16:35 21.08.2018
Օգոստոսի 17-ին Գյումրիում տեղացած հորդառատ անձրևն ու կարկուտը փողոցի ողջ աղբը քշել ու լցրել են Գորկի 33 շենքի նկուղները: Այս մասին SHANTNEWS.am-ի թղթակցի հետ զրույցում պատմել են շենքի բնակիչները:
Նրանց խոսքերով՝ իրենք բավական շատ վնասներ են կրել: Մեր թղթակցին բնակիչները ցույց են տվել շենքի նկուղը, որտեղ լցված անձրևաջրերի մակարդակը մինչև 4 մետրի էր հասնում:
Դեպքից 4 օր անց ջուրը ցամաքել է, բայց նկուղներ լցված կարկտի մեծ սառցաշերտերը դեռ չեն հալվել: Դրանք բնակիչները սեփական ուժերով, դույլերով են փորձել շենքից դուրս բերել, բայց անօգուտ: Նրանք ջրի ու կարկտի շերտի տակից հանել են այն, ինչ կարողացել են: Իսկ թե ջուրն ինչու է անարգել նկուղներ լցվել, բնակիչները պատճառները լավ գիտեն` Շիրազի փողոցում հիմնանորոգման աշխատանքներ են տարվում, ինչի համար էլ շինկազմակերպությունը քանդել է շենքի նկուղների լուսամուտների մի մասի բետոնե արգելապատնեշները՝ նորը տեղադրելու նպատակով, ու գործը դեռ կիսատ է:
Շինարարն իր սխալն անձրևից հետո է ուղղել ու ժամանակավոր պատնեշներ տեղադրել: Բայց նկուղ լցված կարկուտը մաքրելու համար պատասխանատու չէ: Բնակիչները խնդրով դիմել են «911» ծառայությանը, «Վեոլիա ջուր» ընկերությանը, Գյումրիի քաղաքապետարանին, շենքը սպասարկող «Գյումրի Կենտրոն» համատիրությանը, բայց նկուղից կարկտի սառցակտորները հեռացնող տեխնիկա չի գտնվել:
Համատիրության ղեկավար Մովսես Ջուհարյանն առաջարկել է սպասել մինչև կարկուտը կհալչի: Իսկ թե խոնավությունը ինչքանով կվնասի «Կումայրի» արգելոց թանգարանի այս շենքին, միայն բնակիչներին է մտահոգում:
Նշենք, որ շենքը 1932 թվականի կառույց է ու վթարային: Փայտե առաստաղի առանձին հատվածներն ու տանիքը քանդված են: Ըստ համատիրության ղեկավարի՝ Գորկի 33 շենքի տանիքը, հնարավոր է, այս տարի հիմնանորոգվի պետական միջոցներով, բայց դա շենքի վիճակի միայն մասնակի բարելավում կնշանակի:
17:30 04.08.2025
Շատվանցի տղամարդը կամավոր հանձնել է ապօրինի հրազեն ու փամփուշտներՊետական պահպանության գլխավոր վարչության Սևանի պահպանության բաժնի Վարդենիսի դասակի ծառայողների բացատրական աշխատանքի շնորհիվ հուլիսի 31-ին բաժին է ներկայացել Շատվան գյուղի բնակիչ 33-ամյա տղամարդ և կամովին հանձնել մեկփողանի ողորկափող հրացան ու ինգնաձիգի 47 փամփուշտ: Նա հայտնել է, որ հանգուցյալ պապին պատկանող հրազենն ու զինամթերքը գտել է իրենց տան տանիքը մաքրելիս։ Ծանուցում. Ենթադրյալ հանցանքի մեջ կասկածվողը կամ […] ...
17:22 04.08.2025
Նորվեգիան երբեք աշխարհի չեմպիոն չի դառնա․ Հոլանդ«Մանչեսթեր Սիթիի» հարձակվող Էռլինգ Հոլանդը կարծում է, որ Նորվեգիան երբեք չի դառնա աշխարհի չեմպիոն։ Այս մասին գրում է Time-ը։ «Նորվեգիան երբեք աշխարհի չեմպիոն չի դառնա։ Եթե մենք հաղթահարենք որակավորման փուլը, դա հավասար կլինի որևէ մեծ երկրի աշխարհի չեմպիոն դառնալուն։ Պատմության մեջ ամենամեծ խնջույքը կլինի։ Օսլոյում մեծ տոնախմբություն կսկսվի»,- նշել է 25-ամյա նորվեգացին։ Նորվեգիայի ազգային հավաքականը […] ...
17:16 04.08.2025
Վարչապետի աշխատակազմն անդրադարձել է Վաշինգտոնում Փաշինյան-Ալիև հնարավոր հանդիպման մասին լուրերինՀայաստանի վարչապետի աշխատակազմն այս պահին չի կարող ո՛չ հերքել, ո՛չ էլ հաստատել Նիկոլ Փաշինյանի՝ Միացյալ Նահանգներ կատարելիք այցի մասին մամուլում և սոցիալական ցանցերում շրջանառվող տեղեկատվությունը։ «Արմենպրես»-ի հարցմանն ի պատասխան՝ այս մասին հայտնել են վարչապետի աշխատակազմի տեղեկատվության և հասարակայնության հետ կապերի վարչությունից։ «Վարչապետ Փաշինյանի ԱՄՆ կատարելիք այցի մասին մամուլում և սոցիալական ցանցերում շրջանառվող տեղեկատվությունը այս պահին […] ...
17:12 04.08.2025
Ողբերգական դեպք՝ Շիրակի մարզում. լճակում փրկարարները որոնում են ջրահեղձ եղած հովվինԱյսօր՝ օգոստոսի 4-ին, ողբերգական դեպք է տեղի ունեցել Շիրակի մարզում: Ժամը 15:50-ի սահմաններում ՀՀ ներքին գործերի նախարարության ոստիկանության քրեական ոստիկանության գլխավոր վարչության Շիրակի մարզային քրեական վարչությունում և ՀՀ ՆԳՆ ոստիկանության պարեկային ծառայության Շիրակի մարզի գումարտակում միաժամանակ օպերատիվ տեղեկություններ են ստացվել, որ Գետք գյուղում գտնվող լճակում քաղաքացի է ջրահեղձ եղել: Ինչպես հայտնում է shamshyan.com-ը, ջրահեղձ եղած […] ...
17:05 04.08.2025
Արտակարգ արբիտրը մերժել է ՀԷՑ-ի բաժնետերերի նոր պահանջներըՀՀ կառավարությունից տեղեկացնում են, որ ս.թ. հուլիսի 29-ին Liormand Holdings Limited ընկերությունը, Սամվել Կարապետյանը, Էթերի Կարապետյանը, Սարգիս Կարապետյանը և Կարեն Կարապետյանը («Հայցվորներ») կրկին դիմել էին Ստոկհոլմի առևտրային պալատի արբիտրաժային ինստիտուտի արբիտրաժային կանոնների ներքո նշանակված Արտակարգ Արբիտրին (Emergency Arbitrator)՝ պահանջելով լրացնել Արտակարգ Արբիտրի՝ ս.թ. հուլիսի 22-ի արբիտրաժային վճիռը EA 2025/121 գործի շրջանակներում հետևյալ բովանդակությամբ. 1. Հայտարարել, […] ...
17:00 04.08.2025
Երևանի քաղաքապետարանի հասարակական կարգի պահպանության ծառայության աշխատակիցները շրջայց են իրականացրել հանրային տրանսպորտումԱյսօր Երևանի քաղաքապետարանի հասարակական կարգի պահպանության ծառայության աշխատակիցները շրջայց են իրականացրել հանրային տրանսպորտում: Քաղաքացիների հետ տարվել են բացատրական աշխատանքներ՝ չվճարելու դեպքում հնարավոր հետևանքների մասին։ Մասնավորապես, ուղևորներին նախազգուշացվել է վարչական իրավախախտումների վերաբերյալ օրենսգրքի 137.9-րդ հոդվածի 3 մասերով նախատեսված տուգանքների վերաբերյալ։ Ծառայության աշխատակիցները հորդորել են բոլոր ուղևորներին կատարել ուղեվարձի վճարումները՝ Երևանի ավագանու սահմանած ձևաչափերով։ «Այսուհետ հանրային տրանսպորտում […] ...
