20:00 01.08.2022
Հանրապետությունում բուժաշխատողների պարտադիր հավաստագրման գործընթաց է իրականացվում։ Շարունակական մասնագիտական զարգացման կրեդիտների արդյունքում, որոնք բուժաշխատողները կուտակել են 5 տարիների ընթացքում, բուժաշխատողին կտրվի հավաստագիր։ Իսկ այդ միավորները 5 տարվա ընթացքում հաշվարկվում են մասնագիտական վերապատրաստումների, սեմինարների մասնակցության արդյունքներով։ «Գյումրի» ԲԿ-ի 470 բուժաշխատողներ մասնակցում են պարտադիր հավաստագրման գործընթացին, նրանցից 190-ը բժիշկներն են, 280-ը՝ միջին բուժանձնակազմը։
Մելսիդա Գալոյանը վիրաբուժական բաժանմունքի ավագ բուժքույրն է: Կյանքի գրեթե կեսը առողջապահական համակարգում է անցել: Բուժաշխատողների պարտադիր վերապատրաստումը նոր բան չէ, ուղղակի փոխվել են ներկայացվող պահանջները: Կրեդիտ տերմինը փոքր-ինչ անսովոր է երկարամյա փորձով բուժաշխատողների համար: Նախկինում պարզապես վերապատրաստվում էին ու հավաստագիր ստանում: Հիմա այդ գործընթացը այլ պահանջներով է։
«Առաջ ավելի մատչելի էր․ մի անգամ 5 շաբաթով գնում էինք ու վերջ, հաջորդ 5 տարին էինք սպասում, իսկ հիմա ամբողջ 5 տարվա մեջ մենք նորից կրթվելու ենք»,- նշում է ավագ բուժքույրը։
Նոր պահանջներով հավաստագրումը շատերի համար ոչ միայն ժամանակատար է, նաև անսովոր, երբ դասընթացներն անցկացվում են առցանց հարթակում: Բայց պահանջները հստակ են՝ աշխատանքը չկորցնելու համար խիստ անհրաժեշտ է՝ որքան հնարավոր է շատ դասընթացի մասնակցել, դրանով կուտակել կրեդիտներ։
«Հիմա մեզ պետք է հավաքել 220 կրեդիտ, որի մեջ մտնում են տեսական գործնական կրեդիտներ, պետք է ունենալ ինքնակրթման կրեդիտներ նվազագույնը 5, և պետք է ունենալ հարակից մասնագիտություններից։ Ենթադրենք մեկը վիրաբույժ է, բայց կարող է գնալ, լսել դասախոսություններ կամ թեմաների մասնակցել այլ մասնագիտությամբ՝ ևս համարվում են կրեդիտներ»,- նշում է «Գյումրի» ԲԿ-ի փոխտնօրեն Արմեն Խաչատրյանը։
Բժշկագիտության մեջ փոփոխություններն արագ են, ըստ այդմ՝ փոխվում են մասնագետներին ներկայացվող պահանջները: Բուժաշխատողները չեն թաքցնում, որ աշխատանքի ծանրաբեռնվածության հետ սա ևս լրացուցիչ լարվածություն է, բայց և ունի նաև դրական կողմեր:
«Մենք կարծես թե զարգանում ենք համահունչ բժշկությանը, որն ընդունված է աշխարհում, բայց կան շատ նոր մեթոդներ, որոնք նույնիսկ չեն կիրառվում որպես բուժման մեթոդ, և ցանկությունն այն է, որ գոնե տեսնենք՝ ինչի մասին է։ Օրինակի համար՝ ռոբոտի հետ կապված վիրաբուժությունը, որը չկա Հայաստանում, բայց հնարավորություն ունենանք գոնե առնչվելու»,- նշում է «Գյումրի» ԲԿ-ի վիրաբուժական բաժանմունքի վարիչ Արմեն Նասիբյանը։
Բուժաշխատողների պարտադիր կրեդիտավորումը 5 տարվա շրջափուլով է, այսինքն՝ բուժաշխատողն այդ կրեդիտները կուտակում է հինգ տարվա ընթացքում։ Սահմանված միավորները տարբեր են ավագ և միջին բուժաշխատողների համար։
«Մեզ տրված է 2016 թվականից հաշված մինչև 2023 թվականը հավաքած կրեդիտները և այդ ամենը, եթե եղավ 220, այսինքն՝ այն թիվը, ինչ պահանջվում է, բայց կարող է ավելին էլ լինել, ենթադրենք՝ շատ է մասնակցել կոնֆերանսների և այլն․․․ 2023 թվականից այն զրոյանում է, հաջորդը կլինի 2028-ին»,- նշում է «Գյումրի» ԲԿ-ի փոխտնօրեն Արմեն Խաչատրյանը։
Բուժաշխատողները, որոնք չեն ունենա շարունակական մասնագիտական զարգացման կրեդիտներ, 2023 թվականի հունվարի 1-ից կզրկվեն աշխատանքից։
19:56 30.04.2025
Դատավոր Արտուշ Գաբրիելյանի լիազորությունները կասեցվել են. ԲԴԽԲԴԽ-ն որոշում է կայացրել Երևան քաղաքի առաջին ատյանի ընդհանուր իրավասության քրեական դատարանի դատավոր Արտուշ Գաբրիելյանի լիազորությունները կասեցնելու մասին: «2025 թվականի ապրիլի 29-ին և 30-ին, դռնփակ նիստերում, հիմք ընդունելով Գլխավոր դատախազի կողմից 2025 թվականի ապրիլի 29-ին ներկայացված «ՀՀ Երևան քաղաքի առաջին ատյանի ընդհանուր իրավասության քրեական դատարանի դատավոր Արտուշ Վաչագանի Գաբրիելյանի նկատմամբ հանրային քրեական հետապնդում հարուցելու համաձայնություն […] ...
19:52 30.04.2025
Վարչապետի գլխավորությամբ քննարկվել է «300 դպրոց, 500 մանկապարտեզ» ծրագրի ընթացքըՎարչապետ Նիկոլ Փաշինյանի քննարկվել է «300 դպրոց, 500 մանկապարտեզ» ծրագրի ընթացքը: Փոխվարչապետ Տիգրան Խաչատրյանը նշել է, որ 2021-2025թթ․ մեկնարկել և ընթացքի մեջ են 340 դպրոցի կառուցման, վերանորոգման և նախագծման աշխատանքները, որոնք սպասարկելու են շուրջ 130 000 սովորողի: Ընդգծվել է, որ 2021-2025թթ․ ընթացքում շահագործման են հանձնվել 45 դպրոցներ՝ 10 հիմնանորոգված և 35 կառուցված, որոնք սպասարկում են […] ...
19:46 30.04.2025
Էրդողանն ասել է, որ պաշտպանում է Թրամփի տեսլականը Ուկրաինայի վերաբերյալԹուրքիայի նախագահ Ռեջեփ Թայիփ Էրդողանը հայտարարել է, որ «հեռախոսային դիվանագիտություն» է վարում իր ամերիկացի գործընկեր Դոնալդ Թրամփի հետ և աջակցում է Ուկրաինայի հակամարտության կարգավորման նրա տեսլականին։ «Մենք պարոն Թրամփի հետ ժամանակ առ ժամանակ շփվում ենք հեռախոսային դիվանագիտության ձևաչափով: Կարծում եմ, որ նոր շրջանում մեր երկկողմ հարաբերություններն իմ ընկեր Թրամփի հետ բոլորովին այլ խթան կստանան: Մենք […] ...
19:39 30.04.2025
ԼՂ-ից տեղահանված անձանց սոցիալական աջակցության ծրագրում լրացումներ են արվելԼՂ-ից տեղահանված անձանց առաջնային կարիքների բավարարման, կեցության և այլ ծախսերի համար նախատեսված սոցիալական աջակցության ծրագրում լրացումներ են արվել։ Այս մասին հայտնում են ՀՀ աշխատանքի և սոցիալական հարցերի նախարարությունից: Հաշվի առնելով այն, որ ԼՂ-ից բռնի տեղահանված ընտանիքների համար հաստատված սոցիալական ուղղվածություն ունեցող ծրագրերի լավարկման վերաբերյալ առաջարկների քննարկման համար կպահանջվի որոշակի ժամկետ՝ ընթացիկ ծրագրերում իրականացվել են որոշակի […] ...
19:27 30.04.2025
«Care for children» կազմակերպության և ՀՀ-ում դիվանագիտական ներկայացուցիչների մասնակցությամբ տեղի է ունեցել կլոր սեղան քննարկումԽնամատարության ինստիտուտի զարգացման ու կայացման հեռանկարի վերաբերյալ համաժողովի շրջանակում՝ Աշխատանքի և սոցիալական հարցերի նախարարության նախաձեռնությամբ տեղի է ունեցել հարակից կլոր սեղան քննարկում՝ «Care for children» կազմակերպության և ՀՀ-ում գործունեություն իրականացնող դիվանագիտական ներկայացուցիչների մասնակցությամբ։ Հանդիպման շրջանակում դեսպաններին ներկայացվել է պետության խնամքին ապրող երեխաների համար որպես խնամքի այլընտրանքային ինստիտուտի՝ խնամատարության վերաբերյալ ՀՀ-ում այս պահին առկա պատկերը, ոլորտային […] ...
