15:00 11.09.2018
GALLUP International association-ի Հայաստանում լիիրավ անդամ «Էմ Փի ՋԻ» ՍՊԸ-ի անցկացրած հերթական հարցման ժամանակ երևանցիները վերաբերմունք են արտահայտել նաև կուսակցությունների ու նրանց կողմից առաջադրված քաղաքապետի թեկնածուների նկատմամբ:
«Որոշ կուսակցություններ բավականին մեծ տոկոս են գրանցել «դժվարանում եմ պատասխանել» պատասխանի դեպքում, քանի որ հարցվողները տեղյակ չեն այդ կուսակցություններից և դժվարացել են վերաբերմունք արտահայտել: Այդ թվին են պատկանում «Ռեֆորմիստներ», «Հայք», «Ժողովրդավարական ուղի» կուսակցությունները, «Երևանցիներ» և «Երևանի հանրություն» կուսակցությունների դաշինքները»,- նշել է «Էմ Փի ՋԻ» ՍՊԸ-ի հետազոտական բաժնի ղեկավար Գայանե Դաջունցը:
Կուսակցություններ, որոնց նկատմամբ վերաբերմունք ունեն քաղաքացիները, հետևյալներն են.
«ԲՀԿ-ին լիովին դրական են վերաբերվում հարցվողների 42.9 տոկոսը, ավելի շուտ դրական՝ 47.3 տոկոսը: «Իմ քայլը» կուսակցությունների դաշինքի դեպքում լիովին դրական է 42 տոկոսը և ավելի շուտ դրական՝ 28.3 տոկոսը: «Լույս» կուսակցությունների դաշինք՝ լիովին դրական՝ 9.8 տոկոսը և ավելի շուտ դրական 17.7 տոկոսը»:
Հարց է հնչել նաև այն մասով, թե ինչ վերաբերմունք ունեն թեկնածուների նկատմամբ:
«Որոշ թեկնածուների վերաբերյալ դարձյալ հարցվողները դժվարացել են որևէ կերպ վերաբերմունք արտահայտել: Նաիրա Զոհրաբյանին 22.5 տոկոսը լիովին դրական է վերաբերվում, 43.6 տոկոսը՝ ավելի շուտ դրական: Արարատ Զուրաբյանին 9.6 տոկոսը լիովին դրական է վերաբերվում, 30.6 տոկոսը՝ ավելի շուտ դրական: Զարուհի Փոստանջյանին 14.6 տոկոսը լիովին դրական է վերաբերվում, 32.6 տոկոսը՝ ավելի շուտ դրական: Րաֆֆի Հովհաննիսյանին՝ 10 տոկոսը լիովին դրական է վերաբերվում, ավելի շուտ դրական՝ 35.9 տոկոսը: Հայկ Մարությանին 39.5 տոկոսը լիովին դրական և 31.9 տոկոսն ավելի շուտ դրական է վերաբերվում, իսկ Արտակ Զեյնալյանին՝ 18.8 տոկոս լիովին դրական, 27.3 տոկոսն ավելի շուտ դրական է վերաբերվում»,- ասել է Գայանե Դաջունցը:
GALLUP International association-ի Հայաստանում լիիրավ անդամ «Էմ Փի ՋԻ» ՍՊԸ-ի տնօրեն Արամ Նավասարդյանն ասուլիսի ժամանակ ուշադրություն է հրավիրել այն հանգամանքի վրա, որ եթե ՀՅԴ-ին հարցվածների 25 տոկոսը դրական է վերաբերվում, ապա ՀՅԴ-ի թեկնածուն՝ Միքայել Մանուկյանը, բավականին ցածր տոկոս է հավաքել:
«Մենք տեսանք, որ թեկնածուն բավականին քիչ ճանաչված է: Նաև ունենք այդ ցուցանիշը, որ իրենց կողմից առաջադրված թեկնածուին շատ քիչ մարդիկ են ճանաչում: Եվ հակառակ պատկերն ունենք՝ Արարատ Զուրաբյանն այստեղ ունի բավականին բարձր ռեյտինգ, մոտ 40 տոկոսը դրական վերաբերմունք ունի նրա նկատմամբ, բայց այն դաշինքը, որի կողմից նա առաջադրվել է, շատ քիչ մարդիկ են ճանաչում »,- ասել է Արամ Նավասարդյանը:
17:18 02.05.2025
Մ3 միջպետական ճանապարհի՝ Սպիտակ-Վանաձորի 11,8 կմ հատվածը հիմնանորոգվել է. վարչապետՄ3 միջպետական ճանապարհի՝ Սպիտակ-Վանաձորի 11,8 կմ հատվածը հիմնանորոգվել է: Ծրագրի իրականացման նպատակով Կառավարությունը հատկացրել է 3 մլրդ 86 մլն դրամ։ Այս մասին ֆեյսբուքյան իր էջում գրել է վարչապետ Նիկոլ Փաշինյանը և կից տեսանյութ հրապարակել: ...
17:10 02.05.2025
Կիպրոսում Հայաստանի դեսպանն իր հավատարմագրերն է հանձնել երկրի նախագահինՄայիսի 2-ին Կիպրոսի Հանրապետությունում Հայաստանի Հանրապետության արտակարգ և լիազոր դեսպան Իննա Թորգոմյանն իր հավատարմագրերն է հանձնել Կիպրոսի նախագահ Նիկոս Խրիստոդուլիդեսին։ Ողջունելով և շնորհավորելով նորանշանակ դեսպանին պաշտոնը ստանձնելու կապակցությամբ` նախագահը հաջողություն և արդյունավետ առաքելություն է մաղթել` ընդգծելով Հայաստանում և Կիպրոսում նստավայր դեսպանների նշանակման կարևորությունը` ի նպաստ երկու երկրների միջև սերտ հարաբերությունների առավել զարգացման: Նախագահ Խրիստոդուլիդեսը գոհունակությամբ […] ...
17:00 02.05.2025
38-ամյա տղամարդու մոտ թմրանյութ և դանակ է հայտնաբերվելՀամայնքային ոստիկանության Կենտրոնական բաժնի ծառայողները մայիսի 1-ին, ապօրինի թմրանյութ պահելու և օգտագործելու կասկածանքով, ձերբակալել և բաժին են տեղափոխել Երևանի բնակիչ 38-ամյա տղամարդու: Նրա անձնական խուզարկությամբ հայտնաբերվել են մենտամֆետամին տեսակի թմրամիջոցի նմանվող բյուրեղանման զանգված և դանակ: 38-ամյա տղամարդը և կազմված փաստաթղթերը ներկայացվել են նախաքննական մարմին: Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի […] ...
16:53 02.05.2025
Արդարադատության նախարարության գլխավոր քարտուղարն ու Քրեակատարողական ծառայության պետն այցելել են «Սևան» և «Աբովյան» ՔԿՀ-ներԱրդարադատության նախարարության գլխավոր քարտուղար Էդգար Հովսեփյանը և Քրեակատարողական ծառայության պետ Ծովինար Թադևոսյանն այցելել են «Սևան» և «Աբովյան» քրեակատարողական հիմնարկներ՝ տեղում ուսումնասիրելու ազատազրկված անձանց պահման ընթացիկ պայմանները, գնահատելու նախատեսվող շինվերանորոգման աշխատանքների ծավալն ու հնարավորությունները։ «Սևան» քրեակատարողական հիմնարկում Ծովինար Թադևոսյանը և Էդգար Հովսեփյանը մասնակցել են նաև ծառատունկին, հետևել են նոր վերանորոգված դասասենյակներում իրականացվող դասապրոցեսին, ճաշարանում ազատազրկված անձանցից […] ...
16:45 02.05.2025
ԱԳ նախարարի տեղակալ Ռոբերտ Աբիսողոմոնյանի ելույթը` Հայաստանի զեկույցի դիտարկմանըՀՀ ԱԳ նախարարի տեղակալ Ռոբերտ Աբիսողոմոնյանը ելույթ է ունեցել Համընդհանուր պարբերական դիտարկման աշխատանքային խմբի 49-րդ հանդիպման շրջանակներում Հայաստանի զեկույցի դիտարկմանը: «Պարո՛ն նախագահ, Հարգելի՛ պատվիրակներ, Ինձ համար մեծ պատիվ և պատասխանատվություն է գլխավորել Հայաստանի պատվիրակությունը Համընդհանուր պարբերական դիտարկման չորրորդ շրջանում։ Մենք գնահատում ենք այս հնարավորությունը՝ անդրադառնալու մեր առաջընթացին և ներկայացնելու ապագա առաջնահերթությունները կառուցողական ներգրավվածության ոգով։ Մենք […] ...
16:37 02.05.2025
Եկամուտների հայտարարագրման վերաբերյալ իրազեկման հանդիպումները կանցկացվեն նաև առցանց ձևաչափով. ՊԵԿՊետական եկամուտների կոմիտեն տեղեկացնում է, որ շարունակվում են ֆիզիկական անձանց տարեկան եկամուտների հայտարարագրման վերաբերյալ իրազեկման հանդիպումները հարկ վճարողների հետ։ Մասնավորապես, ՊԵԿ հարկ վճարողների սպասարկման վարչության ներկայացուցիչների կողմից 2025 թվականի փետրվարից Երևանում և մարզերում անվճար իրականացվում են եկամուտների հայտարարագրման վերաբերյալ իրազեկման հանդիպումներ։ Իրազեկումների նպատակն է՝ աջակցել ֆիզիկական անձանց տարեկան եկամուտների հայտարարագրման գործընթացի պատշաճ կազմակերպման հարցում, ինչպես […] ...
