21:39 09.05.2023
Նոր զարգացումներ է ստանում Իրանի ադրբեջանցի անջատողականներին Իսրայելի աջակցության շուրջ սկանդալային պատմությունը: Բաքվում խիստ դժգոհ են, որ պաշտոնական Երուսաղեմը հրաժարվել է աջակցել «Հարավային Ադրբեջան» հիպոթետիկ պետության ստեղծմանը:
«Հորիզոնի» տաղավարում Արտյոմ Երկանյանը թեմայի շուրջ մանրամասներ հայտնելով՝ հիշեցրել է թե ինչ էր պատահել և ինչպես է այս ամենն առնչվում մեր շահերին:
«Մոտ երկու շաբաթ առաջ Իսրայելի խորհրդարանի տարբեր խմբակցություններ, այդ թվում՝ իշխանամետ 32 պատգամավորներ, պաշտոնական նամակով դիմել էին երկրի արտգործնախարար Էլի Քոհենին՝ կոչ անելով պաշտպանել Իրանի հյուսիսում ապրող ադրբեջանցի անջատողականների շարժմանը և նրանց օգնել՝ անկախ ադրբեջանական 2-րդ պետություն ստեղծելու գործում:
Նամակում ասվում էր, որ եթե «Հարավային Ադրբեջան» նոր պետություն ձևավորվի, Իսրայելը տարածաշրջանում նոր, հավատարիմ դաշնակից ձեռք կբերի: Այս ամենին հետևեց պաշտոնական Թեհրանի շատ խիստ գնահատականը, որակեցին դա ներքին գործերի միջամտության փորձ, բայց անսպասելին այն էր, որ նույնքան խիստ արձագանքեցին նաև իրանական ընդդիմադիրները:
Դե, իհարկե, նման հիպոթետիկ պետության ստեղծումը չէր կարող բխել Հայաստանի շահերից. որպես հաջորդ քայլ՝ անգամ խոսում էին նաև այն մասին, որ կարող է ձևավորվել վտարանդի ադրբեջանցիների անջատողական կառավարություն, որը կտեղաբաշխվեր և կգործեր հենց Թելավիվում կամ Երուսաղեմում:
Եթե այդպիսի նախագծին Իսրայելի իշխանությունների կողմից նման ընթացք տրվեր, կարող էր հետագայում իրատեսական դառնալ նոր ու լուրջ ալիքը, որը որևէ կերպ չէր կարող բխել մեր շահերից, քանի որ արդյունքում կձևավորվեր մի ուժ, որը կտարանջատեր Հայաստանը Իրանից և անգամ առանց «Զանգեզուրի միջանցք» կոչվածի, ադրբեջանցիները կհասնեին իրենց ուզածին, այսինքն՝ անջատել Հայասատանն Իրանից»,-ասել է Արտյոմ Երկանյանը:
Կարո՞ղ ենք ենթադրել, որ Իսրաելը այլևս չի սատարելու ադրբեջանցի անջատողականներին: Մանրամասները՝ ամբողջական հարցազրույցում:
18:30 01.05.2025
Եվրոպական ժողովրդական կուսակցության կոնգրեսը Հայաստանի վերաբերյալ հրատապ բանաձև է ընդունելՎալենսիայում ընթացող Եվրոպական ժողովրդական կուսակցության կոնգրեսը Հայաստանի վերաբերյալ հրատապ բանաձև է ընդունել: Եվրոպական խորհրդարանի պատգամավոր, Հայաստանի հարցով զեկուցող Միրիամ Լեքսմանը իր ելույթում նշել է, որ ԵԺԿ-ն ցանկանում է հաստատակամորեն աջակցել Հայաստանին ու կանգնել Հայաստանի կողքին՝ իր աշխարհաքաղաքական պայմանների և ուղղվածության պատմական շրջադարձի ժամանակ։ «Մենք ցանկանում ենք աջակցել հայ ժողովրդի ցանկությանը՝ ամրապնդելու օրենքի գերակայությունը և ժողովրդավարությունը […] ...
18:20 01.05.2025
Այն, ինչ անում է Յամալը, նորմալ չէ․ Թիերի ԱնրիՖրանսիայի հավաքականի և Լոնդոնի «Արսենալի» լեգենդար ֆուտբոլիստ Թիերի Անրին տպավորված է «Բարսելոնայի» հարձակվող Լամին Յամալի խաղով: «Այն, ինչ տեսա Յամալի կատարմամբ, նորմալ չէ: Նորմալ չէ, երբ այդպիսի բաներ ես անում 17 տարեկանում: Նրա հանգստությունը, խաղադաշտը տեսնելը և պրեսինգն ապշեցնում են: Ֆուտբոլը միշտ զարմացնում է. երբ մտածում ես, թե ոչ մեկը չի կարող Մեսսիից ու Ռոնալդուից […] ...
18:11 01.05.2025
Մայիսի 1-ը Հայաստանում. տո՞ն, արձակո՞ւրդ, թե՞ հիշեցում իրավունքների մասինԱշխատանքի և աշխատավորների միջազգային օրվա կապակցությամբ Հայաստանի արհմիությունների կոնֆեդերացիան կազմակերպել էր «Արժանապատիվ աշխատանք» խորագրով երթ: Երթը մեկնարկել է մայրաքաղաքի Աբովյան պուրակից և հասել մինչև Հանրապետության հրապարակ: Մանրամասները՝ ռեպորտաժում: ...
17:54 01.05.2025
Ռուսաստան-ԱՄՆ բանակցությունները շարունակվում են. Մայք ՈւոլցՈւկրաինական կարգավորման շուրջ ԱՄՆ-Ռուսաստան բանակցային գործընթացն առաջընթաց է ապրում, Վաշինգտոնը կարծում է, որ համաձայնությունը դեռ հնարավոր է։ Այս մասին Fox News հեռուստաալիքի եթերում հայտարարել է ԱՄՆ ազգային անվտանգության հարցերով խորհրդական Մայք Ուոլցը։ «Գործընթացը առաջ է գնում: Երբեմն այն արտահայտվում է վերելքներով և վայրէջքներով»,- ասել է նա՝ պատասխանելով այն հարցին, թե արդյոք ԱՄՆ վարչակազմը վերանայում է […] ...
17:44 01.05.2025
Մայիսի 3-ին նախատեսված ԱՄՆ-Իրան բանակցությունների չորրորդ փուլը կարող է չկայանալ. AxiosՄայիսի 3-ին Հռոմում նախատեսված Իսլամական Հանրապետության միջուկային ծրագրի շուրջ ամերիկա-իրանական խորհրդակցությունների հերթական փուլը կարող է հետաձգվել։ Այս մասին հայտնում է Axios-ի թղթակից Բարաք Ռավիդը։ «ԱՄՆ-Իրան բանակցությունների չորրորդ փուլը, որը պետք է կայանար այս շաբաթ օրը՝ Հռոմում, հավանաբար կհետաձգվի մինչև հաջորդ շաբաթ», – գրել է Ռավիդը X-ում, փոխանցում է ՏԱՍՍ-ը: ...
