18:38 09.03.2022
Գյումրի-Արմավիր ճանապարհի խոր ու մեծ փոսերն արդեն ծանրաքաշ բեռնատարների համար էլ են անհաղթահարելի։ Հանրապետական նշանակության ճանապարհի մոտ 50 կմ-ն անցնում է Շիրակի մարզով։ Այդ նույն ճանապարհը մարզկենտրոնին է կապում 13 գյուղ։ Գյուղերը քաղաքին կապող մայրուղու մոտ 16 կմ-ը քանդված է։ Քայքայված ճանապարհին այլընտրանք կա, բայց այն շրջանցիկ ու երկար է։
Փոսային՝ ընթացիկ նորոգումներ այս տարի նույն հատվածներում նախատեսված չեն, ավելի ճիշտ, արդյունավետ չեն, փոսերի մեծությունն ու խորությունը գերազանցում են ընթացիկ նորոգումների համար սահմանված չափորոշիչները, մասնակի հարթեցումներ ևս չեն թույլատրվում։
«Ներկա պահին ենթակա չէ սպասարկման, քանի որ ՀՀ կառավարության 1419 Ն որոշմամբ, եթե փոսայնությունը գերազանցում է 4 տոկոսը, ճանապարհը ենթակա չէ սպասարկման։ Իսկ եթե մտել է կապիտալ ծախսերի ծրագիր, բնական է, ինքը սպասարկման տարածքից հանված է, ձմեռային ժամանակ ճանապարհը սպասարկվում է, իսկ ամռանը՝ ոչ»,- պարզաբանել է Շիրակի մարզպետարանի քաղաքաշինության վարչության պետ Խաչատուր Խնձրցյանը։
Գյումրի-Արմավիր ճանապարհի մոտ 16 կմ հատվածը՝ Սարակապ գյուղից մինչև Գուսանագյուղի խաչմերուկ, ենթակա է հիմնանորոգման, որի համար կպահանջվի 2,3 մլրդ դրամ։ Այս ճանապարհահատվածը 2022 թվականի պետական բյուջեի կապիտալ ծախսերի նախնական ծրագրում է, ըստ այդմ, մեկնարկի համար ֆինանսական հատկացումների կարգավորման խնդիրն է լուծվելու։
«Առայժմ նախնական ծրագրով նախատեսված է, նախագիծ-նախահաշվային փաստաթղթերն առկա են, ֆինանսական միջոցների առկայության դեպքում այդ հատվածը շուրջ 15 ու 9 կմ կընդգրկվի կապիտալ ծախսերի ծրագիր»,- նշել է Շիրակի մարզպետարանի քաղաքաշինության վարչության պետը։
Գյումրի-Արմավիր մայրուղու միայն 15 ու 9 կմ հատվածի համար նախագիծ-նախահաշիվը կազմվել է անցած տարի։ Եթե այս հատվածի հիմնանորոգումն էլ կատարվի, դրանով Շիրակի մարզով անցնող ճանապարհի նորոգումն ամբողջությամբ ավարտված չի լինի։ Մոտ 7 կմ հատված՝ Բագրավան գյուղից մինչև Արագածոտնի մարզի սկիզբը, կմնա քայքայված։ 2020 և 2021 թվականներին հիմնանորոգվել են նույն ճանապարհի երկու հատվածները՝ Ջրափիից մինչև Սարակապ 8 կմ-անոց հատվածը, և Գյումրիից Ղարիբջանյան՝ մոտ 2,5 կմ հատվածը։
21:00 15.06.2025
Արարատ Միրզոյանը հեռախոսազրույց է ունեցել Հնդկաստանի ԱԳ նախարար Սուբրամանյամ Ջայշանկարի հետՀՀ ԱԳ նախարար Արարատ Միրզոյանը հեռախոսազրույց է ունեցել Հնդկաստանի ԱԳ նախարար Սուբրամանյամ Ջայշանկարի հետ: Քննարկվել է տարածաշրջանում ստեղծված իրավիճակը, երկուստեք շեշտվել է ճգնաժամային պայմաններում մշտական կապի և սերտ համագործակցության կարևորությունը: ...
20:48 15.06.2025
Reuters. Իրանում Իսրայելի հարձակումների հետևանքով առնվազն 14 միջուկային գիտնական է զոհվելԻրանի վրա Իսրայելի կողմից հասցված հարվածների հետևանքով զոհվել է առնվազն 14 միջուկային գիտնական, հաղորդում է Reuters-ը ՝ հղում անելով իր աղբյուրներին: Նրանց խոսքով՝ մի քանի գիտնականներ զոհվել են, այդ թվում՝ մեքենաների ռումբերի պայթյունների հետևանքով։ Իսրայելը հունիսի 13-ի գիշերը սկսեց «Առյուծի վերելք» գործողությունը՝ ուղղված Իրանի միջուկային ծրագրին։ 24 ժամից էլ քիչ ժամանակ անց Իսլամական Հանրապետությունը ձեռնարկեց […] ...
20:31 15.06.2025
Մեր հրաշալի օդաչուները գտնվում են այրվող Թեհրանի երկնքում․ ՆեթանյահուԻսրայելը վճռականորեն տրամադրված է ավարտին հասցնել Իրանից եկող «կրկնակի սպառնալիքի» վերացման խնդիրը, իսրայելական կործանիչներն այժմ թռչում են «այրվող Թեհրանի» երկնքում: Այս հայտարարությունն է արել հրեական պետության վարչապետ Բենիամին Նեթանյահուն ժողովրդին ուղղված տեսաուղերձի ժամանակ: «Մեր հրաշալի օդաչուները գտնվում են այրվող Թեհրանի երկնքում։ Մենք վճռականորեն տրամադրված ենք ավարտին հասցնել Իրանի Իսլամական Հանրապետությունից կրկնակի սպառնալիքը վերացնելու խնդիրը», – […] ...
20:27 15.06.2025
Իրանում և Իսրայելում զոհերի շրջանում ՀՀ քաղաքացիներ լինելու վերաբերյալ տվյալներ այս պահին չկան. ՀՀ ԱԳՆԻրանում և Իսրայելում զոհերի շրջանում ՀՀ քաղաքացիներ լինելու վերաբերյալ տվյալներ այս պահին չկան։ «Արմենպրես»-ի հարցին ի պատասխան՝ այս մասին տեղեկացրել է ՀՀ ԱԳՆ մամուլի խոսնակ Անի Բադալյանը։ «Իրանում և Իսրայելում ՀՀ դեսպանությունները հանդես են եկել համապատասխան հաղորդագրություններով՝ տրամադրելով անհրաժեշտ կոնտակտային տվյալներ, որոնց միջոցով մշտական կապ է պահպանվում ՀՀ քաղաքացիների հետ: Մշտական կապ է պահպանվում նաև […] ...
20:23 15.06.2025
Ապարանում պտտահողմի հետևանքով մարմնական վնասվածք է ստացել 4 անձԱպարանում պտտահողմի հետևանքով մարմնական վնասվածք է ստացել 4 անձ։ Այս մասին հայտնում է Արագածոտնի մարզպետի աշխատակազմը։ «Ինչպես մեզ տեղեկացրեց Ապարանի բժշկական կենտրոնի տնօրեն Հայկ Շմավոնյանը` վնասվածք ստացած անձանցից 3-ը չափահաս են, մեկը երեխա է։ Բոլորը ստացել են համապատասխան բժշկական օգնությունը, վնասվածքները վերին վերջույթների շրջանում են` միջին և թեթև ծանրության, բարեբախտաբար, կյանքին սպառնացող վտանգներ չկան»,-նշված է […] ...
20:10 15.06.2025
Սաուդյան Արաբիան փորձում է Իրանին վերադարձնել բանակցային սեղանի շուրջՍաուդյան Արաբիան Պարսից ծոցի երկրների հետ համատեղ ակտիվ դիվանագիտական ջանքեր է գործադրում տարածաշրջանում իրավիճակը կայունացնելու և Իրանին բանակցությունների սեղանի շուրջ վերադարձնելու համար, այս մասին հայտարարել է իրաքյան «Շաֆաք Նյուզ» տեղեկատվական պորտալը: Բարձրաստիճան դիվանագիտական աղբյուրի խոսքով՝ Ռիադը այսպիսով ձգտում է ամրապնդել իր ռազմավարական դիրքը Մերձավոր Արևելքում: Հաջողության դեպքում Սաուդյան Արաբիան կպահանջի Կատարի և Օմանի տեղը որպես […] ...
