15:59 14.09.2023
ՀՀ բարձր տեխնոլոգիական արդյունաբերության նախարարի առաջին տեղակալ Գևորգ Մանթաշյանը սեպտեմբերի 13-ին ընդունել է Հայաստանի Հանրապետությունում Ղազախստանի Հանրապետության արտակարգ և լիազոր դեսպան Բոլատ Իմանբաևին:
Հանդիպման ընթացքում քննարկվել են տեխնոլոգիական ոլորտում հայ-ղազախական հարաբերությունների հետագա զարգացման հնարավորությունները:
Գևորգ Մանթաշյանը դեսպան Իմանբաևին և Ղազախստանի դեսպանության նորանշանակ խորհրդական Ալիխան Ահմեդովին ներկայացրել է ՀՀ բարձր տեխնոլոգիական արդյունաբերության նախարարության գործառույթները, նախարարության կողմից համակարգվող ոլորտները, իրականացվող ծրագրերը և առաջնահերթ ուղղությունները, ինչպես նաև՝ Հայաստանում ՏՏ ընկերությունների գործունեության համար ստեղծված պայմանները:
Նախարարի առաջին տեղակալն առանձնակի ընդգծել է 2023 թ. ապրիլի 28-ին Երևանում գումարված Հայ-ղազախական տնտեսական համագործակցության միջկառավարական հանձնաժողովի 9-րդ նիստի դրական ազդեցությունը երկկողմ փոխգործակցության զարգացման վրա:
Նա նշել է հայկական կողմի հետաքրքրությունը՝ համագործակցություն ձևավորելու Հայաստանի փոստային կապի ազգային օպերատոր «ՀայՓոստ» ընկերության և Ղազախստանի փոստային կապի ազգային օպերատոր «ԿազՓոստ» ընկերության միջև: Գևորգ Մանթաշյանը, որպես հաջող համագործակցության օրինակ, մանրամասներ է ներկայացրել նաև «Astana Hub» միջազգային տեխնոպարկի հետ շարունակվող ակտիվ գործակցության մասին:
Բոլատ Իմանբաևը փոխանցել է Ղազախստանի Հանրապետության նախագահ Կասիմ-Ժոմարտ Տոկաևի ուղերձի տեքստը, որում ներկայացված է Ղազախստանի տնտեսական զարգացման և իրականացվող բարեփոխումների ծրագիրը: Այս համատեքստում նա ներկայացրել է վիճակագրական որոշ տվյալներ Ղազախստանում տեխնոլոգիական ոլորտի զարգացման վերաբերյալ՝ նշելով, որ ՏՏ ծառայությունների արտահանման ծավալները 2022 թ. աճել են 5 անգամ, իսկ մինչև տարվա վերջ այդ ցուցանիշը կարող է հասնել 500 մլն դոլարի:
Հանդիպման ընթացքում անդրադարձ է եղել նաև պետական համակարգի թվայնացման և ստարտափ էկոհամակարգի զարգացման ոլորտներում փորձի փոխանակման անհրաժեշտությանը: Նշվել է բարձր տեխնոլոգիաների և տիեզերական ոլորտներում համագործակցության մեծ ներուժի մասին։ Կողմերը պայմանավորվել են շարունակել սերտ շփումները նախանշված ուղղություններով համագործակցությունը զարգացնելու նպատակով:
20:36 01.05.2025
Իրանը կշարունակի ԱՄՆ-ի հետ արդյունքների հասնելուն ուղղված բանակցություններըԻրանը կշարունակի վճռականորեն մասնակցել Միացյալ Նահանգների հետ արդյունքների վրա կենտրոնացած բանակցություններին՝ իր միջուկային ծրագրի շուրջ տարաձայնությունները լուծելու համար։ Այս մասին նշվում է Իսլամական Հանրապետության արտաքին գործերի նախարարության հայտարարության մեջ, որը տարածվել է երկխոսության հաջորդ փուլը հետաձգելու որոշումից հետո։ «Բանակցությունների հենց սկզբից իրանական պատվիրակությունը բարեխղճորեն ուրվագծել է հստակ շրջանակ, որը հիմնված է մեր երկրի սկզբունքային դիրքորոշումների […] ...
20:14 01.05.2025
Բաղրամյան գյուղում թոնրատուն է այրվելՄայիսի 1-ին, ժամը 17:50-ին Արարատի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Բաղրամյան գյուղի Հակոբյան փողոցում այրվում է թոնրատուն։ Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից երկու մարտական հաշվարկ: Հրդեհը մեկուսացվել է ժամը 18։07-ին, մարվել՝ 18։26-ին: Այրվել են թոնրատունը (20 քմ), կենցաղային իրեր և հարակից խորդանոցի տանիքի փայտե […] ...
19:51 01.05.2025
Արթուր Սերոբյանի գեղեցիկ գոլը «Շերիֆի» կազմումՄոլդովայի գավաթի խաղարկության կիսաեզրափակչի առաջին խաղում Տիրասպոլի «Շերիֆը» մրցակցի դաշտում 2-1 հաշվով հաղթել է «Զիմբրուին»։ Հյուրերի մեկնարկային կազմում էր Հայաստանի ազգային հավաքականի կիսապաշտպան Արթուր Սերոբյանը, որը 22-րդ րոպեին հեռվից գեղեցիկ հարվածով խփել է իր թիմի երկրորդ գոլը։ Կողմերի պատասխան հանդիպումը կկայանա մայիսի 14-ին։ View this post on Instagram A post shared by FC […] ...
19:36 01.05.2025
Իսրայելական անօդաչու թռչող սարքը Լիբանանի տարածքում մեքենայի է հարվածելԻսրայելական անօդաչու թռչող սարքը Լիբանանի Մայս ալ-Ջաբալ և Բլիդա գյուղերի միջև ընկած տարածքում հարվածել է մարդատար մեքենայի, ինչի հետևանքով զոհվել է երեք մարդ, հայտնում է «ՌԻԱ Նովոստի»-ի թղթակիցը: «Անօդաչու թռչող սարքը կառավարվող հրթիռ է օգտագործել երկու բնակավայրի միջև ընկած մայրուղով երթևեկող բեռնատարին հարվածելու համար։ Հարվածից զոհվել է մեկ լիբանանցի և երկու սիրիացի։ Տրանսպորտային միջոցն ամբողջությամբ […] ...
19:17 01.05.2025
Ուոլցը հրաժարական է տվել Թրամփի ազգային անվտանգության հարցերով խորհրդականի պաշտոնից. Fox NewsՄայք Ուոլցը հրաժարական է տվել Թրամփի ազգային անվտանգության հարցերով խորհրդականի պաշտոնից, հայտնում է Fox News-ը, փոխանցում է ՏԱՍՍ-ը: Ավելի վաղ X սոցիալական ցանցում Politico-ն գրել էր, որ ԱՄՆ նախագահ Դոնալդ Թրամփի հատուկ բանագնաց Սթիվեն Վիթքոֆը ԱՄՆ առաջնորդի ազգային անվտանգության հարցերով խորհրդականի պաշտոնում Մայք Ուոլցին փոխարինելու առաջատար թեկնածուն է: ...
