19:12 08.11.2021
Շիրակի մարզի Բասեն գյուղի մերձակա անտառում տնկում են սոճիներ, հացենիներ ու վայրի խնձորենիներ։ Ընտրվել են այնպիսի ծառատեսակներ, որոնք տեղի բնակլիմայական պայմաններին հարմար են։ Շիրակի մարզում աշնանային ծառատունկը մեկնարկել է համապետական ծառատունկից ավելի շուտ։ Եղանակային պայմաններից ելնելով՝ «Հայանտառի» Գյումրիի մասնաճյուղին թույլատրվել է 10-15 օր ավելի շուտ ծառատունկ կազմակերպել։
Բասեն գյուղի մոտակա սարերում անտառածածկ մի քանի շերտ կա։ Կաղնու փոքրիկ անտառի կողքին ավելի մեծ՝ սոճիների անտառային տարածք է։ 30-40 հեկտար տարածքի վրա է տարիներ առաջ անտառ տնկվել։ 90-ականներին մի մասը հատվել է ու նորից վերականգնվել։ Բասենի անտառներում 3 հեկտար տարածք է առանձնացվել, որը անտառաշերտի շարունակությունն է։ Աշնանային ծառատունկի կարևոր պայմանը խոնավության ապահովումն է։
«Հայանտառի» Գյումրիի մասնաճյուղը ոռոգելի անտառային տարածքներ չունի։ Սոճիները, հացենիներն ու վայրի խնձորենիները այն ծառատեսակներն են, որոնք Շիրակի մարզի պայմաններում ամենահարմարն են։ Գարնանն էլ նույն ծառատեսակներից Կապսում են տնկել, արդյունքները գոհացնող են։
Տնկիների 60-70 % կպչողականությունը մասնագետները լավ արդյունք են համարում։ Ծառատունկի արդյունքում Շիրակի մարզի անտառային տարածքները կմեծանան, եթե ամեն տարի գարնանն ու աշնանը համապատասխան տարածք «Հայանտառի» Գյումրիի մասնաճյուղն ունենա։ Անտառտնտեսության հողատարածքները քիչ են, ծառ տնկելու հնարավորությունները՝ նույնպես։
«Մենք հողատարածքների խնդիր ունենք, որ կարողանանք նոր անտառներ տնկենք։ Այս տարի հազիվ 3 հեկտար տարածք ենք գտել ծառատունկ կատարելու համար։ Ընդհանուր՝ Գյումրիի անտառտնտեսությունն ունի 4000 հեկտար տարածք, որից 1700-1800 հեկտարն անօգտագործելի է, քարքարոտ տարածքներ են, կամ ժայռեր ու սարեր։ 2007 թվականին կադաստրային քարտեզագրման արդյունքում «Հայանտառից» մեր բոլոր հողերը վերցրել ու հատկացրել են համայնքներին։ Հիմա հողատարածքների խնդիր ունենք։ Տարածքը, որ հատկացրել ենք Բասեն գյուղում, անտառի փեշն է, որն ամբողջությամբ ծառատնկվելու է»,- SHANTNEWS-ին ասել է «Հայանտառ» ՊՈԱԿ Գյումրիի անտառտնտեսության պահպանության գծով փոխտնօրեն Մկրտիչ Ալեքսանյանը։
Այսինքն՝ անտառտնտեսության հողատարածքները դարձել են համայնքապատկան և հիմա լայնածավալ ծառատունկ կատարելու հնարավորություն չունեն։ Համայնքապատկան հողերում քիչ քանակության ծառեր տնկում են շաբաթօրյակների ու համապետական ծառատունկերի ժամանակ։ Հերթականը մեկնարկելու է նոյեմբերի 14-ին։
«10 մլն ծառ» նախաձեռնության շրջանակում Հանրապետության ողջ տարածքում կիրականացվի համապետական ծառատունկ։ Ծառատունկի համար նախատեսված են 260.000 տնկիներ։
Շիրակի մարզի, հիմնականում Ախուրյանի և Անիի տարածաշրջանի համայնքները նույնպես հայտ են ներկայացրել, անտառտնտեսությունից տնկիներ կստանան։ Իսկ անտառտնտեսությունը Շիրակի մարզի բարձրադիր հատվածներում այդ օրերին ծառատունկ չի կատարի՝ եղանակները թույլ չեն տա։
Ծառատունկի արդյունքները, թե ինչքան կպչողականություն ապահովվեց, պարզ կդառնան գարնանը։ Աշնանային ծառատունկին նաև որոշել են փորձարկումներ անել։ Բասենում առաջին անգամ Գյումրիի անտառտնտեսությունը փորձնական նաև շագանակենի է տնկել։
«Շանթ Գյումրի» հեռուստաալիքն այս պահին հասանելի է Rostelecom, Delta telecom, TeleMAX, ARPINET, Opticom, SHIRAK telecom, HAY-NET ցանցային օպերատորների կապուղիներով, ինչպես նաև Shant Digital Tv հավելվածով՝ ամբողջ աշխարհում։
10:25 01.05.2025
Այնթապ բնակավայրում գործարկվելու է էլեկտրական շչակ
10:17 01.05.2025
Տարադրամի փոխարժեքները մայիսի 1-ինShantnews.am-ը ներկայացնում է տարադրամի փոխարժեքները՝ ըստ rate.am-ի: ԱՄՆ դոլարի առքի առավելագույն արժեքն է 387.50 դրամ, վաճառքի նվազագույն արժեքը՝ 390.5 դրամ: Եվրոյի առքի առավելագույն արժեքն է 439 դրամ, վաճառքի նվազագույն արժեքը՝ 443 դրամ: Ռուսական ռուբլու առքի առավելագույն արժեքն է 4․7 դրամ, վաճառքի նվազագույն արժեքը՝ 4․85 դրամ: ...
10:00 01.05.2025
Հնդկաստանի ԱԳՆ-ը հայտարարել է, որ Պահալգամի վրա հարձակման կասկածյալները պետք է պատժվենՀնդկաստանի արտաքին գործերի նախարար Սուբրահմանյամ Ջայշանքարը ԱՄՆ պետքարտուղար Մարկո Ռուբիոյի հետ զրույցում ասել է, որ Պահալգամում (Հնդկական Ջամու և Քաշմիր արհմիության տարածք) ահաբեկչության հեղինակները պետք է պատժվեն։ «Երեկ ԱՄՆ պետքարտուղար Մարկո Ռուբիոյի հետ քննարկել ենք Պահալգամի հարձակումը։ Դրա մեղավորներն ու կազմակերպիչները պետք է պատասխանատվության ենթարկվեն», -գրել է Ջայշանքարը X-ում։ Չորեքշաբթի օրը Պետդեպարտամենտը հայտնել է, որ […] ...
09:50 01.05.2025
ՄԱԿ-ը հայտնել է, որ Գազայում երեխաների 92%-ը չունի հիմնական սնունդԳազայի հատվածում 6 ամսականից մինչև 2 տարեկան նորածինների ավելի քան 90%-ին հասանելի չէ հիմնական սնունդը: Այս մասին, ինչպես հաղորդում է WAFA պաղեստինյան լրատվական գործակալությունը, հայտարարել է պաղեստինյան տարածքներում ՄԱԿ-ի հումանիտար հարցերի համակարգման գրասենյակը։ Ըստ այդմ՝ Իսրայելի շարունակվող շրջափակման և անցակետերի փակման հետևանքով Գազայի հատվածում թերսնվածության պատճառով բուժվող երեխաների թիվը 2025 թվականի մարտի համեմատ աճել է […] ...
09:40 01.05.2025
ԱՄՆ-ը և Ուկրաինան համաձայնագիր են ստորագրել Վերակառուցման ներդրումային հիմնադրամ ստեղծելու մասինԱՄՆ-ի և Ուկրաինայի միջև օգտակար հանածոների վերաբերյալ գործարքի կնքումը նպատակ ունի ցույց տալ Վաշինգտոնի հավատարմությունը ուկրաինական ճգնաժամի կարգավորման խաղաղ գործընթացին։ Այս մասին ասված է ԱՄՆ ֆինանսների նախարար Սքոթ Բեսենտի հայտարարության մեջ։ «Այս համաձայնագիրը հստակ ուղերձ է ուղարկում Ռուսաստանին, որ Թրամփի վարչակազմը հավատարիմ է խաղաղ գործընթացին, որը կենտրոնացած է ազատ, ինքնիշխան և երկարաժամկետ բարգավաճ Ուկրաինայի վրա։ […] ...
09:35 01.05.2025
Թրամփը հայտնել է, որ ավելի քան 100 երկրներ բանակցում են ԱՄՆ-ի հետ առևտրային գործարքների շուրջԱՄՆ նախագահ Դոնալդ Թրամփը հայտարարել է, որ ավելի քան 100 երկրներ, այդ թվում՝ Հնդկաստանը, Ճապոնիան և Կորեայի Հանրապետությունը, քննարկում են Միացյալ Նահանգների հետ առևտրային գործարքները։ Այս թվերը նա հայտնել է չորեքշաբթի NewsNation հեռուստաալիքի եթերում։ «Մենք արդեն ունենք հարյուրից ավելի երկրներ, որոնք մեզ զանգահարում են առավոտյան, կեսօրին և գիշերը՝ հույս ունենալով գործարք կնքել»,-ասել է ամերիկացի առաջնորդը։ […] ...
09:33 01.05.2025
Աշխատանքն այն հիմնաքարն է, որի վրա կառուցվում է ինչպես մեր անձնական, ընտանեկան բարեկեցությունը, այնպես էլ պետության առաջընթացն ու բարգավաճումը․ ՀՀ նախագահՆախագահ Վահագն Խաչատուրյանը շնորհավորական ուղերձ է հղել Աշխատանքի օրվա կապակցությամբ, որում ասված է․ «Սիրելի հայրենակիցներ, Հարգելի աշխատավորներ, Ջերմորեն շնորհավորում եմ բոլորիդ Մայիսի 1-ի՝ Աշխատանքի և աշխատավորի միջազգային օրվա կապակցությամբ: Այս օրը մեզ հնարավորություն է տալիս գնահատելու և արժևորելու աշխատանքի դերը մեր կյանքում, հասարակության զարգացման մեջ և պետականության ամրապնդման գործում: Աշխատանքն այն հիմնաքարն է, որի վրա […] ...
