18:33 29.03.2022
Գրագիտություն տարածելու համար Ալեքպոլում 19-րդ դարի առաջին կեսին բացվեցին առաջին քաղաքային դպրոցները, որտեղ առանձին էին սովորում աղջիկներն ու տղաները։ 1839-40 թվականներին Սուրբ Ամենափրկիչ եկեղեցուն կից կառուցվել է առաջին արական դպրոցը։ Քառամյա կրթությամբ դպրոցի ավարտական ատեստատը պահվում է Գյումրիի պատմության թանգարանում։
«Մենք տեսնում ենք, որ կրթական վկայագիրը երկլեզու է եղել՝ հայերեն ու ռուսերեն։ Առարկաների ցանկը՝ կրոն, հայոց լեզու, ռուսաց լեզու, գերմաներեն, թվաբանություն, հայոց պատմություն, ռուսաց, ընդհանուր պատմություն, աշխարհագրություն և այլն։ Այսինքն՝ բավական լուրջ կրթական համակարգ էր»,- պատմում է Գյումրիի պատմության թանգարանի էքսկուրսավար Մարինե Հովհաննիսյանը։
Այն կոչվել է Փրկչի վիճակային դպրոց, կառուցվել է ալեքպոլցիների նվիրատվություններով, արական առաջին դպրոցը քանդվել է խորհրդային տարիներին, երբ սկսվել է եկեղեցու բակում շատրվանի շինարարությունը։ Մյուս բոլոր դպրոցների շենքերը պահպանված են։
«Որպես դպրոց նշանակություն ունեցող միակ կառույցը 6-րդ դպրոցն է, որտեղ գործել է Օլգինյան պրոգիմնազիան և այժմ շարունակում է գործել Պուշկինի անվան դպրոցը։ Մյուս բոլոր դպրոցները եղել են առանձնատներում»,- նշում է «Կումայրի» պատմամշակութային արգելոց-թանգարանի տնօրեն Ինգա Ավագյանը։
Առանձնատուն է այսօր նաև Արղության դպրոցի շենքը։ Այն եղել է առաջին օրիորդաց դպրոցը, բացվել է 1871 թվականին Ղահրաման Արղության-Երկայնաբազուկի նվիրատվությունների շնորհիվ։ Այն հարուստ ընտանիքների աղջիկների համար էր, իսկ կրթությունը վճարովի։ Այժմ այս շենքը բնակելի է՝ մասնավոր սեփականություն։ Նույն՝ սեփականության իրավունքով, օգտագործվում է նաև Ղազարոս Աղայանի ջանքերով քաղաքում հիմնված Սահականուշյան դպրոցը։ Այն կրթության օջախ է ծառայել 1882 թվականից մինչև 1921 թիվը, որից հետո դարձել է բնակելի տուն։ Հայտնի ընտանիքներից Քեշիշովների առանձնատունը, որը մինչև 1912 թվականը Օլգինյան պրոգիմնազիան էր, այսօր Մարիամ և Երանուհի Ասլամազյան քույրերի պատկերասրահն է։
Ինչպես պատմական Գյումրիի շինությունների զգալի մասը, ալեքպոլյան նախկին դպրոցները ևս պատմական հուշարձաններ են՝ «Կումայրի» արգելոցի արժեքներ։ Անկախ շենքի պատկանելությունից, որևէ շինարարական միջամտության համար պետք է ստանալ մշակույթի նախարարության թույլտվությունը։ Իսկ այս շենքերի պահպանությունը արգելոց-թանգարանի պատասխանատվությունն է։
Բացառությամբ Փրկչի վիճակային դպրոցի, ալեքպոլյան մյուս բոլոր դպրոցների շենքերը կանգուն են, օգտագործելի կառույցներ են և բավականաչափ պահպանված վիճակում են։ Թեև «Կումայրի» արգելոցի ճարտարապետական հուշարձաններ են, բայց դրանք փլուզումից փրկվել են մասնավոր սեփականություն լինելու արդյունքում։
20:46 03.08.2025
Արեգակի վրա հզոր բռնկում է տեղի ունեցելՕգոստոսի 3-ին Արեգակի վրա գրանցվել է նախավերջին հզորության դասի M բռնկում, ՏԱՍՍ-ին հայտնել են Կիրառական երկրաֆիզիկայի ինստիտուտից։ «Օգոստոսի 3-ին՝ Մոսկվայի ժամանակով ժամը 16:57-ին, 4168 (N04E23) արեգակնային բծերի խմբում ռենտգենյան տիրույթում գրանցվել է 11 րոպե տևողությամբ M2.9 բռնկում», – հայտնել են ինստիտուտից: Արեգակնային բռնկումները բաժանվում են հինգ դասի՝ կախված ռենտգենյան ճառագայթման հզորությունից՝ A, B, C, M […] ...
20:18 03.08.2025
Սևանա լճի տարբեր հատվածներում հայտնաբերվել է ապօրինի տեղադրված 28 հատ խեցգետնորսիչ և 33 հատ ձկնորսական ցանցԱնցած շաբաթ Կոտայքի և Գեղարքունիքի մարզային վարչության ««Սևան» ազգային պարկ» տեղամասի աշխատակիցները Սևանա լճի տարբեր հատվածներում իրականացրել են ստուգիչ միջոցառումներ, ինչի արդյունքում հայտնաբերվել է ապօրինի տեղադրված 28 հատ խեցգետնորսիչ և 33 հատ ձկնորսական ցանց։ Ինչպես տեղեկացնում են Շրջակա միջավայրի նախարարությունից, փաստի առթիվ կազմվել է համապատասխան արձանագրություն, որսի միջոցներն առգրավվել են, միջոցառումները կրելու են շարունակական բնույթ։ ...
19:50 03.08.2025
Կամչատկայում արթնացել է գրեթե 500 տարի քնած հրաբուխըԿամչատկայում արթնացել է գրեթե 500 տարի քնած հրաբուխը: Այս մասին ֆեյսբուքյան իր էջում գրել է «Հիդրոօդերևութաբանության և մոնիթորինգի կենտրոն» ՊՈԱԿ-ի տնօրեն Լևոն Ազիզյանը: «Կրաշենիննիկով հրաբուխը մինչև 6 կմ բարձրությամբ մոխրի սյուն է արտանետել՝ ավելի քան երեք անգամ բարձր, քան ինքնին հրաբուխն է, նրա բարձրությունը 1856 մետր է։ Վերջին անգամ այն ժայթքել է մոտավորապես 1550 թվականի […] ...
19:25 03.08.2025
Արարատի մարզում բախվել են «ՎԱԶ 2107»-ն ու «Լադա»-նԱյսօր՝ օգոստոսի 3-ին, ավտովթար է տեղի ունեցել Արարատի մարզում։ Ժամը 13։20-ի սահմաններում Տափերական գյուղի գլխավոր փողոցում՝ բենզալցակայանի դիմաց, բախվել են Արարատի մարզի բնակիչներ 32-ամյա Գոռ Մ․-ի վարած «ՎԱԶ 2107» մակնիշի և 26-ամյա Կարապետ Գ․-ի վարած «Լադա» մակնիշի ավտոմեքենաները։ Ինչպես հայտնում է shamshyan.com-ը, բախման հետևանքով «Լադա»-ն դուրս է եկել երթևեկելի գոտուց, անցել բազալտե եզրաքարի վրայով, ապա […] ...
19:00 03.08.2025
Եգիպտոսը երեք օրվա ընթացքում տասնյակ տոննա մարդասիրական օգնություն է ուղարկել Գազայի բնակիչների համարԵգիպտոսի ռազմաօդային ուժերի ինքնաթիռները երեք օրվա ընթացքում տասնյակ տոննա պարենային օգնություն են նետել Գազայի հատվածի բնակիչների համար, ասվում է Եգիպտոսի զինված ուժերի հայտարարության մեջ։ «Վերջին օրերին Եգիպտոսի Արաբական Հանրապետությունից թռիչք է կատարել ինը ռազմական տրանսպորտային ինքնաթիռ՝ Գազայի հատվածի դժվարամատչելի շրջաններ տասնյակ տոննա պարենային օգնություն նետելու համար», – ասվում է հայտարարության մեջ։ Իսրայելի կառավարությունը հուլիսի 26-ին […] ...
18:30 03.08.2025
Եվրահանձնաժողովը հաստատել է Սլովակիայի և ԱՄՆ-ի միջև միջուկային էներգիայի վերաբերյալ համաձայնագիրըԵվրոպական հանձնաժողովը հաստատել է Սլովակիայի և ԱՄՆ-ի միջև միջուկային էներգիայի ոլորտում համագործակցության վերաբերյալ միջկառավարական համաձայնագրի նախագիծը, հայտարարել է Սլովակիայի վարչապետ Ռոբերտ Ֆիցոն։ «Եվրոպական հանձնաժողովը դրական է գնահատել Սլովակիայի և Միացյալ Նահանգների կառավարությունների միջև միջուկային էներգիայի ոլորտում համագործակցության մասին համաձայնագրի բովանդակությունը։ Ատոմային էներգիայի ոլորտում համագործակցության վերաբերյալ Եվրամիության անդամ չհանդիսացող երկրի հետ նման միջպետական համաձայնագրերը, ԵՄ ներքին […] ...
