22:30 21.02.2023
Իրանն առաջարկում է Թեհրանում անցկացնել Հայաստանի, Ադրբեջանի, Թուրքիայի, Ռուսաստանի, Իրանի և Վրաստանի՝ «3+3» ձևաչափով արտգործնախարարների հանդիպումը։ Այդ մասին ասել է Իրանի արտաքին քաղաքական գերատեսչության ղեկավար Հոսեյն Ամիր Աբդոլլահիանը:
Որքանո՞վ է մեր շահերից բխում, որ «3+3» ձևաչափը կայանա և որքանո՞վ է հավանական այդ ձևաչափի արդյունավետությունը:
Թեմային «Հորիզոնի» տաղավարում անդրադարձել է Արտյոմ Երկանյանը։
«Այս գաղափարը թարմ չէ, իրականում Իրանի պաշտոնյաները նման առաջարկներով դեռևս հանդես էին գալիս այն շրջանում, երբ Իրանի նախագահը Մոհամմադ Խաթամին էր: Դրանից հետո Անկարան կարծես խլեց այդ հարցում նախաձեռնությունը. Էրդողանը դեռևս 2008թ.-ին առաջարկեց տարածաշրջանային այդպիսի պլատֆորմ և Հայաստանն այն ժամանակ բոլորովին դեմ չէր, այլ Ադրբեջանն էր դեմ: Այդ ձևաչափով հանդիպում Ստամբուլում մեկ անգամ կայացել էր. 5 կողմ հանդիպում, որի ավարտական հռչակագիրը չընդունվեց միայն Ադրբեջանի պատճառով, քանի որ Ադրբեջանը համարում էր, որ տարածաշրջանային որևէ համագործակցություն չպետք է լինի, քանի դեռ լուծված չէ ղարաբաղյան խնդիրը: Այս հարցում թուրքական կողմի մոտեցումն այլ էր: Այն այդ ժամանակ ավելի մոտ էր մեր մոտեցմանը:
Պարզ է, որ առանց Ադրբեջանի գաղափարը զարգացում չստացավ, սակայն արցախյան 2-րդ պատերազմից հետո Բաքվի մոտեցումը բոլորովին փոխվեց և Թուրքիան կրկին առաջարկեց այդ տարածաշրջանային պլատֆորմի գաղափարը՝ այս անգամ «3+3» ձևաչափով: Եվ այս գաղափարն ընկալվեց և՛ Իրանի առաջնորդի, և՛ Ռուսաստանի նախագահի կողմից, Ադրբեջանը միանշանակ ողջունել էր: Հայաստանին հաջողվում էր խուսափել վերջնական պատասխանից, իսկ ռուսական կողմն առաջարկեց Վրաստանի իշխանություններին ևս միանալ այս պլատֆորմին: Վրաստանը միանշանակ դեմ էր, քանի որ համարում է, որ չի մասնակցելու տարածաշրջանային որևէ ինտեգրացիոն գործընթացի, որին մասնակցելու է Ռուսաստանը:
Մեզ առայժմ հաջողվում է խուսափել նոր ձևաչափերի պլատֆորմերի մասնակցությանը, մանավանդ այնպիսի ձևաչափերի, որոնք հավակնում են Մինսկի խմբի ձևաչափի տեղը զբաղեցնել: Ինչպես հայտնի է՝ մեր շահերից չի բխում տարածաշրջանի գործընթացներից դուրս մղել եվրոպական կառույցներին, որոնք երբեմն ավելի առարկայական երաշխիքներ են առաջարկում, քան այլ միջնորդները, մինչդեռ պարզ է, որ Թուրքիայի, Ռուսաստանի և Իրանի նպատակը մեկն է՝ այս տարածաշրջանից դուրս մղել եվրոպական կառույցներին ու ԱՄՆ-ին: Այս դեպքում մենք ղեկավարվում ենք միայն մեր շահերով և առայժմ փորձում ենք ժամանակ շահել»,- ասաց Արտյոմ Երկանյանը:
Վրաստանի նախաձեռնությունը կարո՞ղ է իրական այլընտրանք դառնալ «3+3» ձևաչափին. մանրամասները՝ ամբողջական զրույցում:
09:55 02.05.2025
Երկրաշարժ Գավառ քաղաքից 12 կմ հարավ
09:48 02.05.2025
Ռուբիո. ԱՄՆ-ը և Չինաստանը շուտով կարող են առևտրային բանակցություններ վարելԱՄՆ պետքարտուղար Մարկո Ռուբիոն հնարավոր է համարել շուտով Չինաստանի հետ առևտրային բանակցություններ վարելը։ «Նրանք ցանկանում են հանդիպել: Նրանք ցանկանում են խոսել: Մենք ունենք մարդիկ, ովքեր դա անում են: Ակնհայտ է, որ մեր ֆինանսների նախարար Սքոթ Բեսենտը ներգրավված է այդ ջանքերում, և այդ բանակցությունները շուտով տեղի կունենան»,- ասել է Ռուբիոն Fox News-ին տված հարցազրույցում: Միևնույն ժամանակ, […] ...
09:40 02.05.2025
Նեթանյահուն հայտարարել է Դամասկոսի նախագահական պալատի մոտ գտնվող թիրախի վրա հարձակման մասինԻսրայելի վարչապետ Բենիամին Նեթանյահուն և պաշտպանության նախարար Իսրայել Կացը համատեղ հայտարարություն են տարածել՝ հայտարարելով Դամասկոսի նախագահական պալատի մոտ գտնվող թիրախի վրա հարձակման մասին։ Այս մասին հայտնում է Times of Israel թերթը։ «Սա հստակ ազդանշան է սիրիական ռեժիմին, մենք թույլ չենք տա զորքեր ուղարկել Դամասկոսից հարավ կամ որևէ սպառնալիք դրուզների համայնքի համար», – մեջբերում է հրատարակությունը […] ...
09:30 02.05.2025
Ֆրանսիայի ԱԳՆ. Եվրոպան ՌԴ-ի դեմ պատժամիջոցների նոր փաթեթ է պատրաստումԵվրոպական երկրները ծրագրում են հակառուսական պատժամիջոցների ևս մեկ փաթեթ ներմուծել, եթե երկիրը հրաժարվի Ուկրաինայում կրակը դադարեցնելուց և հույս ունենա ստանալ ԱՄՆ աջակցությունն այս հարցում։ Այս մասին հայտարարել է Ֆրանսիայի ԱԳՆ ղեկավար Ժան-Նոել Բարոն Agence France Presse-ին տված հարցազրույցում։ «Մենք՝ եվրոպացիներս, պատրաստվում ենք աջակցել ամերիկյան այս նախաձեռնությանը Ռուսաստանի դեմ պատժամիջոցների 17-րդ փաթեթով, և չորեքշաբթի ես ասել […] ...
09:25 02.05.2025
Պետքարտուղարություն. ՌԴ-ի և ԱՄՆ-ի ղեկավարների միջև անձնական շփումն անհրաժեշտ էՈւկրաինական ճգնաժամի կարգավորման հարցում անհրաժեշտ է անձնական շփում Ռուսաստանի և ԱՄՆ-ի ղեկավարների միջև։ Այս մասին լրագրողների համար հերթական ճեպազրույցում ասել է ԱՄՆ Պետդեպարտամենտի մամուլի ծառայության ղեկավար Թեմմի Բրյուսը՝ ի պատասխան ԱՄՆ նախագահ Դոնալդ Թրամփի և Ռուսաստանի պետության ղեկավար Վլադիմիր Պուտինի շփումների վերաբերյալ քննադատություններին։ «ԱՄՆ պետքարտուղար Մարկո Ռուբիոյի դիրքորոշումն այս հարցում շատ մոտ է նախագահ Թրամփի […] ...
09:14 02.05.2025
Անահիտ Մանասյանի գլխավորությամբ աշխատակազմում անցկացվել է խորհրդակցությունՄարդու իրավունքների պաշտպան Անահիտ Մանասյանի գլխավորությամբ աշխատակազմում անցկացվել է խորհրդակցություն: Ստորաբաժանումների ղեկավարները Պաշտպանին ներկայացրել են ընթացիկ աշխատանքներն ու առաջիկայում նախանշված ծրագրերը։ Քննարկվել են աշխատանքի կազմակերպման մեթոդաբանությանը վերաբերելի հարցեր: Այս մասին տեղեկացնում են Պաշտպանի աշխատակազմից։ «Անահիտ Մանասյանն անդրադարձել է քաղաքացիների ընդունելության գործընթացի և նրանց կողմից ստացվող դիմում-բողոքների ուսումնասիրության պատշաճ կազմակերպմանը և նշել, որ կառույցում մարդու իրավունքների […] ...
09:10 02.05.2025
Ալեքսանդրա Գրիգորյանը դարձել է Ծանրամարտի երիտասարդների աշխարհի առաջնության բրոնզե մեդալակիրՊերուի մայրաքաղաք Լիմայում շարունակվող ծանրամարտի պատանիների և երիտասարդների աշխարհի առաջնության կանանց 55 կգ քաշային կարգում Ալեքսանդրա Գրիգորյանը (անձնական մարզիչ` Քրիստինե Պետրոսյան) պոկում վարժությունում գլխավերևում պահեց 85 կգ ու 88 կգ: Այս մասին հայտնում են Հայաստանի ծանրամարտի ֆեդերացիայից։ «Հրում վարժությունում Ալեքսանդրան բարձրացրեց 116 կգ: Այս վարժությունում նա նվաճեց ոսկե մեդալ: Երկամարտի 204 կգ արդյունքով` Ալեքսանդրա Գրիգորյանը […] ...
