20:07 29.03.2018
Հայաստան-Եվրամիություն համաձայնագրի գործողության հեռանկարում, ինչպես հայտնի է, Հայաստանի համար առանց վիզայի ռեժիմի սահմանումն է: Ե՞րբ դա տեղի կունենա: Ըստ քաղաքագետների՝ ժամանակի հարց է: Իսկ ի՞նչը կարող է ազդել այդ ժամանակի վրա: Կարելի՞ է արդյոք ազդեցության գործոն դիտարկել նաև հարևան երկրի փորձը: Չէ, որ Վրաստանի հետ կան որոշակի ընդհանրություններ, իսկ Եվրամիությունում այդ երկրի հետ առանց մուտքի արտոնագրային ռեժիմ սահմանելուց դժգոհ են: Վրաստանի քաղաքացիների համար առանց վիզայի ռեժիմը ուժի մեջ մտավ ուղիղ մեկ տարի առաջ, իսկ Եվրամիությունը այս ընթացքում արդեն բազմիցս է ակնարկել է այն չեղարկելու մտադրությունների մասին:
Մեկ տարվա ընթացքում Եվրոպական երկրներ առանց վիզայի մուտք գործելու իրավունքից Վրաստանում օգտվել է 192 հազար քաղաքացի: Սրանք ամենաթարմ թվյալներն են, թեև մեկ ամիս առաջ Վրաստանի ներքին գործերի նախարարը խոսում էր 220 հազարի մասին և, բնականաբար, թիվը մեկ ամսում ոչ թե պետք է 
նվազեր, այլ՝ ավելանար: Դժվար է ասել, թե ինչ կա թվային այս անհամապատասխանության տակ, սակայն ակնհայտ է, որ Վրաստանը բավականին լուրջ խնդիր ունի Եվրոպային համոզելո առանց վիզայի ռեժիմը չչեղարկել: Իսկ Եվրոպան գնալով ավելի ու ավելի հաճախ է ակնարկում այդ մասին: Հատկապես մտահոգված են Գերմանիայի իշխանությունները:
«ԵՄ տարածքում առանց վիզայի ռեժիմի կարգը խախտող և քաղաքական ապաստան խնդրող Վրաստանի քաղաքացիների թվի շեշտակի աճը կարող է հանգեցնել նրան, որ այդ ռեժիմը չեղարկվի»,- նշել է Գերմանիայի Ներքին գործերի նախարար Թոմաս Դե Մեզյերը:
Գերմանիայի ՆԳ նախարարը նշել է, որ ամեն ինչ կախված է Վրաստանից: Թբիլիսիին փոխզիջումային տարբերակ է առաջարկվել՝ առանց վիզայի ռեժիմից օգտվող քաղաքացիների նախնական էլեկտրոնային հաշվառում կատարել: Վրաստանը դեմ չէ, սակայն հակընդդեմ առաջարկ ունի Գերմանիային:
«Մենք առաջարկում ենք Գերմանիային, որպեսզի Վրաստանին շնորհի «անվտանգ երկրի» կարգավիճակ:
Այդ դեպքում Գերմանիան կարող է ավտոմատ կերպով մերժել քաղաքական ապաստան տրամադրելու մասին մեր քաղաքացիների դիմումները և անմիջապես նրանց արտաքսել Վրաստան»,- պատասխանել է Վրաստանի Ներքին գործերի նախարար Միխայիլ Ջանելիձեն:
Առանց վիզայի ռեժիմի ուժի մեջ մտնելուց արդեն 6 ամիս անց Վրաստանի շուրջ 10 հազար քաղաքացիների կողմից խախտումներ էին գրանցվել, իսկ 11 հազար մարդ ԵՄ տարածքում քաղաքական ապաստանի դիմում էր ներկայացրել: Վրաստանի պարագայում ևս մի առանձնահատկություն կա: Առանց վիզայի ռեժիմի ուժի մեջ մտնելուց հետո Եվրոպայի տարածքում զգալիորեն ավելացել է հանցավոր աշխարհի ներկայացուցիչների թիվը: Վրաստանում այս բացասական վիճակագրությունը հաշվի առնելով ակտիվանում են առանց վիզայի ռեժիմը փրկելու իշխանական ու քաղաքացիական նախաձեռնությունները: Առանց վիզայի ռեժիմը այստեղ համարվում է անկախության տարիների մեծագույն ձեռքբերումը, իսկ առաջացած խնդիրների համար ինչպես և շատ այլ հարցերում, որոշ քաղաքական շրջանակներ, մեղադրում են Ռուսաստանին: Նախագահ Մարգվելաշվիլին, օրինակ, համոզված է, որ եթե ռուսները կարող են այլ երկրներում ընտրական գործընթացներին միջամտել, ապա բարդություն չի ներկայացնում Եվրոպային համոզել, որ վրացիները միայն խնդիրներ կստեղծեն նրանց համար:
16:51 02.08.2025
Իրանի նախագահը երկօրյա այցով մեկնել է ՊակիստանՊակիստանի վարչապետի պաշտոնական հրավերով Իրանի նախագահ Մասուդ Փեզեշքիանը երկօրյա այցով մեկնել է Պակիստան: Ինչպես հայտնում է IRNA գործակալությունը, Փեզեշքիանը հանդիպումներ կունենա Պակիստանի վարչապետի, նախագահի, ինչպես նաև Ազգային ժողովի և Սենատի ղեկավարների հետ։ Այցի ընթացքում երկու երկրի պաշտոնյաները կստորագրեն մի շարք կարևոր համագործակցության փաստաթղթեր: ...
16:46 02.08.2025
Մեծ Բրիտանիայի ԱԳՆ-ն կասկածներ է հայտնել առաջիկա տարում Ուկրաինայում հակամարտության կարգավորման վերաբերյալՈւկրաինայի հակամարտությունը մեկ տարվա ընթացքում լուծելու հավանականությունը քիչ է, սակայն կողմերը կշարունակեն բանակցել, The Guardian-ին տված հարցազրույցում ասել է Մեծ Բրիտանիայի արտաքին գործերի նախարար Դեյվիդ Լամմին։ Հարցին, թե ինչպես է Լոնդոնը տեսնում Ուկրաինայում իրավիճակի զարգացումը, Մեծ Բրիտանիայի արտաքին գործերի նախարարության ղեկավարը նշել է, որ հակամարտությունը, ամենայն հավանականությամբ, չի լուծվի առաջիկա մեկ տարվա ընթացքում։ ...
16:30 02.08.2025
Սյունիքի մարզի մի շարք հասցեներում փորձարկվելու են էլեկտրական շչակներՕգոստոսի 4-ին՝ ժամը 10:00-ին, Սյունիքի մարզի Մեղրի և Ագարակ քաղաքներում, Տաշտուն, Վարդանիձոր, Լեհվազ, Կարճևան, Շվանիձոր, Վահրավար, Ալվանք, Նռնաձոր, Լիճք բնակավայրերում փորձարկվելու են էլեկտրական շչակներ։ Փրկարար ծառայությունից խնդրում են չանհանգստանալ։ ...
16:16 02.08.2025
Միակ հարվածը դարպասին ավարտվել է գոլով․ «Արսենալ»-«Տոտենհեմ» խաղի վիճակագրությունըԱնգլիական «Արսենալն» ու «Տոտենհեմը» Հոնկոնգում անցկացրել են ընկերական խաղ, որտեղ հաջողությունն ուղեկցել է Թոմաս Ֆրանկի գլխավորած թիմին՝ 1-0: Միակ գոլն առաջին կեսի ավարտին խփել է սենեգալցի Պեպե Սարը: «Արսենալը» կատարել է 16 հարված, «Տոտենհեմը»՝ 6, սակայն թիմերը դարպասին կատարել են ընդամենը մեկական հարված, «Տոտենհեմինը» եղել է արդյունավետ: Արտետայի թիմն հաջորդ ընկերական խաղում օգոստոսի 6-ին ուժերը […] ...
15:58 02.08.2025
Ժամը 15:50 դրությամբ Երևանում +41 աստիճան է. ՍուրենյանԺամը 15:50 դրությամբ Երևանում +41 աստիճան է: Այս մասին ֆեյսբուքյան իր էջում գրել է Հիդրոօդերևութաբանության և մոնիթորինգի կենտրոնի տնօրենի տեղակալ Գագիկ Սուրենյանը: ...
15:46 02.08.2025
Վեդիում բախվել են մարդատար «Գազել»-ը և «ՎԱԶ 2121»-ը․ կա տուժածԱյսօր՝ օգոստոսի 2-ին, ավտովթար է տեղի ունեցել Արարատի մարզում։ Ժամը 11։10-ի սահմաններում Վեդի քաղաքի Արարատյան փողոցում բախվել են Երևանի բնակիչ 63-ամյա Գագիկ Բ․-ի վարած «Գազել» մակնիշի և Արարատի մարզի բնակիչ 59-ամյա Ռաֆիկ Հ․-ի վարած «ՎԱԶ 2121» մակնիշի ավտոմեքենաները։ Ինչպես հայտնում է shamshyan.com-ը, վթարի հետևանքով 1 հոգի հոգի տեղափոխվել է «Վեդի» բժշկական կենտրոն։ Վթարի փաստով Վեդիի […] ...
