19:38 29.10.2021
Շիրակի մարզի առաջին ատյանի դատարանում այսօր շարունակվել է Ջուլիետա Ղուկասյանին ծեծելով մահվան հասցնելու գործի քննությունը։ Հիշեցնենք, դեպքը տեղի է ունեցել 2018-ի դեկտեմբերի 2-ին, Գյումրիի Սլաբոտկա թաղամասում։ Կնոջը ծեծելով մահվան հասցնելու մեջ մեղադրվում է Գյումրիում տեղակայված ռուսական 102-րդ ռազմաբազայի զինծառայող Անդրեյ Ռազգիլդեևը։ Դատավարությունը վկաների քննության փուլում է։ Վկաներից առաջինը, որն այսօր դատարան էր հրավիրվել, Գյումրիի շտապօգնության կայանի բժշկուհին էր։ 2018-ի դեկտեմբերի 2-ի առավոտյան նա է շտապօգնության բրիգադի կազմում օգնության հասել ծեծի ենթարկված Ջուլիետա Ղուկասյանին։ Նա նշել է, որ դեպքի վայրում Ջուլիետա Ղուկասյանի գիտակցությունը տեղում է եղել։ Հիվանդանոց տեղափոխվելու ճանապարհին նա դեպքի մասին ոչինչ չի պատմել։
«Հասել ենք դեպքի վայր և տուժողին տեսել ենք տարածքի աստիճանավանդակին նստած։Կային բազմաթիվ վնասվածքներ մարմնի տարբեր հատվածներում։ Իրականում տուժողի վիճակը շատ ծանր էր։ Ցավերն այնքան ուժեղ էին, որ ես հարցեր չեմ տվել։ Բերանը բացել փակելուց ցավերն ուժեղանում էին»,- իր ցուցմունքում նշել է վկա Էլիզաբեթ Ղումարյանը։
Հաջորդ վկան Գյումրիի գիշերային ակումբի անվտանգության աշխատակիցն էր։ Նա նախաքննական ցուցմունքում նշել է, որ այդ օրը 3 ռուս երիտասարդներ են իրենց ակումբում եղել և գտնվել են ոչ սթափ վիճակում։ Վկայություն են տվել նաև ամբաստանյալ Անդրեյ Ռազգիլդեևի հորաքույրը և նրա ամուսինը։ Նրանք պատմել են, թե դեպքի օրը Ռազգիլդեևը երբ և ինչ վիճակում է վերադարձել տուն։
«Անդրեյն այդ օրը ընկերների հետ ժամանակ անցկացնելու դուրս եկավ, ինձ էլ հրավիրեց, բայց ես տանը մնացի։ Դեռ լույսը չէր բացվել, որ վերադարձավ։ Հարցրի, թե արդյո՞ք ամեն ինչ նորմալ է։ Դրական պատասխան ստանալուց հետո գնացինք քնելու։ Նա տանից դուրս էր եկել սթափ, կոկիկ հագնված, իսկ երբ վերադարձավ արտաքինն էլի նույնն էր, միայն թե խմած էր»,- նշել է վկա Ալեքսանդր Կուզնեցովը։
Գործով վկաներից մեկը մահացել է, իսկ դեպքի օրը Ռազգիլդեևի հետ եղած ընկերները 2019-ին հատել են Հայաստանի սահմանը։ Այս մասին ոստիկանությունը համապատասխան տեղեկություն է ներկայացրել դատարանին։ Այսքանով վկաների քննությունն ավարտվել է։
00:00 01.05.2025
Պատվաստանյութերը տարեկան փրկում են միլիոնավոր կյանքեր և օգնում են նվազեցնել հիվանդացությունըԱռողջապահության նախարարությունից հայտնել են, որ իմունականխարգելմանն ու իմունաբանությանը նվիրված իրազեկման միջոցառումներն առիթ են կրկին հիշեցնելու պատվաստման կարևորության մասին, որ մեզանից յուրաքանչյուրի առողջությունը մեր ընդհանուր պատասխանատվությունն է։ Իմունաբանությունն ուսումնասիրում է օրգանիզմի պաշտպանական մեխանիզմները վարակիչ հիվանդությունների, չարորակ նորագոյացությունների և այլ խանգարումների դեմ։ Իմունիզացիայի շնորհիվ` մարդկությունը կարողացել է հաղթահարել մահացու հիվանդություններից ջրծաղիկը, զգալիորեն նվազեցնել կարմրուկից, պոլիոմիելիտից և այլ […] ...
23:59 30.04.2025
Ստեփանծմինդա-Լարս ավտոճանապարհը բաց էՎրաստանի ՆԳՆ ԱԻ դեպարտամենտից և ՌԴ ԱԻՆ Հյուսիսային Օսիայի ճգնաժամային կառավարման կենտրոնից ստացված տեղեկատվության համաձայն՝ Ստեփանծմինդա-Լարս ավտոճանապարհը բաց է բոլոր տեսակի տրանսպորտային միջոցների համար։ ...
23:58 30.04.2025
Երևանում «Opel»-ի վարորդի ինքնազգացողությունը վատացել է, մեքենան դուրս է եկել հանդիպակաց գոտի և բախվել «Arcfox»-ինԱպրիլի 30-ին, արտակարգ դեպք է տեղի ունեցել Երևանում։ Ժամը 16:10-ի սահմաններում «Opel» մակնիշի ավտոմեքենան Երվանդ Քոչարի փողոցում դուրս են եկել հանդիպակաց երթևեկելի գոտի և բախվել «Arcfox» մակնիշի ավտոմեքենային։ Ինչպես հայտնում է shamshyan.com-ը, վթարի հետևանքով «Opel»-ի վարորդը «սրտամկանի սուր ինֆարկտ» ախտորոշմամբ տեղափոխվել է Հերացու անվան թիվ 1 համալսարանական հիվանդանոց։ Նրան առաջինն օգնության են հասել քաղաքացիները, «Arcfox»-ի […] ...
23:57 30.04.2025
ՀՀ տարածքում ավտոճանապարհները հիմնականում անցանելի ենՓրկարար ծառայությունը տեղեկացնում է, որ ՀՀ տարածքում ավտոճանապարհները հիմնականում անցանելի են։ Փակ է Արագածոտնի մարզում «Ամբերդ» բարձր լեռնային օդերևութաբանական կայանից Քարի լիճ ավտոճանապարհը։ ...
23:56 30.04.2025
Հնդկաստանը փակել է օդային տարածքը պակիստանյան ինքնաթիռների համարՀնդկաստանը փակել է իր օդային տարածքը պակիստանյան բոլոր ինքնաթիռների համար։ Այս մասին նշվում է հարավասիական հանրապետության կողմից տրված NOTAM ավիացիոն ծանուցման մեջ: Պակիստանի ինքնաթիռների համար օդային տարածքը փակելու որոշումը կգործի ապրիլի 30-ից մինչև մայիսի 23-ը։ Նշվում է, որ ծանուցումը վերաբերում է Pakistan Airlines-ի կողմից «գրանցված, շահագործվող, սեփականության տակ գտնվող և վարձակալված բոլոր ինքնաթիռներին»: Այն տարածվում […] ...
23:51 30.04.2025
43-ամյա կնոջ մարմինը հայտնաբերվել է Ստեփանավան քաղաքի Ձորագետի կիրճումԱպրիլի 30-ին, ողբերգական դեպք է տեղի ունեցել Լոռու մարզում։ Ժամը 12:30-ին ՀՀ ՆԳՆ Ոստիկանության Ստեփանավանի բաժին է դիմել Լոռու մարզի բնակիչ մի տղամարդ և հայտնել, որ ապրիլի 29-ին՝ ժամը 22:20-ի սահմաններում իր կինը դուրս է եկել տանից և չի վերադարձել։ Ինչպես հայտնում է shamshyan.com-ը, ոստիկանության Ստեփանավանի բաժնի ծառայողները, կնոջ ամուսինն ու հարազատները մի քանի ժամ […] ...
