նիստը կհրավիրվի ՀայաստանումԱպրիլի 25-ից 27-ը ՀՀ Կենտրոնական ընտրական հանձնաժողովի նախագահ Վահագն Հովակիմյանի գլխավորած պատվիրակությունը Մանիլայում (Ֆիլիպիններ) մասնակցել է Ընտրական մարմինների համաշխարհային ասոցիացիայի քարտուղարության (A-WEB) 13-րդ գործադիր խորհրդի նիստին: Պատվիրակության կազմում են ընդգրկված եղել ԿԸՀ անդամ Աննա Գրիգորյանը և ԿԸՀ ֆինանսատնտեսական վարչության գլխավոր մասնագետ Մերինե Սուքիասյանը։ Նիստի ընթացքում քննարկվել են օրակարգային հարցեր, այդ թվում՝ գործադիր խորհրդի նիստի անցկացման […] ...
18:17 30.04.2025
Մեսսին բոլոր ժամանակների լավագույն ֆուտբոլիստն է, իսկ ես ընդամենը 17 տարեկան եմ«Բարսելոնայի» հարձակվող Լամին Յամալը կարծում է, որ Լիոնել Մեսսիի հետ համեմատությունը դրական է ազդում իր վրա։ «Մեսսին բոլոր ժամանակների լավագույն ֆուտբոլիստն է, իսկ ես ընդամենը 17 տարեկան եմ։ Ինձ մոտիվացիա է տալիս, երբ տեսնում եմ, որ մարդիկ համեմատում են ինձ նրա հետ։ Որքան շատ է լինում ճնշումն ինձ վրա, ես ավելի լավ եմ հանդես գալիս։ […] ...
18:08 30.04.2025
Իսրայելի պաշտպանության բանակը հարձակվել է Դամասկոսի արվարձանում գտնվող հասարակական անվտանգության ուժերի վրաՍիրիայի ընդհանուր անվտանգության ուժերը իսրայելական ավիահարվածների են ենթարկվել Դամասկոսի հարավային արվարձանում գտնվող Սահնայա բնակավայրում, հայտնում է Syria TV -ն՝ հղում անելով Սիրիայի ՆԳՆ-ին։ «Իսրայելական ռազմաօդային ուժերի անօդաչու թռչող սարքը հարվածել է Սահնայայի մատույցներում ընդհանուր անվտանգության ուժերի հավաքակայանին», – հաղորդում է հեռուստաալիքը։ Ներքին գործերի նախարարության տվյալներով՝ հարձակման հետևանքով զոհվել է անվտանգության մեկ աշխատակից, մի քանիսը վիրավորվել […] ...
17:54 30.04.2025
Գևորգ Պապոյանն ընդունել է Հայ-ֆրանսիական առևտրաարդյունաբերական պալատի նախագահի գլխավորած պատվիրակությանըՀՀ էկոնոմիկայի նախարար Գևորգ Պապոյանն ապրիլի 30-ին ընդունել է Հայ-ֆրանսիական առևտրաարդյունաբերական պալատի (CCIFA) նախագահ Արմեն Մնացականյանի գլխավորած պատվիրակությանը։ Հանդիպմանը մասնակցել են նաև նախարարի տեղակալներ Էդգար Զաքարյանն ու Նարեկ Հովակիմյանը։ Հանդիպման ընթացքում նախարարին են ներկայացվել պալատի կատարած աշխատանքները, ինչպես նաև առաջիկա ծրագրերը։ Քննարկվել են ՀՀ էկոնոմիկայի նախարարության հետ համագործակցության հնարավոր ուղղությունները։ Կողմերը կարևորել են ֆրանսիացի գործարարներին […] ...
17:46 30.04.2025
Աբովյան քաղաքում ավտոմեքենա է այրվելԱպրիլի 30-ին՝ ժամը 15:24-ին, Կոտայքի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Աբովյան քաղաքի 98 հասցեի մոտակայքում այրվում է ավտոմեքենա. տուժածներ չկան: Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ: Պարզվել է, որ Արզնի գյուղի 4-րդ թաղամասի պահեստային տարածքներից մեկում այրվում է ավտոմեքենա։ Հրդեհը մեկուսացվել է […] ...
