18:38 26.05.2022
2022 թվականին Շիրակի մարզի 5 խոշորացված համայնքներից և Գյումրիից կառավարություն է ներկայացվել սուբվենցիոն 44 ծրագրային հայտ, որոնց ընդհանուր արժեքը, նախնական փաթեթների գնահատումով, կազմում է 7 մլրդ 229 մլն դրամ։ Համայնքային ենթակառուցվածքների վերանորոգման, կառուցման տարբեր բաղադրիչներով նախագծերն նախնական հավանության են արժանացել, որոնք դեռ հաստատման փուլում են։ Գործընթացների կազմակերպման ժամանակատարության պատճառով գրեթե ամեն տարի համայնքներում ծրագրերն ուշ են գործնական փուլ մտնում և արդյունքում՝ սկսված շինարարությունները տեղափոխվում են հաջորդ տարի։
Ախուրյան խոշորացված համայնքում 2021 թվականի սուբվենցիոն ծրագրով կոմունալ ծառայության տեխնիկական սպասարկման կենտրոնի շինարարությունը սկսել էին տարվա կեսին։ Հաստատված ծրագրերի համար ամռան կեսին անցկացված մրցույթից հետո շինկազմակերպություններն աշնանն էին աշխատանքները սկսել, իսկ աշնանը սկսված շինարարությունը տեղի եղանակային պայմաններում երկար շարունակել չէին կարող։ Սա թերևս պատճառներից միայն մեկը չէր։
«Կարգն այնպես է, որ 70 մլն դրամից ավելի ծրագրի դեպքում, շինարարին մրցույթից հետո 40 օր է ժամկետ տրվում, հիմա մինչև մրցույթները լինում են, մինչև ուզում են գործ սկսել, աշուն է լինում, դրան գումարած՝ մի շարք գործոններ կան, որոնք խանգարում են շինարարության ընթացքին։ Առաջինն աշխատուժի պակասն է, խիստ պակաս կա աշխատողների»,- ասում է Ախուրյանի համայնքապետարանի շինարարության բաժնի գլխավոր մասնագետ Սամվել Սարգսյանը։
Համաֆինանսավորմամբ կառուցվող նոր ավտոպարկի համար մոտ 65 մլն դրամ է ծախսվելու։ Հարմարություններ են ստեղծելու խոշորացված համայնքի 35 բնակավայրերը սպասարկող տեխնիկաների պահպանության և վերանորոգման համար։ Ավտոպարկի բազան ևս սուբվենցիոն միջոցներով են թարմացրել, ձեռք են բերել բազմաֆունկցիոնալ տեխնիկաներ, որոնք մինչ օրս կայանատեղի չունեն, Ախուրյանի համայնքապետարանի վարչական շենքի հարևանությամբ պահում են բաց երկնքի տակ։
«Մեր մեխանիզմները շատ դժվարությամբ ենք ձեռք բերել։ Ի վերջո, թանկարժեք մեքենաներ են, ունենք 2 հատ բազմաֆունկցիոնալ էքսկավատոր, կամազ, ինքնաթափ և այլն, որոնք ձմեռային պայմաններում բաց երկնքի տակ թողնելը հանցագործություն է»,- նշում է Սամվել Սարգսյանը։
Նոր կառուցվող ավտոպարկի կայանվող տեխնիկան սպասարկելու է Ախուրյան բնակավայրի հարևան գյուղերին, իսկ խոշորացված համայնքի հեռավոր գյուղերի սպասարկումն ապահովելու է Մարմաշեն բնակավայրում գործող նոր ավտոպարկը։ 2 կենտրոնները միասին՝ մոտ 14 միավոր նոր գնված տեխնիկա ունեն։
Սուբվենցիոն ծրագրով նախորդ տարվա աշնանը՝ սեպտեմբերին էր սկսվել նաև Ջրառատի մանկապարտեզի շինարարությունը։ Լեռնային այս գյուղում տարվա այդ շրջանում շինարարություն սկսելը ռիսկային է, քանի որ Ջրառատում սովորաբար արդեն սեպտեմբերին գիշերային ջերմաստիճանը 0-ից ցածր է լինում, իսկ այդ պայմաններում շինարարական նորմատիվներով աշխատանքներ անելն անթույլատրելի է։ 2021 թվականին շինարարը հասցրել է միայն շենքի հիմքերը փորել։
50 երեխայի համար նախատեսված մանկապարտեզի շենքի նկուղային հարկը համայնքին ծառայելու է որպես ապաստարան։ Սուբվենցիոն ծրագրի առաջին փուլը ենթադրում է միայն ապաստարանի կառուցում։
Մինչև օգոստոս շինարարն ավարտելու է այդ աշխատանքները, որից հետո արդեն կհայտարարվի ծրագրի երկրորդ փուլի շինարարի մրցույթ։ Հաշվի առնելով շինանյութի շուկայում թանկացումները, այս փուլում շինարարը կարող է իր նախատեսած ֆինանսավորման չափը վերանայել։
«Երկրորդ փուլի համար նոր նախահաշիվ է պատվիրում շինարարը։ Այսինքն՝ էս տարվա աշխատանքների համար մենք նախագծերը կազմել ենք 2021 թ․-ին, բայց ապրիլ ամսին, Քաղաքաշինության կոմիտեի գնագրքով վերահաշվարկ ենք արել և նախահաշվային արժեքները ներկայացրել արդեն թանկացված գներով»,- ասում է Ախուրյանի համայնքապետարանի շինարարության բաժնի գլխավոր մասնագետը։
Մոտ 1000 բնակիչ ունեցող համայնքը չունի գործող մանկապարտեզ։ Ջրառատի երեխաները հաճախում են հարևան Բասեն գյուղի, Ախուրյանի մանկապարտեզներ։ 2-րդ փուլի մեկնարկից առաջ, մրցութային ու փաստաթղթային գործընթացների ժամկետներից ելնելով, սպասվում է որ 2021-ի սուբվենցիոն այս ծրագիրն ավարտին կհասնի 2023 թվականին։ Ախուրյան խոշորացված համայնքում սա միակ մանկապարտեզը չէ, որ կառուցվում է սուբվենցիոն ծրագրով։ Ընթացքի մեջ են Վահրամաբերդի, Շիրակի և Հացիկի մանկապարտեզների կառուցումները, անավարտ է նաև Արևիկ գյուղի ճանապարհի նորոգումը։
23:59 02.08.2025
Էդգար Անդրեասյանը լրացրել է իր առաջին միջազգային վարպետի նորմանԷդգար Անդրեասյանը Ռումինիայում անցկացված «Brasov Grand Prix Classic 2025» շախմատի միջազգային մրցաշարի շրջանակներում լրացրեց իր առաջին միջազգային վարպետի նորման։ Այս մասին հայտնել է Հայաստանի շախմատի ֆեդերացիան: Էդգարը 9 հնարավորից վաստակեց 6 միավոր և 158.8 կետով բարելավեց իր միջազգային վարկանիշը: ...
23:55 02.08.2025
Հրդեհ՝ Երևանում․ հրշեջներն ու քաղաքացիները կանխել են կրակի տարածումը․ հրդեհի պատճառը եղել է 3 կգ-ոց գազաբալոնից առաջացած արտահոսքըՕգոստոսի 2-ին, հրդեհ է տեղի ունեցել Երևանում։ Ժամը 19։40-ի սահմաններում ՀՀ ներքին գործերի նախարարության փրկարար ծառայության 9-11 ճգնաժամային կառավարման ազգային կենտրոն ահազանգ է ստացվել, որ Նոր Նորք վարչական շրջանի Վիլնյուսի փողոցի թիվ 55 շենքի երկրորդ հարկի բնակարաններից մեկից կրակ և ծուխ է նկատվում։ Ինչպես հայտնում է shamshyan.com-ը, ժամանել են Երևանի թիվ 9-րդ հրշեջ փրարարական ջոկատից […] ...
23:44 02.08.2025
Երևանի քաղաքապետարանը ձեռնարկել է նոր նախաձեռնություն կենդանասերների համարԵրևանի քաղաքապետարանը մեկնարկում է նոր սոցիալական նախաձեռնություն 10-15 տարեկան կենդանասերների համար, ովքեր բնակվում են Երևանում: Այս մասին հայտնել են Երևանի քաղաքապետարանից՝ նշելով, որ ծրագրի մասնակիցը դառնալու և գրանցվելու համար ցանկացողները կարող են զանգահարել 1-05 հեռախոսահամարով և այցելել «Կենդանիների խնամքի կենտրոն», որտեղ կարող են խնամել կենտրոնում ապրող շներին, խաղալ նրանց հետ, ինչպես նաև ցանկության դեպքում՝ դառնալ […] ...
23:32 02.08.2025
Արագածոտնի մարզում բախվել են «VOYAH» էլեկտրոմոբիլը և «Opel Astra»-ն․ երկու ավտոմեքենաները հայտնվել են դաշտում․ կան վիրավորներՕգոստոսի 2-ին, ավտովթար է տեղի ունեցել Արագածոտնի մարզում։ Ժամը 16։00-ի սահմաններում Ալագյազ-Ապարան ավտոճանապարհին բախվել են Երևանի բնակիչ 32-ամյա Աշոտ Խ․-ի վարած «VOYAH» մակնիշի էլեկտրոմոբիլը և Լոռու մարզի բնակիչ 33-ամյա Վլադմիրի Հ․-ի վարած «Opel Astra» մակնիշի ավտոմեքենան, ինչի հետևանքով 2 ավտոմեքենաներն էլ հայտնվել են դաշտում։ Ինչպես հայտնում է shamshyan.com-ը, վթարի հետևանքով 3 հոգի մարմնական վնասվածքներով տեղափոխվել […] ...
23:18 02.08.2025
Ըմբշամարտի Մ17 ԱԱ. Եղիշե Մոսեսյանը հաղթել է թուրք մրցակցին և դուրս եկել կիսաեզրափակիչՄ17 ԱԱ. Ազատ ոճային ըմբիշ 71կգ Եղիշե Մոսեսյանը 9:7 հաշվով հաղթեց թուրք մրցակցին և դուրս եկավ կիսաեզրափակիչ: Այս մասին հայտնել է ըմբշամարտի ֆեդերացիան: Մինչև այդ, նա հաղթել էր ռուս մրցակցին: Կիսաեզրափակչում հայ ըմբիշը կմրցի ԱՄՆ ներկայացուցչի հետ: ...
23:04 02.08.2025
Շիրակի մարզում «Ղոջի աղբյուր» կոչվող հատվածում ռուսական համարանիշներով «Tank»-ը դուրս է եկել երթևեկելի գոտուց և կողաշրջված հայտնվել ձորում․ կա 2 զոհ, 1 վիրավորOգոստոսի 2-ին, ողբերգական ավտովթար է տեղի ունեցել Շիրակի մարզում։ Ժամը 20։10-ի սահմաններում Բավրա-Գյումրի ավտոճանապարհին, ժողովրդին հայտնի «Ղոջի աղբյուր» կոչվող հատվածում ռուսական համարանիշներով «Tank» մակնիշի ավտոմեքենան դուրս է եկել ճանապարհի երթևեկելի գոտուց, բախվել բետոնե արգելապատնեշին, կոտրել այն և կողշարջված հայտնվել ձորում։ Ինչպես hայտնում է shamshyan.com-ը, վթարի հետևանքով 2 հոգի տեղում մահացել են, 1 հոգի ծայրահեղ ծանր […] ...
