14:04 04.04.2018
Անկախության սկզբնական շրջանից միջազգային փորձագետների կողմից հաճախ նշվում էր, որ Հայաստանը պետք է ընտրություն կատարի տարբեր հզոր խաղացողների միջև, սակայն Հայաստանը խաղում է ոչ թե գլոբալ կամ տարածաշրջանային խաղացողների շահերի բախման, այլ նրանց շահերի համընկնման կետում։ Այս մասին այսօր Մոսկվայի անվտանգության համաժողովին հայտնեց Վիգեն Սարգսյանը։
«Ամենուր գտնվում են «բարեկամներ», որոնք լոբբիստների, կեղծ լրատվամիջոցների ու հետազոտական կենտրոնների միջոցով Արևմուտքում Հայաստանին փորձում են ներկայացնել որպես Ռուսաստանի ղեկավարությամբ գործող խամաճիկ պետություն, իսկ Ռուսաստանում՝ որպես թշնամու կողմն անցածի, որ փորձում է նստել միանգամից երկու աթոռի»,– նշել է Վիգեն Սարգսյանը։
Պաշտպանության նախարարի խոսքերով՝ բազմաբևեռ աշխարոհւմ Հայաստանի վարած բաց ու հետևողական քաղաքականությունը արդյունքներ է տալիս ու ցույց տալիս, որ Հայաստանը համագործակցում է բոլոր կողմերի հետ։ Սարգսյանը բերեց Մյունխենի անվտանգության համաժողովում Հայաստանի վերաբերյալ ասված խոսքերը, ըստ որոնց՝ Հայաստանը կարողանում է համատեղել տարբեր ինտեգրացիոն կազմակերպություններին իր անդամակցությունը։
«Լինելով ՀԱՊԿ հիմնադիր անդամ՝ Հայաստանն այս կազմակերպությունն ու Ռուսաստանի հետ երկկողմ հարաբերությունները դիտարկում է որպես իր անվտանգության ապահովման գլխավոր արտաքին գործոն։ Մենք հպարտ ենք նրանով, որ հետևողականորեն հանդես ենք եկել ու շարունակում ենք հանդես գալ ՀԱՊԿ ուժային բաղադրիչի զարգացման դիրքերից, և որ հենց Հայաստանի նախագահելու տարվա ընթացքում է Հավաքական անվտանգության խորհրդի կողմից հաստատվել մեր կազմակերպության անվտանգության ռազմավարությունը»,– նշեց Վիգեն Սարգսյանը։
Նախարարի խոսքերով՝ Հայաստանը շարունակելու է աշխատել ՀԱՊԿ օպերատիվ արձագանքման հավաքական ուժերի կարողությունների զարգացման, ինչպես նաև խաղաղապահ ուժերի կայացման համար։
«Միաժամանակ Հայաստանն արդյունավետորեն համագործակցում է ՆԱՏՕ-ի հետ՝ անհատական գործընկերության ծրագրի շրջանակներում։ Հայաստանի խաղաղապահները Լիբանանում և Մալիում ՄԱԿ-ի խաղաղապահ առաքելություններին մասնակցելու զուգահեռ, մասնակցում են նաև ՄԱԿ ԱԽ կողմից արտոնված ՆԱՏՕ-ի առաքելություններում Աֆղանստանում և Կոսովոյում»,– նշեց Վիգեն Սարգսյանը։
Պաշտպանության նախարարը հիշեցրեց, որ տնտեսական հարաբերություններում ևս Հայաստանը պահում է բոլորի հետ համագործակցելու քաղաքականությունը՝ համագործակցելով և՛ ԵՄ, և՛ ԵԱՏՄ երկրների, և՛ Իրանի, Չինաստանի, Հնդկաստանի, արաբական ու լատինաամերիկյան պետությունների հետ։
Վիգեն Սարգսյանի ելույթի ամբողջական տեսագրությունը հասանելի է ShantNews.am-ի YouTube-յան էջում։
12:50 30.04.2025
Քննարկվել է Քաջարան-Ագարակ ճանապարհի կառուցման ընթացքը«Ճանապարհային դեպարտամենտ» հիմնադրամի գործադիր տնօրեն Արկադի Չերչինյանն ընդունել է Կայունացման և զարգացման Եվրասիական հիմնադրամի պատվիրակության անդամներ Արթուր Առաքելյանին, Վասիլի Գլուխովին և Վիկտոր Պոպովին։ Հանդիպմանը մասնակցում էին Ճանապարհային դեպարտամենտի գործադիր տնօրենի տեղակալ Կարեն Բադալյանը, այլ պատասխանատուներ։ Քննարկման առանցքում Հյուսիս-հարավի Տրանշ-4-ի Քաջարան-Ագարակ 32կմ երկարությամբ ճանապարհահատվածի շինարարության հետ կապված հարցերն էին։ Քաջարան-Ագարակ ճանապարհահատվածը կառուցվում է Կայունացման և զարգացման […] ...
12:44 30.04.2025
Պետդեպարտամենտը կրկին սկսել է իր աշխատակիցներին առաջարկել կամավոր կերպով աշխատանքից ազատման հնարավորություն․ ReutersԱՄՆ Պետդեպարտամենտը կրկին սկսել է իր աշխատակիցներին առաջարկել կամավոր կերպով աշխատանքից ազատման հնարավորություն՝ փոխհատուցմամբ, հաղորդում է Reuters-ը ՝ հղում անելով իր ստացած էլեկտրոնային նամակը։ Ավելի վաղ ԱՄՆ պետքարտուղար Մարկո Ռուբիոն հայտարարել էր գերատեսչությունում աշխատանքների լայնածավալ վերակազմակերպման մասին՝ Պետդեպարտամենտը բյուրոկրատիայից ազատելու և անձնակազմը կրճատելու նպատակով։ «Մենք շարունակում ենք լսել արձագանքները և ցանկանում ենք մեր աշխատակիցներին հնարավորություն […] ...
12:39 30.04.2025
ԱՄՆ-ը ձգտում է կանխել Իրանի՝ միջուկային զենք ստանալը. ՈւոլցԱՄՆ-ը քննարկում է Իրանի միջուկային ծրագիրը սահմանափակելու բոլոր տարբերակները։ Այս մասին հայտարարել է ԱՄՆ ազգային անվտանգության հարցերով խորհրդական Մայք Ուոլցը։ «Բոլոր տարբերակները սեղանին են: Իրանը չպետք է միջուկային զենք ունենա, նախագահը (Դոնալդ Թրամփը) բացարձակ լուրջ է վերաբերվում դրան»,- ասել է Ուոլցը New York Post-ին՝ մեկնաբանելով Իրանի միջուկային օբյեկտներին հարվածելու հնարավորության մասին հայտարարությունները: Նախագահի օգնականը հույս […] ...
12:35 30.04.2025
Մայիսի 2-5-ին սպասվում է կարճատև անձրև և ամպրոպ, քամու ուժգնացումԵրևանում ապրիլի 30-ին կեսօրից հետո, մայիսի 1-ին երեկոյան, մայիսի 2-5-ին սպասվում է կարճատև անձրև և ամպրոպ, ամպրոպի ժամանակ՝ քամու ուժգնացում 15-18 մ/վ արագությամբ: Մարզերում ապրիլի 30-ի և մայիսի 1-ի ցերեկը, մայիսի 2-3-ի գիշերն առանձին շրջաններում, 2-ի և 4-ի ցերեկը, 5-ին շրջանների զգալի մասում սպասվում է կարճատև անձրև և ամպրոպ, 2-ի ցերեկն առանձին վայրերում՝ հորդառատ։ […] ...
12:24 30.04.2025
Առաջարկվող փոփոխությամբ կդյուրացվի ՀՀ-ի և Ղազախստանի միջև ավտոմոբիլային տրանսպորտով բեռնափոխադրումների գործընթացըՀայաստանի եւ Ղազախստանի միջեւ ավտոմոբիլային հաղորդակցությունը կանոնակարգվում է 2006 թվականին ստորագրված «Ավտոմոբիլային հաղորդակցության մասին» համաձայնագրով, որով հիմնականում կարգավորվում է միջպետական կանոնավոր ու ոչ կանոնավոր ուղեւորափոխադրումներն ու բեռնափոխադրումների ոլորտը: Այս մասին ասել է ՀՀ տարածքային կառավարման եւ ենթակառուցվածքների նախարարի տեղակալ Արմեն Սիմոնյանը Տնտեսական հարցերի մշտական հանձնաժողովի՝ ապրիլի 30-ի նիստում: Քննարկվել է ««ՀՀ կառավարության եւ Ղազախստանի Հանրապետության […] ...
12:20 30.04.2025
Իրանը խորհրդակցություններ կանցկացնի «եվրոեռյակի» հետ՝ ԱՄՆ-ի հետ բանակցություններից առաջԻրանը նախատեսում է խորհրդակցություններ անցկացնել «եվրոեռյակի» (Գերմանիա, Մեծ Բրիտանիա և Ֆրանսիա) հետ՝ իրանական միջուկային ծրագրի շուրջ ԱՄՆ-ի հետ բանակցություններից առաջ։ Այս մասին հայտարարել է Իսլամական Հանրապետության արտաքին գործերի նախարարության ղեկավար Աբբաս Արաղչին։ «Կարծում եմ՝ երեք եվրոպական երկրների դերը (իրանյան միջուկային ծրագրի հարցում) նվազել է նրանց կողմից որդեգրված սխալ քաղաքականության պատճառով։ Այդ պատճառով մենք պատրաստ ենք […] ...
