13:52 03.11.2023
Վերջին տարիների համեմատ այս տարի «ՀՀ 2024 թվականի երիտասարդական մայրաքաղաք» մրցույթի նկատմամբ աննախադեպ ակտիվություն է նկատվել. մրցույթին մասնակցելու հայտ է ներկայացրել 5 քաղաք՝ Աբովյանը, Ալավերդին, Էջմիածինը, Վեդին և Գավառը։
Նախորդ տարիներին ՀՀ երիտասարդական մայրաքաղաք ճանաչված քաղաքներում իրականացված աշխատանքները, քաղաքների կողմից սահմանված նոր նշաձողերը, ծրագրի հանրահռչակման և տեսանելիության բարձրացմանն ուղղված աշխատանքները, ըստ ամենայնի, տվել են իրենց պտուղները՝ մեծացնելով քաղաքների կողմից հետաքրքրությունը մրցույթի նկատմամբ։
Այս տարի մրցույթի կանոնակարգը լրամշակվել է. ամբողջությամբ վերանայվել են փորձագիտական գնահատման չափանիշները։ Բացի դրանից՝ եթե նախորդ տարիներին հայտերի գնահատումն իրականացվում էր երկու բաղադրիչի հաշվառմամբ՝ փորձագիտական ընդհանուր գնահատում և կարճ հաղորդագրությամբ SMS քվեարկություն, ապա այս տարի, ըստ նոր մշակված կանոնակարգի, այն իրականացվում է 3 բաղադրիչի հաշվառմամբ՝ համայնքի/քաղաքի կարողությունների փորձագիտական գնահատում, հայտի ծրագրի փորձագիտական գնահատում և կարճ հաղորդագրությամբ SMS քվեարկություն։ Ընդ որում՝ նշված երեք բաղադրիչների համար սահմանվել են տեսակարար կշիռներ՝ վերջական գնահատական ձևավորելիս։ Փորձագիտական գնահատման չափանիշները մշակելիս կիրառվել է երիտասարդության դրական զարգացման մեթոդաբանությունը։
Յուրաքանչյուր տարի մրցույթի կազմակերպման և անցկացման աշխատանքների իրականացման համար ստեղծվում են մրցութային հանձնաժողով և փորձագիտական գնահատման խումբ։
Մրցույթն անցկացվում է հետևյալ փուլերով՝
հայտի ընդունում և գնահատում հանձնաժողովի կողմից՝ սահմանված պահանջներին համապատասխանելու կամ չհամապատասխանելու վերաբերյալ,
հայտի փորձագիտական գնահատում խմբի կողմից` տեղում ուսումնասիրությունների միջոցով,
ՀՀ բնակչության կողմից կարճ հաղորդագրությամբ SMS քվեարկություն,
մրցույթի արդյունքների ամփոփում և հաջորդ տարվա «Հայաստանի Հանրապետության տարվա երիտասարդական մայրաքաղաքի» հռչակում:
Համաձայն մրցույթի կանոնակարգի՝ փորձագիտական գնահատման խումբն իրականացնում է մրցույթին հայտ ներկայացրած քաղաքների փորձագիտական գնահատում՝ տեղում այցելությունների միջոցով։
Հոկտեմբերի 25-ից նոյեմբերի 2-ն ընկած ժամանակահատվածում իրականացվել են փորձագիտական այցելություններ հայտատու քաղաքներ, որոնց ընթացքում տեղի են ունեցել հանդիպումներ համայնքների ղեկավարների, ավագանիների անդամների, համայնքապետարանների երիտասարդությանն առնչվող պատասխանատուների, կրթական հաստատությունների ղեկավարի կազմերի, ուսանողական խորհուրդների ներկայացուցիչների, կամավորների հետ։ Այցերի ընթացքում ներկայացվել են քաղաքներում իրականացվող երիտասարդական ծրագրերը, կազմակերպությունները, ենթակառուցվածքները, երիտասարդության հետ կապված կրթական, մշակութային, ժամանցային միջոցառումները և այլն։
Փորձագիտական այցելություններին հաջորդելու է կարճ հաղորդագրությամբ SMS քվեարկության փուլը, որը կմեկնարկի հաջորդ շաբաթվանից և հնարավորություն կտրվի բոլորին՝ անկախ բնակավայրից, իրենց ձայնը տալու նախընտրելի քաղաքին։
23:26 03.05.2025
Երևանում «Volkswagen ID.4»-ը բախվել է կայանված «BMW»-ին
00:00 04.05.2025
Տիգրան Սողոմոնյանը «Sardinia World Chess Festival 2025» շախմատի միջազգային մրցաշարի B խմբի հաղթողՏիգրան Սողոմոնյանը դարձավ Իտալիայում անցկացված «Sardinia World Chess Festival 2025» շախմատի միջազգային մրցաշարի B խմբի հաղթող։ Այս մասին հայտնել են Հայաստանի շախմատի ֆեդերացիայից։ Տիգրանը 9 հնարավորից վաստակեց 7.5 միավոր և 188 կետով բարելավեց իր միջազգային վարկանիշը: ...
23:51 03.05.2025
Գեղարքունիքի և Կոտայքի մարզերի մի շարք հասցեներում ջուր չի լինի«Վեոլիա Ջուր» ընկերությունը տեղեկացնում է իր հաճախորդներին և սպառողներին, որ վթարի վերացման աշխատանքներով պայմանավորված՝ ս.թ. մայիսի 5-ին՝ ժամը 08:00-ից մինչև մայիսի 6-ը՝ ժամը 08:00-ն, կդադարեցվի՝ Գեղարքունիքի մարզի Սևանի քաղաքի, Գագարինավան, Վարսեր գյուղերի, ինչպես նաևԿոտայքի մարզի Ջրառատ գյուղի ջրամատակարարումը: Ընկերությունը հայցում է սպառողների ներողամտությունը պատճառված անհանգստության և կանխավ շնորհակալություն հայտնում ըմբռնման համար: ...
23:45 03.05.2025
Երևանում «КамАЗ»-ը բախվել է գազատար խողովակներին, ինչի հետևանքով սկսվել է գազի արտահոսքՄայիսի 3-ին, արտակարգ դեպք է տեղի ունեցել Երևանում։ Ժամը 16։50-ի սահմաններում Սուրեն Սաֆարյան և Շոպրոն փողոցների խաչմերուկում «КамАЗ» մակնիշի բեռնատարը բախվել է գազատար խողովակներին։ Ինչպես հայտնում է shamshyan.com-ը, բախման հետևանքով տուժածներ չկան, սակայն գազախողովակները վնասվել են և սկսվել է գազի արտահոսք։ Դեպքի վայր են ժամանել ՀՀ ներքին գործերի նախարարության փրկարար ծառայության Երևանի հրշեջ -փրկարարական ջոկատից՝ […] ...
23:39 03.05.2025
Telegram-ում ավելացվել է նոր գործառույթՊավել Դուրովը հայտարարել է Telegram-ում նոր գործառույթի՝ խմբային զանգերի գործարկման մասին, որի կարող է միանալ մինչև 200 մասնակից։ Այս մասին նա գրել է իր Telegram ալիքում։ «Telegram-ի վերջին թարմացումը կներդնի ուլտրա անվտանգ խմբային զանգեր։ Դրանք պաշտպանված են ոչ միայն բաժանորդների կոդավորմամբ, այլև բլոկչեյնանման տեխնոլոգիայով՝ ապահովելու համար, որ ոչ ոք չկարողանա գաղտնի կերպով միանալ դրանց», – […] ...
23:26 03.05.2025
Երևանում «Volkswagen ID.4»-ը բախվել է կայանված «BMW»-ինՄայիսի 3-ին, արտակարգ դեպք է տեղի ունեցել Երևանում: Ժամը 13:50-ի սահմաններում «Volkswagen ID.4» մակնիշի ավտոմեքենան, ըստ նախնական տեղեկությունների, տեխնիկական անսարքության պատճառով Պարույր Սևակի փողոցում բախվել է ճանապարհի թույլատրելի հատվածում կայանված «BMW» մակնիշի ավտոմեքենային, ապա անցել երթևեկելի 2 գոտիով, բախվել մեկ այլ կայանված ավտոմեքենայի, անցել բազալտե եզրաքարի վրայով, հայտնվել հետիոտնի համար նախատեսված մայթին և բախվել քարե […] ...
23:09 03.05.2025
Finnair-ը Հելսինկիում գործադուլի պատճառով չեղարկել է գրեթե 100 չվերթFinnair -ը հայտարարել է մոտ 100 չվերթի չեղարկման մասին՝ Ֆինլանդիայի ավիացիոն միության կողմից մայիսի 5-ին նախատեսված գործադուլի պատճառով։ Այս մասին հաղորդում է kommersant.ru-ն։ Ընկերության ներկայացուցիչների խոսքով՝ սպասվում են թռիչքների ժամանակացույցի զգալի փոփոխություններ։ Հելսինկիում գործադուլը կտևի չորս ժամ և կընթանա հերթափոխով։ Finnair-ը հայտարարել է, որ 7500 ուղևորի տեղեկացրել է այլընտրանքային երթուղիների մասին։ Բացի այդ, գործադուլը կարող […] ...
