19:26 15.12.2021
Գյումրիի Տիգրան Մեծի 5 շենքը ընդգրկվել է ամրացման պետական ծրագրում։ Հոկտեմբերին կառավարությունը որոշում է կայացրել ու գումար հատկացրել շենքի ամրացման նախագծանախահաշվային փաստաթղթեր կազմելու համար։ Պատմաճարտարապետական արժեք շենքի մեկ մուտքը 2003-ին է ամրացվել «Լինսի» հիմնադրամի միջոցներով, մյուս 3 մուտքերի բնակիչները ամրացման ծրագրին սպասում են արդեն որերորդ տարին։
2019-ին Տիգրան Մեծի 5-ի ու ևս 3 վթարային շենքերի բնակիչների բնակապահովման ծրագիր ներկայացվեց, որով նախատեսվում էր ամրացնել միայն Տիգրան Մեծի 5-ը։ Բնակիչներին հաշվառել են ու ստացել նրանց համաձայնությունն ամրացման նախագիծ կազմելու, ապա նաև ամրացում կատարելու համար։
Տիգրան Մեծ 5 շենքը կառուցվել է 30-ականներին։ Շինարարությունը տևել է 5 տարի։ Կառուցվել է որպես հանրակացարանային շենք, իսկ սենյակների շահառուները հիմնականում եղել են պատերազմում ամուսիններին կամ որդիներին կորցրած կանայք։ Հանրակացարանային մասնաշենքը հետո բնակիչները ներսից ձևափոխել են ու բնակարանները սեփականաշնորհել։ 30-ականներին կառուցված շենքի միայն մեկ մուտքն է ամրացվել, մյուս 3-ը 88-ին վթարային են դարձել, ու 33 տարիների ընթացքում վթարայնության աստիճանը մեծացել է։
Փլուզվող բնակարանները տանտերերը վաղուց են լքել։ Տիգրան Մեծի 5 շենքում 24 ընտանիք է հաշվառված, փաստացի բնակվողներն ավելի քիչ են։ Սա ցույց են տվել հաշվառման արդյունքները։ Շիրակի մարզպետարանը շենքում բնակիչների հաշվառում է արել և նրանց համաձայնագրերը ստացել, որոնք անհրաժեշտ են շենքը ամրացման պետական ծրագրում ընդգրկելու համար։ Այսինքն՝ բնակիչները գրավոր հայտնել են, որ պատրաստ են իրենց բնակարաններից դուրս գալ ամրացում կատարելու համար։
«Երեք մուտքերը ենթակա են արդիականացման։ Շենքում 23 սեփականատեր սեփականաշնորհման վկայականներով է, և մեկ բնակիչ օրդերով ունենք։ 24 ընտանիքներից համասեփականատեր են շուրջ 49 բնակիչ։ 49-ի համաձայնագրերն ամբողջությամբ այս պահին մեզ մոտ են»,- SHANTNEWS-ին ասել է Շիրակի մարզպետարանի քաղաքաշինության վարչության պետի պարտականությունները կատարող Խաչատուր Խնձրցյանը։
Նախ պետք է պարզեն, թե ինչ կարժենա շենքի ամրացումը։ Սրանից է կախված, թե ինչ ժամկետներում կառավարությունը կկարողանա գումար հատկացնել արդեն ամրացման համար։
« Մինչև նախագծային փաստաթղթերը չլինեն, ժամանակավրեպ է այդ գործընթացի մասին խոսելը։ Պետք է տեսնենք, թե ինչքան ֆինանսական միջոցներ են անհրաժեշտ շենքի ամրացման համար, հետո նոր ֆինանսական միջոցների հատկացման հարցը կքննարկվի։ Տիգրան Մեծի 5 շենքի երեք մուտքերի նախահաշվային փաստաթղթերը կազմելուն հատկացվել է որոշակի գումար»,- ասել է Խաչատուր Խնձրցյանը։
Տիգրան Մեծի 5 շենքի բնակիչների բնակապահովման այլ տարբերակ չի առաջարկվում, քանի որ նախ մեկ մուտքը ամրացված է, և շենքը համարվում է տեղական նշանակության հուշարձան, ըստ այդմ՝ ենթակա է վերակառուցման։ Բնակարանների գնման վկայագրերի տրամադրմամբ բնակապահովման լուծում կառավարությունը երկու տարի առաջ առաջարկում էր Գյումրիի 3 վթարայինների բնակիչներին։ Խոսքը Իսահակյան 9, Ղուկասյան 29 և Անտառավան 26 շենքերի մասին է։
2 տարվա ընթացքում առայժմ հստակեցում չկա։ Դեռ հաշվառում են, թե վթարային այս շենքերում քանի ընտանիք է ապրում, քանիսն է հաշվառված կամ հանդիսանում սեփականատեր ու համասեփականատեր։
Վկայագրերի տրամադրում կամ ամրացում․ ընտրություն կատարվելու է հաշվառումից հետո։ 3 վթարայինների բնակիչների հաշվառումն ավարտվելու է մինչև տարեվերջ։ Քաղաքաշինության կոմիտեն հայեցակարգ է ընդունել, համաձայն որի՝ մինչև 2023 թվականը պետք է ստեղծվեն իրավական հիմքեր, որոնք թույլ կտան վթարայիններին վերաբերող ծրագրեր սկսել 2024 թվականից։
00:00 01.05.2025
Պատվաստանյութերը տարեկան փրկում են միլիոնավոր կյանքեր և օգնում են նվազեցնել հիվանդացությունըԱռողջապահության նախարարությունից հայտնել են, որ իմունականխարգելմանն ու իմունաբանությանը նվիրված իրազեկման միջոցառումներն առիթ են կրկին հիշեցնելու պատվաստման կարևորության մասին, որ մեզանից յուրաքանչյուրի առողջությունը մեր ընդհանուր պատասխանատվությունն է։ Իմունաբանությունն ուսումնասիրում է օրգանիզմի պաշտպանական մեխանիզմները վարակիչ հիվանդությունների, չարորակ նորագոյացությունների և այլ խանգարումների դեմ։ Իմունիզացիայի շնորհիվ` մարդկությունը կարողացել է հաղթահարել մահացու հիվանդություններից ջրծաղիկը, զգալիորեն նվազեցնել կարմրուկից, պոլիոմիելիտից և այլ […] ...
23:59 30.04.2025
Ստեփանծմինդա-Լարս ավտոճանապարհը բաց էՎրաստանի ՆԳՆ ԱԻ դեպարտամենտից և ՌԴ ԱԻՆ Հյուսիսային Օսիայի ճգնաժամային կառավարման կենտրոնից ստացված տեղեկատվության համաձայն՝ Ստեփանծմինդա-Լարս ավտոճանապարհը բաց է բոլոր տեսակի տրանսպորտային միջոցների համար։ ...
23:58 30.04.2025
Երևանում «Opel»-ի վարորդի ինքնազգացողությունը վատացել է, մեքենան դուրս է եկել հանդիպակաց գոտի և բախվել «Arcfox»-ինԱպրիլի 30-ին, արտակարգ դեպք է տեղի ունեցել Երևանում։ Ժամը 16:10-ի սահմաններում «Opel» մակնիշի ավտոմեքենան Երվանդ Քոչարի փողոցում դուրս են եկել հանդիպակաց երթևեկելի գոտի և բախվել «Arcfox» մակնիշի ավտոմեքենային։ Ինչպես հայտնում է shamshyan.com-ը, վթարի հետևանքով «Opel»-ի վարորդը «սրտամկանի սուր ինֆարկտ» ախտորոշմամբ տեղափոխվել է Հերացու անվան թիվ 1 համալսարանական հիվանդանոց։ Նրան առաջինն օգնության են հասել քաղաքացիները, «Arcfox»-ի […] ...
23:57 30.04.2025
ՀՀ տարածքում ավտոճանապարհները հիմնականում անցանելի ենՓրկարար ծառայությունը տեղեկացնում է, որ ՀՀ տարածքում ավտոճանապարհները հիմնականում անցանելի են։ Փակ է Արագածոտնի մարզում «Ամբերդ» բարձր լեռնային օդերևութաբանական կայանից Քարի լիճ ավտոճանապարհը։ ...
23:56 30.04.2025
Հնդկաստանը փակել է օդային տարածքը պակիստանյան ինքնաթիռների համարՀնդկաստանը փակել է իր օդային տարածքը պակիստանյան բոլոր ինքնաթիռների համար։ Այս մասին նշվում է հարավասիական հանրապետության կողմից տրված NOTAM ավիացիոն ծանուցման մեջ: Պակիստանի ինքնաթիռների համար օդային տարածքը փակելու որոշումը կգործի ապրիլի 30-ից մինչև մայիսի 23-ը։ Նշվում է, որ ծանուցումը վերաբերում է Pakistan Airlines-ի կողմից «գրանցված, շահագործվող, սեփականության տակ գտնվող և վարձակալված բոլոր ինքնաթիռներին»: Այն տարածվում […] ...
23:51 30.04.2025
43-ամյա կնոջ մարմինը հայտնաբերվել է Ստեփանավան քաղաքի Ձորագետի կիրճումԱպրիլի 30-ին, ողբերգական դեպք է տեղի ունեցել Լոռու մարզում։ Ժամը 12:30-ին ՀՀ ՆԳՆ Ոստիկանության Ստեփանավանի բաժին է դիմել Լոռու մարզի բնակիչ մի տղամարդ և հայտնել, որ ապրիլի 29-ին՝ ժամը 22:20-ի սահմաններում իր կինը դուրս է եկել տանից և չի վերադարձել։ Ինչպես հայտնում է shamshyan.com-ը, ոստիկանության Ստեփանավանի բաժնի ծառայողները, կնոջ ամուսինն ու հարազատները մի քանի ժամ […] ...
