18:40 19.04.2022
Երկրաշարժից հետո Գյումրիում կառուցված բնակարաններից մոտ 1300-ը դեռ սեփականաշնորհված չեն տարբեր պատճառներով։ Բնակարան ստացած բազմանդամ ընտանիքների մի մասը շարունակում է մնալ տնակներում, ըստ այդմ՝ տնակների քանդման ակտ ներկայացնել չեն կարող, մյուսներն ունեն բացակա անդամներ, ինչի պատճառով փաստաթղթերն ամբողջական չեն համարվում։ Կառավարությունում քննարկվում է սեփականաշնորհումը արագացնելու և փաստաթղթային խոչընդոտներին լուծում տալու իրավական նորմեր մշակելու հարցը։
Հովհաննես Հակոբյանի ընտանիքը 2012 թվականից բնակվում է Մուշ 2 թաղամասում։ 88-ին կորցրած 3 սենյականոցի դիմաց նույն չափով փոխհատուցում են ստացել, բայց ընտանիքը դարձել է բազմանդամ, 8 անձով 60 քառակուսի մետր մակերեսով բնակարանում ապրել հնարավոր չէր։ Ընտանիքի մի մասը ստիպված մնացել է տնակում։ Նոր բնակարանն այդ պատճառով սեփականաշնորհել չեն կարող։
Բնակարանների սեփականաշնորհման գործընթացի մեկնարկի համար պարտադիր ներկայացվող փաստաթղթեր են համարվում տնակի քանդման ակտը, բնակարանի հավաստագիրը, դրանում նշված անձանց անձնագրերը և ավելին՝ բոլորի ներկայությունը։ Որևէ մեկի բացակայության պատճառով էլ բնակարանների սեփականաշնորհում չի կատարվում։
Երկրաշարժից հետո տարբեր ժամանակներում կառուցված ու բաշխված բնակարաններից ամենաշատը չսեփականաշնորհված նորակառույց Մուշ 2/2 թաղամասում են, միայն «Երազ» համատիրության սպասարկման տարածքում եղած 1756 բնակարանից 260-ը չի սեփականաշնորհվել, դրանցից 40-ը փակ դռներն են։
«Չսեփականաշնորհված լինելու և փակ դռների պատճառով խնդիրներ ենք ունենում։ Տարբեր վթարներ, հարցեր են լինում, օրինակ, տունը ջուր է լցվում, ջուրը սառում է, կամ կոյուղին է լցվում, կտուրն է կաթում, չբնակեցված լինելու պատճառով խնդիրներ են առաջանում։ Վթարը վերացնելու համար ստիպված դիմում ենք ոստիկաններին, որ գան դուռը բացեն»,- ShantNews.am-ի հետ զրույցում նշել է «Երազ» համատիրության նախագահ Սեյրան Պոլոյանը։
Չսեփականաշնորհված 500 բնակարան էլ հաշվառված է «Անի» թաղամասում, որի կառուցումն ավարտվել է 1990-92 թվականներին։ Առանց սեփականության իրավունքի, այս բնակարաններում ապրող ընտանիքներն, ամեն դեպքում, տնակների քանդման ակտ ներկայացնելու խնդիր չունեն, նրանց պարագայում գործընթացի ձգձգումը ընտանիքի բացակա անդամների փաստաթղթերով է պայմանավորված։
Բնակարանները բաշխելուց հետո, այդ տարիներին բնակիչներին հնարավորություն էր տրվել անվճար սեփականաշնորհելու։ 2018 թվականից սկսած գործընթացը միայն վճարովի հիմունքներով է։ Կառավարության որոշմամբ՝ բնակարանների սեփականաշնորհման գործընթացը ամբողջությամբ իրականացնում է Գյումրիի քաղաքապետարանը։
«Փետրվարի 1-ից հետո, մոտավորապես 25-30 դիմումատու ունեցել ենք բնակարանների սեփականաշնորհման համար։ Ովքեր դիմել են՝ առանց խնդիրների, առանց փաստաթղթերի պակասի, նորմալ փաթեթներ են եղել»,- նշել է Գյումրիի քաղաքապետարանի անշարժ գույքի կառավարման բաժնի պետի տեղակալ Մկրտիչ Դավթյանը։
2018-ից մինչև 2022-ի փետրվարի 1-ը սեփականաշնորհվել է 193 բնակարան։ Ներկա իրավական կարգավորումներով ընտանիքները դարձյալ չեն կարողանա սեփականաշնորհել իրենց բնակարանները, առկա խոչընդոտները մեղմելու քայլեր են փնտրում, որոնք թույլ կտան ընտանիքի բացակա անդամի պարագայում կամ կիսված ընտանիքներին շարունակել բնակվել տնակներում, բայց և սեփականաշնորհում իրականացնել։
20:46 03.08.2025
Արեգակի վրա հզոր բռնկում է տեղի ունեցելՕգոստոսի 3-ին Արեգակի վրա գրանցվել է նախավերջին հզորության դասի M բռնկում, ՏԱՍՍ-ին հայտնել են Կիրառական երկրաֆիզիկայի ինստիտուտից։ «Օգոստոսի 3-ին՝ Մոսկվայի ժամանակով ժամը 16:57-ին, 4168 (N04E23) արեգակնային բծերի խմբում ռենտգենյան տիրույթում գրանցվել է 11 րոպե տևողությամբ M2.9 բռնկում», – հայտնել են ինստիտուտից: Արեգակնային բռնկումները բաժանվում են հինգ դասի՝ կախված ռենտգենյան ճառագայթման հզորությունից՝ A, B, C, M […] ...
20:18 03.08.2025
Սևանա լճի տարբեր հատվածներում հայտնաբերվել է ապօրինի տեղադրված 28 հատ խեցգետնորսիչ և 33 հատ ձկնորսական ցանցԱնցած շաբաթ Կոտայքի և Գեղարքունիքի մարզային վարչության ««Սևան» ազգային պարկ» տեղամասի աշխատակիցները Սևանա լճի տարբեր հատվածներում իրականացրել են ստուգիչ միջոցառումներ, ինչի արդյունքում հայտնաբերվել է ապօրինի տեղադրված 28 հատ խեցգետնորսիչ և 33 հատ ձկնորսական ցանց։ Ինչպես տեղեկացնում են Շրջակա միջավայրի նախարարությունից, փաստի առթիվ կազմվել է համապատասխան արձանագրություն, որսի միջոցներն առգրավվել են, միջոցառումները կրելու են շարունակական բնույթ։ ...
19:50 03.08.2025
Կամչատկայում արթնացել է գրեթե 500 տարի քնած հրաբուխըԿամչատկայում արթնացել է գրեթե 500 տարի քնած հրաբուխը: Այս մասին ֆեյսբուքյան իր էջում գրել է «Հիդրոօդերևութաբանության և մոնիթորինգի կենտրոն» ՊՈԱԿ-ի տնօրեն Լևոն Ազիզյանը: «Կրաշենիննիկով հրաբուխը մինչև 6 կմ բարձրությամբ մոխրի սյուն է արտանետել՝ ավելի քան երեք անգամ բարձր, քան ինքնին հրաբուխն է, նրա բարձրությունը 1856 մետր է։ Վերջին անգամ այն ժայթքել է մոտավորապես 1550 թվականի […] ...
19:25 03.08.2025
Արարատի մարզում բախվել են «ՎԱԶ 2107»-ն ու «Լադա»-նԱյսօր՝ օգոստոսի 3-ին, ավտովթար է տեղի ունեցել Արարատի մարզում։ Ժամը 13։20-ի սահմաններում Տափերական գյուղի գլխավոր փողոցում՝ բենզալցակայանի դիմաց, բախվել են Արարատի մարզի բնակիչներ 32-ամյա Գոռ Մ․-ի վարած «ՎԱԶ 2107» մակնիշի և 26-ամյա Կարապետ Գ․-ի վարած «Լադա» մակնիշի ավտոմեքենաները։ Ինչպես հայտնում է shamshyan.com-ը, բախման հետևանքով «Լադա»-ն դուրս է եկել երթևեկելի գոտուց, անցել բազալտե եզրաքարի վրայով, ապա […] ...
19:00 03.08.2025
Եգիպտոսը երեք օրվա ընթացքում տասնյակ տոննա մարդասիրական օգնություն է ուղարկել Գազայի բնակիչների համարԵգիպտոսի ռազմաօդային ուժերի ինքնաթիռները երեք օրվա ընթացքում տասնյակ տոննա պարենային օգնություն են նետել Գազայի հատվածի բնակիչների համար, ասվում է Եգիպտոսի զինված ուժերի հայտարարության մեջ։ «Վերջին օրերին Եգիպտոսի Արաբական Հանրապետությունից թռիչք է կատարել ինը ռազմական տրանսպորտային ինքնաթիռ՝ Գազայի հատվածի դժվարամատչելի շրջաններ տասնյակ տոննա պարենային օգնություն նետելու համար», – ասվում է հայտարարության մեջ։ Իսրայելի կառավարությունը հուլիսի 26-ին […] ...
18:30 03.08.2025
Եվրահանձնաժողովը հաստատել է Սլովակիայի և ԱՄՆ-ի միջև միջուկային էներգիայի վերաբերյալ համաձայնագիրըԵվրոպական հանձնաժողովը հաստատել է Սլովակիայի և ԱՄՆ-ի միջև միջուկային էներգիայի ոլորտում համագործակցության վերաբերյալ միջկառավարական համաձայնագրի նախագիծը, հայտարարել է Սլովակիայի վարչապետ Ռոբերտ Ֆիցոն։ «Եվրոպական հանձնաժողովը դրական է գնահատել Սլովակիայի և Միացյալ Նահանգների կառավարությունների միջև միջուկային էներգիայի ոլորտում համագործակցության մասին համաձայնագրի բովանդակությունը։ Ատոմային էներգիայի ոլորտում համագործակցության վերաբերյալ Եվրամիության անդամ չհանդիսացող երկրի հետ նման միջպետական համաձայնագրերը, ԵՄ ներքին […] ...
