12:08 22.08.2018
Շիրակի մարզի առաջին ատյանի դատարանում շարունակվել է գերեզմանի անարգման գործով դատավարությունը։ Հիշեցնենք` քրեական այս գործով կա 4 ամբաստանյալ, նրանցից մեկը՝ Մկրտիչ Մելքոնյանը, մեղադրվում է Հակոբյանների ընտանեկան գերեզմանը վաճառելու մեջ։ Իսկ մյուս 3-ը մեղադրվում են Հենրիկ Հակոբյանի դին թիվ 2 գերեզմանատնից հանելու և մասնատված վիճակում անհայտ ուղղությամբ տեղափոխելու համար։ Դատավարությունը վկաների քննության փուլում է: Հերթական դատական նիստին ցուցմունք է տվել 2 վկա:
Գործով վկա Ռաֆիկ Աբգարյանը հանգուցյալ Հենրիկ Հակոբյանի բարեկամն է։ Անցած տարի հենց նա է հանգուցյալի աղջիկների հետ գերեզմաններ այցելել ու պարզել, որ Հակոբյանների ընտանեկան գերեզմանոցում այլ մարդ է թաղված։ «Հավերժ հիշատակ» ընկերության նախկին տնօրեն Կոստիկ Ավետիսյանից ինքն է փորձել պարզել, թե ինչու է առանց ընտանիքի գիտության նոր հուղարկավորություն կատարվել և ով է թաղված իրենց գերեզմանոցում։ Տնօրենը, ըստ վկայի, շարունակ փորձել է դա թաքցնել։ Հակոբյանները հետո պարզել են, որ իրենց գերեզմանատանը թաղված է Շիրակի մարզի նախկին դատախազ Կարեն Շահբազյանի մայրը:
Վկա Ռաֆիկ Աբգարյանը նշեց այն ամենն, ինչ իրեն էր հայտնի: Ըստ նրա՝ վերահուղարկավորման առաջարկ եղել է միայն բողոք ներկայացնելուց հետո: Վերահուղարկավորման գործընթացի ժամանակ էլ պարզել են, որ բետոնապատված գերեզմանից հանվել է Հենրիկ Հակոբյանի դին ու տեղափոխվել անհայտ ուղղությամբ:
Հաջորդ վկան, թիվ 1 գերեզմանատան նախկին վերակացու Բաբիկ Սարգսյանի որդին էր՝ Գառնիկ Սարգսյանը։ Նա պատմեց, որ իրեն կանչել է «Հավերժ հիշատակ» ընկերության նախկին տնօրենն ու հայտնել, որ շտապ պետք է հանգուցյալի վերահուղարկավորում կատարել։ Վկան գերեզմանատան աշխատակից չի եղել, պարզապես օգնել է հիվանդ հոր գործերն անել: Գառնիկ Սարգսյանը հայտնեց, որ ամբաստանյալ Մկրտիչ Մելքոնյանից 450 դոլար գումար պետք է ստանար։ Թե դա ինչ գումար էր՝ վկան նշեց, թե տեղյակ չէ։ Հոր մահից հետո գումարը չի ստացել: Իսկ վերահուղարկավորման համար ընդամենը պարագաներն ու գերեզմանատան բանվորներին է տեղափոխել։ Դատավարությունը կշարունակվի 1 ամսից։ Որպես վկա՝ հաջորդ դատական նիստին հարցաքննվելու է «Հավերժ հիշատակ» ընկերության նախկին տնօրեն Կոստիկ Ավետիսյանը։
19:17 02.08.2025
Ադրբեջանը սկսել է գազի մատակարարումը Սիրիա՝ Թուրքիայի միջոցովԱդրբեջանական կողմը սկսել է բնական գազ մատակարարել Սիրիային Թուրքիայի միջոցով, «ՌԻԱ Նովոստի»-ին հայտնել են Ադրբեջանի էկոնոմիկայի նախարարության մամուլի ծառայությունից։ «Կայացել է Քիլիս-Հալեպ սահմանային խողովակաշարի գործարկման արարողությունը, որը կապահովի ադրբեջանական գազի տեղափոխումը Սիրիա Թուրքիայի միջոցով։ Արարողությունը տեղի է ունեցել Թուրքիայի Քիլիս նահանգի Յավուզլու գյուղում՝ Ադրբեջանի էկոնոմիկայի նախարար Միքայիլ Ջաբարովի, Թուրքիայի էներգետիկայի և բնական պաշարների նախարար Ալփարսլան […] ...
19:05 02.08.2025
Հայկ Մուսախանյանը՝ ԲԱՏԷ-ի ֆուտբոլիստՀայկ Մուսախանյանը համալրել է ԲԱՏԷ-ի կազմը։ Այս մասին հայտնում է բելառուսական ակումբի մամուլի ծառայությունը: Կողմերը կնքել են կես տարվա պայմանագիր, որի ժամկետը կսպառվի 2026 թվականի հունվարի 1-ին: 27-ամյա Մուսախանյանը 2025 թվականի հունվարին միացել էր «Ալաշկերտին», որի կազմում մասնակցել է 12 հանդիպման: Նոր թիմում Հայկ Մուսախանյանը կխաղա «6» համարի մարզաշապիկով: ...
18:58 02.08.2025
ՀԱՄԱՍ-ը հաստատել է, որ զենքը վայր չի դնի, քանի դեռ Իսրայելը շարունակում է օկուպացիանՊաղեստինյան ՀԱՄԱՍ շարժումը հաստատել է, որ չի զինաթափվի քանի դեռ իսրայելական օկուպացիան շարունակվում է և պաղեստինցի ժողովրդի իրավունքները լիովին վերականգնված չեն։ Այս մասին ասվում է շարժման պաշտոնական Telegram ալիքում հրապարակված հայտարարության մեջ՝ կապված «որոշ լրատվամիջոցների կողմից ԱՄՆ նախագահի հատուկ դեսպան Սթիվեն Ուիթքոֆին հղում անելով ՀԱՄԱՍ-ի կողմից զենքը վայր դնելու պատրաստակամության մասին հաղորդագրությունների» հետ։ «Մենք կրկին […] ...
18:47 02.08.2025
Ուկրաինայի ՊՆ-ը ավելի քան 190 միլիոն դոլար է հատկացրել երկրի զինված ուժերին անօդաչու համակարգերի տրամադրման համարՈւկրաինայի պաշտպանության նախարարությունը 8 միլիարդ գրիվնա (191,8 միլիոն դոլար) է հատկացրել «Անօդաչու թռչող սարքերի գիծ» նախագծում ներգրավված զորամասերի անհետաձգելի կարիքների համար։ Այս մասին հայտնել է պաշտպանության նախարար Դենիս Շմիգալը։ «Մենք ավելացնում ենք ուկրաինական անօդաչու թռչող սարքերի մեջ ներդրումները և ամրապնդում պաշտպանական ուժերը։ Գերագույն գլխավոր հրամանատարի շտաբի որոշման համաձայն՝ Պաշտպանության նախարարությունը հաստատել է ուկրաինական բանակի կարիքների […] ...
18:36 02.08.2025
Ո՞վ իդեալական մրցակից կլինի Ծառուկյանի համարԱրման Ծառուկյանի մենեջեր Սայաթ Աբդրահմանովը նշել է, թե ով իդեալական մրցակից կլինի UFC-ի առաջատար հայ մարտիկի համար, հաղորդում է Sport24-ը: «Իդեալական մրցակիցը կամ Ջասթին Գեյջին է, կամ Փեդի Փիմբլեթը։ Բայց նրանք երկուսն էլ հրապարակավ հայտարարել են, որ չեն ցանկանում մենամարտել Արմանի հետ, ինչպես Տոպուրիան։ Սա շատ բան է ասում։ Նրանք հասկանում են Արմանի մակարդակը, հասկանում […] ...
18:28 02.08.2025
Թուրքիան հայտարարել է, որ արտահերթ նախագահական ընտրությունների օրակարգ չկաԹուրքիայի իշխող «Արդարություն և զարգացում» կուսակցությունը (Ակ Փարթի) «ՌԻԱ Նովոստի»-ին հայտնել է, որ 2027 թվականին հնարավոր արտահերթ նախագահական ընտրությունների օրակարգ չկա։ Թուրքիայի տրանսպորտի և ենթակառուցվածքների նախարար Աբդուլքադիր Ուրալօղլուն նախկինում թույլատրել էր հանրապետությունում նախագահական ընտրություններ անցկացնել 2027 թվականին։ «Նման օրակարգ չկա», -«ՌԻԱ Նովոստի»-ին ասել են կուսակցությունից, երբ խնդրել են մեկնաբանել 2027 թվականին արտահերթ նախագահական ընտրությունների հավանականությունը։ ...
