23:36 16.12.2022
21-րդ դարում 120.000 արցախցի շարունակում է պատանդի կարգավիճակում մնալ իր իսկ հայրենիքում՝ զրկված աշխարհի հետ կապից: Անցնող օրվա ընթացքում ի՞նչ զարգացումներ տեղի ունեցան, ինպե՞ս է մեկնաբանվում այդ ամենը Բաքվում:
Թեմայի շուրջ «Հորիզոնի» տաղավարում Արտակ Հովհաննիսյանի հետ զրուցել է Արտյոմ Երկանյանն ու մանրամասներ հայտնել:
«Ադրբեջանական մամուլի տեղեկություններով` այսօր հանդիպում է տեղի ունեցել ռուս խաղաղապահների ղեկավարների հետ: Ադրբեջանական կողմը ներկայացված է եղել հատուկ այդ նպատակով ստեղծված խմբով, որի կազմում են եղել մի շարք բարձրաստիճան պաշտոնյաներ, որոնք ներկայացնոմ են Էկոնոմիկայի, Բնապահպանության նախարարությունները, Պետգույքի պետական գործակալությունը և «Ազերի Գոլդ» պետական ՓԲԸ-ն:
Այդ թիմը հանդիպում է ունեցել գեներալ Վոլկովի և նրա թիմակիցների հետ՝ խաղաղապահների գլխավոր շտաբում, որը գտնվում է Իվանյան ավանում: Այսինքն՝ կարող ենք ենթադրել, որ ռուս խաղաղապահներն իրենց տրանսպորտային միջոցներով Լաչինից նրանց են տեղափոխել Արցախ: Հայտնի չէ, թե այդ ամենի մասին արդյո՞ք տեղյակ են եղել Արցախի իշխանությունները:
Ոմն Մասիմ Մամեդով, որը ներկայացվում է որպես Արցախում այդ հանքերի մոնիթորինգի համար ստեղծված խմբի պատասխանատու, ասել է, որ Վոլկովի հետ քննարկել են ճգնաժամից դուրս գալու ճանապարհային քարտեզն ու դրա կետերը: Ընդ որում, հետաքրքիր է, որ այդ ամենը Վոլկովի հետ «քննարկել է» առանց հայերի:
Որքան հնարավոր է հասկանալ Մամեդովի խոսքերից, ադրբեջանական կողմը պատրաստակամություն է հայտնել հանել Արցախի շրջափակումը, բայց մինչ այդ իրենք պետք է դիտարկում իրականացնելու հնարավորություն ստանան՝ Դրմբոնի ոսկու հանքում և Կաշենի պղնձամոլիբդենային հանքում: Երկուսն էլ գտնվում են Մարտակերտի շրջանում:
Ընդ որում, պնդում են, որ այդ մոնրիթորինգը պետք է ենթադրի նաև գույքագրում անելու հնարավորությունը. այսինքն՝ որ պահեստում ինչքա՞ն ոսկի կամ մոլիբդեն կա, թե որ հանքում ինչքա՞ն է ակնկալվում արդյունահանել, ո՞ւր է ուղարկվում, ի՞նչ նպատակով և այլն:
Մամեդովն ասել է, որ հակառակ իրենց սպասածին՝ նրանց հնարավորություն չի տրվել իրականացնել անհրաժեշտ աշխատանքները: Ընդ որում, անորոշ է ձևակերպել, թե արդյո՞ք Վոլկովի հետ ձեռք է բերվել այդ ամենի մասին պայմանավորվածություն, և այն չի կատարվել, թե չի հաջողվել գալ ընդհանուր եզրակացության և կոնկրետ որոշման:
Նշեմ, որ պաշտոնական Ստեփանակերտը չի հաստատում տեղեկություններն ինչ-որ ճանապարհային քարտեզի գոյության մասին»,-ասաց Արտյոմ Երկանյանը:
Մանրամասները՝ ամբողջական հարցազրույցում:
17:38 21.06.2025
Զելենսկին ՆԱՏՕ-ի գագաթնաժողովին մասնակցելու վերաբերյալ որոշումը վերջին պահին հետաձգել էՎլադիմիր Զելենսկին վստահ չէ, թե արդյոք կմեկնի Հաագայում հունիսի 24-25-ը կայանալիք Հյուսիսատլանտյան դաշինքի գագաթնաժողովին, և ուղևորության վերաբերյալ որոշումը հետաձգել է վերջին րոպեին։ Սա բխում է լրագրողների հետ հանդիպման ժամանակ նրա հայտարարությունից։ «Գագաթնաժողովին իմ ուղևորությունը կախված չէ նրանից, թե արդյոք հանդիպում կլինի ԱՄՆ նախագահ Դոնալդ Թրամփի հետ։ Նախ, ես վստահ չեմ, որ կգնամ, բայց, միևնույն է, […] ...
17:28 21.06.2025
Հայաստանի հավաքականների կազմերը․ Ըմբշամարտի Մ20 ԵԱՀունիսի 30-ից հուլիսի 6-ը Իտալիայի Կաորլե քաղաքում կկայանա ըմբշամարտի մինչև 20 տարեկանների Եվրոպայի առաջնությունը: Ազատ և հունահռոմեական ոճի ըմբշամարտի Հայաստանի հավաքականները Եվրոպայի առաջնությանը կմասնակցեն ամբողջական կազմերով: Հունահռոմեական ոճի ըմբշամարտ․ 55 կգ՝ Լևոն Ղազարյան 60 կգ՝ Յուրի Կարապետյան 63 կգ՝ Ալեք Մարգարյան 67 կգ՝ Հայկ Քալաջյան 72 կգ՝ Գասպար Տերտերյան 77 կգ՝ Սամվել Տերտերյան 82 կգ՝ […] ...
17:20 21.06.2025
Իսրայելի ռազմաօդային ուժերը հայտարարել են, որ հարվածել են Իրանի հարավ-արևմուտքինԻսրայելի պաշտպանության ուժերը (IDF) հայտարարել են, որ երկրի ռազմաօդային ուժերի կործանիչները ներկայումս հարվածներ են հասցնում Իրանի հարավ-արևմուտքում գտնվող ռազմական ենթակառուցվածքներին։ Fars լրատվական գործակալության փոխանցմամբ՝ պայթյունների ձայներ են լսվել Ահվազ քաղաքում և Մահշահր նավահանգստում, և ՀՕՊ-ը աշխատանքներ է տանում սպառնալիքը վերացնելու համար։ Իսրայելը հունիսի 13-ի գիշերը ռազմական գործողություն սկսեց Իրանի դեմ։ Մեկ օր անց Իսլամական Հանրապետությունը […] ...
17:10 21.06.2025
ԵՄ դեսպան. Վրաստանը կարող է երկար ժամանակով կորցնել ԵՄ անդամ դառնալու հնարավորությունըՎրաստանը կարող է երկար ժամանակով կորցնել Եվրամիությանը միանալու հնարավորությունը։ Այս մասին լրագրողներին ասել է Թբիլիսիում ԵՄ դեսպան Պավել Գերչինսկին։ «2023 թվականին Եվրամիությունը բացեց եվրոպական ընտանիքի դռները Վրաստանի համար, և այն դարձավ ԵՄ անդամակցության թեկնածու։ Մենք միասին նշեցինք այս պատմական պահը։ Այսօր Վրաստանի եվրաինտեգրումը կասեցված է, ցավալի է, որ Վրաստանը կարող է երկար ժամանակով կորցնել Եվրամիության […] ...
17:00 21.06.2025
«Նոան» ընկերական խաղում հաղթել է սլովենական «Ռադոմլյեին»Հայաստանի չեմպիոն և գավաթակիր «Նոան» Ավստրիայում շարունակվող ուսումնամարզական հավաքի երկրորդ ընկերական խաղում 2-1 հաշվով հաղթել է Սլովենիայի բարձրագույն խմբում հանդես եկող «Ռադոմլյեին»: Սանդրո Պերկովիչի գլխավորած թիմից գոլերը խփել են պորտուգալացի կիսապաշտպան Գոնսալու Սիլվան և ֆրանսիացի հարձակվող Վիրջիլ Պինսոնը: ...
16:50 21.06.2025
Ձեր համազգեստը միայն աշխատանքի կամ ծառայության նշան չէ. այն վստահության ու պատասխանատվության խորհրդանիշ է՝ մեր քաղաքացիների, մեր պետության հանդեպ․ ՆԳ նախարարՆերքին գործերի նախարար Արփինե Սարգսյանը հունիսի 21-ին Ոստիկանության զորքերի կենտրոնական վարչակազմում մասնակցել է Ոստիկանության զորքերի կազմավորման 33-ամյակին նվիրված տոնական միջոցառմանը։ Ներկա էին Ոստիկանության պետը, ՆԳ նախարարի տեղակալները, նախարարության և Ոստիկանության ղեկավար կազմը, ոստիկանության ծառայողներ։ Նախարարության ղեկավարությանն է ներկայացվել զորքերի սպառազինությունը, տեխնիկական հագեցվածությունը։ Շնորհավորելով ներկաներին տոնի առթիվ՝ Արփինե Սարգսյանը ընդգծել է, որ Ոստիկանության զորքերը Հայաստանի պետականության […] ...
