13:50 14.03.2018
«Քրեական օրենսգրքի իրավակիրառման պրակտիկայում ունենք մի շարք խնդիրներ: Հաճախ արվում էին փոփոխություններ, որոնք ավելի էին խորացնում եղած հակասությունները, որոնք անձի իրավունքի տեսանկյունից ստեղծում են խնդիրներ: Օրինակ` պատժից վաղաժամկետ ազատման համակարգը»,- այս մասին այսօր Քրեական նոր օրենսգրքի քննարկման ժամանակ ասաց ՀՀ Մարդու իրավունքների պաշտպան Արման Թաթոյանը:
Նրա խոսքով՝ պայմանական վաղաժամկետ ազատման համակարգը շարունակ ենթարկվել է փոփոխությունների, բայց այդպես էլ չի հաջողվել ունենալ լիարժեք արդյունավետ համակարգ և հասնել նրան, որ համակարգը երկրում գործի պատշաճ հիմունքով: Այս առումով Քրեական օրենսգիրքն ունի կարևոր դերակատարություն բոլոր հիմքերի ստեղծման ու պայմանների սահմանման առումով:
«Կարևոր սկզբունք կա. երբ անձը հայտնվում է ՔԿՀ-ում, առաջին օրից պետք է աշխատանքներ տարվեն նրան ազատ արձակման նախապատրաստելու համար: Անթույլատրելի է, երբ պետությունը այդ աշխատանքը չի կատարում և մեկ էլ պայմանական վաղաժամկետ ազատման հարցը քննարկելիս որոշում է կայացնում, որ նա պատրաստ չէ վաղաժամկետ ազատման»,- նշեց Արման Թաթոյանը:
Մարդու իրավունքների պաշտպանը նաև կարևորեց ազատազրկված անձի ընտանիքի հետ ամուր կապերը՝ նշելով, որ պետք է սոցիալ-հոգեբանական աշխատանքներ տարվեն: ՄԻՊ-ի կողմից մշակվել է օրենսդրական մի մեծ փաթեթ, որտեղ առաջարկվում է ընտանքիի հետ կապի առումով բարեփոխել գրեթե ողջ օրենսդրական համակարգը:
«Առաջարկում ենք մի մոտեցում, համաձայն որի՝ նախաքննության փաստը չի կարող հիմք դառնալ ընտանիքի հետ կապը սահմանափակելու համար: Դա անընդհատ պետք է վերանայել: Այսօր քննիչը սահմանափակում է և վերջ, վերանայման ենթակա չէ: Մենք առաջարկում ենք դատական ու դատախազական վերահսկողություն իրականացնել, իսկ Քրեական օրենսգիրքը պետք է ստեղծի պայմանական վաղաժամկետ ազատման հիմքերը, հստակ նշի ճկուն համակարգը»,- ասաց Արման Թաթոյանը:
Մարդու իրավունքների պաշտպանը նաև թերի է գնահատել պատժի համակարգը՝ նշելով, որ ազատազրկումը պետք է լինի որպես բացառիկ ու ոչ թե գլխավոր միջոց: Այս հարցերը ևս մշակվող զեկույցում են ներառվելու:
«Քրեական օրենսգրքում կան պատժի տեսակներ, կան նաև ազատությունից չզրկող պատժատեսակներ, սակայն դրանց համակարգը ճկուն և արդյունավետ չէ: Երբ դատական պրակտիկան ուսումնասիրում ենք, հասկանում ենք, որ ունենք փոփոխությունների կարիք: Պրոբացիայի շրջանակը պետք է մեծացնել: Այն պետք է լինի գլխավոր ինստիտուտներից մեկը, որը կապահովի նշված խնդիրների լուծումը»,- վստահ է Արման Թաթոյանը:
Անդրադառնալով խոշտանգումներին՝ նա նշեց, որ հոդվածի ձևակերպումը օրենսգրքում առկա է, և ձևակերպումը համապատասխանում է միջազգային չափանիշներին:
13:48 02.08.2025
Ինդոնեզիայում ժայթքել է Լևոտոբի Լակի-Լակի հրաբուխըԻնդոնեզիայում կրկին ժայթքել է Լևոտոբի Լակի-Լակի հրաբուխը: Նախորդ օրը տեղի է ունեցել առաջին ժայթքումը, գրանցվել է լավայի արտանետում, մոխրի սյունը հասել է մինչև 10 կմ-ի: Մի քանի ժամ անց տեղի է ունեցել երկրորդ ժայթքումը՝ մոխրի սյան բարձրությունը հասցնելով 18 կմ-ի: Շրջանում գրանցվել են ստորգետնյա ցնցումներ։ Հրաբխի ժայթքման վայրից մինչև 5 կմ հեռավորության վրա հայտնաբերվել են […] ...
13:35 02.08.2025
Անահիտ Մանասյանն այցելել է Պաշտպանի աշխատակազմի Լոռու մարզային ստորաբաժանման գրասենյակՄարդու իրավունքների պաշտպան Անահիտ Մանասյանն աշխատակազմի ներկայացուցիչների ուղեկցությամբ օգոստոսի 1-ին այցելել է Պաշտպանի աշխատակազմի Լոռու մարզային ստորաբաժանման գրասենյակ: Քննարկվել են աշխատանքային մի շարք հարցեր, այդ թվում՝ մարզային ստորաբաժանման աշխատանքի մեթոդաբանության կատարելագործման առնչությամբ: Լոռու մարզ իրականացված այցի շրջանակներում Պաշտպանի ներկայացուցիչներն այցելել են ՀՀ արդարադատության նախարարության «Վանաձոր» քրեակատարողական հիմնարկ: Տեղի են ունեցել առանձնազրույցներ ազատությունից զրկված անձանց հետ: […] ...
13:14 02.08.2025
Տեխնոլոգիական էկոհամակարգի զարգացման ռազմավարական ուղիները. Forbes ամսագրում հրապարակվել է Մխիթար Հայրապետյանի հոդվածըՕգոստոսի 1-ին հեղինակավոր Forbes ամսագրում հրապարակվել է ՀՀ բարձր տեխնոլոգիական արդյունաբերության նախարար Մխիթար Հայրապետյանի հեղինակած հոդվածը, որը ներկայացնում է զարգացող կիսահաղորդչային և արհեստական բանականության հաբեր մուտք գործելու կարևորությունն ու ռազմավարական ուղիները։ Հոդվածում Մխիթար Հայրապետյանը խորը վերլուծությամբ ներկայացնում է այն մարտահրավերներն ու հնարավորությունները, որոնք ծառանում են զարգացող երկրներում տեխնոլոգիական ներդրումների իրականացման ճանապարհին։ Ըստ նախարարի՝ ներդրումային որոշումներ […] ...
13:00 02.08.2025
Սելարայանի գեղեցիկ գոլն ու «Բելգրանոյի» հաղթանակը․ Արգենտինայի գավաթԱրգենտինայի գավաթի խաղարկության 1/8 եզրափակչում «Բելգրանոն» 2-0 հաշվով հաղթել է «Ինդեպենդյենտեին»։ «Բելգրանոյից» ամբողջ հանդիպմանը մասնակցել է թիմ ավագ, Հայաստանի ազգային հավաքականի կիսապաշտպան Լուկաս Սելարայանը, որը նաև գեղեցիկ գոլի հեղինակ է դարձել 71-րդ րոպեին։ Սելարայանը ճանաչվել է հանդիպման լավագույն ֆուտբոլիստ։ Սելարայանի թիմը դուրս է եկել քառորդ եզրափակիչ, որտեղ կմրցի «Աթլետիկո Տուկուման» – «Նյուելս Օլդ Բոյս» զույգի […] ...
12:49 02.08.2025
Արմավիրի համայնքային ոստիկաններին տեսնելով` երիտասարդը դիմեց փախուստի. նրա ձեռքին եղած կիսաչոր կանեփը կշռում էր մոտ 12 կիլոգրամՀամայնքային ոստիկանության Արմավիրի բաժնում ստացվել էր օպերատիվ տեղեկություն, որ Արևիկ գյուղի բնակչ 53-ամյա մի տղամարդ հողամասում աճեցնում է կանեփ ու նաև ապօրինի պահում է թմրամիջոց։ Տեղեկությունը ստուգվեց հուլիսի 30-ին: Մինչ համայնքային ոստիկանները կհասնեին սեփականաշնորհված հողամաս` ճանապարհին նկատեցին մի երիտասարդի, որը կանեփի բույսեր ձեռքին վազում էր։ Ժամը 14.35-ին նա ձերբակալվեց և տեղափոխվեց բաժին: Պարզվեց, որ փախչողը […] ...
12:40 02.08.2025
Երևանի քրեական ոստիկանները հայտնաբերել են հետախուզվողի․ խափանման միջոցը կալանքՔրեական ոստիկանության Երևան քաղաքի վարչության մարդու դեմ ուղղված հանցագործությունների դեմ պայքարի բաժնի ծառայողները հետախուզվողի թաքնվելու վայրի վերաբերյալ ստացած օպերատիվ տեղեկությունն իրացրին հուլիսի 31-ի առավոտյան: Ժամը 10-ին Կոմիտասի պողոտայում հայտնաբերվեց և վարչություն տեղափոխվեց մայրաքաղաքի Մամիկոնյանց փողոցի բնակիչ 40-ամյա տղամարդ։ Նա հուլիսի 23-ից հետախուզվում էր զենքի կամ նախապես պատրաստված կամ հարմարեցված առարկայի գործադրմամբ առողջությանը ծանր վնաս պատճառելու […] ...
