13:08 14.03.2018
Այսօր քննարկման է ներկայացվել Քրեական նոր օրենսգրքի նախագիծը: 2015-ից Հայաստանում ԵԽ և ԵՄ աջակցությամբ իրականացվում է «Աջակցություն Հայաստանում քրեական արդարադատության համակարգում բարեփոխումներին և պայքար վատ վերաբերմունքի ու անպատժելիության դեմ» ծրագիրը, որի նպատակն է բարեփոխել Հայաստանի քրեական ոլորտը: Անհրաժեշտությունը, ըստ Արդարադատության նախարար Դավիթ Հարությունյանի կար, քանի որ գործող Քրեական օրենսգիրքը մշակվել էր առանց հստակ հայեցակարգի և ԱՊՀ-ի և ռուսական քրեական օրենսգրքերի հիբրիդ էր:
«Հիբրիդները միշտ չէ, որ հաջող են լինում, և այդ հիբրիդն էլ հաջողներից չէր: Դա է պատճառը, որ այս տարիների ընթացքում օրենսգրքում 100-ից ավելի փոփոխություններ են կատարվել: Հաճախ այդ փոփոխությունները կատարվել են՝ հաշվի չառնելով օրենսգրքի տրամաբանությունը, սակայն այն ժամանակ դա քայլ էր առաջ: Որոշ դեպքերում էլ փոփոխություները կատարվել էին լեզվական անճշտությունների արդյունքում՝ նորմը դարձնելով անկիրառելի»,- ասաց Դավիթ Հարությունյանը:
Ըստ նախարարի՝ լուրջ թերություններ կային նաև պատժի համակարգում: Պատիժը ծայրահեղ սահմանափակ էր, և հաճախ դատարանները, փորձելով խուսափել ազատազրկումից, կիրառում էին մեկ այլ գործիք՝ պատիժը պայմանականորեն չկիրառելը, որի գործարկման մեխանիզմը ևս պատշաճ զարգացած չէր: Արդյունքում անհրաժեշտություն եղավ նոր հայեցակարգի մշակման:
«Քայլ արվեց այս ուղղությամբ: Նոր հայեցակարգն անդրադարձ կատարեց հարցերի ավելի լայն շրջանակի, մասնավորապես, թե ինչ է հանցանքը և դրա տեսակները, քրեական պատասխանատվության ենթակա անձանց ավելի հստակ սահմանումը տրվեց, սահմանվեցին մեղքը և դրա ձևերը, հանցագործությունների փուլերը, հանցակցությունը, անչափահասների կողմից կատարված հանցագործությունների դեպքում պատժի մշակման ձևերի և այլնի մասով մշակվեց նոր հայեցակարգ: 2.5 տարի առաջ կառավարությունը հավանություն տվեց, և սկսվեցին օրենքի մշակումները»,- նշեց նախարարը:
Օրենքի նախագծի շուրջ տարբեր քննարկումներ են եղել միջազգային փորձագետների մասնակցությամբ, և դեռ շարունակվում են: Նպատակը մեկն է՝ օրենսգիրքը համաձայնեցնել Մարդու իրավունքների եվրոպական կոնվենցիային և մարդու իրավունքների դատարանի նախադեպային որոշումներին: Դավիթ Հարությունյանը նշեց, որ օրենքը կարծրացած չէ և չեն ձգտում այնպիսի իդեալի, որը ենթակա չէ փոփոխության: Քրեական իրավունքում նման իդեալի հասնելը հնարավոր չէ:
«Աշխատանք մշտապես արվելու է և այսօր քաղաքացիական հասարակությունից էլ պատրաստ ենք լսել առաջարկություններ ու քննարկել դրանք: E-draft.am կայքում էլ բազմաթիվ աառաջարկներ եղել են: Դրանք եթակա են քննարկման»,- հավելեց նախարարը:
Կլոր սեղան-քննարկմանը ներկա Հելսինկյան կոմիտեի նախագահ Ավետիք Իշխանյանը երկու հարց բարձրացրեց՝ մեկը ցմահ ազատազրկման տարիքի շեմը 18-ից 21 դարձնելու հարցն էր, մյուսը քրեական օրենսգրքի նախագծում առկա փոփոխությանն էր վերաբերում: Մասնավորապես «Ահաբեկչությանը սատարելը կամ դրա մասին դրական խոսելու մասին» հոդվածն Ավետիք Իշխանյանը «հեղհեղուկ» որակեց:
23:43 30.04.2025
Փարպի գյուղում բեռնատարը տապալել էր գազախողովակը, վարորդը դիմել էր փախուստիԱպրիլի 30-ին, արտակարգ իրավիճակ է ստեղծվել Արագածոտնի մարզում։ Ժամը 18։40-ի սահմաններում Երևան-Վանաձոր M3 ավտոճանապարհին՝ Փարպի գյուղի վարչական տարածքում բեռնատար ավտոմեքենան բախվել է գազատար խողովակին, ինչի հետևանքով այն ընկել է և ամբողջությամբ փակել ճանապարհի երթևեկելի գոտին։ Ինչպես հայտնում է shamshyan.com-ը, բեռնատարի վարորդը դեպքի վայրից դիմել է փախուստի։ Մինչ գազի աշխատակիցները վթարն էին վերականգնում, պարեկները՝ գումարտակի հրամանատար […] ...
23:34 30.04.2025
«Ռեալը» պատրաստվում է թոփ տրանսֆերիՄադրիդի «Ռեալի» նախագահ Ֆլորենտինո Պերեսը որոշում է կայացրել ամառային տրանսֆերային պատուհանի ընթացքում կենտրոնանալ «Արսենալի» ֆրանսիացի պաշտպան Ուիլյամ Սալիբայի ձեռքբերման վրա։ Այս մասին հայտնում է Marca-ն։ Հենց Սալիբան է համարվում ակումբի գլխավոր տրանսֆերային թիրախը առաջիկա ամռանը։ 24-ամյա խաղացողը «Արսենալում» հանդես է գալիս 2019 թվականից։ Ընթացիկ մրցաշրջանում նա մասնակցել է 46 հանդիպման բոլոր մրցաշարերում և դարձել 2 […] ...
23:23 30.04.2025
ՃՏՊ Երևան քաղաքի Ռուբինյանց փողոցում․ կան տուժածներԱպրիլի 30-ին, ժամը 18:09-ին Ճգնաժամային կառավարման ազգային կենտրոն ահազանգ է ստացվել, որ Երևան քաղաքի Ռուբինյանց փողոցում տեղի է ունեցել ՃՏՊ, կա տուժած. անհրաժեշտ է փրկարարների օգնությունը։ Դեպքի վայր է մեկնել ՆԳՆ ՓԾ Երևան քաղաքի փրկարարական վարչության հրշեջ-փրկարարական ջոկատից մեկ մարտական հաշվարկ: Պարզվել է, որ բախվել են «Kia», «Porsche», «Kia» և «Hyundai» մակնիշների ավտոմեքենաները։ Մինչ փրկարարների […] ...
23:12 30.04.2025
Ժամերի ընթացքում կարող է պատերազմ սկսվել Պակիստանի և Հնդկաստանի միջև․ ինչպիսի՞ն կլինի Հայաստանի դիրքորոշումըԵրկու միջուկային գերտերությունների միջև աճող ուժային առճակատումը սպառնում է ողջ մոլորակի կայունությանը: Պակիստանի տեղեկատվության նախարար Աթաուլլա Թարարը հայտարարել է, որ կան հետախուզական հավաստի տվյալներ, որոնք ապացուցում են, որ մոտակա 24 ժամվա ընթացքում Հնդկաստանի զինուժը անցնելու է լայնածավալ հարձակման ու պատերազմն անխուսափելի է: Նրա խոսքերով, Պակիստանը պատրաստ է արժանի հակահարված տալ: Թեմային՝ «Հորիզոնի» տաղավարում անդրադարձել է […] ...
22:55 30.04.2025
«Լիվերպուլը» դեմ չէ իր աստղին վաճառել «Ռեալին»Մադրիդի «Ռեալը» շարունակում է լրջորեն հետաքրքրվել «Լիվերպուլի» արգենտինացի կիսապաշտպան Ալեքսիս Մակ Ալիստերի ծառայություններով։ Ակումբը պատրաստ է բաց թողնել արգենտինացի ֆուտբոլիստին, եթե ստանա 100 միլիոն եվրոյի առաջարկ։ Նշվում է, որ «Ռեալը» բարձր է գնահատում Մակ Ալիստերի խաղային որակները, սակայն պահանջվող գումարը համարում է չափազանց բարձր։ Ընթացիկ մրցաշրջանում 26-ամյա կիսապաշտպանը «Լիվերպուլի» կազմում մասնակցել է 47 հանդիպման՝ դառնալով […] ...
22:42 30.04.2025
Կոտայքի մարզում «Mitsubishi Pickup»-ը բախվել է «Mercedes ML 350»-ին, ինչի հետևանքով վերջինը հայտնվել է զառիթափ լանջին և բախվել հաստաբուն ծառինԱպրիլի 30-ին, ավտովթար է տեղի ունեցել Կոտայքի մարզում։ Ժամը 11։25-ի սահմաններում Քանաքեռավան գյուղում, ժողովրդին հայտնի «Կորեայի ձոր»-ում Երևանի բնակիչ 40-ամյա Գոռ Վ․-ն իր վարած «Mitsubishi Pickup» մակնիշի ավտոմեքենայով բախվել է կայանված վիճակում գտնվող «Mercedes ML 350» մակնիշի ավտոմեքենային, ինչի հետևանքով վերջինը հայտնվել է զառիթափ լանջին և բախվել ծառին։ Ինչպես հայտնում է shamshyan.com-ը, վթարի հետևանքով, ըստ […] ...
