18:06 04.11.2021
ՀՀ կրթության, գիտության, մշակույթի և սպորտի նախարար Վահրամ Դումանյանն այսօր հանդիպել է դպրոցականների 2021-2022 ուսումնական տարվա առարկայական օլիմպիադաների հանրապետական հանձնաժողովների նախագահների հետ:
Հանդիպմանը մասնակցել է նաև ԿԳՄՍ նախարարի տեղակալ Ժաննա Անդրեասյանը:
Ողջունելով ներկաներին՝ նախարար Վահրամ Դումանյանը նշել է, որ ՀՀ դպրոցականներն ավանդաբար լավ արդյունքներ են գրանցում միջազգային օլիմպիադաներում, սակայն ըստ վիճակագրության՝ այդ օլիմպիադաներին, հատկապես բնագիտական և ճշգրիտ գիտությունների գծով, գրեթե միշտ մասնակցում են նույն դպրոցների աշակերտները: Նախարարն ընդգծել է, որ պետք է անել հնարավորը՝ մեծացնելու տարբեր դպրոցների երեխաների ընդգրկվածությունն օլիմպիական գործընթացում: Այդ նպատակով Վահրամ Դումանյանն առաջարկել է խրախուսել դպրոցներում օլիմպիական խմբակների կազմակերպումը:
«Դպրոցները պետք է հավուր պատշաճի իրենց աշակերտներին տեղեկացնեն օլիմպիադաների անցկացման և մասնակցության մասին, ինչպես նաև դպրոցներում ձևավորեն օլիմպիական մթնոլորտ»,- շեշտել է նախարարը:
ԿԳՄՍ նախարարի տեղակալ Ժաննա Անդրեասյանն իր հերթին նշել է, որ պայմանավորված Քովիդ-19 համավարակով՝ այս տարի ևս առաջնահերթություն է օլիմպիադաների անցկացման ընթացքում խստորեն պահպանել հակահամաճարակային կանոնները:
Ներկաները քննարկել են հատկապես դպրոցական փուլում գնահատման օբյեկտիվության խնդիրը: Գնահատման գործընթացը բարելավելու նպատակով ոլորտի պատասխանատուներն առաջարկել են ներկայացնել համապատասխան առաջարկներ:
Հանդիպման օրակարգի հաջորդ հարցը վերաբերել է 2022 թ. Հայաստանում անցկացվելիք կենսաբանության միջազգային օլիմպիադային: Նշվել է, որ վերջերս հանդիպում է տեղի ունեցել կազմկոմիտեի անդամների հետ, և պետք է հնարավորինս աջակցել կազմկոմիտեին՝ կենսաբանության միջազգային օլիմպիադան մեր երկրում բարձր մակարդակով անցկացնելու համար: Նախարարի տեղակալ Ժաննա Անդրեասյանը ներկաներին տեղեկացրել է, որ ՀՀ բյուջեից հատկացվել են համապատասխան միջոցներ՝ միջազգային այդ կարևոր միջոցառումը պատշաճ կազմակերպելու համար:
Օրակարգի մյուս հարցն առնչվում էր հանրակրթական ուսումնական հաստատությունների սովորողներին անվանական կրթաթոշակի տրամադրման կարգին: Մասնավորապես, քննարկվել են «միջազգային և այլ օլիմպիադաներ» դրույթի հստակեցման խնդիրը:
Հանդիպման ընթացքում անդրադարձ է եղել նաև օլիմպիական խմբակների խմբավարների պատրաստման և հարակից այլ հարցերի:
00:00 01.05.2025
Պատվաստանյութերը տարեկան փրկում են միլիոնավոր կյանքեր և օգնում են նվազեցնել հիվանդացությունըԱռողջապահության նախարարությունից հայտնել են, որ իմունականխարգելմանն ու իմունաբանությանը նվիրված իրազեկման միջոցառումներն առիթ են կրկին հիշեցնելու պատվաստման կարևորության մասին, որ մեզանից յուրաքանչյուրի առողջությունը մեր ընդհանուր պատասխանատվությունն է։ Իմունաբանությունն ուսումնասիրում է օրգանիզմի պաշտպանական մեխանիզմները վարակիչ հիվանդությունների, չարորակ նորագոյացությունների և այլ խանգարումների դեմ։ Իմունիզացիայի շնորհիվ` մարդկությունը կարողացել է հաղթահարել մահացու հիվանդություններից ջրծաղիկը, զգալիորեն նվազեցնել կարմրուկից, պոլիոմիելիտից և այլ […] ...
23:59 30.04.2025
Ստեփանծմինդա-Լարս ավտոճանապարհը բաց էՎրաստանի ՆԳՆ ԱԻ դեպարտամենտից և ՌԴ ԱԻՆ Հյուսիսային Օսիայի ճգնաժամային կառավարման կենտրոնից ստացված տեղեկատվության համաձայն՝ Ստեփանծմինդա-Լարս ավտոճանապարհը բաց է բոլոր տեսակի տրանսպորտային միջոցների համար։ ...
23:58 30.04.2025
Երևանում «Opel»-ի վարորդի ինքնազգացողությունը վատացել է, մեքենան դուրս է եկել հանդիպակաց գոտի և բախվել «Arcfox»-ինԱպրիլի 30-ին, արտակարգ դեպք է տեղի ունեցել Երևանում։ Ժամը 16:10-ի սահմաններում «Opel» մակնիշի ավտոմեքենան Երվանդ Քոչարի փողոցում դուրս են եկել հանդիպակաց երթևեկելի գոտի և բախվել «Arcfox» մակնիշի ավտոմեքենային։ Ինչպես հայտնում է shamshyan.com-ը, վթարի հետևանքով «Opel»-ի վարորդը «սրտամկանի սուր ինֆարկտ» ախտորոշմամբ տեղափոխվել է Հերացու անվան թիվ 1 համալսարանական հիվանդանոց։ Նրան առաջինն օգնության են հասել քաղաքացիները, «Arcfox»-ի […] ...
23:57 30.04.2025
ՀՀ տարածքում ավտոճանապարհները հիմնականում անցանելի ենՓրկարար ծառայությունը տեղեկացնում է, որ ՀՀ տարածքում ավտոճանապարհները հիմնականում անցանելի են։ Փակ է Արագածոտնի մարզում «Ամբերդ» բարձր լեռնային օդերևութաբանական կայանից Քարի լիճ ավտոճանապարհը։ ...
23:56 30.04.2025
Հնդկաստանը փակել է օդային տարածքը պակիստանյան ինքնաթիռների համարՀնդկաստանը փակել է իր օդային տարածքը պակիստանյան բոլոր ինքնաթիռների համար։ Այս մասին նշվում է հարավասիական հանրապետության կողմից տրված NOTAM ավիացիոն ծանուցման մեջ: Պակիստանի ինքնաթիռների համար օդային տարածքը փակելու որոշումը կգործի ապրիլի 30-ից մինչև մայիսի 23-ը։ Նշվում է, որ ծանուցումը վերաբերում է Pakistan Airlines-ի կողմից «գրանցված, շահագործվող, սեփականության տակ գտնվող և վարձակալված բոլոր ինքնաթիռներին»: Այն տարածվում […] ...
23:51 30.04.2025
43-ամյա կնոջ մարմինը հայտնաբերվել է Ստեփանավան քաղաքի Ձորագետի կիրճումԱպրիլի 30-ին, ողբերգական դեպք է տեղի ունեցել Լոռու մարզում։ Ժամը 12:30-ին ՀՀ ՆԳՆ Ոստիկանության Ստեփանավանի բաժին է դիմել Լոռու մարզի բնակիչ մի տղամարդ և հայտնել, որ ապրիլի 29-ին՝ ժամը 22:20-ի սահմաններում իր կինը դուրս է եկել տանից և չի վերադարձել։ Ինչպես հայտնում է shamshyan.com-ը, ոստիկանության Ստեփանավանի բաժնի ծառայողները, կնոջ ամուսինն ու հարազատները մի քանի ժամ […] ...
