16:59 05.05.2023
ՀՀ բարձր տեխնոլոգիական արդյունաբերության նախարարի առաջին տեղակալ Գևորգ Մանթաշյանը մայիսի 2-3-ն աշխատանքային այցով գտնվել է Ժնևում և մասնակցել Համաշխարհային տնտեսական ֆորումի «Growth Summit 2023» գագաթաժողովին:
Գագաթաժողովի ընթացքում, բազում հանդիպումներին զուգահեռ, Գևորգ Մանթաշյանը մասնակցել է «Growth Hotspots: Harnessing the Generative AI Revolution» (Աճի թեժ կետեր. Օգտագործելով գեներատիվ արհեստական բանականության հեղափոխությունը) թեմայով պանելային քննարկմանը, որի ընթացքում անդրադարձ է կատարվել արհեստական բանականության դերին հասարակության կյանքի կազմակերպման, ներազդման վտանգների և կարգավորումների կարևորության տեսանկյունից: Բանախոսները ընդգծել են նաև արհեստական բանականության ուրույն դերն արդյունաբերության մեջ, ընդգծել տարբեր կազմակերպությունների կողմից պատասխանատու կիրառության կարևորությունը:
Իր ելույթում Գևորգ Մանթաշյանը ընդգծել է գեներատիվ արհեստական բանականության կիրառման, հնարավորությունների ու մարտահրավերների վերաբերյալ Հայաստանի մոտեցումները։
«Որպես կառավարություն մենք պարտավոր ենք ապահովել և՛ տեխնոլոգիաների զարգացումը, և՛ հասարակության անվտանգությունը: Ներկայումս մենք ուսումնասիրում ենք, թե հանրությունը որքանով է պատրաստ կիրառել տեխնոլոգիական նոր գործիքները: Արհեստական բանականության բազմաթիվ կիրառությունները ցույց են տալիս, որ այն տնտեսական զարգացման ու տեխնոլոգիական առաջընթացի կարևորագույն գործիք է: Սակայն ցանկացած գործիք սխալ կիրառելու դեպքում կարող է վնասակար լինել, և այս առումով շատ կարևոր են էթիկայի արժեքներով շարժվելը և ոլորտային կանոնակարգումները»,- նշել է Գևորգ Մանթաշյանը:
Աշխատանքային այցի շրջանակներում նախարարի առաջին տեղակալը հանդիպումներ է ունեցել նաև տարբեր պետությունների պատվիրակությունների ներկայացուցիչների և միջազգային գործընկերների հետ և քննարկել է բարձր տեխնոլոգիաների ոլորտում համագործակցության օրակարգի ընդլայնմանն առնչվող հարցեր:
«Աշխատատեղեր և հնարավորություններ բոլորի համար» խորագրի ներքո անցկացվող ֆորումը միավորել էր 450 համաշխարհային առաջնորդների՝ տարբեր պետությունների կառավարություններից, ակադեմիական և գործարար շրջանակներից, քաղաքացիական հասարակությունից ու միջազգային կազմակերպություններից՝ քննարկելու համաշխարհային տնտեսության առաջնային խնդիրները, նպաստելու տնտեսական համագործակցության նոր մեխանիզմների ձևավորմանը:
23:59 03.08.2025
«Երևան» երիտասարդական նվագախումբը ներկայացրել է Հայաստանը Բեռլինի «Կոնցերտհաուս» համերգասրահում«Երևան» երիտասարդական նվագախումբը՝ մաեստրո Սերգեյ Սմբատյանի ղեկավարությամբ ներկայացրեց Հայաստանը և Երևանը Բեռլինի «Կոնցերտհաուս» համերգասրահում՝ «Երիտասարդ եվրոպական դասականներ» փառատոնում: Այս մասին ֆեյսբուքյան իր էջում գրել է Երևանի քաղաքապետ Տիգրան Ավինյանը: «Նվագախումբը ստեղծվել և ամբողջությամբ աջակցություն է ստանում Երևանի քաղաքապետարանի կողմից, և մեր քաղաքը կանգնած է այս հաջողության հիմքում՝ սկսած գաղափարի ծնունդից մինչև բեմ դուրս գալու իրական […] ...
23:41 03.08.2025
Սպիտակ քաղաքի և Լեռնանցք բնակավայրի մի շարք հասցեներում փորձարկվելու են էլեկտրական շչակներՕգոստոսի 4-ին՝ ժամը 10:00-ից մինչև 17:00-ն ընկած ժամանակահատվածում, Լոռու մարզի Սպիտակ քաղաքի և Լեռնանցք բնակավայրի մի շարք հասցեներում փորձարկվելու են էլեկտրական շչակներ: Փրկարար ծառայությունից խնդրում են չանհանգստանալ։ ...
23:28 03.08.2025
Երևանում կայացավ համաշխարհային փոփ աստղ Ջենիֆեր Լոպեսի մենահամերգըԵրևանում կայացել է համաշխարհային փոփ աստղ Ջենիֆեր Լոպեսի մենահամերգը, որը տեղի է ունեցել Վազգեն Սարգսյանի անվան հանրապետական մարզադաշտում։ Այս մասին տեղեկացնում են ԿԳՄՍ նախարարությունից: Լոպեսը երևանյան հանդիսատեսին ներկայացրել է հին ու սիրված հիթերը, ինչպես նաև իր վերջին ալբոմի նոր ստեղծագործությունները՝ պարային կատարումներով և հատուկ լուսաձայնային էֆեկտների ուղեկցությամբ։ Ի թիվս բազմահազար հանդիսատեսի՝ համաշխարհային աստղի երևանյան համերգին […] ...
23:20 03.08.2025
Հրդեհ Լուկաշին գյուղում․ կանխվել է հրդեհի տարածումը դեպի մեղվի փեթակներՕգոստոսի 3-ին` ժամը 16:52-ին, Ճգնաժամային կառավարման ազգային կենտրոն ահազանգ է ստացվել, որ Արմավիրի մարզի Լուկաշին գյուղի Անդրանիկի փողոցում այրվում է մեղվանոց։ Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատներից երկու մարտական հաշվարկ։ Պարզվել է, որ հրդեհը բռնկվել է չբնակեցված քարե շինությունում (մոտ 30 քմ)։ Հրդեհը մեկուսացվել է՝ ժամը 17:15-ին, մարվել՝ 18:39-ին: Այրվել […] ...
23:10 03.08.2025
Ավստրալիայում առատ ձյուն է տեղացելԱվելի քան 40 տարվա ընթացքում Ավստրալիայում առաջին անգամ առատ ձյուն է տեղացել: Ձյան առատ տեղումները հազվադեպ են Ավստրալիայի համար: Ձյունը քաոս է առաջացրել մի շարք շրջաններում՝ էլեկտրաէներգիայի անջատումներ, ճանապարհներին բազմաթիվ վթարներ։ Փրկարարական ծառայությունները խնդրում են բնակչությանը զերծ մնալ տեղաշարժվելուց մերկասառույցի և փոթորկային քամիների պատճառով։ ...
23:00 03.08.2025
Իրանը պլանավորում է եռապատկել Պակիստանի հետ առևտուրըԻրանը պլանավորում է եռապատկել Պակիստանի հետ իր առևտուրը՝ 3 միլիարդ դոլարից հասցնելով 10 միլիարդ դոլարի, հայտարարել է Իրանի նախագահ Մասուդ Փեզեշքիանը։ Կիրակի օրը Փեզեշքիանը Պակիստան կատարած այցի ընթացքում հանդիպել է Պակիստանի վարչապետ Շահբազ Շարիֆի հետ։ «Բարեբախտաբար, կան լուրջ համատեղ ջանքեր՝ բոլոր ոլորտներում հարաբերությունները խորացնելու և համագործակցությունը ընդլայնելու համար։ Ես խորապես համոզված եմ, որ մենք կկարողանանք […] ...
