03 05 2024

$

387.32
4.23
€

416.10

+14.09 ^oC

Ամենաթանկը, ամենազարմանալին ու անհասկանալին … (մաս 1-ին)

ՄՇԱԿՈՒՅԹ ԵՎ ԱՐՎԵՍՏ

19:14 14.02.2018

Աշխարհում շատ կան զարմանալի բաներ: Դրանք և՛ բնության երևույթներ են, և՛ մարդկային գործունեության արդյունք, և՛ հայտնի ու անհայտ անձանց խոսքեր ու արարքներ և այլն: Արագ փոփոխվող մեր իրականության մեջ, սակայն, զարմանք առաջացնող երևույթները շատ արագ էլ սովորական են դառնում, երբ նորը գերազանցում է նախորդին: Սակայն կան բաներ, որոնք միշտ էլ զարմանալի ու անհասկանալի կլինեն շատերի համար:

Երբ խոսքը վերաբերում է միլիոնավոր դոլարներով վաճառված գեղանկարչական այս կամ այն ստեղծագործությանը, կարծես ամեն ինչ կարգին է. քչերն են հասկանում դրանց իրական արժեքը, ուստի չեն էլ փորձում վիճարկել, զարմանալ, զայրանալ կամ քննադատել: Այլ բան է, երբ խոսքը լուսանկարչությանն է վերաբերում: Այստեղ գրեթե ամեն ոք գիտակ է, ուստի շատերի համար անհասկանալի ու զարմանալի է՝ ինչպես կարելի է առասպելական գումարներ վճարել ընդամենը լուսանկարի համար: Այդ լուսանկարների մեծ մասը մասնավոր հավաքածուներում է, և դրանց մասին պատկերացում կազմել կարող ենք միայն վերատպությունների կամ համացանցի միջոցով:

Առաջարկում եմ ծանոթանալ աշխարհի ամենաթանկ լուսանկարներից մի քանիսի ստեղծման պատմությանը:

«ՏԵՍԻԼ» (2014թ.) 6,5 մլն դոլար

Լուսանկարիչ` Պետեր Լիկ (Peter Lik)

Ավստրալացի լուսանկարիչ Պիտեր Լիկը 2014 թվականի դեկտեմբերին գերազանցեց բոլոր ռեկորդները: Նրա «Տեսիլ» կոչվող սև-սպիտակ լուսանկարը վաճառվեց 6,5 մլն դոլարով: Նույն օրը նույն անհայտ անձը գնեց նաև նրա «Հավերժ տրամադրություն» և «Պատրանք» լուսանկարները: Գործարքի ընդհանուր արժեքը կազմեց 10 մլն դոլար: Լուսանկարներում պատկերված է ԱՄՆ Արիզոնա նահանգի Անտիլոպի կիրճը: Իսկ «ուրվականը» լույսի շողով պատված փոշու սյունն է:

«Իմ լուսանկարչության նպատակը բնության ուժը պատկերելն է»,- ասում է Պիտեր Լիկը:

«ՀՌԵՆՈՍ 2-րդ» (1999)-4,3 մլն դոլար

Լուսանկարիչ` Անդրեաս Գուրսկի (Andreas Gursky)

Գերմանացի լուսանկարիչ Անդրեաս Գուրսկին հայտնի է ճարտարապետության ու բնության իր լայնաֆորմատ լուսանկարներով: 1999 թվականին նա Հռենոս գետը պատկերող վեց լուսանկարից կազմված մի շարք պատրաստեց: Լուսանկարներից մեկը`«Հռենոս 2-րդ»-ը, շատ հայտնի դարձավ:

«Ինձ համար սա կյանքի իմաստը խորհրդանշող փոխաբերություն է»,- ասում է լուսանկարիչը:

Տեղանքի ամայությունն ընդգծելու համար հեղինակը դիմել է համակարգչի օգնությանը: Նա ջնջել է լուսանկարի որոշ էլեմենտներ` ինչ-որ կառույց, մի քանի հետիոտնի ու հեծանվորդի: Լուսանկարը տպվել է 1,9 մ x 3,6 մ չափի ակրիլային ապակու վրա: 2011թ. Christie’s աճուրդում այն վաճառվել է 4 մլն 300 հազար դոլարով: Գնորդն անհայտ է:

«ԱՆԱՆՈՒՆ № 96» (1981)-3,9 մլն դոլար

Լուսանկարիչ`Սինդի Շերման (Cindy Sherman)

Իր սադրիչ ինքնանկարներով ճանաչված լուսանկարիչ Սինդի Շերմանի գործերը շատ հայտնի են հավաքորդներին: Նա իր լուսանկարները չի վերնագրում՝ այդպիսով հնարավորություն տալով հանդիսատեսին ինքնուրույն հորինելու նկարում պատկերվածի պատմությունը:

Թիվ 96-ը մեկն է այն 12 լուսանկարներից, որոնք ներառված են Centerfold շարքում: Այն արվել է ArtForum ամսագրի պատվերով: Լուսանկարի հերոսուհին (հենց ինքը`Շերմանը) դեռահաս աղջիկ է: Նա ձեռքում պահում է լրագրից կտրած ծանոթության հայտարարություններ՝ խորհրդանշելով պատանեկությանը հրաժեշտ տալու պատրաստակամությունը և ձգտումը`գտնելու իր տղամարդուն:

Christie’s աճուրդում 3 մլն 900 հազար դոլարով վաճառված այս գործը ժամանակին աշխարհի ամենաթանկ լուսանկարն էր:

Շարունակելի

լուսանկարներ

Բաժանորդագրվեք SHANTNEWS.am-ին Telegram-ում

Բոլոր լուրերը

21:53 03.05.2024
ՄԱԿ-ը հայտարարել է, որ իսրայելցիները ոչնչացրել են մարդասիրական ավտոշարասյան բեռի մի մասը

Կապակցված լուրեր

14:54 03.05.2024

Հայաստանի և Իրանի միջև ստորագրվել է մշակութային համագործակցության ծրագիր

ՀՀ կրթության, գիտության, մշակույթի և սպորտի նախարար Ժաննա Անդրեասյանն այսօր ընդունել է Իրանի Իսլամական Հանրապետության մշակույթի և իսլամական հաղորդակցության կազմակերպության նախագահ Մոհամմադ Մեհդի Իմանիփուրի գլխավորած պատվիրակությանը: Հանդիպմանը ներկա են եղել նաև ԿԳՄՍ նախարարի տեղակալներ Արթուր Մարտիրոսյանը, Ալֆրեդ Քոչարյանը և Դանիել Դանիելյանը, ՀՀ-ում ԻԻՀ դեսպան Մեհդի Սոբհանին: Այցի շրջանակում ստորագրվել է «Հայաստանի Հանրապետության և Իրանի Իսլամական […] ...

21:28 02.05.2024

Մերիլ Սթրիփը կարժանանա «Ոսկե արմավենու ճյուղի»

Ամերիկացի դերասանուհի Մերիլ Սթրիփը Կաննի 77-րդ կինոփառատոնում կարժանանա «Ոսկե արմավենու ճյուղի»։ Այս մասին ասվում է կինոփառատոնի ղեկավարության տարածած կոմյունիկեում։ «Կաննի կինոփառատոնի «Լավագույն դերասանուհի» անվանակարգում «A Cry in the Dark» ֆիլմի համար պատվավոր մրցանակը ստանալուց 35 տարի անց Մերիլ Սթրիփը կարժանանա «Ոսկե արմավենու ճյուղի» համաշխարհային կինոյի զարգացման գործում ներդրում ունենալու համար»,- նշված է հայտարարության մեջ։ «Մերիլ […] ...

19:39 02.05.2024

Կամրջելով դպրոցներն ու թանգարանները. մեկնարկում է «ԴասԱրվեստ» ծրագիրը

ՀՀ կրթության, գիտության, մշակույթի և սպորտի նախարարության աջակցությամբ այսօր ՀՀ Արմավիրի մարզի Ջանֆիդա գյուղի Զորավար Անդրանիկ Օզանյանի անվան հմ. 5 հիմնական դպրոցում կմեկնարկի «ԴասԱրվեստ» կրթամշակութային ծրագիրը: Ծրագրի հիմնական նպատակն է կամրջել թանգարաններն ու կրթական հաստատությունները, նպաստել արվեստ և կրթություն կապի ամրապնդմանը: Ծրագրի առաջին փուլը տեղի կունենա մայիսի 2-ից 17-ը: Կմասնակցեն Հայաստանի տարբեր համայնքների, այդ թվում՝ […] ...

14:44 02.05.2024

Կկանոնակարգվեն կինոյի ոլորտի զարգացման ուղղված գործընթացները

Գործադիրն ընդունել է ««Հայաստանի ազգային կինոկենտրոն» պետական ոչ առևտրային կազմակերպությունը «Հայաստանի կինոյի հիմնադրամ»-ի վերակազմավորելու և կանոնադրությունը հաստատելու մասին» որոշում: Ըստ հիմնավորման, Հայաստանի կինոյի հիմնադրամի ստեղծումն առաջին հերթին բխում է «Կինեմատոգրաֆիայի մասին» ՀՀ օրենքի կիրարկման, ինչպես նաև կինոյի ոլորտի և կինոարտադրության իրավահարաբերությունների կարգավորման՝ այդ թվում, կինո-ռեեստրի, վարձույթի, ազգային ֆիլմի ստեղծման, տարածման ու պահպանման, համատեղ արտադրության ֆիլմերի […] ...

14:01 01.05.2024

Մայրաքաղաքում նշվել է Ջազի միջազգային օրը

Մայրաքաղաքում նշվել է Ջազի միջազգային օրը։ «Երևանցիներն ու քաղաքի հյուրերը մինչև գիշեր վայելել են սիրված ստեղծագործություններ»,-հայտնում են Երևանի քաղաքապետարանից: ...

12:15 30.04.2024

Մեկնարկում է Գյումրու միջազգային 2-րդ թատերական փառատոնը

ՀՀ ԿԳՄՍ նախարարության, Շիրակի մարզպետարանի, Գյումրու համայնքապետարանի ֆինանսական աջակցությամբ մայիսի 17-31-ը կանցկացվի Գյումրու միջազգային 2-րդ թատերական փառատոնը: Փառատոնի բացման պաշտոնական արարողությունը տեղի կունենա Երևանի պետական կամերային թատրոնի Fe-show ներկայացմամբ՝ Գյումրու պետական դրամատիկական թատրոնում: Փառատոնն այս տարի ընդլայնել է իր շրջանակն ինչպես հայաստանյան, այնպես էլ միջազգային թատերախմբերի ներգրավմամբ. Գյումրու հանդիսատեսին կներկայացվեն հայաստանյան և միջազգային թատրոնների և […] ...

Մենք սոց. ցանցերում

Հետևեք մեզ սոց․ ցանցերում

Հորիզոն լրատվական

Մեր կայքում տեղ գտած հրապարակումների հեղինակային իրավունքը պատկանում է բացառապես shantnews.am-ի խմբագրությանը։ Այլ ԶԼՄ-ներում սույն կայքի հրապարակումներից որևէ մեկը ամբողջական վերահրապարակելու համար անհրաժեշտ է խմբագրության համաձայնությունը: Լրատվամիջոցները կարող են shantnews.am-ից մեջբերումներ վերահրապարակել միմիայն հատվածաբար` պարտադիր օգտագործելով հիպերհղում:

Բոլոր իրավունքները պաշտպանված են
Կայքէջի նյութերի վերարտադրումը, բեռնումը, տարածումը ցանկացած միջոցներով արգելվում է առանց "ՇԱՆԹ ՀԸ" պաշտոնական համաձայնության։.