01:00 15.09.2018
Գյումրիի «Կումայրի» արգելոց-թանգարանի բնակելի շենքերի պահպանությունը վտանգված է։ Երկու շաբաթ առաջ Հանեսօղլյան 22-ում փլուզվել էր երկրորդ հարկի բնակարանի կտուրը և վնասվել առաջին հարկի բնակարանի առաստաղը: Հերթական փլուզումը տեղի է ունեցել սեպտեմբերի 13-ի գիշերը: Վթարային շենքից բնակիչների տարհանման հարցը փլուզումից հետո դարձել էր հրատապ, բայց պատասխանատուները որոշել են գործընթացը հետաձգել , պատճառները փաստաթղթային են:
Վթարային շենքում հաճախակի փլուզումների հետևանքով բնակարանների հյուրասենյակները վաղուց չեն օգտագործվում, իսկ սենյակներ ու խոհանոց բնակիչները մտնում են ահ ու դողով: Առաստաղը փլվելուց հետո Գյադուկյանների տան մի սենյակը բաց երկնքի տակ է, հողակույտն էլ` սենյակի մեջտեղում:
Շենքում 18 բնակարանից 9-ի բնակիչներն են մնացել: Երկու շաբաթ առաջ տեղի ունեցած փլուզումից հետո քաղաքի գլխավոր ճարտարապետը բնակիչների անհապաղ տարհանման հարց է դրել, բայց հրատապությունը հետին պլան է մղվել , երբ սկսել են ուսումնասիրել շենքում ապրող ընտանիքների կարգավիճակներն ու եղած փաստաթղթերը:
«Մեր նախնական ուսումնասիրությունները ցույց են տվել , որ այդ շենքում կան ընտանիքներ, որոնք բնակարանի փոխհատուցում են ստացել, այսինքն` բնակարան ունեն։ Կան նաև ընտանիքներ, որոնք սեփականաշնորհել են բնակարանները, երևի ժամանակին մասնավորեցվել են ու դրա համար սեփականաշնորհել են»,-SHANTNEWS.am-ի հետ զրույցում ասել է Գյումրիի գլխավոր ճարտարապետը՝ Հենրիկ Գասպարյանը։
4-րդ` մասնակի 5-րդ աստիճանի վթարայնության շենքում ապրողներից, թե քանիսը բնակարան ունեն, բայց շարունակում են մնալ վթարայինում, գլխավոր ճարտարապետը դեռ չի հստակեցրել: Մյուս խնդիրն էլ այն է, որ խիստ վթարային շենքում բնակարանի սեփականաշնորհում է թույլ տրվել տասը տարի առաջ:
«Սեփականաշնորհումը արել են ապօրինի, հիմա այդ շենքով այլևս ոչ մի ներդրող հետաքրքված չէ, և ոչինչ չի արվում, որ շենքը վերանորոգվի, նորմալ պայմանների բերվի»,- մեր թղթակցին փոխանցել է «Կումայրի» արգելոց-թանգարանի տնօրեն Ստեփան Տեր-Մարգարյանը։
Սեփականաշնորհումը տեղի է ունեցել 2008թ., որից տեղյակ չի եղել Հենրիկ Գասպարյանը , ով այդ տարիներին ևս քաղաքի գլխավոր ճարտարապետն էր : Ի դեպ, ներկա ապրողները 88-ից հետո են բնակություն հաստատել շենքում ու տվել են բնակության համար օրդեր: Բնակարաններն անթույլատրելի սեփականաշնորհած բնակիչները հիմա հայտնվել են վտանգավոր վիճակում: Տարիների ընթացքում բնակիչներին թույլ չի տրվել տներում թեկուզ մասնակի վերանորոգումներ անել , պատճառն էլ հայտնի է ՝ Հանեսօղլյան 22 շենքը «Կումայրի» արգելոցին է պատկանում:
Շենքի ճակատագիրը նույնքան անորոշ է, որքան շենքի բնակիչների տարհանման հարցը: Փաստաթղթային ճշտումներ են կատարվում անձնագրային բաժնում ու կադաստրում, որպեսզի պարզեն ընտանիքների կարգավիճակները :
17:30 04.08.2025
Շատվանցի տղամարդը կամավոր հանձնել է ապօրինի հրազեն ու փամփուշտներՊետական պահպանության գլխավոր վարչության Սևանի պահպանության բաժնի Վարդենիսի դասակի ծառայողների բացատրական աշխատանքի շնորհիվ հուլիսի 31-ին բաժին է ներկայացել Շատվան գյուղի բնակիչ 33-ամյա տղամարդ և կամովին հանձնել մեկփողանի ողորկափող հրացան ու ինգնաձիգի 47 փամփուշտ: Նա հայտնել է, որ հանգուցյալ պապին պատկանող հրազենն ու զինամթերքը գտել է իրենց տան տանիքը մաքրելիս։ Ծանուցում. Ենթադրյալ հանցանքի մեջ կասկածվողը կամ […] ...
17:22 04.08.2025
Նորվեգիան երբեք աշխարհի չեմպիոն չի դառնա․ Հոլանդ«Մանչեսթեր Սիթիի» հարձակվող Էռլինգ Հոլանդը կարծում է, որ Նորվեգիան երբեք չի դառնա աշխարհի չեմպիոն։ Այս մասին գրում է Time-ը։ «Նորվեգիան երբեք աշխարհի չեմպիոն չի դառնա։ Եթե մենք հաղթահարենք որակավորման փուլը, դա հավասար կլինի որևէ մեծ երկրի աշխարհի չեմպիոն դառնալուն։ Պատմության մեջ ամենամեծ խնջույքը կլինի։ Օսլոյում մեծ տոնախմբություն կսկսվի»,- նշել է 25-ամյա նորվեգացին։ Նորվեգիայի ազգային հավաքականը […] ...
17:16 04.08.2025
Վարչապետի աշխատակազմն անդրադարձել է Վաշինգտոնում Փաշինյան-Ալիև հնարավոր հանդիպման մասին լուրերինՀայաստանի վարչապետի աշխատակազմն այս պահին չի կարող ո՛չ հերքել, ո՛չ էլ հաստատել Նիկոլ Փաշինյանի՝ Միացյալ Նահանգներ կատարելիք այցի մասին մամուլում և սոցիալական ցանցերում շրջանառվող տեղեկատվությունը։ «Արմենպրես»-ի հարցմանն ի պատասխան՝ այս մասին հայտնել են վարչապետի աշխատակազմի տեղեկատվության և հասարակայնության հետ կապերի վարչությունից։ «Վարչապետ Փաշինյանի ԱՄՆ կատարելիք այցի մասին մամուլում և սոցիալական ցանցերում շրջանառվող տեղեկատվությունը այս պահին […] ...
17:12 04.08.2025
Ողբերգական դեպք՝ Շիրակի մարզում. լճակում փրկարարները որոնում են ջրահեղձ եղած հովվինԱյսօր՝ օգոստոսի 4-ին, ողբերգական դեպք է տեղի ունեցել Շիրակի մարզում: Ժամը 15:50-ի սահմաններում ՀՀ ներքին գործերի նախարարության ոստիկանության քրեական ոստիկանության գլխավոր վարչության Շիրակի մարզային քրեական վարչությունում և ՀՀ ՆԳՆ ոստիկանության պարեկային ծառայության Շիրակի մարզի գումարտակում միաժամանակ օպերատիվ տեղեկություններ են ստացվել, որ Գետք գյուղում գտնվող լճակում քաղաքացի է ջրահեղձ եղել: Ինչպես հայտնում է shamshyan.com-ը, ջրահեղձ եղած […] ...
17:05 04.08.2025
Արտակարգ արբիտրը մերժել է ՀԷՑ-ի բաժնետերերի նոր պահանջներըՀՀ կառավարությունից տեղեկացնում են, որ ս.թ. հուլիսի 29-ին Liormand Holdings Limited ընկերությունը, Սամվել Կարապետյանը, Էթերի Կարապետյանը, Սարգիս Կարապետյանը և Կարեն Կարապետյանը («Հայցվորներ») կրկին դիմել էին Ստոկհոլմի առևտրային պալատի արբիտրաժային ինստիտուտի արբիտրաժային կանոնների ներքո նշանակված Արտակարգ Արբիտրին (Emergency Arbitrator)՝ պահանջելով լրացնել Արտակարգ Արբիտրի՝ ս.թ. հուլիսի 22-ի արբիտրաժային վճիռը EA 2025/121 գործի շրջանակներում հետևյալ բովանդակությամբ. 1. Հայտարարել, […] ...
17:00 04.08.2025
Երևանի քաղաքապետարանի հասարակական կարգի պահպանության ծառայության աշխատակիցները շրջայց են իրականացրել հանրային տրանսպորտումԱյսօր Երևանի քաղաքապետարանի հասարակական կարգի պահպանության ծառայության աշխատակիցները շրջայց են իրականացրել հանրային տրանսպորտում: Քաղաքացիների հետ տարվել են բացատրական աշխատանքներ՝ չվճարելու դեպքում հնարավոր հետևանքների մասին։ Մասնավորապես, ուղևորներին նախազգուշացվել է վարչական իրավախախտումների վերաբերյալ օրենսգրքի 137.9-րդ հոդվածի 3 մասերով նախատեսված տուգանքների վերաբերյալ։ Ծառայության աշխատակիցները հորդորել են բոլոր ուղևորներին կատարել ուղեվարձի վճարումները՝ Երևանի ավագանու սահմանած ձևաչափերով։ «Այսուհետ հանրային տրանսպորտում […] ...
