17:12 30.04.2022
Շիրակի մարզի ավտոճանապարհները սպասարկող չորս ընկերություններն անցել են ճանապարհների ամառային սպասարկման պարտականություններին։ Այս տարի ուշ են մեկնարկել՝ մարտ ամսվա ձմեռային եղանակի պատճառով։
Ճանապարհաշինական ընկերութունները միջպետական, հանրապետական նշանակության մայրուղիներում ընթացիկ նորոգումներ են կատարում։ Փոսալցումներից բացի, սպասարկման պարտավորությունների ցանկում են ճամփեզրերի աղբի մաքրումը, վնասված կողային արգելապատնեշների վերանորոգումը, անհրաժեշտության դեպքում նաև ճանապարհային երթևեկության նշանների նորացումը։
Ձյան հալվելուց հետո ամեն տարվա պես տարբեր չափերի ու խորության փոսեր են բացվել։ Ձյուն մաքրող տեխնիկաները մի 15 օր առաջ են շինարարները հավաքել։ Ձմեռայինից հետո ճանշինների համար բացվում է ամառային սպասարկման սեզոնը։ Գյումրի-Կապս-Ամասիա հանրապետական նշանակության 10 կմ ճանապարհի մեկ կիլոմետրանոց հատվածում փոսային նորոգումներ են։ Հանրապետական նշանակության այս ճանապարհը 2001 թվականին է հիմնանորոգվել։ 20 տարի առաջ հիմնանորոգված նույն ճանապարհի 2 կմ-ոց հատվածն անցած տարի են ասֆալտապատել։
Հատվածային հիմնանորոգումը փոսային մեծ մակերեսների առաջացման դեպքում արդյունավետ տարբերակ է շինարարների համար։ Շինընկերությունների պայմանագրային պարտավորությունների մեջ է մետաղական արգելապատնեշների տեղադրումը, կողնակների մաքրումը և այլն։
«Անցյալ տարի ասֆալտն արել ենք, մնում է կողնակների, ճանապարհային նշանների, մետաղական արգելապատնեշների, տեղադրման աշխառտանքները։ Էս տարի դրանք էլ կանենք»,- նշում է «Աշոցքի ԱՏՃ» ՓԲԸ գլխավոր ինժեներ Ալեքսան Քոչոյանը։
Աշոցքի և Ամասիայի տարածաշրջանը սպասարկող ճանապարհաշինական ընկերությունն միջպետական, հանրապետական և մարզային նշանակության ճանապարհների սպասարկում է իրականացնում ամբողջ տարին։ Ամռանը սպասարկում է մոտ 175 կմ երկարության ավտոճանապարհ։ Աշխատանքների բնույթից ու տեսակներից ելնելով, ի տարբերություն ձմռանը, ամառային աշխատանքները շատ են, հետևաբար ծախսատար։
Աշխատանքների ծավալն ամառային սեզոնին ավելին է և մի քանի ուղղություններով։ Ավտոճանապարհներին կուտակված աղբի հեռացումը ևս սպասարկող ընկերություններն են կատարում։ Իսկ ավտոմոբիլային ճանապարհներին թե որտեղից է այդքան աղբ գոյանում, սպասարկող ընկերություններն իրենց աչքի տեսածն են ասում։
«Ամենաշատը մեքենաների վարորդներն են , որոնք ուղևորների հետ միասին աղբը մեքենայից շպրտում են, ցանկացած պահի բացում են լուսամուտն ու շպրտում ճանապարի վրա, որը կամ մնում է ճանապարհի երթևեկելի հատվածի վրա, կամ կողնակներին»,- ասում է Ալեքսան Քոչոյանը։
Սպասարկող 4 ընկերութունները փոսային նորոգումներից և պայմանագրայով նախատեսված այլ աշխատանքային պարտականություններից բացի, իրենց սպասարկման ենթակա տարածաշրջաններում նաև կապիտալ ասֆալտապատման ծրագրեր են իրականացնում։ Այս տարի ինչ ծավալի հիմնանորոգման աշխատանքներ կլինեն մարզի ճանապարհներին, սպասարկող ընկերությունների համար պարզ կդառնա մեկ ամսից։
00:00 01.05.2025
Պատվաստանյութերը տարեկան փրկում են միլիոնավոր կյանքեր և օգնում են նվազեցնել հիվանդացությունըԱռողջապահության նախարարությունից հայտնել են, որ իմունականխարգելմանն ու իմունաբանությանը նվիրված իրազեկման միջոցառումներն առիթ են կրկին հիշեցնելու պատվաստման կարևորության մասին, որ մեզանից յուրաքանչյուրի առողջությունը մեր ընդհանուր պատասխանատվությունն է։ Իմունաբանությունն ուսումնասիրում է օրգանիզմի պաշտպանական մեխանիզմները վարակիչ հիվանդությունների, չարորակ նորագոյացությունների և այլ խանգարումների դեմ։ Իմունիզացիայի շնորհիվ` մարդկությունը կարողացել է հաղթահարել մահացու հիվանդություններից ջրծաղիկը, զգալիորեն նվազեցնել կարմրուկից, պոլիոմիելիտից և այլ […] ...
23:59 30.04.2025
Ստեփանծմինդա-Լարս ավտոճանապարհը բաց էՎրաստանի ՆԳՆ ԱԻ դեպարտամենտից և ՌԴ ԱԻՆ Հյուսիսային Օսիայի ճգնաժամային կառավարման կենտրոնից ստացված տեղեկատվության համաձայն՝ Ստեփանծմինդա-Լարս ավտոճանապարհը բաց է բոլոր տեսակի տրանսպորտային միջոցների համար։ ...
23:58 30.04.2025
Երևանում «Opel»-ի վարորդի ինքնազգացողությունը վատացել է, մեքենան դուրս է եկել հանդիպակաց գոտի և բախվել «Arcfox»-ինԱպրիլի 30-ին, արտակարգ դեպք է տեղի ունեցել Երևանում։ Ժամը 16:10-ի սահմաններում «Opel» մակնիշի ավտոմեքենան Երվանդ Քոչարի փողոցում դուրս են եկել հանդիպակաց երթևեկելի գոտի և բախվել «Arcfox» մակնիշի ավտոմեքենային։ Ինչպես հայտնում է shamshyan.com-ը, վթարի հետևանքով «Opel»-ի վարորդը «սրտամկանի սուր ինֆարկտ» ախտորոշմամբ տեղափոխվել է Հերացու անվան թիվ 1 համալսարանական հիվանդանոց։ Նրան առաջինն օգնության են հասել քաղաքացիները, «Arcfox»-ի […] ...
23:57 30.04.2025
ՀՀ տարածքում ավտոճանապարհները հիմնականում անցանելի ենՓրկարար ծառայությունը տեղեկացնում է, որ ՀՀ տարածքում ավտոճանապարհները հիմնականում անցանելի են։ Փակ է Արագածոտնի մարզում «Ամբերդ» բարձր լեռնային օդերևութաբանական կայանից Քարի լիճ ավտոճանապարհը։ ...
23:56 30.04.2025
Հնդկաստանը փակել է օդային տարածքը պակիստանյան ինքնաթիռների համարՀնդկաստանը փակել է իր օդային տարածքը պակիստանյան բոլոր ինքնաթիռների համար։ Այս մասին նշվում է հարավասիական հանրապետության կողմից տրված NOTAM ավիացիոն ծանուցման մեջ: Պակիստանի ինքնաթիռների համար օդային տարածքը փակելու որոշումը կգործի ապրիլի 30-ից մինչև մայիսի 23-ը։ Նշվում է, որ ծանուցումը վերաբերում է Pakistan Airlines-ի կողմից «գրանցված, շահագործվող, սեփականության տակ գտնվող և վարձակալված բոլոր ինքնաթիռներին»: Այն տարածվում […] ...
23:51 30.04.2025
43-ամյա կնոջ մարմինը հայտնաբերվել է Ստեփանավան քաղաքի Ձորագետի կիրճումԱպրիլի 30-ին, ողբերգական դեպք է տեղի ունեցել Լոռու մարզում։ Ժամը 12:30-ին ՀՀ ՆԳՆ Ոստիկանության Ստեփանավանի բաժին է դիմել Լոռու մարզի բնակիչ մի տղամարդ և հայտնել, որ ապրիլի 29-ին՝ ժամը 22:20-ի սահմաններում իր կինը դուրս է եկել տանից և չի վերադարձել։ Ինչպես հայտնում է shamshyan.com-ը, ոստիկանության Ստեփանավանի բաժնի ծառայողները, կնոջ ամուսինն ու հարազատները մի քանի ժամ […] ...
