17:44 19.11.2021
Վրաստանը չի նախատեսում մասնակցել «3+3» բանակցային ձևաչափին (Ադրբեջան, Հայաստան, Վրաստան -Ռուսաստան, Թուրքիա, Իրան)՝ Հարավային Կովկասի տարածաշրջանում տնտեսական և տրանսպորտային կապերի ապաշրջափակման հարցով։ Այդ մասին ուրբաթ օրը ասել է հանրապետության փոխվարչապետ, արտաքին գործերի նախարար Դավիթ Զալկալիանին՝ ելույթ ունենալով խորհրդարանում։
«Վրաստանը չի մասնակցի «վեցյակի» պլատֆորմին: Ես այդ մասին ասել եմ նաև Թուրքիա և Ադրբեջան կատարած իմ այցերի ժամանակ»,- ասել է Զալկալիանին։
Վրաստանի ԱԳՆ ղեկավարը հոկտեմբերի սկզբին ասել էր, որ, չնայած Ռուսաստանի Դաշնության հետ ունեցած դժվարություններին, «աշխարհաքաղաքական նման խոշոր նախագծերում Վրաստանը գոնե ինչ-որ ձևով պետք է ներկայացված լինի»։ Ավելի ուշ Վրաստանի ԱԳՆ-ի ռազմավարական հաղորդակցությունների վարչությունը հերքել էր նախարարի այս հայտարարությունը` այն անվանելով ԶԼՄ-ների մեկնաբանություն։
Ռուսաստանի արտգործնախարար Սերգեյ Լավրովը հոկտեմբերին Իրանի արտգործնախարար Հոսեյն Ամիր Աբդոլլահյանի հետ բանակցություններից հետո կայացած մամուլի ասուլիսում ասել է, որ իր իրանցի գործընկերոջ հետ քննարկել է «3+3» բանակցային ձևաչափի ստեղծման նախաձեռնությունը, որը կներառի նաև Հայաստանը, Ադրբեջանը, Վրաստանը և Թուրքիան՝ տարածաշրջանում տնտեսական և տրանսպորտային կապերի ապաշրջափակման հարցով։ Ինչպես նշել է Լավրովը, իրանական կողմը դրական է վերաբերվել այս գաղափարին, նույն վերաբերմունքը նկատվում է Ադրբեջանում և Թուրքիայում։ Ռուսաստանի Դաշնությունն աշխատում է Հայաստանի գործընկերների հետ, ինչպես նաև հույս ուներ, որ Վրաստանը կկարողանա տեսնել իր հիմնարար շահը նման մեխանիզմ ստեղծելու մեջ:
Ավելի վաղ Ադրբեջանի և Թուրքիայի ղեկավարներ Իլհամ Ալիևը և Ռեջեփ Թայիփ Էրդողանը հանդես էին եկել Ղարաբաղի հարցով համագործակցության վեցակողմ ձևաչափի նախաձեռնությամբ։ Իրանը ողջունել է այս գաղափարը՝ պատրաստակամություն հայտնելով խթանել տարածաշրջանում խաղաղության ամրապնդմանն ուղղված քայլերին։
11:57 25.06.2025
Գյումրեցի գրոսմայստեր Մամիկոն Ղարիբյանը երկրորդ տեղն է զբաղեցրել Մումբայի մրցաշարումՀայաստանը ներկայացնող գյումրեցի գրոսմայստեր Մամիկոն Ղարիբյանը Հնդկաստանի Մումբայ քաղաքում ավարտված Aurionpro Mumbai International Grandmaster Chess Tournament 2025 միջազգային մրցաշարում երկրորդ տեղն է զբաղեցրել։ 20-ամյա շախմատիստը վերջին` 9-րդ տուրում սպիտակ խաղաքարերով հաղթել է հնդիկ Նելոպտալ Դասին ու մրցաշարն ավարտել 8 միավորով։ Մրցաշարի հաղթող է դարձել մեկ այլ հնդիկ շախմատիստ Լալիթ Բաբուն, որը նույնպես 8 միավոր է […] ...
11:46 25.06.2025
Այս պահին ծիրանի արտահանման հետ կապված խնդիրներ չունենք․ Էկոնոմիկայի նախարարՄիայն երեկ Հայաստանից ծիրանով բեռնված 96 բեռնատար մտել է ՌԴ։ «Ընդհանուր առմամբ հունիսի 1-ից մինչև 24-ը մեր ծիրանով բեռնված 598 մեքենա հատել է ՌԴ մաքսային սահմանը։ Այսպիսով արձանագրում եմ, որ այս պահին ծիրանի արտահանման հետ կապված խնդիրներ չունենք»,-Ֆեյսբուքի իր էջում գրել է ՀՀ էկոնոմիկայի նախարար Գևորգ Պապոյանը։ ...
11:35 25.06.2025
Հյուսիս-հարավի Տրանշ-2-ի 34կմ վերակառուցվող հատվածում ակտիվ շինարարություն էՀյուսիս-հարավի Տրանշ-2-ի (Աշտարակ-Թալին) 34կմ վերակառուցվող հատվածում ակտիվ շինարարություն է։ Տարբեր տեղամասերում կատարվում են տարբեր բնույթի աշխատանքներ՝ հողային, արհեստական կառուցվածքների հետ կապված, պատվածքի խճային հիմքի կառուցում, ասֆալտբետոնե ծածկի երկրորդ շերտի տեղադրում, աշխատանքներ դաշտամիջյան հատվածներում և այլն։ Շինարարության մեջ ներգրավված են մեծաթիվ մեքենամեխանիզմներ։ Վերակառուցման արդյունքում ունենալու ենք 4 երթևեկելի գոտիով 100կմ-ժամ հաշվարկային արագությամբ 1-ին տեխնիկական կարգի ժամանակակից […] ...
11:20 25.06.2025
Թիկնիզյանը բացեց գոլերի հաշիվը «Ցրվենա Զվեզդայում»Հայաստանի ազգային հավաքականի պաշտպան Նաիր Թիկնիզյանն առաջին գոլն է խփեցլ «Ցրվենա Զվեզդայում»։ Ընկերական խաղում գեղեցիկ հարվածով նա գրավել է Չեռնոգորիան ներկայացնող «Սուտյեսկայի» դարպասը։ 26-ամյա ֆուտբոլիստը մեկնարկային կազմում է եղել, իսկ մրցակցի դարպասը գրավել է 23-րդ րոպեին, բացելով խազի հաշիվը։ «Ցրվենա Զվեզդան» հաղթել է 5-0 հաշվով։ ...
11:07 25.06.2025
Տարադրամի փոխարժեքները հունիսի 25-ինShantnews.am-ը ներկայացնում է տարադրամի փոխարժեքները՝ ըստ rate.am-ի: ԱՄՆ դոլարի առքի առավելագույն արժեքն է 384 դրամ, վաճառքի նվազագույն արժեքը՝ 387 դրամ: Եվրոյի առքի առավելագույն արժեքն է 443 դրամ, վաճառքի նվազագույն արժեքը՝ 451 դրամ: Ռուսական ռուբլու առքի առավելագույն արժեքն է 4․86 դրամ, վաճառքի նվազագույն արժեքը՝ 4.98 դրամ: ...
