19:30 26.07.2024
Ամփոփվել է ՀՀ կրթության, գիտության, մշակույթի և սպորտի նախարարության՝ սփյուռքում գործող հայկական ուսումնական հաստատություններում դասավանդող ուսուցիչների վերապատրաստման ծրագիրը, որին մասնակցել են շուրջ 60 ուսուցիչ 14 երկրից, տեղեկացնում են ԿԳՄՍՆ-ից։
«Միջոցառմանը ներկա է եղել ԿԳՄՍ նախարարի տեղակալ Արթուր Մարտիրոսյանը:
Ողջունելով ներկաներին՝ նախարարի տեղակալը նշել է, որ տարեցտարի ընդլայնվում է ծրագրի մասնակիցների աշխարհագրությունը. «Սփյուռքում կրթությամբ զբաղվելը առաքելություն է՝ ուղղված հայապահպանությանը, մարտահրավերների դիմակայմանը: Եվ այստեղ ձեր դերը շատ ենք կարևորում, որովհետև դուք պայքարի առաջնագծում եք»:
Արթուր Մարտիրոսյանն ընդգծել է, որ Հայաստանում այժմ իրականացվում են լայնածավալ բարեփոխումներ կրթական բոլոր մակարդակներում՝ ապահովելու համընդհանուր կրթության հասանելիությունն ու բարձր որակը։ Ըստ նրա’ ձեռնարկվող քայլերը միտված են Հայաստանի կրթական համակարգի մրցունակության բարձրացմանը: Անդրադառնամով սփյուռքի ծրագրերին’ նա հատկապես կարևորել է դասագրքերի տրամադրումը, ուսուցիչների վերապատրաստումը, ուսուցիչների համաժողովը, համահայկական օլիմպիադայի կազմակերպումը, համահայկական մանկապատանեկան նկարչական մրցույթը և այլն, որոնք ուղղված են սփյուռքում կրթության որակի ապահովմանը։ Որպես սփյուռքում իրականցվող ծրագրերի կարևոր նպատակադրում՝ Ա. Մարտիրոսյանը կարևորել է նաև Հայաստանի և հայկականի նկատմամբ հետաքրքրության աճի բարձրացմանը միտված ծրագրերը, օրինակ՝ Հայագիտական կենտրոնների ցանցի ընդլայնումը:
Նրա խոսքով՝ այսօր գործում է 15 հայագիտական կենտրոն 12 երկրում, և ինչպես տեղեկացրել է՝ առաջիկայում նախատեսվում է Եվրոպայի կենտրոններից մեկում անցկացնել կոնֆերանս՝ որոշակիացնելու հայագիտական ցանցային համալսարանի հեռանկարը:
Մասնակից ուսուցիչները ևս շնորհակալություն են հայտնել ծրագրին մասնակցելու հնարավորության, նոր գիտելիքով վերազինման, շարունակական ուշադրության համար և նշել, որ Հայաստանից գնում են նոր լիցքերով ու ոգևորվածությամբ։
Միջոցառման շրջանակում վերապատրաստված ուսուցիչները նախարարության կողմից ստացել են վկայագրեր:
Նշենք, որ դասընթացներին զուգահեռ՝ մասնակիցների հետ անցկացվել են նաև մի շարք հանդիպումներ, կազմակերպվել են ճանաչողական-ուսուցողական շրջայցեր:
Ծրագիրն իրականացրել է Խաչատուր Աբովյանի անվան հայկական պետական մանկավարժական համալսարանի «Սփյուռք» գիտաուսումնական կենտրոնը:
Նշենք, որ վերապատրաստման դասընթացներն իրականցվել են հուլիսի 1-ից 26-ը՝ հետևյալ 7 ծրագրով.
1. ուսուցում մանկապարտեզում,
2. ուսուցում մեկօրյա դպրոցում,
3. տարրական ուսուցում,
4. հայոց լեզվի և գրականության դասավանդում,
5. հայոց պատմություն և մշակույթի պատմություն,
6. պարարվեստ,
7. տնօրենների վերապատրաստում»,-ասված է հաղորդագրության մեջ:
14:03 25.06.2025
Կալլաս. Կանադան կարող է միանալ ԵՄ-ին, քանի որ սահմանակից է Արկտիկայի միջոցովԿանադան, չնայած այն հանգամանքին, որ Եվրոպայում չէ, կարող է միանալ Եվրամիությանը, քանի որ սահմանակից է Արկտիկայի հատվածով: Այս հայտարարությունն արել է ԵՄ դիվանագիտական ծառայության ղեկավար Կայա Կալլասը Bloomberg գործակալությանը տված հարցազրույցում ՝ Հաագայում ՆԱՏՕ-ի գագաթնաժողովի շրջանակներում, որին նա հրավիրված էր: «Գիտեք, ինձ նախկինում հարցրել են Կանադայի՝ ԵՄ-ին միանալու ցանկության մասին: Մենք ողջունում ենք մեր բոլոր […] ...
13:56 25.06.2025
Բագրատ արքեպիսկոպոս Գալստանյանը ձերբակալվել է«Սրբազան պայքար» շարժման առաջնորդ Բագրատ արքեպիսկոպոս Գալստանյանը ձերբակալվել է։ «Արմենպրես»-ի փոխանցմամբ՝ այս մասին լրագրողների հետ զրույցում հայտնել է նրա փաստաբան Սերգեյ Հարությունյանը։ Նա հայտնել է, որ դատարանի որոշմամբ իրավապահները խուզարկություն են իրականացրել Բագրատ արքեպիսկոպոս Գալստանյանի կեցավայրում, որից հետո նրան ձերբակալել են և տարել քննչական կոմիտե։ Ավելի վաղ քննչական կոմիտեն հաղորդագրություն էր տարածել՝ հայտնելով, որ «Սրբազան […] ...
13:55 25.06.2025
Սպորտում գերխոշոր՝ 4 300 000 000 եվրոյի գործարք է համաձայնեցվելՖորմուլա 1-ի ղեկավարները մեծացնում են իրենց ազդեցությունը ավտոմոտոսպորտում, հայտնում է Тhe Race-ը: Liberty Media-ն սկզբունքային համաձայնության է հասել MotoGP-ի ղեկավարների հետ՝ մոտոսպորտային սերիան գնելու հարցում: Ամերիկյան կազմակերպության գործադիր տնօրեն Դերեկ Չանգը հայտնել է, որ եվրահանձնաժողովը համաձայնություն է տվել գործարքին, որն ուժի մեջ կմտնի հունիսի 30-ից: Liberty-ն կգնի բաժնետոմսերի 84 տոկոսը Dorna Sports ընկերությունից: Սերիայի գործադիր […] ...
13:47 25.06.2025
Ռուբիո. Թրամփն ինքը կորոշի Ռուսաստանի դեմ նոր պատժամիջոցների ժամանակըԱՄՆ նախագահ Դոնալդ Թրամփն ինքը կորոշի, թե երբ և ինչ ձևով պետք է նոր պատժամիջոցներ կիրառվեն Ռուսաստանի դեմ, եթե անհրաժեշտ լինի, Politico-ին տված հարցազրույցում ասել է պետքարտուղար Մարկո Ռուբիոն։ «Թրամփը կորոշի նոր տնտեսական միջոցառումներ մտցնելու համար համապատասխան ժամանակն ու վայրը», – ասել է Ռուբիոն ՝ հավելելով, որ վարչակազմը համագործակցում է Կոնգրեսի հետ՝ այս հարցում նախագահի […] ...
13:38 25.06.2025
Հունիսի 28-30-ին Երևանում և առանձին շրջաններում սպասվում են կարճատև անձրև և ամպրոպԵրևանում հունիսի 25-ի ցերեկը, 26-27-ին սպասվում է առանց տեղումների եղանակ։ Հունիսի 28-30-ին երեկոյան ժամերին քաղաքի առանձին հատվածներում հնարավոր է կարճատև անձրև և ամպրոպ, ամպրոպի ժամանակ քամու ուժգնացում 17-20 մ/վրկ։ Մարզերում հունիսի 25-ի ցերեկը, 26-27-ին սպասվում է առանց տեղումների եղանակ։ Հունիսի 28-30-ին կեսօրից հետո առանձին շրջաններում սպասվում են կարճատև անձրև և ամպրոպ, հնարավոր է նաև կարկուտ։ […] ...
13:30 25.06.2025
«Լիոնը» որակազրկվել ու իջեցվել է Լիգա 2«Լիոնը» ֆինանսական խնդիրների պատճառով որակազրկվել ու իջեցվել է Լիգա 2։ Այս մասին հայտնում է ինսայդեր Ֆաբրիցիո Ռոմանոն։ RMC Sport-ի տեղեկություններով` որոշումը կայացրել է Ֆրանսիայի պրոֆեսիոնալ ֆուտբոլային լիգան (LFP)։ Որոշումը «Լիոնը» կարող է բողոքարկել։ L’Équipe-ի տվյալներով էլ` «Լիոնը» 505,1 մլն եվրոյի պարտք ունի։ Ակումբին մինչև 2024/25 մրցաշրջանի ավարտն իրավիճակը կարգավորելու ժամանակ էր տրվել, նաև զգուշացվել , […] ...
