Ծովինար Վարդանյանն ընտրվել է ԱԺ ֆինանսավարկային եւ բյուջետային հարցերի մշտական հանձնաժողովի նախագահ – ShantNews – Շանթ Հեռուստաընկերություն – Լուրեր – Shant TV Online
TIME
Ամսաթիվ
15 06 2025
  • $
    383.23
  • RUBLE
    4.82
  • 440.91
WEATHER
+21.09 oC

Ծովինար Վարդանյանն ընտրվել է ԱԺ ֆինանսավարկային եւ բյուջետային հարցերի մշտական հանձնաժողովի նախագահ

17:20 19.03.2024

Խորհրդարանը մարտի 19-ի նիստում քննարկել է Ազգային ժողովի ֆինանսավարկային եւ բյուջետային հարցերի մշտական հանձնաժողովի նախագահի ընտրության հարցը:

Հանձնաժողովի նախագահի պաշտոնում «Քաղաքացիական պայմանագիր» խմբակցությունն առաջադրել է Ծովինար Վարդանյանի թեկնածությունը: Հարցը քննարկվել է «ԱԺ կանոնակարգ» օրենքի 135-րդ հոդվածով սահմանված կարգով:

Թեկնածուի կենսագրությունն ու մասնագիտական գործունեությունը ներկայացրել է «Քաղաքացիական պայմանագիր» խմբակցության քարտուղար Արթուր Հովհաննիսյանը:

Հանձնաժողովի նախագահի թեկնածու Ծովինար Վարդանյանը նախ շնորհակալություն է հայտնել խմբակցությանը նման պատասխանատու պաշտոնում իր թեկնածությունն առաջադրելու համար, ապա մանրամասնել հանձնաժողովի գործունեության իր տեսլականը:

Նրա գնահատմամբ հանձնաժողովն առանցքային դերակատարում ունի օրենսդիր եւ գործադիր իշխանությունների փոխգործակցության համատեքստում, մասնավորապես այն առումով, որ գործ ունենք երկրի թիվ մեկ քաղաքական փաստաթղթի հետ: Թեկնածուի կարծիքով խորհրդարանական երկրում այս հանձնաժողովի դերակատարությունն առավելապես կարեւոր է օրենսդիր մարմնի փոխզսպումների եւ հակակշիռների մեխանիզմի գործառույթների իրականացման համատեքստում: Նա խոսել է բյուջեի կատարողականի եւ նախագծի հաստատման շրջանում այս եւ խորհրդարանական մյուս հանձնաժողովների համատեղ աշխատանքի մասին, կարեւորել ամենամյա բյուջեի մեկնարկի եւ ամփոփման միջեւ ընկած ժամանակահատվածում կատարվածը:

Որպես կարեւոր ուղղություն` Ծովինար Վարդանյանը մատնանշել է ֆինանսական ոլորտը, նշել, որ հանձնաժողովը մշակում եւ հաստատում է բանկային համակարգի օրենսդրությունը` սերտորեն համագործակցելով Կենտրոնական բանկի հետ:

«Կարեւոր է ֆինանսական կայունության պահպանման ծրագրերի ու բարեփոխումների իրականացման ճանապարհին մշտական ուշադրության տակ պահել քաղաքացիների շահերը եւ ապահովել հավասարակշռված լուծումներ: Այս առումով Ֆինանսավարկային եւ բյուջետային հարցերի մշտական հանձնաժողովն իր առանձնահատուկ դերն ունի խորհրդարանում: Սպառողների իրավունքների տեսանկյունից էական նշանակություն ունի բանկային համակարգի եւ պետական կառույցների բալանսավորված աշխատանքը, մասնավորապես, այնպիսի բարեփոխումների համատեքստում, ինչպիսիք են` կանխիկի սահմանափակումը կամ եկամուտների հայտարարագրումը»,- ընդգծել է թեկնածուն:

Օրենսդրական աշխատանքի համատեքստում պատգամավորն ընդգծել է հետօրենսդրական վերահսկողության գործիքի ակտիվ կիրառումը, հանձնաժողովի սերտ աշխատանքն ԱԺ բյուջետային գրասենյակի եւ Հաշվեքննիչ պալատի հետ:

Շնորհավորելով հանձնաժողովի նախկին նախագահ Գեւորգ Պապոյանին ՀՀ էկոնոմիկայի նախարարի պաշտոնը ստանձնելու կապակցությամբ` Ծովինար Վարդանյանը երախտագիտություն է հայտնել նրան եւ հանձնաժողովի մյուս անդամներին մինչ այս պահը կատարած աշխատանքների համար:

Թեկնածուն հանձնաժողովի աշխատանքներում ընդգծել է ներառականության ապահովման սկզբունքը, ժողովրդավարության հաստատման ճանապարհին կարեւորել ընդդիմության հետ կառուցողական աշխատաոճը, մասնագիտական քննադատությանն ականջալուր լինելն ու դրանց արդյունքում օրենքների փոփոխությունները բովանդակային առումով սրբագրված վիճակում հանրությանը ներկայացնելը:

«ԱԺ կանոնակարգ» օրենքի համաձայն` մշտական հանձնաժողովի նախագահն ընտրվում է գաղտնի քվեարկությամբ, քվեարկությանը մասնակցող պատգամավորների ձայների մեծամասնությամբ, եթե քվեարկությանը մասնակցել է պատգամավորների ընդհանուր թվի կեսից ավելին:

Քվեարկության արդյունքները ներկայացրել է ԱԺ հաշվիչ հանձնախմբի նախագահ Նարեկ Բաբայանը: 107 պատգամավորից քվեարկությանը մասնակցել է 60-ը: 59 կողմ ձայնով Ծովինար Վարդանյանն ընտրվել է հանձնաժողովի նախագահի պաշտոնում:

Բոլոր լուրերը

Կապակցված լուրեր

ԵՄ-ն կոչ է արել թույլ չտալ Իրանին միջուկային զենք ձեռք բերել

23:59 15.06.2025

ԵՄ-ն կոչ է արել թույլ չտալ Իրանին միջուկային զենք ձեռք բերել

ԵՄ արտաքին գործերի նախարար Կայա Կալասը հայտարարել է ԵՄ դիրքորոշումը, որ Իրանին չպետք է թույլատրվի ձեռք բերել միջուկային զենք: «ԵՄ-ն ուշադիր հետևում է Մերձավոր Արևելքում տիրող իրավիճակին և իր խորը մտահոգությունն է հայտնում վտանգավոր սրման վերաբերյալ, որը սպառնում է անկայունացնել ամբողջ Մերձավոր Արևելքը։ ԵՄ-ն միշտ հստակ է եղել, որ Իրանին չպետք է թույլատրվի ձեռք բերել […] ...

Իսրայելը հարվածել է Իրանի արտաքին գործերի նախարարության շենքերից մեկին

23:30 15.06.2025

Իսրայելը հարվածել է Իրանի արտաքին գործերի նախարարության շենքերից մեկին

Իսրայելը հարվածել է Իրանի արտաքին գործերի նախարարության շենքերից մեկին, վիրավորվել են մի քանի քաղաքացիական անձինք, այդ թվում՝ դիվանագետներ, հայտարարել է Իրանի արտաքին գործերի փոխնախարար Սաիդ Խատիբզադեն։ «Իսրայելի ռեժիմը դաժան հարձակում է գործել Իրանի արտաքին գործերի նախարարության շենքերից մեկի վրա, որը գտնվում է Թեհրանում։ Այս հարձակման հետևանքով վիրավորվել են մի քանի քաղաքացիական անձինք, այդ թվում՝ իմ […] ...

Գատուզոն դարձել է Իտալիայի ֆուտբոլի ազգային հավաքականի գլխավոր մարզիչը

23:15 15.06.2025

Գատուզոն դարձել է Իտալիայի ֆուտբոլի ազգային հավաքականի գլխավոր մարզիչը

2006 թվականի աշխարհի չեմպիոն Ջենարո Գատուզոն նշանակվել է Իտալիայի ֆուտբոլի ազգային հավաքականի գլխավոր մարզիչ: Այս մասին հայտնել է ազգային հավաքականի մամուլի ծառայությունը: Ավելի վաղ Լուչիանո Սպալետին հայտարարել է Իտալիայի ազգային հավաքականի գլխավոր մարզչի պաշտոնից հեռանալու մասին, որը նա գլխավորում էր 2023 թվականից։ «Գատուզոն իտալական ֆուտբոլի խորհրդանիշ է, ազգային հավաքականի համազգեստը նրա համար երկրորդ մաշկի պես […] ...

Իրանի զինված ուժերը կոչ են արել իսրայելցիներին լքել կարևորագույն ենթակառուցվածքային օբյեկտների տարածքները

23:06 15.06.2025

Իրանի զինված ուժերը կոչ են արել իսրայելցիներին լքել կարևորագույն ենթակառուցվածքային օբյեկտների տարածքները

Իրանի զինված ուժերի խոսնակը հայտարարություն է տարածել՝ կոչ անելով իսրայելցիներին լքել կարևորագույն ենթակառուցվածքային օբյեկտների մոտ գտնվող տարածքները: «Հարվածները կուղղվեն կարևորագույն օբյեկտներին, այդ թվում՝ ռազմական և անվտանգության կենտրոններին, որոշումների կայացման կենտրոններին և հրամանատարների շտաբներին», – ընդգծել է նա Իրանի պետական ​​հեռուստատեսության եթերում։ Նշվել է, որ ստորգետնյա ապաստարանները չեն կարող համարվել հրեական պետության բնակչության համար անվտանգ վայր։ […] ...

Նեթանյահուն հայտնել է, որ ԱՄՆ-ն օգնում է Իսրայելին հետ մղել Իրանի հարձակումները

22:55 15.06.2025

Նեթանյահուն հայտնել է, որ ԱՄՆ-ն օգնում է Իսրայելին հետ մղել Իրանի հարձակումները

Միացյալ Նահանգներն օգնում է իսրայելական ուժերին՝ հետ մղելու Իրանի կողմից հրեական պետության դեմ ուղղված պատասխան հարվածները: Այս մասին հայտարարել է Իսրայելի վարչապետ Բենիամին Նեթանյահուն Fox News հեռուստաալիքին տված հարցազրույցում: «Ես խորապես շնորհակալ եմ նախագահ Թրամփի՝ Իսրայելը պաշտպանելուն օգնելու որոշման համար», – շեշտել է նա՝ պատասխանելով այն հարցին, թե արդյոք ամերիկյան կողմը հրեական պետությանը տրամադրում է […] ...

Նեթանյահուն հայտարարել է Իրանի հետախուզության ղեկավարին չեզոքացնելու մասին

22:45 15.06.2025

Նեթանյահուն հայտարարել է Իրանի հետախուզության ղեկավարին չեզոքացնելու մասին

Իսրայելի վարչապետ Բենիամին Նեթանյահուն կիրակի օրը հայտարարեց, որ Իսրայելը չեզոքացրել է Իրանի հետախուզության ղեկավարին և նրա տեղակալին։ «Կարող եմ ձեզ ասել, որ մի քանի րոպե առաջ մենք նաև հարվածեցինք Թեհրանում գտնվող հետախուզության բարձրաստիճան պաշտոնյային և նրա տեղակալին։ Մենք թիրախավորում ենք ռազմական օբյեկտներ, միջուկային օբյեկտներ», – ասել է Նեթանյահուն Fox News-ին։ Նա հավելել է, որ Իսրայելի […] ...

BACK_TO_TOP