19:39 27.05.2022
Գյումրիում աշխատանք գտնելու հարթակ են դարձել պարբերաբար կազմակերպվող աշխատանքի տոնավաճառները, որտեղ գործատուների առաջարկածն ամենատարբեր բնույթի աշխատանքներ են։ Շիրակի մարզի պետական և մասնավոր սեկտորը ներկայացնող մոտ 40 գործատուներ այսօր Գյումրիում հերթական անգամ աշխատանք փնտրողներին են առաջարկել ավելի քան 400 թափուր աշխատատեղ։ Աշխատանք փնտրող և գործատու հանդիպումն այս անգամ նախաձեռնել էին «Կանաչ Արահետ» ՀԿ-ն՝ «Ադամյան և ընկերներ» աշխատանքի տեղավորման կադրային կենտրոնի աջակցությամբ և Եվրոպական միության ֆինանսավորմամբ։
Աշխատաշուկայում առկա թափուր տեղերը լրացնելու համար գործատուն իր հստակ պահանջներն է առաջադրում, իսկ դրանք, միշտ չէ, որ համապատասխանում են աշխատանք փնտրողների հնարավորություններին։ «Կանաչ Արահետ» ՀԿ-ն, ուսումնասիրելով մարզերի աշխատաշուկան, պարզել է, որ այսպիսի խնդրի են բախվում հիմնականում երիտասարդները:
«Ունենք որոշակի անհամապատասխանություն, երիտասարդների ստացած գիտելիքների, կրթության և այսօրվա աշխատաշուկայի պահանջների միջև։ Շատ դեպքերում կան աշխատատեղեր, գործատուները փնտրում մեն աշխատողներ, բայց մյուս կողմից ունենք բավականին շատ աշխատանք փնտրողներ, որոնք չեն կարողանում մի հարթակում հանդիպել»,- նշում է «Կանաչ Արահետ» ՀԿ ծրագրերի ղեկավար Արթուր Գոմկցյանը։
Շիրակի մարզի մոտ 40 գործատուների աշխատանքի առաջարկներն այս անգամ միայն սպասարկման ոլորտին չէին վերաբերում։
«Շատ մեծ պահանջարկ ունենք հատկապես խոհարարի, մատուցողի, սպասարկման ոլորտում, բայց ուրախալի է, որ մենք այսօր ունենք նաև բարձրագույն տեխնիկական կրթությամբ առաջարկվող աշխատանքներ, այսինքն՝ լավ է, որ կան բարձրագույն կրթություն ունեցողներին առաջարկվող աշխատանքներ»,- նշում է «Ադամյան և ընկերներ» կադրային կենտրոնի տնօրեն Ամալյա Ադամյանը։
Այս անգամ տոնավաճառում միջին մասնագիտական ուսումնական հաստատությունները ներկայացնում էին իրենց մոտ սովորելու և արդյունքում շուկայում պահանջված մասնագիտություն ձեռք բերելու հնարավորությունները։ Գործատուներից բացի, Միասնական սոցիալական ծառայությունների տարածքային կենտրոնները ևս ներկայացնում էին իրենց բազայում հավաքագրված տվյալները։ Այս հարթակում այժմ առկա է ևս 250 թափուր աշխատատեղ։ Տարեսկզբից մինչ օրս Միասնական սոցիալական ծառայության Գյումրիի տարածքային կենտրոնի աջակցությամբ աշխատանք է գտել մոտ 100 մարդ։ Առաջարկվող աշխատանքները թեև շատ են, բայց դրանք, տարբեր հիմնավորմամբ, չեն բավարարում զբաղվածություն փնտրողներին։ Աշխատանքային պայմաններն ու աշխատավարձի չափը դրանց մերժման հիմնական պատճառներն են։
Աշխատանք փնտրողներից ու գրանցված գործազուրկներից տոնավաճառի արդյունքում քանիսը հարմար աշխատանք կգտնի, կազմակերպիչները կամփոփեն մոտ 6 ամսից։ Կանխատեսումներում լավատես են՝ նշելով, թե նախորդ տոնավաճառների փորձը կա, որ աշխատանք փնտրողների մոտ 70 տոկոսը, այնուամենայնիվ, իրեն հարմարը գտնում է։
20:17 30.04.2025
Աշխարհի լավագույն ռմբարկուների տասնյակըՊորտուգալիայի հավաքականի և սաուդյան «Ալ Նասրի» 40-ամյա հարձակվող Կրիշտիանու Ռոնալդուն 934 գոլով աշխարհի լավագույն ռմբարկուն է գործող ֆուտբոլիստների շարքում։ Լավագույն ռմբարկուների տասնյակը հետևյալն է․ 1․Կրիշտիանու Ռոնալդու («Ալ Նասր»)՝ 934 գոլ 2․Լիոնել Մեսսի («Ինտեր Մայամի»)՝ 858 3․Ռոբերտ Լեւանդովսկի («Բարսելոնա»)՝ 710 4․Լուիս Սուարես («Ինտեր Մայամի»)՝ 587 5․Քարիմ Բենզեմա («Ալ Իթիհադ»)՝ 494 6․Էդինսոն Կավանի («Բոկա Խունիորս»)՝ 462 7․Հարի […] ...
19:56 30.04.2025
Դատավոր Արտուշ Գաբրիելյանի լիազորությունները կասեցվել են. ԲԴԽԲԴԽ-ն որոշում է կայացրել Երևան քաղաքի առաջին ատյանի ընդհանուր իրավասության քրեական դատարանի դատավոր Արտուշ Գաբրիելյանի լիազորությունները կասեցնելու մասին: «2025 թվականի ապրիլի 29-ին և 30-ին, դռնփակ նիստերում, հիմք ընդունելով Գլխավոր դատախազի կողմից 2025 թվականի ապրիլի 29-ին ներկայացված «ՀՀ Երևան քաղաքի առաջին ատյանի ընդհանուր իրավասության քրեական դատարանի դատավոր Արտուշ Վաչագանի Գաբրիելյանի նկատմամբ հանրային քրեական հետապնդում հարուցելու համաձայնություն […] ...
19:52 30.04.2025
Վարչապետի գլխավորությամբ քննարկվել է «300 դպրոց, 500 մանկապարտեզ» ծրագրի ընթացքըՎարչապետ Նիկոլ Փաշինյանի քննարկվել է «300 դպրոց, 500 մանկապարտեզ» ծրագրի ընթացքը: Փոխվարչապետ Տիգրան Խաչատրյանը նշել է, որ 2021-2025թթ․ մեկնարկել և ընթացքի մեջ են 340 դպրոցի կառուցման, վերանորոգման և նախագծման աշխատանքները, որոնք սպասարկելու են շուրջ 130 000 սովորողի: Ընդգծվել է, որ 2021-2025թթ․ ընթացքում շահագործման են հանձնվել 45 դպրոցներ՝ 10 հիմնանորոգված և 35 կառուցված, որոնք սպասարկում են […] ...
19:46 30.04.2025
Էրդողանն ասել է, որ պաշտպանում է Թրամփի տեսլականը Ուկրաինայի վերաբերյալԹուրքիայի նախագահ Ռեջեփ Թայիփ Էրդողանը հայտարարել է, որ «հեռախոսային դիվանագիտություն» է վարում իր ամերիկացի գործընկեր Դոնալդ Թրամփի հետ և աջակցում է Ուկրաինայի հակամարտության կարգավորման նրա տեսլականին։ «Մենք պարոն Թրամփի հետ ժամանակ առ ժամանակ շփվում ենք հեռախոսային դիվանագիտության ձևաչափով: Կարծում եմ, որ նոր շրջանում մեր երկկողմ հարաբերություններն իմ ընկեր Թրամփի հետ բոլորովին այլ խթան կստանան: Մենք […] ...
19:39 30.04.2025
ԼՂ-ից տեղահանված անձանց սոցիալական աջակցության ծրագրում լրացումներ են արվելԼՂ-ից տեղահանված անձանց առաջնային կարիքների բավարարման, կեցության և այլ ծախսերի համար նախատեսված սոցիալական աջակցության ծրագրում լրացումներ են արվել։ Այս մասին հայտնում են ՀՀ աշխատանքի և սոցիալական հարցերի նախարարությունից: Հաշվի առնելով այն, որ ԼՂ-ից բռնի տեղահանված ընտանիքների համար հաստատված սոցիալական ուղղվածություն ունեցող ծրագրերի լավարկման վերաբերյալ առաջարկների քննարկման համար կպահանջվի որոշակի ժամկետ՝ ընթացիկ ծրագրերում իրականացվել են որոշակի […] ...
