20:00 21.11.2022
Նոյեմբերի 17-21-ը Շիրակի մարզում անցկացվում է«Մինասի գույներով» երիտասարդ նկարիչների 9-րդ պլեները, որին մասնակցում են 25 նկարիչներ Հայաստանից, Արցախից, Ջավախքից ու Վրաստանից։ Պլեները Շիրակի մարզում անցկացվում է 2012 թվականից և ի սկզբանե ավելի շատ մասնակցում էին սկսնակ նկարիչներ։ Այս անգամ մշակութային միջոցառումը համախմբել է պրոֆեսիոնալ և սկսնակ նկարիչներին։ Այս տարի պլեները աշնանային է։ Նկարիչները կտավին են հանձնում Շիրակի մարզի բնակավայրերի աշնանային պատկերները։ Երիտասարդ նկարիչների 9-րդ պլեները կազմակերպել է «Արդինի» կրթամշակութային և տուրիզմի զարգացման հիմնադրամը, Շիրակի մարզպետարանի ֆինանսավորմամբ և Գյումրիի քաղաքապետարանի աջակցությամբ։
Պլեներ բառացի ֆրանսերենից թարգմանած նշանակում է բացօթյա։ Գեղանկարչության մեջ այս տերմինով նշվում է արևի լույսի և օդի ազդեցությամբ պայմանավորված գունային փոփոխությունների ողջ հարստության վերարտադրումը նկարում։
«Մինասի գույներով» երիտասարդ նկարիչների պլեների մանակիցները Գյումրիի պատմական միջուկում են փնտրում այն անկյունը, որն ավելի շատ է իրենց ոգեշնչում տեսածը կտավին հանձնելու համար։ Արևի լույսի ու աշնանային գույների խաղը ինչպես է գունավորում պատմական կենտրոնի հին կառույցները՝ նկարիչներից ամեն մեկը յուրովի է դա տեսնում։
«Կենտրոնական հատվածներն ամենալավն են փոխանցում, թե ինչպիսին է քաղաքը, ինչով է այն շնչում։ Ես շրջել եմ Գյումրիի հին թաղերով։ Շատ եմ սիրում վառ գույներ և կարող եմ ասել, որ ավելի վառ ու գունեղ քաղաք, քան Գյումրին է, ես դեռ չէի տեսել»,-SHANTNEWS-ին ասել է պլեների Վրաստանը ներկայացնող մասնակից Շալվա Պաչոշվիլին։
Պլեներին Ջավախքն ու Վրաստանը ներկայացնող մասնակիցներին գերել էր քաղաքի պատմական միջուկը, իսկ արցախցիներին՝ գյումրեցի կավագործ վարպետի աշխատանքները։ Հադրութի մանկապատանեկան ստեղծագործական կենտրոնի տնօրենն ու սաները ստեղծագործում էին կավագործության արվեստանոցում։ Վարպետի հմտությունը և կավը թրծելու ամբողջ պրոցեսը կտավին էին հանձնում, որպես կարոտ ու հիշողություն Հադրութում թողած կավագործության երկու արվեստանոցների ու պատերազմում զոհված վարպետի մասին։
«Մենք Հադրութում կավագործության երկու արվեստանոց ունեինք և վարպետ, որն ընդամենը 18 տարեկան էր։ Ցավոք, նա զոհվեց 44-օրյա պատերազմում։ Որոշել ենք այստեղ կավագործ վարպետին ու նրա արվեստանոցը նկարել։ Գուցե ինչ-որ բան կսովորենք։ Մենք մինչև պատերազմը սկսել էինք ուսումնասիրել, թե Արցախի բնակավայրերում կավի ինչպիսի հումք կա։ Հիմա մեր աշակերտներին սովորեցնում ենք նկարել կավից պատրաստված սպասքի վրա։ Սրանով իսկ նրանց արվեստի երկու ճյուղերի ենք հաղորդակից դարձնում»,- ասում է պլեների արցախցի մասնակից Իրա Թամրազյանը։
«Մինասի գույներով» երիտասարդ նկարիչների միջազգային 9-րդ պլեների ընթացքում մասնակիցներից յուրաքանչյուրն առնվազն 4 գեղանկար է հեղինակելու։ Բացի դրանից, մասնակիցները համատեղ մեկ կտավ են նկարելու։ Այդ կտավի, ինչպես նաև պլեներին նվիրաբերած աշխատանքների վաճառքից ստացված հասույթը հիմնադրամն ուղղելու է բարեգործական ծրագրերի իրականացմանը, որոնց շահառուն Շիրակի մարզի գյուղական համայնքներն են։
12:50 30.04.2025
Քննարկվել է Քաջարան-Ագարակ ճանապարհի կառուցման ընթացքը
12:50 30.04.2025
Քննարկվել է Քաջարան-Ագարակ ճանապարհի կառուցման ընթացքը«Ճանապարհային դեպարտամենտ» հիմնադրամի գործադիր տնօրեն Արկադի Չերչինյանն ընդունել է Կայունացման և զարգացման Եվրասիական հիմնադրամի պատվիրակության անդամներ Արթուր Առաքելյանին, Վասիլի Գլուխովին և Վիկտոր Պոպովին։ Հանդիպմանը մասնակցում էին Ճանապարհային դեպարտամենտի գործադիր տնօրենի տեղակալ Կարեն Բադալյանը, այլ պատասխանատուներ։ Քննարկման առանցքում Հյուսիս-հարավի Տրանշ-4-ի Քաջարան-Ագարակ 32կմ երկարությամբ ճանապարհահատվածի շինարարության հետ կապված հարցերն էին։ Քաջարան-Ագարակ ճանապարհահատվածը կառուցվում է Կայունացման և զարգացման […] ...
12:44 30.04.2025
Պետդեպարտամենտը կրկին սկսել է իր աշխատակիցներին առաջարկել կամավոր կերպով աշխատանքից ազատման հնարավորություն․ ReutersԱՄՆ Պետդեպարտամենտը կրկին սկսել է իր աշխատակիցներին առաջարկել կամավոր կերպով աշխատանքից ազատման հնարավորություն՝ փոխհատուցմամբ, հաղորդում է Reuters-ը ՝ հղում անելով իր ստացած էլեկտրոնային նամակը։ Ավելի վաղ ԱՄՆ պետքարտուղար Մարկո Ռուբիոն հայտարարել էր գերատեսչությունում աշխատանքների լայնածավալ վերակազմակերպման մասին՝ Պետդեպարտամենտը բյուրոկրատիայից ազատելու և անձնակազմը կրճատելու նպատակով։ «Մենք շարունակում ենք լսել արձագանքները և ցանկանում ենք մեր աշխատակիցներին հնարավորություն […] ...
12:39 30.04.2025
ԱՄՆ-ը ձգտում է կանխել Իրանի՝ միջուկային զենք ստանալը. ՈւոլցԱՄՆ-ը քննարկում է Իրանի միջուկային ծրագիրը սահմանափակելու բոլոր տարբերակները։ Այս մասին հայտարարել է ԱՄՆ ազգային անվտանգության հարցերով խորհրդական Մայք Ուոլցը։ «Բոլոր տարբերակները սեղանին են: Իրանը չպետք է միջուկային զենք ունենա, նախագահը (Դոնալդ Թրամփը) բացարձակ լուրջ է վերաբերվում դրան»,- ասել է Ուոլցը New York Post-ին՝ մեկնաբանելով Իրանի միջուկային օբյեկտներին հարվածելու հնարավորության մասին հայտարարությունները: Նախագահի օգնականը հույս […] ...
12:35 30.04.2025
Մայիսի 2-5-ին սպասվում է կարճատև անձրև և ամպրոպ, քամու ուժգնացումԵրևանում ապրիլի 30-ին կեսօրից հետո, մայիսի 1-ին երեկոյան, մայիսի 2-5-ին սպասվում է կարճատև անձրև և ամպրոպ, ամպրոպի ժամանակ՝ քամու ուժգնացում 15-18 մ/վ արագությամբ: Մարզերում ապրիլի 30-ի և մայիսի 1-ի ցերեկը, մայիսի 2-3-ի գիշերն առանձին շրջաններում, 2-ի և 4-ի ցերեկը, 5-ին շրջանների զգալի մասում սպասվում է կարճատև անձրև և ամպրոպ, 2-ի ցերեկն առանձին վայրերում՝ հորդառատ։ […] ...
12:24 30.04.2025
Առաջարկվող փոփոխությամբ կդյուրացվի ՀՀ-ի և Ղազախստանի միջև ավտոմոբիլային տրանսպորտով բեռնափոխադրումների գործընթացըՀայաստանի եւ Ղազախստանի միջեւ ավտոմոբիլային հաղորդակցությունը կանոնակարգվում է 2006 թվականին ստորագրված «Ավտոմոբիլային հաղորդակցության մասին» համաձայնագրով, որով հիմնականում կարգավորվում է միջպետական կանոնավոր ու ոչ կանոնավոր ուղեւորափոխադրումներն ու բեռնափոխադրումների ոլորտը: Այս մասին ասել է ՀՀ տարածքային կառավարման եւ ենթակառուցվածքների նախարարի տեղակալ Արմեն Սիմոնյանը Տնտեսական հարցերի մշտական հանձնաժողովի՝ ապրիլի 30-ի նիստում: Քննարկվել է ««ՀՀ կառավարության եւ Ղազախստանի Հանրապետության […] ...
12:20 30.04.2025
Իրանը խորհրդակցություններ կանցկացնի «եվրոեռյակի» հետ՝ ԱՄՆ-ի հետ բանակցություններից առաջԻրանը նախատեսում է խորհրդակցություններ անցկացնել «եվրոեռյակի» (Գերմանիա, Մեծ Բրիտանիա և Ֆրանսիա) հետ՝ իրանական միջուկային ծրագրի շուրջ ԱՄՆ-ի հետ բանակցություններից առաջ։ Այս մասին հայտարարել է Իսլամական Հանրապետության արտաքին գործերի նախարարության ղեկավար Աբբաս Արաղչին։ «Կարծում եմ՝ երեք եվրոպական երկրների դերը (իրանյան միջուկային ծրագրի հարցում) նվազել է նրանց կողմից որդեգրված սխալ քաղաքականության պատճառով։ Այդ պատճառով մենք պատրաստ ենք […] ...
