19:54 06.05.2022
Գյումրի-Արմավիր հանրապետական նշանակության ավտոճանապարհի ամենաքիչը 30 կմ-ը երթևեկելի չէ, իսկ նախորդ տարվանից սպասարկող ընկերությանը չի թույլատրվում ընթացիկ հարթեցումներ կատարել, գոնե անցանելի վիճակ ապահովելու համար։
«Էս ճանապարհով քշել հնարավոր չէ ուղղակի, 3 ժամ եղավ՝ Արագածից գուկամ, դեռ տեղ չեմ հասել։ Սա ճամփա չէ, սա ի՞նչ է, ավելի շատ դաշտի ճամփա է»,- դժգոհում է վարորդը։
Դաշտային ճամփա ասածը վերաբերում է հանրապետական նշանակության ավտոճանապարհին, որը համարվում է այլընտրանքային Գյումրի-Երևանին։ Գյումրի-Արմավիր մոտ 73 կմ երկարության մայրուղու մեծ մասը՝ մոտ 30 կմ-ը, ընդգրկում է Շիրակի մարզը։ Որոշ հատվածներում ասֆալտի շերտն այն աստիճանի է քանդվել, որ փոսերի խորությունը տեղումներից հետո ջրի տարողությամբ են չափում։
Անցած տարվանից է ճանապարհի սպասարկումը դադարեցվել։ Սահմանված նորմերով, եթե փոսայնությունը գերազանցում է 4 տոկոսը, այն արդեն ենթակա չէ սպասարկման։ Չսպասարկվող ճանապարհը, սակայն, երկու մարզերի բնակիչների համար իր նշանակությունը չի փոխում։
Գյումրի-Արմավիր ավտոճանապարհի խիստ անհրաժեշտությունը վարորդները զգում են հատկապես ձմռանը, երբ այն դառնում է այլընտրանք Գյումրի-Երևան ճանապարհին։ Գյումրի-Արմավիրով են հիմնականում երթևեկում ծանրաքաշ մեքենաները։
Գյումրի-Արմավիր և Գյումրի-Երևան ճանապարհներն իրար կապող հատվածը՝ Հոռոմի խաչմերուկից մինչև Գուսանագյուղ, մոտ 15 տարի առաջ է ասֆալտապատվել, նույն հատվածում հիմա ասֆալտաշերտի կտոր չի մնացել։ Թարմ ասֆալտն հիմա Ղարիբջանյան գյուղի հատվածում մոտ 2,5 կմ երկարության ճանապարհին է, անցած տարի է հիմնանորոգվել, իսկ որպես շարունակություն՝ նախատեսվում է մոտ 14,5 և մոտ 15 կմ երկարության 2 ճանապարհահատվածներ նորոգել այս տարի։
«Դա Արագածոտնի մարզից մինչ Շիրակի մարզի Բագրավանի և Սարակապից մինչև Գուսանագյուղի խաչմերուկն է։ Այսինքն՝ մեր մարզն ընդգրկող հատվածն ամբողջությամբ կհիմնանորոգվի։ Մրցույթից հետո տեսնեն, թե ինչքան ֆինանսական միջոցներ կպահանջվի և այդքան ֆինանսական միջոցներ կան, ուրեմն ճանապարհը անպայման այս տարի կհիմնանորոգվի»,- նշում է Շիրակի մարզպետարանի քաղաքաշինության վարչության պետ Խաչատուր Խնձրցյանը։
Վարչության պետը նաև նշում է, թե ՀՀ տարածքային կառավարման և ենթակառուցվածքների նախարարությունն արդեն հայտարարել է շինկազմակերպության ընտրության մրցույթ, որը կանցկացվի մայիսի 10-ին։ Իսկ մրցութային գործընթացից հետո դեռ հստակեցումներ են արվելու ֆինանսավորման չափի վերաբերյալ, ինչից էլ կախված է շինարարության մեկնարկի ժամկետը։
Մրցութային գործընթացում նախապատվություն է տրվում այն շինընկերությանը, որը հիմնանորոգման ցածր գին է առաջարկում։ Նաև հայտնի է, որ շինանյութի գնի թանկացում է տեղի ունեցել, որից դժգոհում են այն շինկազմակերպությունները, որոնք իրականացնում են ոչ միայն ճանապարհաշինական աշխատանքներ։
Ճանապարհն ընդգրկվել է 2022 թվականի կապիտալ ծախսերի ծրագրում, և եթե շինկազմակերպության մրցույթը կայանա, եթե ֆինանսավորման չափը ճշտվի, նախատեսվում է ամբողջությամբ հիմնանորոգել։
23:59 02.08.2025
Էդգար Անդրեասյանը լրացրել է իր առաջին միջազգային վարպետի նորմանԷդգար Անդրեասյանը Ռումինիայում անցկացված «Brasov Grand Prix Classic 2025» շախմատի միջազգային մրցաշարի շրջանակներում լրացրեց իր առաջին միջազգային վարպետի նորման։ Այս մասին հայտնել է Հայաստանի շախմատի ֆեդերացիան: Էդգարը 9 հնարավորից վաստակեց 6 միավոր և 158.8 կետով բարելավեց իր միջազգային վարկանիշը: ...
23:55 02.08.2025
Հրդեհ՝ Երևանում․ հրշեջներն ու քաղաքացիները կանխել են կրակի տարածումը․ հրդեհի պատճառը եղել է 3 կգ-ոց գազաբալոնից առաջացած արտահոսքըՕգոստոսի 2-ին, հրդեհ է տեղի ունեցել Երևանում։ Ժամը 19։40-ի սահմաններում ՀՀ ներքին գործերի նախարարության փրկարար ծառայության 9-11 ճգնաժամային կառավարման ազգային կենտրոն ահազանգ է ստացվել, որ Նոր Նորք վարչական շրջանի Վիլնյուսի փողոցի թիվ 55 շենքի երկրորդ հարկի բնակարաններից մեկից կրակ և ծուխ է նկատվում։ Ինչպես հայտնում է shamshyan.com-ը, ժամանել են Երևանի թիվ 9-րդ հրշեջ փրարարական ջոկատից […] ...
23:44 02.08.2025
Երևանի քաղաքապետարանը ձեռնարկել է նոր նախաձեռնություն կենդանասերների համարԵրևանի քաղաքապետարանը մեկնարկում է նոր սոցիալական նախաձեռնություն 10-15 տարեկան կենդանասերների համար, ովքեր բնակվում են Երևանում: Այս մասին հայտնել են Երևանի քաղաքապետարանից՝ նշելով, որ ծրագրի մասնակիցը դառնալու և գրանցվելու համար ցանկացողները կարող են զանգահարել 1-05 հեռախոսահամարով և այցելել «Կենդանիների խնամքի կենտրոն», որտեղ կարող են խնամել կենտրոնում ապրող շներին, խաղալ նրանց հետ, ինչպես նաև ցանկության դեպքում՝ դառնալ […] ...
23:32 02.08.2025
Արագածոտնի մարզում բախվել են «VOYAH» էլեկտրոմոբիլը և «Opel Astra»-ն․ երկու ավտոմեքենաները հայտնվել են դաշտում․ կան վիրավորներՕգոստոսի 2-ին, ավտովթար է տեղի ունեցել Արագածոտնի մարզում։ Ժամը 16։00-ի սահմաններում Ալագյազ-Ապարան ավտոճանապարհին բախվել են Երևանի բնակիչ 32-ամյա Աշոտ Խ․-ի վարած «VOYAH» մակնիշի էլեկտրոմոբիլը և Լոռու մարզի բնակիչ 33-ամյա Վլադմիրի Հ․-ի վարած «Opel Astra» մակնիշի ավտոմեքենան, ինչի հետևանքով 2 ավտոմեքենաներն էլ հայտնվել են դաշտում։ Ինչպես հայտնում է shamshyan.com-ը, վթարի հետևանքով 3 հոգի մարմնական վնասվածքներով տեղափոխվել […] ...
23:18 02.08.2025
Ըմբշամարտի Մ17 ԱԱ. Եղիշե Մոսեսյանը հաղթել է թուրք մրցակցին և դուրս եկել կիսաեզրափակիչՄ17 ԱԱ. Ազատ ոճային ըմբիշ 71կգ Եղիշե Մոսեսյանը 9:7 հաշվով հաղթեց թուրք մրցակցին և դուրս եկավ կիսաեզրափակիչ: Այս մասին հայտնել է ըմբշամարտի ֆեդերացիան: Մինչև այդ, նա հաղթել էր ռուս մրցակցին: Կիսաեզրափակչում հայ ըմբիշը կմրցի ԱՄՆ ներկայացուցչի հետ: ...
23:04 02.08.2025
Շիրակի մարզում «Ղոջի աղբյուր» կոչվող հատվածում ռուսական համարանիշներով «Tank»-ը դուրս է եկել երթևեկելի գոտուց և կողաշրջված հայտնվել ձորում․ կա 2 զոհ, 1 վիրավորOգոստոսի 2-ին, ողբերգական ավտովթար է տեղի ունեցել Շիրակի մարզում։ Ժամը 20։10-ի սահմաններում Բավրա-Գյումրի ավտոճանապարհին, ժողովրդին հայտնի «Ղոջի աղբյուր» կոչվող հատվածում ռուսական համարանիշներով «Tank» մակնիշի ավտոմեքենան դուրս է եկել ճանապարհի երթևեկելի գոտուց, բախվել բետոնե արգելապատնեշին, կոտրել այն և կողշարջված հայտնվել ձորում։ Ինչպես hայտնում է shamshyan.com-ը, վթարի հետևանքով 2 հոգի տեղում մահացել են, 1 հոգի ծայրահեղ ծանր […] ...
