13:07 13.02.2018
«Ինչքան էլ վատը լինի, նոր օրենքն ավելի լավն է, քան նախորդը»,- այսօր՝ փետրվարի 13-ին կայացած ասուլիսի ժամանակ ասել է «Քայքայիչ պաշտամունքներից տուժածների օգնության և վերականգնողական կենտրոն»-ի տնօրեն Ալեքսանդր Ամարյանը՝ անդրադառնալով խղճի ազատության և կրոնական կազմակերպությունների մասին նոր օրենքին:
Նոր և հին օրենքների միջև համեմատություն անցկացնելով՝ Ալեքսանդր Ամարյանը նշեց, որ հին օրենքում չկար գրանցման գործընթաց: Նոր օրենքում նշված են կրոնական կազմակերպությունների իրավունքներն ու պարատականությունները: Օրենքը նաև հսկողություն է սահմանում, բայց հսկողության գործառույթը դրված է ՀՀ ԿԱ ՊԵԿ-ի վրա, որն, ըստ Ալեքսանդր Ամարյանի, կարող է միայն ֆինանսական հոսքերը հսկել, իսկ թե կրոնական կառույցներում ինչ է կատարվում, դժվար թե վերահսկվի:
«Օրենքի մեջ կա բացատրություն՝ ինչ է կրոնական միավորումը, կրոնական կազմակերպությունը, բայց չկա հոգևորսության մասին: Սա միանշանակ պետք է լիներ, որովհետև, եթե կրոնական կառույցներում մարդկանց ներքաշում են հոգեբանական մեխանիզմով՝ այսպես ասած «ուղեղները լվանալով», եթե չկա նշանակությունը, չի կարող նաև լինել որևէ գործողություն՝ ի վնաս կրոնական կառույցի: Եթե չկա հոգևորսության սահմանումը, օրենքը էլի կիսամեռած է լինելու»,- նշեց Ալեքսանդր Ամարյանը:
Նոր օրենքը Կրոնական միավորումներին հնարավորություն է տալիս մուտք գործել ոչ միայն հիվանդանոցներ, ծերանոցներ, այլ անգամ ազատազրկման վայրեր կամ զորամասեր: Կրոնական կառույցը գրանցելու համար նոր օրենքով ավելի քիչ մարդկանց ներգրվվածություն պետք կլինի: Նախկին 200-ի փոխարեն՝ 150-ը: Ըստ Ալեքսանդր Ամարյանի, այդ թիվը պետք է լիներ 500-ից ոչ պակաս: Սա նշանակում է, որ ցանկացած փոքր խմբավորում կարող է գրանցվել որպես կրոնական կառույց: Նոր օրենքում բոլոր կրոնական կառույցները՝ այդ թվում նաև հայ առաքելական եկեղեցին, սահմանվում է որպես հասարակական կազմակերպություն:
«Ոչ մի խոսք չկա քրիստոնեական կառույցի կամ ավանդական եկեղեցու գրանցումը կատարելու մասին: Նախկինում կար: Պետք է Սուրբ գրքի հետ կապված լիներ, գաղափարախոսությունը համապատասխան լիներ: Հիմա հանգիստ կարող ենք գրանցել նաև սատանայապաշտներին», – ասաց Ալեքսանդր Ամարյանը:
Հիշեցնենք, որ նոր օրենքի ընդունումը մտնում է Հայաստանի և ԵՄ-ի միջև ստորագրված «Համապարփակ և ընդլայնված համագործակցության համաձայնագրով» Հայաստանի ստանձնած պարտավորությունների մեջ:
11:43 01.05.2025
Նոր Գեղի-Արզնի ավտոճանապարհին իրականացվելու են հարկադիր քարաթափման աշխատանքներՀարգելի՛ քաղաքացիներ, մայիսի 2-ին՝ ժամը 14:30-ից, ՀՀ Կոտայքի մարզի Նոր Գեղի-Արզնի ավտոճանապարհի 1-ին կմ-ին ՀՀ ՆԳՆ ՓԾ Կոտայքի մարզային փրկարարական վարչության կողմից իրականացվելու են հարկադիր քարաթափման աշխատանքներ։ Աշխատանքներին օժանդակելու են նաև ՆԳՆ Ոստիկանության պարեկային ծառայության Կոտայքի մարզի գումարտակի ծառայողները և «Ճանապարհների շահագործման և շինարարական» ընկերություն աշխատակիցները։ ...
11:30 01.05.2025
«Ճանապարհային դեպարտամենտ» հիմնադրամը շնորհավորում է հիմնադրամի և ճանապարհաշինության ոլորտում ներգրավված բոլոր աշխատակիցներին«Ճանապարհային դեպարտամենտ» հիմնադրամը շնորհավորում է հիմնադրամի և ճանապարհաշինության ոլորտում ներգրավված բոլոր աշխատակիցներին Մայիսի 1-ի՝ Աշխատանքի օրվա առթիվ։ «Մաղթում ենք մեր գործընկերներին աշխատանքային հաջողություններ ու ձեռքբերումներ։ Վստահ ենք, որ ճանապարհաշինության ոլորտի մասնագետները պատվով շարունակելու են իրենց շնորհակալ աշխատանքն ու մեր երկրի շենացման և բարեկարգման վերընթաց ուղին»,-նշված է հաղորդագրության մեջ։ ...
11:13 01.05.2025
Լյուքսեմբուրգը Ուկրաինային կտրամադրի 10 միլիոն եվրոյի էներգետիկ աջակցությունԼյուքսեմբուրգը 10 միլիոն եվրո կհատկացնի Ուկրաինայի էներգետիկ աջակցության հիմնադրամին։ Համապատասխան հուշագիրը ստորագրել են Լյուքսեմբուրգի փոխվարչապետ, արտաքին գործերի և արտաքին առևտրի նախարար Քսավիե Բեթելը և Ուկրաինայի վարչապետ Դենիս Շմիգալը։ «Այս միջոցները կօգտագործվեն էներգետիկայի ոլորտում նախագծերի աջակցման համար, մասնավորապես՝ էներգետիկ անվտանգության վերականգնման և ամրապնդման համար», – իր Telegram ալիքում նշել է Շմիգալը։ Նաև, ըստ նրա, 2025 թվականին […] ...
10:58 01.05.2025
Ուկրաինան համաձայնել է ԱՄՆ-ի կողմից Ռուսաստանի հետ հակամարտությունը կարգավորելու պայմաններինԱՄՆ նախագահի Ուկրաինայի հարցերով հատուկ ներկայացուցիչ Քիթ Քելլոգը հայտարարել է, որ անցյալ շաբաթ Լոնդոնում Մեծ Բրիտանիայի, Ֆրանսիայի և Գերմանիայի մասնակցությամբ կայացած բանակցություններում Վաշինգտոնը և Կիևը համաձայնության են եկել ուկրաինական հակամարտության կարգավորման 22 կոնկրետ պայմանների շուրջ։ «Մենք ուկրաինացիների հետ անկեղծ և դժվարին քննարկումների ընթացքում առաջարկել ենք 22 շատ կոնկրետ պայմաններ, և մենք կարծում ենք, որ գտնվում […] ...
10:47 01.05.2025
Մայիսի 1-ը մեր բոլորի համար հատուկ օր է՝ նվիրված արարող մարդու անկոտրում կամքին, նվիրումին և ամենօրյա աշխատանքին․ ԱԺ նախագահՀՀ ԱԺ նախագահ Ալեն Սիմոնյանը ուղերձ է հղել Աշխատանքի օրվա կապակցությամբ. «Սիրելի՛ քաղաքացիներ, Մայիսի 1-ը մեր բոլորի համար հատուկ օր է՝ նվիրված արարող մարդու անկոտրում կամքին, նվիրումին և ամենօրյա աշխատանքին։ Հենց աշխատող քաղաքացու տքնաջան ու հուսալի ձեռքերով է ձևավորվում իր իսկ ընտանիքի բարեկեցությունը, ինչպես նաև ամրանում մեր պետությունն ու անվտանգությունը։ Ցանկանում եմ երախտագիտությունս հայտնել ձեզ՝ […] ...
10:34 01.05.2025
Պատանիներն ու երիտասարդները սկսում են պայքարն ծանրամարտի աշխարհի առաջնությունումՊատանիներն ու երիտասարդները սկսում են պայքարն աշխարհի առաջնությունում: Այս մասին հայտնում են Ծանրամարտի ֆեդերացիայից։ Պերուի մայրաքաղաք Լիմայում ընթացող աշխարհի առաջնությունում Հայաստանի հավաքականից առաջինը մրցահարթակ դուրս կգան 55 կգ Ալեքսանդրա Գրիգորյանն ու 67 կգ քաշային Հովհաննես Հովհաննիսյանը: Մեր մարզիկների ելույթները կմեկնարկեն մայիսի 2-ին` Երևանի ժամանակով գիշերը` 03:30-ին: ...
