19:48 06.11.2021
Ավարտվել են հանրակրթական դպրոցների ուսուցիչների համար կազմակերպված նախաատեստացիոն եռամսյա դասընթացները։ Շիրակի մարզի 4000 մանկավարժներից այս տարի վերապատրաստվել են 800-ը:
Կրթության ազգային ինստիտուտի լուծարումից հետո մանկավարժների վերապատրաստումները երեք տարի դադարեցված էին, վերսկսվեցին այս տարվա աշնանը։ 100 ժամ տևողության վերապատրաստման դասընթացներն այս անգամ ունեին երեք բաղադրիչ՝ օրենսդրություն, տեղեկատվական տեխնոլոգիաներ և մասնագիտական գործնական պարապմունքներ: Հետազոտական աշխատանքներում ուսուցիչներից յուրաքանչյուրն առաջարկել է դասապրոցեսը աշակերտի համար ավելի հետաքրքիր, բովանդակալից դարձնելու նոր մեթոդներ ու մոտեցումներ: Դրանք արդեն կիրառել են դպրոցներում։
Բնագիտական առարկաների դեպքում, օրինակ, պետք է փոխել մոտեցումներն ու դասապրոցեսի հիմնական մասն անցկացնել լաբորատորիաներում: Կրթական մեթոդների արմատական փոփոխություն է պահանջում ռազմագիտություն առարկան: Զինղեկները ծանոթացել են առաջիկայում սպասվող առարկայի նորամուծություններին։
Ըստ մասնագետների պետք է այնպես կազմակերպել թեմայի մատուցումը, որ հետաքրքիր ու հասանելի լինի դասարանի բոլոր աշակերտներին։ Մարզի ֆրանսերեն լեզվի մասնագետներից մեկն էլ լեզվի արագ ընկալման ու հիշողության ամրապնդման համար առաջարկում էր կիրառել հեքիաթների մեթոդը:
«Կարող եմ առանձնացնել, որ, իրոք, խիստ անհրաժեշտություն կա այսօր մեր մեթոդական վերապատրաստումների, որովհետև շատ արագ աշակերտները զարգանում են, կյանքը առաջ է ընթանում, և ուսուցիչը ուզի թե չուզի, իր զինանոցը անընդհատ պիտի թարմացնի, որ կարողանա համընթաց քայլել էս բոլոր փոփոխությունների հետ։ Նույնիսկ սովորական շփումների ժամանակ ուսուցիչները մեկը մյուսից սովորում են, փոխանցում են իրենց գիտելիքները»,- նշել է Գյումրիի թիվ մեկ ավագ դպրոցի տնօրեն, վերապատրաստող մասնագետ Նաիրա Թադևոսյանը։
Անհատական թեմաների ու աշխատանքների պաշտպանությանը դիտորդի կարգավիճակով հետևում էին նաև կրթության զարգացման ազգային ինտիտուտի մասնագետները, որից հետո միայն կամփոփվեն վերջնական արդյունքներն ու ստացած կրեդիտային միավորները:
«Մենք դեռևս վերջնական գնահատում չենք արել, այսինքն՝ կրեդիտները չենք հստակեցրել։ 9-11 կրեդիտ հավաքած մասնակիցն է, որ արժանանում է հավաստագրի, այս պահի դրությամբ վստահաբար չեմ կարող ասել, բայց ինչքան հասկանում եմ, չեմ կարծում, որ լինեն մարդիկ, ովքեր չեն հաղթահարի նվազագույն շեմը»,-նշել է Նաիրա Թադևոսյանը։
Նախաատեստացիոն պարտադիր վերապատրաստում անցած ուսուցիչների հավաստագրերը ուժի մեջ կմնան 5 տարի ժամկետով, տարրակարգ ավելացնելու ցանկության դեպքում նրանք կարող են մասնակցել կամավոր ատեստավորմանը, որը հաղթահարելու դեպքում կունենան 30-50 տոկոս աշխատավարձի բարձրացում։ Իսկ նախաատեստացիոն գործընթացի նվազագույն շեմը չհաղթահարած մասնագետների համար կկազմակերպվի լրացուցիչ վերապատրաստում, այդ ընթացքում նրանք դասավանդելու իրավունքից չեն զրկվի:
00:00 01.05.2025
Պատվաստանյութերը տարեկան փրկում են միլիոնավոր կյանքեր և օգնում են նվազեցնել հիվանդացությունըԱռողջապահության նախարարությունից հայտնել են, որ իմունականխարգելմանն ու իմունաբանությանը նվիրված իրազեկման միջոցառումներն առիթ են կրկին հիշեցնելու պատվաստման կարևորության մասին, որ մեզանից յուրաքանչյուրի առողջությունը մեր ընդհանուր պատասխանատվությունն է։ Իմունաբանությունն ուսումնասիրում է օրգանիզմի պաշտպանական մեխանիզմները վարակիչ հիվանդությունների, չարորակ նորագոյացությունների և այլ խանգարումների դեմ։ Իմունիզացիայի շնորհիվ` մարդկությունը կարողացել է հաղթահարել մահացու հիվանդություններից ջրծաղիկը, զգալիորեն նվազեցնել կարմրուկից, պոլիոմիելիտից և այլ […] ...
23:59 30.04.2025
Ստեփանծմինդա-Լարս ավտոճանապարհը բաց էՎրաստանի ՆԳՆ ԱԻ դեպարտամենտից և ՌԴ ԱԻՆ Հյուսիսային Օսիայի ճգնաժամային կառավարման կենտրոնից ստացված տեղեկատվության համաձայն՝ Ստեփանծմինդա-Լարս ավտոճանապարհը բաց է բոլոր տեսակի տրանսպորտային միջոցների համար։ ...
23:58 30.04.2025
Երևանում «Opel»-ի վարորդի ինքնազգացողությունը վատացել է, մեքենան դուրս է եկել հանդիպակաց գոտի և բախվել «Arcfox»-ինԱպրիլի 30-ին, արտակարգ դեպք է տեղի ունեցել Երևանում։ Ժամը 16:10-ի սահմաններում «Opel» մակնիշի ավտոմեքենան Երվանդ Քոչարի փողոցում դուրս են եկել հանդիպակաց երթևեկելի գոտի և բախվել «Arcfox» մակնիշի ավտոմեքենային։ Ինչպես հայտնում է shamshyan.com-ը, վթարի հետևանքով «Opel»-ի վարորդը «սրտամկանի սուր ինֆարկտ» ախտորոշմամբ տեղափոխվել է Հերացու անվան թիվ 1 համալսարանական հիվանդանոց։ Նրան առաջինն օգնության են հասել քաղաքացիները, «Arcfox»-ի […] ...
23:57 30.04.2025
ՀՀ տարածքում ավտոճանապարհները հիմնականում անցանելի ենՓրկարար ծառայությունը տեղեկացնում է, որ ՀՀ տարածքում ավտոճանապարհները հիմնականում անցանելի են։ Փակ է Արագածոտնի մարզում «Ամբերդ» բարձր լեռնային օդերևութաբանական կայանից Քարի լիճ ավտոճանապարհը։ ...
23:56 30.04.2025
Հնդկաստանը փակել է օդային տարածքը պակիստանյան ինքնաթիռների համարՀնդկաստանը փակել է իր օդային տարածքը պակիստանյան բոլոր ինքնաթիռների համար։ Այս մասին նշվում է հարավասիական հանրապետության կողմից տրված NOTAM ավիացիոն ծանուցման մեջ: Պակիստանի ինքնաթիռների համար օդային տարածքը փակելու որոշումը կգործի ապրիլի 30-ից մինչև մայիսի 23-ը։ Նշվում է, որ ծանուցումը վերաբերում է Pakistan Airlines-ի կողմից «գրանցված, շահագործվող, սեփականության տակ գտնվող և վարձակալված բոլոր ինքնաթիռներին»: Այն տարածվում […] ...
23:51 30.04.2025
43-ամյա կնոջ մարմինը հայտնաբերվել է Ստեփանավան քաղաքի Ձորագետի կիրճումԱպրիլի 30-ին, ողբերգական դեպք է տեղի ունեցել Լոռու մարզում։ Ժամը 12:30-ին ՀՀ ՆԳՆ Ոստիկանության Ստեփանավանի բաժին է դիմել Լոռու մարզի բնակիչ մի տղամարդ և հայտնել, որ ապրիլի 29-ին՝ ժամը 22:20-ի սահմաններում իր կինը դուրս է եկել տանից և չի վերադարձել։ Ինչպես հայտնում է shamshyan.com-ը, ոստիկանության Ստեփանավանի բաժնի ծառայողները, կնոջ ամուսինն ու հարազատները մի քանի ժամ […] ...
