21:09 08.05.2023
Թուրքիայում նախագահական ու խորհրդարանական ընրություններին մնացել է 6 օր: Ստամբուլում երեկ տեղի է ունեցել Ռեջափ Թայիփ Էրդողանի ընտրական շտաբի կազմակերպած՝ պատմության մեջ ամենամեծ հանրահավաքը:
Որո՞նք են եղել Էրդողանի հնչեցրած գլխավոր թեզերը, ի՞նչ պատկեր են արձանագրում վերջին սոցհարցումները և ինչպե՞ս են տրամադրված քվեարկել Թուրքիայի տարբեր էթնիկ համայնքները:
Թեմայի շուրջ «Հորիզոնի» տաղավարում մանրամասներ է ներկայացրել Արտյոմ Երկանյանը։
«Որքան մոտ է ընտրությունների օրը, այդքան ավելի քիչ են բանավեճերում օգտագործում քաղաքական և գաղափարական փաստարկները, և ավելի շատ դիմում են կենցաղային, ես կասեի՝ վուլգար գործիքներին: Այս հանրահավաքի ժամանակ Էրդողանի գլխավոր երեք փաստարկներն իր ընդդիմախոսի դեմ հետևյալն էին.
Առաջին փաստարկն այն է, թե իբր Քըլըչդարօղլուն պաշտպանում է սեռական փոքրամասնությունների ներկայացուցիչներին: Էրդողանը հայտարարել է՝ մեջբերում եմ. «մենք կթաղենք նրանց, ովքեր ԼԳԲՏ համայնքին են աջակցում ընտրական տուփերում»:
2-րդ փաստարկն այն է, թե իբր Քըլըչդարօղլուն հարբեցող է և որ ժողովուրդը թույլ չի տա հարբեցողներին բեմահարթակ դուրս գալ։
«Պարոն Քեմալ, դուք կարող եք դույլերով խմել, ձեզ միևնույն է չեն բուժի, բայց ժողովուրդը ձեր պատասխանը կտա մայիսի 14-ին»,-ասել է Էրդողանը:
Եվ 3-րդ փաստարկը, թե իբր Քըլըչդարօղլուին սատարում են քրդական բանվորական կուսակցության գրոհայինները, կրկին մեջբերում. «մենք թույլ չենք տա, որ Քըլչդարօղլուն, ում աջակցում են ահաբեկիչները, կիսի մեր երկիրը մաս-մաս»:
Օրենքի համաձայն՝ քվեարկությունից 10 օր առաջ արգելում են հրապարակել սոցհարցումների արդյունքները, որպեսզի դրանք ազդեցություն չունենան մարդկային հոգեբանության վրա, բայց հրապարակված վերջին սոցհարցումների համաձայն՝ ճնշող մեծամասնությամբ Քըլըչդարօղլուն ավելի մեծ շանսեր ուներ հաղթելու՝ անգամ 55%-ից բարձր: Եվ գրեթե բոլոր սոցհարցումների արդյունքում 2-րդ փուլն անխուսափելի է:
Դե եթե օրենքն արգելում է սոցիոլոգներին այս օրերին իրենց վերլուծությունների արդյունքները հրապարակել, ապա բուքմեյքերներին օրենքը չի արգելում շարունակել իրենց աշխատանքը և հրապարակել խաղադրույքների արդյունքները։ Եվ ահա այդ արդյունքների համաձայն, պարզվում է, որ խաղադրույք անողների 57%-ը համարում է, որ Քըլըչդարօղլուն հաղթելու է »,- ասել է Արտյոմ Երկանյանը:
Մանրամասները՝ ամբողջական հարցազրույցում:
08:24 01.05.2025
Երկրաշարժ Գավառ քաղաքից 13 կմ հարավ-արևելքՄայիսի 1-ին` տեղական ժամանակով ժամը 07:47-ին (Գրինվիչի ժամանակով` ժամը 03։47-ին) ՀՀ ՆԳՆ Սեյսմիկ պաշտպանության տարածքային ծառայության սեյսմոլոգիական ցանցի կողմից գրանցվել է հյուսիսային լայնության 40.25⁰ և արևելյան երկայնության 45․20⁰ աշխարհագրական կոորդինատներով Հայաստան՝ Գավառ քաղաքից 13 կմ հարավ-արևելք, օջախի 10 կմ խորությամբ 2․8 մագնիտուդով երկրաշարժ։ Էպիկենտրոնային գոտում ստորգետնյա ցնցման ուժգնությունը կազմել է 3-4 բալ: Երկրաշարժը զգացվել է […] ...
08:13 01.05.2025
ՀՀ տարածքում ավտոճանապարհները հիմնականում անցանելի ենՓրկարար ծառայությունը տեղեկացնում է, որ ՀՀ տարածքում ավտոճանապարհները հիմնականում անցանելի են։ Փակ է Արագածոտնի մարզում «Ամբերդ» բարձր լեռնային օդերևութաբանական կայանից Քարի լիճ ավտոճանապարհը։ ...
08:05 01.05.2025
«Ինտերը» շատ ուժեղ թիմ է պաշտպանությունում, դա նրանց գլխավոր զենքն է․ Յամալ«Բարսելոնայի» իսպանացի հարձակվող Լամին Յամալը խոսել է Չեմպիոնների լիգայի կիսաեզրափակչի՝ Միլանի «Ինտերի» դեմ առաջիկա հանդիպման մասին. «Մեծ ոգևորությամբ ենք մոտենում այս դիմակայությանը և անհամբեր սպասում ենք առաջին խաղին «Ինտերի» հետ։ Սա իմ կարիերայի առաջին կիսաեզրափակիչն է Չեմպիոնների լիգայում։ «Ինտերը» շատ ուժեղ թիմ է պաշտպանությունում։ Դա նրանց գլխավոր զենքն է։ Նրանք նաև հիանալի հակագրոհում են։ Բայց […] ...
08:00 01.05.2025
ՃՏՊ` Նալբանդյան փողոցի և Սայաթ-Նովա պողոտայի խաչմերուկում․ կա երկու տուժածՄայիսի 1-ին, ժամը 01:13-ին Ճգնաժամային կառավարման ազգային կենտրոն ահազանգ է ստացվել, որ Երևան քաղաքի Նալբանդյան փողոցի և Սայաթ-Նովա պողոտայի խաչմերուկում տեղի է ունեցել ՃՏՊ․ կա երկու տուժած։ Դեպքի վայր է մեկնել ՆԳՆ ՓԾ Երևան քաղաքի փրկարարական վարչության հրշեջ-փրկարարական ջոկատից մեկ մարտական հաշվարկ: Պարզվել է, որ բախվել են «Toyota» և «Hyundai» մակնիշների ավտոմեքենաները: Փրկարարները հոսանքազրկել են […] ...
00:00 01.05.2025
Պատվաստանյութերը տարեկան փրկում են միլիոնավոր կյանքեր և օգնում են նվազեցնել հիվանդացությունըԱռողջապահության նախարարությունից հայտնել են, որ իմունականխարգելմանն ու իմունաբանությանը նվիրված իրազեկման միջոցառումներն առիթ են կրկին հիշեցնելու պատվաստման կարևորության մասին, որ մեզանից յուրաքանչյուրի առողջությունը մեր ընդհանուր պատասխանատվությունն է։ Իմունաբանությունն ուսումնասիրում է օրգանիզմի պաշտպանական մեխանիզմները վարակիչ հիվանդությունների, չարորակ նորագոյացությունների և այլ խանգարումների դեմ։ Իմունիզացիայի շնորհիվ` մարդկությունը կարողացել է հաղթահարել մահացու հիվանդություններից ջրծաղիկը, զգալիորեն նվազեցնել կարմրուկից, պոլիոմիելիտից և այլ […] ...
23:59 30.04.2025
Ստեփանծմինդա-Լարս ավտոճանապարհը բաց էՎրաստանի ՆԳՆ ԱԻ դեպարտամենտից և ՌԴ ԱԻՆ Հյուսիսային Օսիայի ճգնաժամային կառավարման կենտրոնից ստացված տեղեկատվության համաձայն՝ Ստեփանծմինդա-Լարս ավտոճանապարհը բաց է բոլոր տեսակի տրանսպորտային միջոցների համար։ ...
